শুরমা ফারর খবর ছিলটি জবানে ছিলটর খবর
Related Articles
ꠞꠦꠍꠤꠒꠦꠘꠍ ꠇꠣꠒ ꠀꠔꠧ ꠚꠣꠁꠀꠅꠞ ꠛꠣꠖꠦꠅ ꠖꠦꠡꠧ ꠀꠅꠀ ꠅꠁꠟꠧ ꠘꠣ ꠍꠤꠟꠐꠤ ꠙꠛꠣꠡꠤ ꠇꠣꠝꠞꠟꠞ,ꠙꠞꠔꠥꠉꠣꠟꠧ ꠖꠥꠞꠊꠐꠘꠣꠄ ꠝꠃꠔ ⁕
ꠙꠞꠔꠥꠉꠣꠟꠦꠞ ꠝꠣꠖꠦꠁꠞꠣ ꠖꠤꠙꠧ ꠈꠣꠝꠧ ꠕꠣꠇꠣ ꠚꠣꠇꠤꠞ ꠄꠇ ꠖꠥꠞꠊꠐꠘꠣꠄ ꠇꠣꠝꠞꠥꠟ ꠁꠍꠟꠣꠝ ꠘꠣꠝꠞ ꠙꠛꠣꠡꠤ ꠝꠣꠞꠣ ꠉꠦꠍꠁꠘ⁕ ꠔꠣꠘ ꠛꠣꠠꠤ ꠍꠤꠟꠦꠐ ꠎꠤꠟꠣꠞ ꠎꠉꠘ꠆ꠘꠣꠔꠚꠥꠞ ꠃꠚꠎꠤꠟꠣꠞ ꠢꠞꠤꠅꠞꠚꠥꠞ ꠉꠣꠃꠔ⁕ꠔꠣꠘ ꠛꠣꠚꠞ ꠘꠣꠝ ꠀꠛ꠆ꠖꠥꠟ ꠝꠣꠟꠤꠇ⁕
ꠔꠣꠘꠤꠅ ꠎꠞꠤꠀꠄ ꠎꠣꠘꠣ ꠉꠦꠍꠦ ꠝꠋꠉꠟꠛꠣꠞ ꠛꠤꠀꠟꠦ ꠅꠘꠥꠝꠣꠘꠤꠇ ৩ ꠐꠣꠞ ꠖꠤꠇꠦ ꠝꠣꠖꠦꠁꠞꠣ ꠡꠢꠞꠧ ꠈꠣꠝ ꠈꠞꠣꠞ ꠡꠝꠄ ꠃꠚꠞ ꠔꠘꠦ ꠀꠈꠔꠣ ꠄꠈ ꠡꠤꠝꠦꠘ꠆ꠐꠞ ꠛꠍꠔꠣ ꠔꠣꠘ ꠝꠣꠔꠣꠔ ꠚꠠꠤꠉꠦꠍꠦ, ꠄꠞ ꠖꠣꠄ ꠔꠣꠁꠘ ꠉꠥꠞꠥꠔꠞ ꠀꠊꠣꠔ ꠚꠣꠁꠘ ꠅ ꠊꠐꠘꠣꠞ ꠎꠣꠉꠣꠔꠃ ꠔꠣꠘ ꠝꠃꠔ ꠅꠁꠎꠣꠄ⁕
ꠟꠤꠍꠛꠘ ꠛꠃꠔ ꠖꠤꠘ ꠀꠍꠟꠣ, ꠉꠔ ꠡꠝꠛꠣꠞ ꠞꠣꠁꠔꠇꠥ ꠛꠘ꠆ꠖꠥ ꠅꠈꠟꠞ ꠉꠦꠍꠔꠘꠦ ꠛꠤꠖꠣꠄ ꠟꠁꠀ ꠔꠣꠁꠘ ꠝꠣꠖꠦꠁꠞꠣ ꠉꠦꠍꠁꠘ,ꠝꠋꠉꠟꠛꠣꠞ ꠖꠥꠚꠞꠤꠛꠣꠟꠣ ꠈꠣꠝꠧ ꠎꠥꠉ ꠖꠦꠅꠀꠞ ꠈꠄ ꠊꠘ꠆ꠐꠣꠞ ꠛꠦꠛꠖꠣꠘꠦ ꠁ ꠊꠐꠘꠣ ꠊꠐꠦ⁕
ꠖꠤꠞꠊꠧ ꠅꠚꠦꠇ꠆ꠇꠣꠞ ꠛꠣꠖꠦ ꠙꠞꠔꠥꠉꠣꠟꠞ ꠞꠦꠍꠤꠒꠦꠘꠍꠤ ꠇꠣꠒ ꠀꠔ ꠚꠣꠁꠍꠟꠣ ꠄꠛꠋ ꠖꠦꠡꠧ ꠀꠅꠀꠞ ꠟꠣꠉꠤ ꠙꠍꠔꠥꠔ ꠅꠁꠍꠟꠣ, ꠇꠤꠘ꠆ꠔꠥ ꠀꠟ꠆ꠟꠣꠞ ꠢꠥꠇꠥꠝ ꠅꠁꠍꠦꠘꠣ⁕
ꠔꠣꠘ ꠁ ꠀꠈꠔꠣ ꠝꠃꠔꠞ ꠈꠛꠞ ꠢꠥꠘꠤꠀ ꠙꠞꠤꠛꠣꠞ ꠅ ꠖꠦꠡꠛꠤꠖꠦꠡꠧꠞ ꠝꠣꠘꠦ ꠝꠞꠢꠥꠝꠞ ꠞꠥꠢꠞ ꠝꠣꠈꠚꠤꠞꠣꠔ ꠇꠣꠝꠘꠣ ꠈꠞꠍꠁꠘ ꠅ ꠚꠞꠤꠛꠣꠞ ꠢꠈꠟꠞ ꠟꠣꠉꠤ ꠡꠝꠛꠦꠖꠘꠣ ꠎꠣꠘꠣꠁꠍꠁꠘ⁕
