শুরমা ফারর খবর ছিলটি জবানে ছিলটর খবর
Related Articles
ꠍꠤꠟꠦꠐ ꠖꠞꠉꠣꠔ ꠎꠤꠀꠞꠔ ꠀꠅꠀ ꠄꠈꠛꠦꠐꠤꠞꠦ ꠛꠣꠖꠈꠣꠝꠞ ꠅꠜꠤꠎꠥꠉꠦ ꠞꠦꠛꠞ ꠀꠔꠧ ꠖꠥꠁꠎꠘ ꠀꠐꠈ⁕
ꠡꠣꠔꠇꠤꠞꠣ ꠎꠤꠟꠣꠞ ꠄꠈ ꠛꠤꠇ ꠇꠞꠞꠣ ꠛꠦꠐꠦ ꠍꠤꠟꠦꠐ ꠖꠞꠉꠣꠔ ꠀꠁꠍꠟꠣ ꠎꠤꠀꠞꠔꠧ, ꠛꠦꠐꠤꠞꠦ ꠖꠦꠇꠤꠀ ꠄꠈꠛꠦꠐꠣꠄ ꠛꠤꠀꠞ ꠟꠣꠟꠍ ꠖꠦꠈꠣꠁꠀ ꠟꠥꠀꠚꠣꠠꠣ ꠄꠟꠣꠇꠣꠔ ꠄꠈ ꠛꠣꠡꠣꠔ ꠘꠦꠅꠀ ꠅꠄ,ꠛꠣꠖꠦ ꠢꠤꠘꠧ ꠔꠣꠈꠣ ꠈꠄꠎꠘ ꠅ ꠟꠉꠦ ꠍꠤꠄꠘꠎꠤꠘ ꠒꠣꠁꠛꠣꠞ ꠈꠄꠎꠘꠦ ꠝꠤꠟꠤꠀ ꠁ ꠛꠦꠐꠤꠞ ꠟꠉꠦ ꠛꠣꠖ ꠈꠣꠝ ꠈꠞꠁꠘ,ꠛꠤꠀꠘꠤꠛꠣꠟꠣ ꠛꠦꠐꠤꠄ ꠖꠣꠞꠞ ꠛꠣꠠꠣꠐꠤꠀ ꠅꠈꠟꠞꠦ ꠁ ꠛꠦꠀꠚꠣꠞ ꠎꠣꠘꠣꠁꠟꠦ ꠔꠣꠞꠣ ꠀꠘꠣꠝꠣꠔꠤ ꠞꠦꠛꠞꠦ ꠇꠟ ꠖꠦꠄ, ꠛꠣꠖꠦ ꠞꠦꠛ ৯ ꠀꠁꠀ ꠖꠥꠁꠎꠘꠞꠦ ꠀꠐꠈꠣꠄ ꠟꠉꠦ ꠄꠈꠐꠣ ꠖꠣꠞ ꠍꠣꠇꠥ ꠅ ꠍꠤꠄꠘꠎꠤ ꠄꠈꠣꠘ ꠎꠛ꠆ꠖ ꠇꠞꠣ ꠅꠄ⁕ꠀꠐꠈ ꠄꠞꠣꠞ ꠘꠣꠝ ꠚꠞꠤꠍꠄ ꠄꠈꠘꠧ ꠞꠦꠛꠦ ꠙꠇꠣꠡ ꠈꠞꠍꠁꠘ ꠘꠣ,ꠀꠞ ৯ ꠄꠞ ꠍꠙꠤꠄꠍ ꠇꠥꠝ꠆ꠙꠣꠘꠤ ꠇꠝꠣꠘ꠆ꠒꠣꠞ ꠝꠦꠎꠞ ꠍꠣꠖꠝꠣꠘ ꠈꠁꠍꠁ, ꠄꠞꠣꠞꠦ ꠎꠤꠇꠣꠞ ꠚꠥꠍꠞ ꠚꠄꠟꠣꠖꠤꠇꠦꠃ ꠊꠐꠘꠣꠞ ꠟꠉꠦ ꠎꠠꠤꠔ ꠛꠟꠤꠀ ꠡꠤꠇꠣꠞ ꠈꠞꠍꠁꠘ⁕ꠔꠛꠦ ꠍꠤꠄꠘꠎꠤ ꠒꠣꠁꠛꠣꠞ ꠜꠣꠉꠤꠉꠦꠍꠤ ꠔꠣꠞꠦ ꠗꠞꠣꠞ ꠟꠣꠉꠤ ꠅꠛꠤꠎꠣꠘ ꠍꠟꠦꠞ⁕
ꠁꠛꠣꠄ ꠁꠛꠦꠐꠤꠞꠦ ꠖꠥꠀꠁ ꠈꠞꠣꠞꠘꠤꠞ ꠟꠣꠉꠤ ꠀꠡꠚꠣꠔꠣꠟꠧ ꠚꠣꠑꠣꠘꠤ ꠅꠁꠍꠦ,ꠖꠥꠀꠁ ꠈꠞꠣꠞꠘꠤ ꠛꠣꠖꠦ ꠀꠁꠘꠤ ꠘꠤꠅꠝꠦ ꠝꠣꠝꠟꠣ ꠈꠞꠣ ꠅꠁꠛꠧ ꠛꠟꠤꠀ ꠎꠣꠘꠣꠉꠦꠍꠦ⁕
ꠝꠣꠘꠡꠦ ꠝꠣꠔꠣꠝꠣꠔꠤ ꠈꠞꠞꠣ ꠖꠦꠡꠧ ꠀꠁꠘꠞ ꠡꠣꠡꠘ ꠅ ꠡꠑꠤꠇ ꠛꠤꠍꠣꠞ ꠘꠣ ꠕꠣꠈꠣꠄ ꠁꠟꠣ ꠉꠑꠘꠣ ꠀꠟꠣꠔꠥꠟ ꠉꠐꠦꠞ⁕ꠎꠖꠤ ꠈꠑꠤꠘ ꠚꠣꠇꠤꠞ ꠇꠤꠍꠥ ꠛꠤꠍꠣꠞ ꠅꠁꠔꠧ ꠔꠣꠁꠟꠦ ꠝꠣꠘꠦ ꠁꠔꠣ ꠉꠐꠘꠣ ꠈꠞꠣꠞ ꠀꠉꠦ ꠀꠎꠣꠞ ꠛꠣꠞ ꠍꠤꠘꠔꠣ ꠈꠞꠟꠧ ꠅꠘꠦ⁕
