শুরমা ফারর খবর ছিলটি জবানে ছিলটর খবর
Related Articles
ꠍꠤꠟꠦꠐ ꠅꠅꠦꠟꠚꠦꠀꠞ ꠄꠍꠧꠍꠤꠄꠡꠘ ꠅꠛ ꠉꠣꠟꠣꠍꠉꠧ ꠄꠞ ꠇꠣꠞꠎꠧꠘꠤꠞꠛꠣꠁ ꠇꠝꠤꠐꠤꠞ ꠡꠙꠔ ꠉꠢꠘ ꠅꠁꠍꠦ⁕
ꠁꠍꠇꠐꠟꠦꠘ꠆ꠒꠦꠞ ꠉꠣꠟꠣꠍꠉꠧꠔꠦ ꠍꠤꠟꠦꠐ ꠅꠅꠦꠟꠚꠦꠀꠞ ꠄꠍꠧꠍꠤꠄꠡꠘ ꠅꠛ ꠉꠣꠟꠣꠍꠉꠧ ꠄꠞ ꠇꠣꠞꠎꠧꠘꠤꠞꠛꠣꠁ ꠇꠝꠤꠐꠤꠞ ꠡꠙꠔ ꠉꠢꠘ ꠅꠁꠍꠦ⁕
ꠛꠣꠟꠉꠦꠞꠦꠢꠤꠟ ꠇꠝꠤꠃꠘꠤꠐꠤ ꠍꠦꠘ꠆ꠐꠣꠞꠦ ꠄ ꠀꠄꠎꠘ ꠇꠞꠣ ꠅꠁꠍꠦ⁕
ꠅꠘꠥꠡꠐꠣꠘꠧ ꠇꠝꠤꠐꠤꠞ ꠡꠜꠣꠙꠔꠤ ꠄꠇꠦꠄꠝ ꠎꠥꠛꠣꠄꠞꠦꠞ ꠡꠜꠣꠙꠔꠤꠔꠦ ꠎꠥꠉꠘꠧ ꠡꠝ꠆ꠙꠣꠖꠇ ꠢꠤꠝꠦꠟ ꠀꠟꠝꠦꠞ ꠡꠘꠌꠣꠟꠘꠣꠄ ꠙꠗꠣꠘ ꠝꠦꠢꠝꠣꠘ ꠢꠤꠡꠣꠛꠦ ꠀꠎꠤꠞ ꠀꠍꠟꠣ ꠍꠤꠟꠦꠐ ꠅꠅꠦꠟꠚꠦꠀꠞ ꠄꠍꠧꠍꠤꠄꠡꠘ ꠅꠛ ꠉꠣꠟꠣꠍꠉꠧ ꠄꠞ ꠃꠙꠖꠦꠡꠐꠣ ꠙꠞꠤꠡꠖꠞ ꠌꠦꠀꠞꠝꠦꠘ ꠝꠣꠅꠟꠣꠘꠣ ꠝꠧ. ꠀꠛ꠆ꠖꠥꠟ ꠇꠣꠁꠃꠝ (ꠁꠝꠣꠝ ꠖꠣꠅꠀꠔꠥꠟ ꠁꠍꠟꠣꠝ ꠝꠍꠎꠤꠖ ꠉꠣꠟꠣꠍꠉꠧ) ꠛꠤꠡꠦꠡ ꠝꠦꠢꠝꠣꠘ ꠢꠤꠡꠣꠛꠦ ꠀꠎꠤꠞ ꠀꠍꠟꠣ ꠇꠧꠡꠣꠖꠇ꠆ꠇ ꠢꠤꠚꠎꠥꠞ ꠞꠢꠝꠣꠘ ꠝꠥꠍꠔꠣꠇ⁕ ꠎꠣꠇꠣꠞꠤꠀ ꠀꠢꠝꠖꠞ ꠇꠥꠞꠀꠘ ꠔꠤꠟꠣꠅꠔꠞ ꠝꠖ꠆ꠖ ꠖꠤꠀ ꠅꠘꠥꠡꠐꠣꠘ ꠡꠥꠞꠥ ꠅꠁꠍꠦ,ꠡꠣꠉꠔ ꠛꠈꠔꠛ꠆ꠛ ꠖꠤꠍꠁꠘ ꠇꠝꠤꠐꠤꠞ ꠡꠢꠡꠜꠣꠙꠔꠤ ꠝꠧ.
ꠢꠣꠚꠤꠎꠥꠞ ꠞꠢꠝꠣꠘ ꠡꠥꠝꠘ ꠅ ꠡꠣꠋꠉꠑꠘꠤꠇ ꠡꠝ꠆ꠙꠣꠖꠇ ꠝꠧ. ꠎꠣꠝꠤꠟ ꠢꠧꠍꠦꠘ⁕
ꠄꠍꠣꠠꠣꠅ ꠡꠥꠜꠦꠌ꠆ꠍꠣ ꠛꠈꠔꠛ꠆ꠛ ꠖꠤꠍꠁꠘ ꠇꠝꠤꠐꠤꠞ ꠡꠖꠡ꠆ꠡ ꠈꠣꠁꠞꠥꠟ ꠝꠤꠀ ꠅ ꠇꠄꠍ ꠀꠢꠝꠖ⁕ꠍꠤꠟꠦꠐ ꠅꠅꠦꠟꠚꠦꠀꠞ ꠄꠍꠧꠍꠤꠄꠡꠘ ꠅꠛ ꠉꠣꠟꠣꠍꠉꠧ ꠟꠇ꠆ꠇ ꠃꠖ꠆ꠖꠦꠡ꠆ꠡꠞ ꠛꠤꠡꠄ ꠛꠤꠍꠔꠣꠞꠤꠔ ꠔꠥꠟꠤ ꠗꠞꠍꠁꠘ ꠡꠣꠗꠣꠞꠘ ꠡꠝ꠆ꠙꠣꠖꠇ ꠀꠚꠎꠣꠟ ꠢꠧꠍꠦꠘ⁕ ꠃꠇ꠆ꠔ ꠡꠙꠔ ꠅꠘꠥꠡꠐꠣꠘꠧ ꠀꠞꠧ ꠀꠎꠤꠞ ꠀꠍꠟꠣ ꠉꠣꠟꠣꠍꠉꠧꠔ ꠛꠡꠧꠛꠣꠡ ꠈꠣꠞꠤ ꠍꠤꠟꠐꠤ ꠇꠝꠤꠃꠘꠤꠐꠤꠞ ꠛꠦꠐꠤꠘ ꠢꠥꠞꠥꠔꠣꠁꠘ ꠡꠁꠔꠦ ꠛꠤꠛꠤꠘ꠆ꠘ ꠙꠦꠡꠣꠞ ꠝꠣꠘꠥꠡ⁕
ꠅꠘꠥꠡꠐꠣꠘꠦ ꠡꠣꠋꠍꠇꠤꠞꠤꠔ ꠙꠞꠛꠦ ꠁꠍꠟꠣꠝꠤ ꠡꠋꠉꠤꠔ ꠅ ꠘꠣꠡꠤꠖ ꠀꠄꠎꠘ ꠇꠞꠣ ꠅꠄ, ꠄꠍꠣꠠꠣꠅ ꠀꠉꠔꠧ ꠢꠥꠞꠥꠔꠣꠁꠘ꠆ꠔꠞꠦ ꠃꠙꠢꠣꠞ ꠡꠣꠝꠉꠞꠤ ꠖꠦꠅꠀ ꠅꠁꠍꠦ⁕
১১ ꠡꠖꠁꠡ꠆ꠡꠞ ꠖꠥꠁ ꠛꠍꠞ ꠝꠦꠀꠖꠤ ꠇꠣꠞꠎꠧ ꠘꠤꠞꠛꠣꠢꠤ ꠇꠤꠝꠤꠐꠤꠞ ꠛꠣꠇꠤ ꠡꠖꠡ꠆ꠡ ꠅꠈꠟ ꠅꠁꠟꠣ,ꠇꠧꠡꠣꠖꠇ꠆ꠇ ꠞꠥꠙꠘ ꠞꠢꠝꠣꠘ,ꠖꠙ꠆ꠔꠞ ꠡꠝ꠆ꠙꠣꠖꠇ ꠝꠧ.ꠘꠥꠞꠥꠟ ꠀꠝꠤꠘ ꠅ ꠝꠢꠤꠟꠣ ꠡꠖꠡ꠆ꠡ ꠟꠣꠛꠘꠤ⁕ꠅꠘꠥꠡꠣꠘ ꠛꠣꠖꠦ ꠡꠜꠣꠙꠔꠤꠄ ꠢꠈꠟꠞꠦ ꠖꠁꠘ꠆ꠘꠛꠣꠖ ꠎꠣꠘꠣꠁꠍꠁꠘ
