শুরমা ফারর খবর ছিলটি জবানে ছিলটর খবর
Related Articles
ꠍꠤꠟꠦꠐ ꠚꠣꠢꠤꠝꠣ ꠀꠇ꠆ꠔꠣꠞ ꠘꠣꠝꠞ ৪ ꠛꠍꠞꠞ ꠄꠈꠚꠥꠠꠤꠞꠦ ꠎꠣꠘꠦ ꠝꠣꠞꠣꠞ ꠖꠣꠄ ꠡꠤꠇꠣꠞ ꠎꠣꠇꠤꠞ ꠘꠣꠝꠞ ꠄꠇꠛꠦꠐꠣꠞ
ꠍꠤꠟꠦꠐꠦ ꠚꠣꠚꠤꠝꠣ ꠀꠇꠔꠣꠞ ꠘꠣꠝꠞ ꠄꠈ ꠚꠥꠠꠤꠞ ꠛꠣꠖ ꠈꠣꠝ ꠈꠞꠤ ꠛꠣꠖꠦ ꠉꠟꠣꠐꠤꠚꠣꠝꠣꠞꠤ ꠎꠣꠘꠦ ꠝꠣꠞꠤꠟꠤꠍꠤ ꠟꠣꠉꠣ ꠛꠣꠠꠤꠞ ꠍꠣꠍꠣ ꠡꠝꠙꠞꠇꠞ ꠎꠣꠇꠤꠞ ꠘꠣꠝꠞ ꠘꠣꠝꠞ ꠛꠦꠐꠣꠄ, ꠝꠣꠞꠤꠀ ꠖꠥꠁꠖꠤꠘ ꠟꠣꠡ ꠊꠞꠞ ꠞꠣꠇꠤꠀ ꠚꠞꠦ ꠡꠥꠎꠥꠉ ꠛꠥꠏꠤ ꠛꠦꠉꠧ ꠛꠞꠤ ꠟꠣꠡ ꠘꠤꠀ ꠄꠈ ꠉꠥꠚꠣꠐꠧ ꠚꠣꠟꠣꠁꠖꠤꠍꠦ⁕
ꠁꠛꠣꠄ ꠁꠚꠥꠠꠤꠞꠦ ꠘꠣ ꠚꠣꠁꠀ ꠛꠃꠔ ꠔꠥꠇꠣꠔꠥꠇꠤꠞ ꠛꠣꠖꠦ ꠕꠣꠘꠣꠔ ꠝꠣꠝꠟꠣ ꠈꠠꠍꠁꠘ ꠚꠣꠢꠤꠝꠣꠞ ꠙꠞꠤꠛꠣꠞꠦ⁕ꠕꠣꠘꠣꠔ ꠝꠣꠝꠟꠣꠞ ꠛꠣꠖꠦ ꠕꠣꠘꠤꠅ ꠝꠣꠘꠡꠞ ꠎꠞꠤꠀꠄ ꠄꠈ ꠉꠥꠚꠣꠐ ꠔꠣꠇꠤ ꠚꠣꠢꠤꠝꠣꠞ ꠟꠣꠡ ꠃꠖ꠆ꠖꠣꠞ ꠈꠞꠍꠁꠘ⁕
ꠉꠔꠈꠣꠁꠟ ১১ ꠔꠣꠞꠤꠇ ꠡꠝꠛꠣꠞ, ꠎꠣꠟꠣꠟꠣꠛꠣꠖ ꠕꠣꠘꠣ ꠚꠥꠟꠤꠡꠦ ꠍꠤꠟꠦꠐꠞ ꠡꠖꠞ ꠃꠚꠎꠤꠟꠣꠞ ꠇꠣꠘ꠆ꠖꠤꠉꠣꠃ ꠁꠘꠤꠅꠘꠞ ꠡꠧꠘꠣꠔꠟꠣ ꠉꠣꠃ ꠕꠣꠇꠤ ꠀꠡꠣꠝꠤ ꠎꠣꠇꠤꠞꠞꠦ ꠀꠐꠇ ꠇꠞꠍꠦ⁕ ꠀꠐꠇꠞ ꠈꠛꠞ ꠢꠥꠝꠤꠀ ꠄꠟꠣꠇꠣꠞ ꠡꠣꠗꠣꠞꠘ ꠝꠣꠘꠡꠦ ꠎꠣꠟꠣꠟꠣꠛꠣꠖ ꠕꠣꠘꠣ ꠉꠦꠞꠣꠅ ꠈꠞꠤꠀ ꠝꠣꠘꠦ ꠔꠣꠞ ꠡꠣꠍꠔꠤꠞ ꠖꠣꠛꠤ ꠍꠣꠟꠣꠁꠞꠣ,ꠀꠛꠣꠞ ꠇꠤꠍꠥ ꠝꠣꠘꠦ ꠝꠣꠎ ꠞꠣꠁꠔ ꠎꠣꠇꠤꠞꠞ ꠜꠣꠠꠤꠊꠞ ꠜꠣꠋꠉꠤꠟꠤꠍꠁꠘ⁕
ꠎꠣꠇꠤꠞꠞ ꠎꠛꠣꠘꠛꠘ꠆ꠖꠤ ꠕꠣꠇꠤ ꠎꠣꠘꠣ ꠉꠦꠍꠦ ꠛꠣꠠꠤꠔ ꠈꠦꠃ ꠘꠣ ꠕꠣꠈꠣꠄ ꠁ ꠢꠥꠞꠥꠔꠣꠞꠦ ꠄꠈꠟꠣ ꠚꠣꠁꠀ ꠛꠣꠖꠈꠣꠝ ꠈꠞꠟꠦ ꠁ ꠚꠥꠠꠤ ꠛꠦꠃꠡ ꠅꠁꠉꠦꠍ,ꠔꠣꠞ ꠛꠣꠖꠦ ꠢꠦ ꠒꠞꠣꠁꠀ ꠁꠚꠥꠠꠤꠞꠦ ꠉꠟꠣꠐꠤꠚꠣꠝꠣꠞꠤ ꠎꠣꠘꠦ ꠝꠣꠞꠤꠀ ꠛꠃꠞ ꠃꠘ꠆ꠘꠣꠖꠤꠀ ꠚꠦꠍꠣꠁꠀ ꠟꠣꠡ ꠊꠞꠞ ꠝꠣꠎꠦ ꠟꠥꠇꠣꠁꠀ ꠔꠁꠞꠣꠈꠍꠦ, ꠖꠥꠁꠖꠤꠘ ꠛꠣꠖꠦ ꠉꠘ꠆ꠖ ꠍꠥꠐꠣꠞ ꠒꠞꠦ ꠞꠣꠁꠔ ꠡꠥꠎꠥꠉꠛꠥꠏꠤ ꠃꠘ꠆ꠘꠣ ꠡꠁꠔꠦ ꠟꠣꠡ ꠄꠈ ꠛꠦꠉꠧ ꠜꠞꠤ ꠛꠣꠖꠣꠊꠣꠐ ꠄꠟꠣꠇꠣꠞ ꠄꠈ ꠉꠥꠚꠣꠐꠧ ꠚꠣꠟꠣꠁꠖꠤꠍꠦ⁕ꠚꠞꠦ ꠕꠣꠘꠤꠅ ꠝꠣꠘꠡꠦ ꠁ ꠛꠦꠉ ꠖꠦꠇꠤꠀ ꠚꠥꠟꠤꠡꠧ ꠈꠛꠞ ꠖꠤꠟꠦ ꠡꠥꠇ꠆ꠇꠥꠞꠛꠣꠞ ꠚꠥꠟꠤꠡꠦ ꠀꠁꠀ ꠟꠣꠡ ꠃꠖ꠆ꠖꠣꠞ ꠈꠞꠍꠦ⁕
ꠝꠞꠣ ꠚꠣꠢꠤꠝꠣ ꠍꠤꠟꠦꠐ ꠎꠤꠟꠣꠞ ꠇꠣꠘꠖꠤꠉꠣꠃ ꠁꠘꠤꠅꠘꠞ ꠡꠧꠘꠣꠔꠟꠣ ꠉꠣꠃꠞ ꠞꠥꠎꠤꠈꠣꠝꠟꠣ ꠞꠍꠁꠥꠟ ꠢꠇꠞ ꠚꠥꠠꠤ⁕ꠞꠁꠍꠥꠟ ꠢꠇ ꠔꠣꠘꠤꠅ ꠛꠣꠎꠣꠞꠧ ꠄꠈ ꠖꠥꠇꠣꠘꠧ ꠈꠣꠝꠏꠞꠦ⁕
ꠀꠞ ꠉꠦꠚꠔꠣꠞ ꠅꠀ ꠎꠣꠇꠤꠞ ꠄꠈꠁ ꠉꠣꠃꠞ ꠝꠤꠞꠔꠧ ꠔꠥꠔꠣꠝꠤꠀꠞ ꠚꠥꠀ⁕
