শুরমা ফারর খবর ছিলটি জবানে ছিলটর খবর
Related Articles
ꠎꠁꠉꠁꠘ ꠙꠔꠤꠘꠤꠗꠤ
ꠍꠤꠟꠐꠞ ꠎꠁꠉꠁꠘ ꠛꠣꠎꠣꠞꠧ ꠛꠦꠝꠣꠞꠤ ꠉꠞꠥ ꠄꠈꠐꠣ ꠎꠦꠛꠧ ꠈꠞꠤ ꠉꠥꠍ ꠛꠦꠍꠣꠞ ꠟꠣꠉꠤ ꠙꠍꠔꠥꠔꠤꠞ ꠈꠣꠟꠦ ꠅꠜꠤꠎꠥꠉꠦ ꠄꠈꠎꠘꠞꠦ ꠀꠐꠈ ꠇꠞꠣ ꠅꠁꠍꠦ⁕ ꠛꠣꠖꠦ ꠛꠣꠁꠝꠝꠅꠝꠣꠘ ꠀꠖꠣꠟꠔꠞ ꠎꠞꠤꠀꠄ ৭ ꠖꠤꠘꠇꠥꠞ ꠇꠣꠞꠣꠖꠘ꠆ꠒ ꠀꠞ ꠖꠡ ꠀꠎꠣꠞ ꠐꠦꠈꠣ ꠅꠞꠔꠧ ꠖꠘ꠆ꠒ ꠖꠦꠅꠀ ꠅꠁꠍꠦ⁕
ꠔꠣꠘꠤꠅ ꠎꠞꠤꠀꠄ ꠎꠣꠘꠣ ꠉꠦꠍꠦ,ꠛꠣꠎꠣꠞꠧ ꠛꠦꠝꠣꠞꠤ ꠉꠞꠥ ꠄꠉꠥ ꠎꠦꠛꠧ ꠈꠞꠤ ꠔꠣꠞ ꠉꠥꠍ ꠛꠦꠍꠣꠞ ꠟꠣꠉꠤ ꠙꠍꠔꠥꠔꠤ ꠍꠟꠌꠤꠟ, ꠛꠤꠡꠄꠐꠣ ꠛꠣꠎꠣꠞ ꠇꠝꠤꠐꠤꠞ ꠘꠎꠞꠧ ꠀꠁꠟꠦ ꠔꠣꠞꠣ ꠁ ꠈꠡꠣꠁꠞꠦ ꠀꠐꠈꠣꠁꠘ, ꠅꠛꠤꠎꠥꠉ ꠃꠐꠍꠦ ꠁ ꠛꠤꠡꠄꠞꠦ ꠖꠣꠝꠣꠍꠣꠚꠣ ꠖꠦꠅꠀꠞ ꠌꠦꠡꠐꠣ ꠅꠁꠍꠦ⁕
ꠛꠣꠖꠦ ꠁꠛꠤꠡꠄ ꠎꠇꠤꠉꠁꠘ ꠙꠃꠞꠅꠡꠣꠡꠇꠞ ꠘꠎꠞꠧ ꠀꠁꠟꠦ ꠔꠣꠁꠘ ꠡꠞꠎꠝꠤꠘꠧ ꠀꠎꠤꠞ ꠅꠁꠘ, ꠄꠞꠛꠣꠖꠦ ꠛꠣꠤꠝꠝꠅꠝꠣꠘ ꠀꠖꠣꠟꠔ ꠚꠞꠤꠍꠣꠟꠘꠣ ꠈꠞꠤꠀ ꠎꠠꠤꠔ ꠛꠦꠈꠔꠤꠞꠦ ৭ ꠖꠤꠘꠞ ꠛꠤꠘꠣꠍꠞꠝ ꠇꠣꠞꠣꠖꠘ꠆ꠒ ꠀꠞ ꠟꠉꠦ ১০ ꠀꠎꠣꠞ ꠐꠦꠈꠣ ꠎꠞꠤꠝꠣꠘꠣ ꠇꠞꠣ ꠅꠁꠍꠦ⁕
ꠔꠣꠘꠤꠅ ꠛꠣꠡꠤꠘꠖꠣ ꠅꠈꠟꠞ ꠅꠜꠤꠎꠥꠉ ꠛꠣꠎꠣꠞꠧ ꠁꠟꠣ ꠊꠑꠘꠣ ꠀꠈꠔꠣ ꠀꠈꠔꠣ ꠊꠐꠦ, ꠄꠞꠖꠣꠄ ꠡꠣꠗꠣꠞꠘ ꠝꠣꠘꠡꠦ ꠘꠤꠞꠣꠚꠖ ꠅ ꠜꠣꠟꠣ ꠉꠥꠍ ꠇꠤꠘꠣꠞ ꠛꠦꠀꠚꠣꠞꠦ ꠍꠤꠘꠔꠣꠔ ꠔꠣꠈꠁꠘ⁕ ꠔꠣꠞꠣ ꠘꠤꠅꠝ ꠈꠞꠤ ꠛꠣꠎꠣꠞꠧ ꠘꠎꠞꠖꠣꠞꠤ ꠛꠣꠠꠣꠘꠤꠞ ꠟꠣꠉꠤ ꠀꠞ ꠖꠥꠡꠤ ꠛꠦꠈꠔꠤ ꠅꠈꠟꠞ ꠈꠑꠤꠘ ꠡꠣꠍꠔꠤꠞ ꠖꠣꠛꠤ ꠈꠞꠁꠘ⁕
