শুরমা ফারর খবর ছিলটি জবানে ছিলটর খবর
Related Articles
ꠟꠣꠈ ꠟꠣꠈ ꠝꠥꠍꠟ꠆ꠟꠤꠞ ꠅꠋꠡꠧ ꠉꠢꠘꠦ ꠄꠈꠛꠣꠞꠦ ꠡꠣꠘ꠆ꠔꠤ ꠚꠣꠇꠤꠞ ꠡꠦꠡ ꠅꠁꠍꠦ ꠃꠙꠝꠢꠣꠖꠦꠡꠞ ꠌꠦꠡꠐꠧ ꠛꠥꠎꠥꠞꠉꠧ ꠢꠎꠞꠔ ꠀꠟ꠆ꠟꠣꠝꠣ ꠀꠛ꠆ꠖꠥꠟ ꠟꠔꠤꠚ ꠌꠃꠗꠥꠞꠤ ꠚꠥꠟꠔꠟꠤ ꠍꠣꠢꠦꠛ ꠇꠤꠛꠟꠣꠞ ꠁꠍꠣꠟꠦ ꠍꠅꠀꠛ ꠝꠣꠢꠚꠤꠟ⁕
ꠉꠦꠟꠧ ꠛꠤꠞꠧꠡꠁꠔꠛꠣꠞ ১৫ ꠎꠣꠘꠥꠀꠞꠤ ꠛꠤꠀꠘ ১০ ꠐꠣꠔ ꠝꠣꠎꠣꠞ ꠎꠤꠀꠞꠔꠞ ꠝꠣꠁꠖ꠆ꠖꠝꠦ ꠝꠣꠢꠚꠤꠟ ꠡꠥꠞꠥ ꠅꠄ⁕
ꠄꠔꠦ ꠈꠔꠝꠦ ꠇꠥꠞꠀꠘ, ꠖꠥꠀ, ꠈꠔꠝꠦ ꠛꠥꠈꠣꠞꠤ, ꠈꠔꠝꠦ ꠈꠣꠎꠦꠉꠣꠘ,ꠖꠣꠟꠣꠁꠟꠥꠟ ꠈꠣꠄꠞꠣꠔꠦꠞ ꠈꠔꠝ,ꠎꠤꠇꠤꠞ ꠝꠣꠢꠚꠤꠟ ꠅ ꠛꠄꠀꠘ ꠅꠘꠥꠡꠐꠤꠔ ꠅꠁꠍꠦ⁕ꠡꠥꠇ꠆ꠇꠥꠞꠛꠣꠞ ꠚꠎꠞꠦꠞ ꠘꠣꠝꠣꠎ ꠙꠞ ꠝꠣꠢꠚꠤꠟꠞ ꠅꠘꠥꠡꠐꠣꠘꠤꠇ ꠝꠣꠢꠚꠤꠟ ꠡꠦꠡ ꠅꠄ⁕
ꠝꠣꠢꠚꠤꠟꠞ ꠙꠞꠖꠣꠘ ꠀꠇꠞꠡꠘ ꠀꠍꠟꠣ ꠝꠥꠞꠡꠤꠖ ꠢꠎꠞꠔ ꠀꠟ꠆ꠟꠣꠝꠣ ꠁꠝꠣꠖ ꠃꠖ꠆ꠖꠤꠘ ꠌꠃꠗꠥꠞꠤ ꠚꠥꠟꠔꠟꠤ ꠛꠠ ꠍꠣꠢꠦꠛ ꠚꠥꠟꠔꠟꠤ⁕ꠍꠧꠐ ꠍꠣꠢꠦꠛꠎꠣꠖꠣ ꠀꠟ꠆ꠟꠣꠝꠣ ꠢꠥꠍꠣꠝ ꠃꠖ꠆ꠖꠤꠘ ꠌꠃꠗꠥꠞꠤ ꠖꠤꠇ ꠘꠤꠞꠖꠦꠡꠘꠣꠝꠥꠟꠇ ꠛꠇ꠆ꠔꠛ꠆ꠛ ꠖꠤꠍꠁꠘ⁕ꠝꠣꠢꠚꠤꠟꠦ ꠖꠦꠡꠛꠤꠖꠦꠡꠞ ꠀꠟꠤꠝ ꠃꠟꠣꠝꠣ ꠅꠈꠟ ꠍꠣꠢꠦꠛ ꠇꠤꠛꠟꠣꠞ ꠚꠞꠤꠛꠣꠞ ꠅꠈꠟ,ꠛꠤꠜꠤꠘ꠆ꠘ ꠞꠣꠎꠘꠁꠔꠤꠇ ꠖꠟꠞ ꠡꠋꠌꠖ ꠡꠖꠁꠡ꠆ꠡ ꠙꠖꠙꠣꠞꠔꠤ ꠅꠈꠟ ꠀꠎꠤꠞ ꠀꠍꠟꠣ⁕
ꠝꠣꠢꠚꠤꠟ ꠛꠣꠖꠦ ꠛꠣꠟꠣꠁ ꠀꠅꠞ ꠄꠟꠣꠇꠣ ꠕꠘꠦ ꠛꠤꠙꠥꠟ ꠡꠁꠋꠇꠣ ꠉꠣꠠꠤ ꠄꠈꠟꠉꠦ ꠍꠣꠠꠤ ꠎꠣꠅꠀꠄ ꠍꠤꠟꠦꠐ ꠎꠁꠉꠁꠘ ꠞꠃꠒ ꠡꠣꠝꠁꠇ ꠎꠣꠘꠎꠐ ꠡꠤꠡꠐꠤ ꠅꠁꠟꠦꠅ ꠙꠡꠣꠡꠘꠤꠇ ꠅ ꠡꠦꠌ꠆ꠌꠣꠡꠦꠛꠇ ꠅꠈꠟꠞ ꠔꠔꠚꠞꠧꠔꠣꠄ ꠙꠞꠤꠍꠔꠤꠔꠤ ꠡꠣꠜꠣꠛꠤꠇ ꠅꠁꠍꠦ⁕
