শুরমা ফারর খবর ছিলটি জবানে ছিলটর খবর
Related Articles
ꠎꠁꠘꠔꠣꠚꠥꠞ ১১ ꠛꠍꠞꠞ ꠚꠥꠠꠤꠞꠦ ꠛꠣꠖ ꠈꠣꠝꠞ ꠖꠣꠄ ꠛꠣꠚ ꠉꠦꠚꠔꠣꠞ
ꠍꠤꠟꠦꠐ ꠚꠔꠥꠘꠤꠗꠤ
ꠍꠤꠟꠦꠐꠞ ꠎꠁꠘꠔꠣꠚꠥꠞ ꠃꠚꠎꠤꠟꠣꠄ ꠘꠤꠎꠞ ১১ ꠛꠍꠞꠞ ꠚꠥꠠꠤꠞ ꠟꠉꠦ ꠛꠣꠖ ꠈꠣꠝꠞ ꠅꠜꠤꠎꠥꠉꠦ ꠄꠈ ꠛꠦꠐꠣꠞꠦ ꠚꠥꠟꠤꠡꠦ ꠉꠦꠚꠔꠣꠞ ꠈꠞꠍꠦ⁕ꠉꠦꠚꠔꠣꠞ ꠅꠀ ꠛꠦꠐꠣꠞ ꠘꠣꠝ ꠀꠇꠛꠞ ꠢꠥꠡꠦꠘ ꠛꠄꠡ ৩৬, ꠔꠣꠁꠘ ꠃꠚꠎꠤꠟꠣꠞ ꠊꠤꠟꠣꠔꠁꠟ ꠉꠣꠃꠞ ꠛꠣꠡꠤꠘ꠆ꠖꠣ⁕
ꠛꠥꠗꠛꠣꠞ ২০ ꠝꠦ ২০২৬ ꠁ ꠚꠥꠠꠤꠞ ꠝꠣ ꠛꠣꠖꠤ ꠅꠁꠀ ꠎꠁꠘꠔꠣꠚꠥꠞ ꠝꠒꠦꠟ ꠔꠣꠘꠣꠔ ꠘꠣꠞꠤ ꠅ ꠡꠤꠡꠥ ꠘꠤꠞꠎꠣꠔꠘ ꠖꠝꠘ ꠀꠁꠘꠦ ꠄꠈꠐꠣ ꠝꠣꠝꠟꠣ ꠖꠣꠄꠞ ꠈꠞꠍꠁꠘ⁕ꠝꠣꠝꠟꠣꠞ ꠛꠣꠖꠦ ꠚꠥꠟꠤꠡ ꠀꠡꠣꠝꠤꠞꠦ ꠉꠦꠚꠔꠣꠞ ꠈꠞꠤ ꠀꠖꠣꠟꠔꠧ ꠚꠣꠑꠣꠁꠟꠦ ꠀꠖꠣꠟꠔꠦ ꠔꠣꠞꠦ ꠇꠣꠞꠣꠉꠣꠞꠧ ꠚꠣꠑꠣꠘꠤꠞ ꠘꠤꠞꠖꠦꠡ ꠖꠤꠍꠁꠘ⁕
ꠝꠣꠝꠟꠣꠞ ꠄꠎꠢꠣꠞ ꠡꠥꠔꠞꠦ ꠎꠣꠘꠣꠉꠦꠍꠦ, ꠉꠔ ৪ ꠚꠦꠛꠥꠀꠞꠤ ꠕꠣꠇꠤ ১৭ ꠚꠦꠛꠥꠀꠞꠤ ꠚꠞꠎꠘ꠆ꠔ ꠝꠣꠞ ꠅꠘꠥꠚꠍꠔꠤꠔꠦ ꠁ ꠚꠥꠠꠤꠞꠦ ꠚꠄꠟꠣ ꠖꠚꠣꠄ ꠛꠣꠖ ꠈꠣꠝ ꠈꠞꠦ ꠛꠣꠛꠣ ꠀꠇꠛꠞ ꠢꠥꠡꠦꠘ⁕ ꠄꠞꠛꠣꠖꠦ ꠉꠔ ১৯ ꠝꠦ ꠡꠦꠡꠞꠣꠁꠔ ꠘꠤꠎ ꠊꠞꠞ ꠁ ꠚꠥꠠꠤꠞꠦ ꠀꠛꠣꠞꠧ ꠛꠣꠖ ꠈꠣꠝ ꠈꠞꠦ⁕ꠄꠞꠛꠣꠖꠦ ꠁ ꠚꠥꠠꠤꠄ ꠝꠣꠞ ꠉꠦꠍꠦ ꠢꠈꠟꠔꠣ ꠎꠣꠘꠣꠁꠟꠦ ꠁ ꠚꠥꠠꠤꠞ ꠝꠣꠄ ꠔꠣꠘꠤꠅ ꠎꠘꠧꠚꠔꠤꠘꠤꠖꠤ ꠟꠁꠀ ꠕꠣꠘꠣꠄ ꠉꠤꠀ ꠟꠤꠈꠤꠔ ꠄꠎꠢꠣꠞ ꠖꠣꠄꠞ ꠈꠞꠁꠘ⁕
ꠁꠖꠤꠇꠦ ꠎꠁꠘꠔꠣꠚꠥꠞ ꠕꠣꠘꠣꠞ ꠅꠚꠤꠍꠣꠞ ꠁꠘꠌꠣꠞꠎ ꠝꠥꠢꠣꠝ꠆ꠝꠖ ꠝꠣꠢꠛꠥꠛꠥꠞ ꠞꠢꠝꠣꠘ ꠝꠧꠟ꠆ꠟꠣ ꠊꠐꠘꠣ ꠢꠣꠍꠣ ꠛꠟꠤꠀ ꠎꠣꠘꠣꠁꠍꠁꠘ,ꠅꠜꠤꠎꠥꠉ ꠚꠣꠅꠀꠞ ꠟꠉꠦꠟꠉꠦ ꠎꠟꠖꠤ ꠙꠖꠇ꠆ꠇꠦ ꠘꠤꠀ ꠀꠡꠣꠝꠤꠞꠦ ꠉꠦꠚꠔꠣꠞ ꠈꠞꠣ ꠅꠁꠍꠦ⁕ ꠛꠥꠗꠛꠣꠞ ꠖꠥꠚꠞꠤꠛꠣꠟꠣ ১২ ꠐꠣꠞ ꠖꠤꠇꠦ ꠇꠠꠣ ꠚꠥꠟꠤꠡꠤ ꠚꠣꠢꠣꠞꠣꠄ ꠀꠡꠣꠝꠤꠞꠦ ꠀꠖꠣꠟꠔꠦ ꠔꠥꠟ꠆ꠟꠦ ꠛꠤꠉꠉꠧ ꠀꠖꠣꠟꠔ ꠄꠞꠦ ꠈꠣꠞꠣꠉꠣꠞꠦ ꠚꠣꠑꠣꠘꠤꠞ ꠘꠤꠞꠖꠦꠡ ꠖꠦꠁꠘ⁕
