শুরমা ফারর খবর ছিলটি জবানে ছিলটর খবর
Related Articles
ꠟꠦꠈꠇ
ꠀꠛꠥꠟ ꠢꠣꠍꠘꠣꠔ ꠍꠥꠟꠣꠁꠝꠣꠘ
ꠛꠍꠞ ꠊꠥꠞꠤꠀ ꠢꠤꠛꠛꠣꠞ ꠀꠁꠟ ꠝꠥꠍꠟꠝꠣꠘ ꠢꠈꠟꠔꠞ ꠡꠛꠔꠣꠇꠤ ꠛꠠ ꠗꠞꠝꠤꠅ ꠃꠔꠡꠛ ꠁꠖ ꠃꠟ ꠀꠎꠢꠣ। ꠜꠣꠞꠔꠤꠅ ꠃꠙꠝꠢꠣꠖꠦꠡꠞ ꠇꠥꠘꠥꠈꠣꠘꠅ ꠈꠃꠀ ꠅꠄ ꠇꠥꠞꠛꠣꠘꠤꠞ ꠁꠖ, ꠇꠥꠘꠥꠈꠣꠘꠅ ꠈꠃꠀ ꠅꠄ ꠛꠈꠞꠣ ꠁꠖ। ꠁ ꠁꠖꠅ ꠡꠣꠝꠞꠕꠅꠅꠣꠟꠣ ꠢꠈꠟ ꠝꠥꠍꠟꠝꠣꠘꠞ ꠟꠣꠉꠤ ꠙꠡꠥ ꠇꠥꠞꠛꠣꠘꠤ ꠖꠦꠅꠀ ꠃꠀꠎꠤꠛ। ꠇꠥꠞꠛꠣꠘꠤꠞ ꠟꠣꠉꠤ ꠅꠃꠟꠣ ꠙꠡꠥ ꠛꠣꠍꠔꠦ ꠅꠄ ꠎꠦꠐꠣ ꠘꠤꠈꠥꠔ, ꠜꠣꠟꠣ-ꠡꠥꠡꠕ ꠀꠞ ꠛꠄꠡ ꠅꠁꠍꠦ। ꠅꠕꠌ ꠢꠤꠛꠣꠄꠖꠤ ꠀꠝꠞꠣꠞ ꠈꠣꠘꠖꠣꠞ ꠖꠦꠡ, ꠖꠥꠘꠤꠀꠞ ꠉꠦꠍꠦ ꠎꠣꠞ ꠙꠞꠤꠌꠄ ꠃꠖꠣꠞ ꠉꠘꠔꠣꠘꠔꠤꠞꠤꠇ ꠞꠣꠡꠐꠞ ꠜꠣꠞꠔ, ꠔꠣꠞꠣ ꠁꠛꠣꠞ ꠝꠥꠍꠟꠝꠣꠘ ꠢꠈꠟꠞ ꠇꠥꠞꠛꠣꠘꠤꠞ ꠘꠤꠅꠝꠅ ꠈꠥꠛ ꠇꠠꠣꠇꠠꠤ ꠘꠤꠅꠝ ꠇꠞꠍꠦ। ꠎꠦꠈꠣꠘꠅ ꠁꠡꠟꠣꠝꠅ ꠈꠃꠀ ꠅꠁꠍꠦ ꠘꠤꠈꠥꠔ ꠀꠞ ꠡꠥꠡꠕ ꠚꠡꠥ ꠇꠥꠞꠛꠣꠘꠤ ꠖꠦꠅꠀꠞ ꠈꠕꠣ, ꠁꠇꠣꠘꠅ ꠔꠣꠞꠣ ꠈꠁꠀ ꠖꠤꠍꠦ ꠅꠌꠟ ꠀꠞ ꠛꠦꠝꠣꠞꠤ ꠚꠡꠥ ꠇꠥꠞꠛꠣꠘꠤ ꠖꠤꠛꠣꠞ ꠟꠣꠉꠤ। ꠀꠞꠅ ꠛꠃꠔ ꠈꠠꠣꠟꠠꠤ ꠘꠤꠅꠝ ꠈꠞꠍꠦ ꠇꠥꠞꠛꠣꠘꠤꠞ। ꠀꠞꠈꠐꠣ ꠘꠤꠅꠝ ꠇꠞꠍꠦ, ꠁꠖꠞ ꠎꠝꠣꠔ ꠚꠠꠔꠦ ꠉꠦꠟꠦ ꠛꠦꠡꠤ ꠝꠣꠘꠥꠡ ꠎꠦꠘꠥ ꠄꠈꠎꠣꠉꠣ ꠘꠣ ꠅꠁꠘ ꠀꠞ ꠁꠖꠞ ꠘꠣꠝꠣꠎꠞ ꠎꠝꠣꠔꠞ ꠈꠣꠔꠣꠁꠞ ꠎꠦꠘꠥ ꠛꠘꠗ ꠝꠡꠎꠤꠖꠞ ꠛꠣꠞꠦ ꠘꠣ ꠀꠄ। ꠝꠡꠎꠤꠖꠅ ꠝꠣꠁꠇ ꠛꠣꠎꠣꠘꠤꠅ ꠢꠥꠘꠍꠤ ꠛꠃꠔ ꠀꠉꠦ ꠕꠣꠇꠤꠘꠅꠃꠁ ꠛꠘꠗ। ꠝꠥꠡꠟꠝꠣꠘ ꠢꠈꠟꠞ ꠛꠍꠞꠅ ꠖꠁꠐꠣꠅꠃ ꠁꠖ, ꠁꠖꠞ ꠎꠝꠣꠔ ꠀꠛꠣꠞ ꠁꠖꠉꠣꠢ ꠛꠣ ꠈꠥꠟꠣ ꠎꠣꠉꠣꠔ ꠚꠠꠣꠞ ꠞꠦꠅꠀꠎ ꠀꠍꠦ। ꠔꠣꠞꠛꠣꠖꠦꠅ ꠖꠦꠈꠣ ꠉꠦꠍꠦ ꠄꠈꠐꠣ ꠝꠡꠎꠤꠖꠅ ꠎꠝꠣꠔꠅ ꠘꠣꠝꠣꠎ ꠚꠠꠔꠣ ꠉꠦꠟꠦ ꠁꠟꠣ ꠅꠁꠔꠅ ꠚꠣꠞꠦ ꠘꠣꠝꠣꠎꠞ ꠖꠥꠁ ꠄꠈꠐꠣ ꠈꠣꠔꠣꠁꠞ ꠝꠡꠎꠤꠖꠞ ꠈꠣꠘꠖꠣꠞ ꠞꠥꠒꠅ ꠌꠟꠁꠀ ꠉꠦꠍꠦ। ꠘꠣ, ꠁꠟꠣꠅ ꠅꠁꠔ ꠚꠣꠞꠔꠘꠣꠄ। ꠄꠝꠘꠇꠤ ꠛꠤꠛꠤꠍꠤ ꠛꠣꠋꠟꠣ ꠀꠞ ꠁꠔ꠆ꠔꠦꠚꠣꠇꠞ ꠘꠤꠃꠎꠅ ꠖꠦꠈꠟꠣꠝ ꠁꠖꠞꠦ ꠇꠦꠘ꠆ꠖ꠆ꠞ ꠇꠞꠤꠀ ꠈꠄꠎꠘ ꠝꠣꠘꠥꠡ ꠄꠇꠎꠣꠉꠣ ꠅꠁꠔꠣꠅ ꠚꠣꠞꠔꠣ ꠘꠣꠄ। ꠁꠐꠣ ꠘꠀ ꠇꠥꠘꠔꠣ ꠘꠄ, ꠜꠣꠞꠔꠅꠦꠞ ꠝꠥꠍꠟꠝꠣꠘ ꠡꠥꠘ꠆ꠘ ꠈꠞꠔꠦ, ꠜꠣꠞꠔꠞ ꠝꠥꠡꠟꠝꠣꠘ ꠢꠈꠟꠞꠦ ꠇꠥꠘ꠆ꠐꠣꠡꠣ ꠇꠞꠤꠀ ꠞꠣꠈꠔꠦ, ꠜꠣꠞꠔ ꠞꠣꠡ꠆ꠐ꠆ꠤꠅ ꠜꠣꠛꠦ ꠛꠃꠔ ꠀꠉꠦ ꠕꠣꠇꠦꠅꠃ ꠌꠦꠡ꠆ꠐꠣ ꠌꠣꠟꠣꠁꠀ ꠎꠣꠁꠞꠅ। ꠖꠤꠟ꠆ꠟꠤꠞ ꠇꠣꠍꠞ ꠝꠣꠟꠤꠀꠘꠣ ꠉꠣꠃ, ꠁ ꠉꠣꠃꠔ ১৯৮৭ ꠡꠣꠟꠞ ꠝꠦ ꠝꠣꠡꠅ ꠢꠤꠘ꠆ꠖꠥ ꠎꠘꠔꠣ ꠀꠞ ꠙ꠆ꠞꠣꠖꠦꠡꠤꠇ ꠇꠘ꠆ꠍ꠆ꠐꠦꠛꠥꠟꠣꠞꠤꠞ ꠝꠣꠘꠥꠡꠣꠁꠔꠞ ꠀꠔꠅ ꠛꠣꠅꠁꠔ꠆ꠔꠞ (৭২) ꠎꠘ ꠝꠥꠍꠟꠝꠣꠘ ꠝꠣꠞꠣ ꠎꠣꠁꠘ। ꠟꠝ꠆ꠛꠣ ꠍꠔ꠆ꠔꠤꠡ (৩৬) ꠛꠍꠞ ꠛꠤꠌꠣꠞ ꠌꠟꠣꠞ ꠛꠣꠖꠦ ꠖꠥꠁ ꠀꠎꠣꠞ ꠔꠦꠁꠡ (২০২৩) ꠡꠣꠟꠅ ꠚꠞꠝꠣꠘꠞ ꠅꠜꠣꠛꠦ ꠖꠥꠡꠤꠢꠈꠟꠞꠦ ꠈꠣꠟꠣꠍ ꠖꠦꠁꠘ ꠀꠖꠣꠟꠔꠅ। ꠈꠣꠟꠣꠍ ꠖꠤꠛꠅꠃ ꠔ, ꠊꠐꠘꠣ ꠔꠣ ꠊꠐꠍꠤꠟ ꠞꠣꠡ꠆ꠐ꠆ꠞꠤꠅ ꠝꠖꠔꠦꠁꠃ। ꠝꠣꠘꠥꠡꠞ ꠇꠔꠣ ꠢꠤꠡꠣꠛꠦ ꠁꠘ꠆ꠖꠧꠘꠦꠡꠤꠀ ꠀꠞ ꠙꠣꠇꠤꠍ꠆ꠔꠣꠘꠞ ꠛꠣꠖꠦ ꠔꠤꠘ ꠘꠝ꠆ꠛꠞ ꠛꠠ ꠝꠥꠍꠟꠝꠣꠘ ꠎꠘꠉꠥꠡ꠆ꠐ꠆ꠤꠞ ꠖꠦꠡ ꠁ ꠜꠣꠞꠔꠅ ꠙ꠆ꠞꠣꠄ ꠛꠤꠡ (২০) ꠇꠥꠐꠤ ꠝꠥꠍꠟꠝꠣꠘ ꠛꠡꠛꠣꠡ ꠈꠞꠁꠘ। ꠁ ꠛꠤꠡ ꠇꠥꠐꠤ ꠝꠣꠘꠥꠡ ꠅꠘ꠆ꠘ ꠖꠦꠡ ꠕꠦꠇꠦ ꠉꠤꠀ ꠡꠦꠈꠣꠘꠅ ꠛꠡꠛꠣꠡ ꠈꠞꠁꠘ꠆ꠘꠣ, ꠁꠐꠣ ꠔꠣꠞꠣꠞ ꠖꠣꠖꠣ-ꠚꠞꠖꠣꠖꠣꠞ ꠖꠦꠡ। ꠝꠥꠍꠟꠝꠣꠘ ꠢꠈꠟꠦ ꠜꠣꠞꠔ ꠡꠣꠡꠘ ꠇꠞꠍꠦꠘ ꠍꠄ ꠡ ꠛꠍꠞꠞꠅ ꠛꠦꠡꠤ ꠡꠝꠄ। ꠜꠣꠞꠔꠞ ꠡꠣꠗꠤꠘꠔꠣ ꠀꠘ꠆ꠖꠥꠟꠘꠅ, ꠛ꠆ꠞꠤꠐꠤꠡꠈꠟꠞ ꠉꠦꠍ ꠕꠦꠇꠦ ꠜꠣꠞꠔꠞ ꠡꠣꠗꠤꠘꠔꠣ ꠀꠖꠣꠄ ꠈꠞꠤꠀ ꠘꠤꠔꠦ ꠢꠤꠘ꠆ꠖꠥꠢꠈꠟꠞ ꠎꠦꠟꠣ ꠅꠛꠖꠣꠘ ꠀꠍꠦ, ꠝꠥꠍꠟꠝꠣꠘꠢꠈꠟꠞ ꠅꠛꠖꠣꠘꠅ ꠇꠥꠘꠥ ꠅꠋꠡꠦ ꠈꠝ ꠘꠣꠄ। ꠝꠣꠃꠟꠣꠘꠣ ꠀꠛꠥꠟ ꠇꠣꠟꠣꠝ ꠀꠎꠣꠖ, ꠈꠣꠘ ꠀꠛ꠆ꠖꠥꠟ ꠉꠣꠚ꠆ꠚꠣꠞ ꠈꠣꠘ (ꠡꠤꠝꠣꠘ꠆ ꠉꠣꠘ꠆ꠗꠤ), ꠝꠣꠃꠟꠣꠘꠣ ꠝꠥꠢꠝ꠆ꠝꠖ ꠀꠟꠤ, ꠝꠣꠃꠟꠣꠘꠣ ꠡꠅꠇꠔ ꠀꠟꠤ, ꠒ. ꠎꠣꠇꠤꠞ ꠢꠥꠍꠦꠘ, ꠀꠍꠚ ꠀꠟꠤ, ꠢꠎꠞꠔ ꠝꠥꠢꠣꠘꠤ, ꠞꠚꠤ ꠀꠢꠝꠦꠖ ꠇꠤꠖꠅꠀꠁ ꠡꠢ ꠀꠞꠅ ꠅꠉꠘꠤꠔ ꠘꠦꠔꠣꠢꠈꠟꠦ ꠜꠣꠞꠔꠞ ꠡꠣꠗꠤꠘꠔꠣ ꠀꠘ꠆ꠖꠥꠟꠘꠅ ꠡꠇ꠆ꠞꠤꠅ ꠘꠦꠔ꠆ꠞꠤꠔ꠆ꠔ꠆ꠛ ꠖꠤꠍꠁꠘ। ꠀꠎꠣꠞ ꠀꠎꠣꠞ ꠝꠥꠡꠟꠝꠣꠘ ꠢꠈꠟꠦ ꠎꠤꠛꠘ ꠖꠤꠍꠁꠘ ꠀꠎꠇꠥꠞ ꠁ ꠜꠣꠞꠔꠞꠦ ꠡꠣꠗꠤꠘꠔꠣ ꠀꠘꠤꠀ ꠖꠤꠔꠣ ꠉꠤꠀ। ꠁ ꠜꠣꠞꠔꠅ ꠄ꠆ꠈꠎꠘ ꠁꠘ꠆ꠖꠥꠞ ꠎꠔꠈꠣꠘ ꠅꠗꠤꠇꠣꠞ ꠄꠇꠎꠘ ꠝꠥꠍꠟꠝꠣꠘꠞꠅ ꠐꠤꠇ ꠅꠔꠈꠣꠘ ꠅꠗꠤꠇꠣꠞ। ꠀꠎꠇꠥ ꠝꠥꠡꠟꠝꠣꠘ ꠢꠈꠟꠞꠦ ꠔꠣꠞꠣꠞ ꠗꠞꠝꠤꠅ ꠅꠃꠍꠛ ꠙ꠆ꠞꠇꠣꠡ꠆ꠡꠦ, ꠡꠣꠗꠤꠘ ꠜꠣꠛꠦ ꠙꠣꠟꠘ ꠇꠞꠔꠦ ꠚꠣꠞꠔꠤꠞꠣꠘꠣ। ꠚꠣꠞꠛꠣꠄꠘꠤ ꠁꠘꠖꠥ ꠢꠈꠟꠞ ꠗꠞꠝꠤꠅ ꠃꠔꠍꠛ ꠚꠣꠟꠘꠅ ꠛꠣꠗꠣ ꠖꠤꠔꠣꠄ? ꠎꠥꠖꠤꠅ ꠗꠞꠝꠞ ꠜꠤꠔ꠆ꠔꠤꠔꠦ ꠜꠣꠞꠔ ꠞꠣꠡ꠆ꠐ꠆ꠞ ꠛꠤꠐꠤꠡ ꠅꠈꠟꠞ ꠉꠦꠍ ꠕꠦꠇꠤ ꠡꠣꠗꠤꠘꠔꠣ ꠚꠣꠁꠍꠤꠟ, ꠔꠣꠞꠛꠣꠖꠦꠅ ꠜꠣꠞꠔꠞ ꠡꠋꠛꠤꠗꠣꠘ ꠇꠤꠘ꠆ꠔꠥ ꠗꠞꠝ ꠘꠤꠞꠙꠦꠇ꠆ꠈ ꠡꠋꠛꠤꠗꠣꠘ। ꠜꠣꠞꠔ ꠞꠣꠡ꠆ꠐ꠆ꠞ ꠙ꠆ꠞꠔꠤꠡ꠆ꠐꠣꠞ ꠛꠣꠖꠦ ꠔꠣꠞꠣꠞ ꠡꠋꠛꠤꠗꠣꠘꠅ ꠗꠞꠝ ꠘꠤꠞꠙꠦꠇ꠆ꠈꠔꠣꠞ ꠈꠕꠣ ꠟꠦꠈꠣ ꠕꠣꠇꠟꠦꠅ ꠜꠣꠞꠔ ꠄꠇꠐꠣ ꠇꠐ꠆ꠐꠞ ꠢꠤꠘ꠆ꠖꠥꠔ꠆ꠔ꠆ꠛꠛꠣꠖꠤ ꠞꠣꠡ꠆ꠐ꠆ꠞ। ꠀꠝꠣꠞꠣꠞ ꠛꠣꠋꠟꠣꠖꠦꠡꠧ ꠀꠝꠞꠣ ꠁꠘ꠆ꠖꠥ ꠝꠥꠍꠟꠝꠣꠘ ꠄꠇꠟꠉꠦ ꠛꠡꠛꠣꠡ ꠈꠞꠤ। ꠍꠥꠐ ꠁ ꠖꠦꠡꠐꠣꠔ ꠙ꠆ꠞꠣꠄ ꠖꠦꠠ ꠇꠥꠐꠤꠞ ꠝꠔ ꠁꠘ꠆ꠖꠥ ꠛꠣꠡ ꠈꠞꠁꠘ, ꠔꠣꠞꠣ ꠀꠝꠣꠞꠣꠞ ꠖꠦꠡꠤꠅ ꠜꠣꠁ। ꠔꠣꠞꠣꠞ ꠎꠣꠘ ꠝꠣꠟꠞ ꠢꠦꠚꠣꠎꠔ ꠈꠞꠣ ꠀꠝꠣꠞ ꠁꠝꠣꠘꠤ ꠖꠣꠁꠔ꠆ꠔ꠆ꠛ, ꠀꠝꠣꠞ ꠁꠡꠟꠣꠝꠦ ꠀꠝꠣꠞꠦ ꠅꠃ ꠡꠤꠈ꠆ꠈꠣꠁ ꠖꠤꠍꠦ। ꠀꠝꠞꠣꠞ ꠁꠘ꠆ꠖꠥ ꠜꠣꠁꠀꠁꠘꠔꠦ ꠎꠦꠛꠟꠣ ꠖꠥꠞ꠆ꠉꠣꠙꠥꠎꠣ ꠚꠣꠟꠘ ꠈꠞꠁꠘ ꠁ ꠡꠝꠄ ꠀꠝꠞꠣ ꠝꠥꠡꠟꠝꠣꠘ ꠢꠈꠟꠦ ꠔꠣꠞꠣꠞ ꠚꠥꠎꠣꠝꠘ꠆ꠒꠙ ꠚꠞ ꠖꠦꠁ, ꠔꠣꠞꠣ ꠎꠦꠖꠤꠘ ꠙ꠆ꠞꠔꠤꠝꠣ ꠛꠤꠡꠞ꠆ꠎꠘ ꠖꠦꠁꠘ ꠁꠖꠤꠘ ꠄ꠆ꠈ ꠖꠤꠘꠞ ꠅꠞ꠆ꠗꠦꠇ ꠇꠝꠙꠇ꠆ꠈꠦ ꠡꠢꠞꠉꠥꠁꠘ ꠘꠤꠞꠛꠤꠟꠤ ꠅꠁ ꠎꠣꠁ। ꠁꠘꠖꠥ ꠢꠈꠟꠞ ꠞꠕ ꠎꠣꠔ꠆ꠞꠣꠞ ꠖꠤꠘ ꠚꠥꠞꠣ ꠛꠣꠋꠟꠣꠖꠦꠡꠞ ꠞꠣꠍ꠆ꠔꠣ ꠊꠣꠐ ꠇꠄ ꠊꠘ꠆ꠐꠣꠞ ꠟꠣꠉꠤ ꠛꠘ꠆ꠗ ꠕꠣꠈꠦ। ꠇꠣꠟꠤ ꠚꠥꠎꠣꠞ ꠡꠝꠄ ꠞꠣꠁꠔ ꠁꠘ꠆ꠖꠥ ꠢꠈꠟꠞ ꠌꠤꠟꠟꠣꠌꠤꠟ꠆ꠟꠁꠔꠦ ꠊꠥꠝ ꠜꠣꠋꠉꠤ ꠎꠣꠁ। ꠝꠣꠁꠇ ꠛꠣꠎꠣꠁꠀ ꠔꠣꠞꠣ ꠇꠤꠞꠔꠘ ꠈꠞꠁꠘ, ꠈꠦꠃ ꠛꠣꠗꠣ ꠖꠦꠁꠘ꠆ꠘꠣ। ꠈꠁ ꠛꠦꠡꠤ ꠝꠥꠍꠟꠝꠣꠘꠞ ꠖꠦꠡ ꠛꠣꠋꠟꠣꠖꠦꠡꠅ ꠔ ꠞꠣꠡ꠆ꠐ꠆ꠞꠤꠅ ꠜꠣꠛꠦ ꠔꠣꠞꠣꠞ ꠁꠔꠣ ꠃꠞꠍꠛꠅ ꠛꠣꠗꠣ ꠘꠣ ꠖꠤꠀ ꠛꠞꠋ ꠡꠣꠢꠣꠎ꠆ꠎ-ꠡꠢꠎꠥꠉꠤꠔꠣ ꠖꠦꠅꠡ ꠅꠄ। ꠀꠞ ꠀꠚꠘꠣꠞꠣꠞ ꠙꠥꠟꠤꠡꠦ ꠚꠤꠐꠣꠄ ꠀꠝꠣꠞꠣꠞ ꠝꠥꠍꠟꠝꠣꠘ ꠜꠣꠁꠀꠘꠔꠞꠦ ꠃꠔꠍꠛ ꠚꠣꠟꠘ ꠈꠞꠟꠦ। ꠀꠞꠅ ꠛꠢꠥꠔ ꠈꠕꠣ ꠟꠦꠈꠣꠞ ꠀꠍꠤꠟ, ꠅꠘ꠆ꠘ ꠀꠞꠈ ꠖꠤꠘ ꠟꠦꠈꠝꠥ। ꠀꠟ꠆ꠟꠣꠢ ꠡꠛ ꠝꠥꠍꠟꠝꠣꠘꠞꠦ ꠢꠦꠚꠣꠎꠔ ꠈꠞꠥꠇ꠆ꠇꠣ। ꠗꠞꠝꠤꠅ ꠚꠞꠤꠌꠄꠅꠞ ꠀꠉꠦ ꠀꠝꠞꠣ ꠚꠄꠟꠣ ꠝꠣꠘꠥꠡ।
