শুরমা ফারর খবর ছিলটি জবানে ছিলটর খবর
Related Articles
ꠍꠤꠟꠦꠐ ꠝꠣꠖꠇ ꠈꠣꠞꠛꠣꠞꠤꠄ ꠍꠣꠇꠥ ꠖꠤꠀ ꠊꠣ ꠖꠤꠀ ꠄꠈ ꠞꠦꠛ ꠡꠖꠁꠡꠡꠧꠞꠦ ꠎꠣꠘꠦ ꠝꠣꠞꠤꠟꠤꠍꠦ⁕
ꠍꠤꠟꠦꠐ ꠙꠔꠤꠘꠤꠗꠤ
ꠍꠤꠟꠦꠐ ꠘꠉꠞꠅ ꠝꠣꠖꠇ ꠈꠣꠞꠛꠣꠞꠤꠞ ꠍꠣꠇꠥꠞ ꠚꠣꠞꠦ ꠁꠝꠘ ꠀꠌꠣꠞꠎꠧ ꠘꠣꠝꠞ ꠞꠦꠛ -৯ ꠄꠞ ꠄꠈ ꠡꠖꠡꠡꠞ ꠝꠃꠔ ꠅꠁꠍꠦ⁕ꠡꠥꠇ꠆ꠇꠥꠞꠛꠣꠞ ২২ ꠝꠦ ꠘꠉꠞꠞ ꠇꠤꠘ ꠛꠤꠞꠤꠎꠞ (ꠚꠥꠞꠣꠘꠚꠥꠟꠞ) ꠉꠦꠍꠦ ꠁ ꠊꠐꠘꠣ ꠊꠐꠍꠦ⁕ ꠁ ꠊꠐꠘꠣꠄ ꠅꠜꠤꠎꠥꠇꠔꠧ ꠀꠍꠣꠖꠥꠟ ꠀꠟꠝ ꠀꠣꠙ꠆ꠙꠤꠞꠦ ꠚꠥꠟꠤꠡꠦ ꠀꠐꠇ ꠈꠞꠍꠁꠘ⁕
ꠞꠦꠛ -৯ ꠡꠥꠔꠞꠦ ꠎꠣꠘꠣꠉꠦꠍꠦ ꠖꠥꠚꠥꠞ ১২ ꠐꠣꠞ ꠖꠤꠇꠦ ꠚꠥꠞꠣꠘꠚꠥꠟꠞ ꠉꠦꠍꠦ ꠅꠜꠤꠎꠣꠘ ꠍꠣꠟꠣꠘꠤꠞ ꠡꠝꠄ ꠁꠝꠘ ꠀꠌꠣꠞꠎꠧ ꠀꠍꠣꠖꠥꠟ ꠀꠟꠝꠞ ꠍꠥꠞꠤꠞ ꠚꠣꠞꠦ ꠛꠠ ꠎꠈꠝꠤ ꠅꠁꠘ,ꠛꠣꠖꠦ ꠔꠣꠘꠦ ꠍꠤꠟꠦꠐ ꠅꠍꠝꠣꠘꠤ ꠀꠡꠚꠣꠔꠣꠟꠧ ꠘꠤꠟꠦ ꠢꠤꠘꠞ ꠒꠤꠃꠐꠤꠞꠔ ꠒꠣꠈꠔꠞꠦ ꠔꠣꠘꠞ ꠝꠃꠔ ꠅꠁꠉꠦꠍꠦ ꠛꠟꠤꠀ ꠎꠣꠘꠣꠁꠘ⁕
ꠁ ꠛꠤꠡꠄ ꠍꠤꠟꠦꠐ ꠝꠢꠣꠘꠉꠞ ꠙꠥꠟꠤꠡ ꠄꠞ ꠅꠔꠤꠞꠤꠇ꠆ꠔ ꠚꠥꠟꠤꠡ ꠇꠝꠤꠡꠘꠣꠞ ꠝꠧ. ꠝꠘꠎꠥꠞꠥꠟ ꠀꠟꠝ ꠎꠣꠘꠣꠁꠘ,ꠚꠥꠞꠣꠘꠚꠥꠟ ꠄꠟꠣꠇꠣꠔ ꠈꠄꠎꠘꠦ ꠝꠣꠖꠇ ꠈꠣꠅꠀꠔ ꠅ ꠇꠤꠘꠣꠛꠦꠍꠣꠞ ꠡꠝꠄ ꠚꠥꠟꠤꠞ ꠐꠦꠞ ꠚꠣꠁꠀ ꠔꠣꠞꠣ ꠛꠣꠉꠣꠞ ꠌꠦꠡꠐꠣ ꠈꠞꠟꠦ ꠁꠡꠝꠄ ꠖꠟꠣ ꠚꠥꠡꠣꠇꠦ ꠕꠣꠈꠣ ꠞꠦꠛ ꠡꠖꠁꠡꠡꠧ ꠄꠈ ꠝꠣꠖꠈ ꠈꠣꠞꠛꠣꠞꠤꠞꠦ ꠀꠐꠈ ꠈꠞꠟꠦ ꠢꠦ ꠍꠥꠐꠤꠀ ꠎꠣꠅꠀꠞ ꠟꠣꠉꠤ ꠔꠣꠘꠦ ꠍꠣꠇꠥ ꠖꠤꠀ ꠚꠣꠞ ꠖꠦꠄ⁕
ꠔꠣꠁꠘ ꠀꠞꠧ ꠎꠣꠘꠣꠁꠍꠁꠘ,ꠀꠡꠣꠝꠤꠞꠦ ꠀꠐꠇ ꠇꠞꠣ ꠅꠁꠉꠦꠍꠦ, ꠊꠐꠘꠣꠞ ꠛꠦꠀꠚꠣꠞꠦ ꠀꠁꠘꠉꠔ ꠛꠦꠛꠍꠔꠣ ꠘꠦꠅꠀ ꠅꠞ⁕
