শুরমা ফারর খবর ছিলটি জবানে ছিলটর খবর
Related Articles
ꠍꠤꠟꠐꠞ ꠎꠁꠉꠁꠘ ꠃꠚꠎꠤꠟꠣꠞ ꠄꠈ ꠢꠣꠅꠞꠧ ꠀꠉꠘꠦ ꠚꠥꠠꠣ ꠅ ꠉꠟꠣꠔ ꠖꠠꠤ ꠚꠦꠍꠣꠁꠟ ꠄꠈ ꠟꠣꠡ ꠚꠣꠅꠅꠣ ꠉꠦꠍꠦ⁕ ꠙꠤꠛꠤꠀꠁ ꠅ ꠍꠤ ꠀꠁꠒꠤꠞ ꠔꠔ꠆ꠔ ꠙꠎꠥꠇ꠆ꠔꠤꠞ ꠡꠢꠣꠄꠅꠔꠣꠅ ꠝꠞꠣ ꠛꠦꠈꠔꠤꠞ ꠙꠞꠤꠍꠄ ꠎꠣꠘꠣ ꠉꠦꠍꠦ⁕
ꠝꠞꠣ ꠛꠦꠈꠔꠤꠞ ꠘꠣꠝ ꠛꠥꠞꠢꠣꠘ ꠃꠖ꠆ꠖꠤꠘ ꠡꠚꠤ,(৫৯) ꠔꠣꠁꠘ ꠢꠥꠘꠣꠝꠉꠁꠘ ꠎꠤꠟꠣꠞ ꠎꠉꠘ꠆ꠘꠣꠔꠚꠥꠞ ꠃꠚꠎꠤꠟꠣꠞ ꠔꠣꠘꠤꠅ ꠛꠣꠡꠤꠘ꠆ꠖꠣ ꠅ ꠄꠈꠎꠘ ꠟꠘ꠆ꠒꠘꠤ⁕ ꠁ ꠎꠣꠛꠔ ꠔꠣꠁꠘ ꠍꠤꠟꠐ ꠘꠉꠞꠤꠞ ꠀꠝ꠆ꠛꠞ ꠈꠣꠘꠣꠔ ꠔꠣꠈꠁꠘ⁕
ꠚꠞꠤꠛꠣꠞ ꠎꠞꠤꠀꠄ ꠎꠣꠘꠣꠉꠦꠍꠦ ꠉꠔ ৩০ ꠎꠣꠘꠥꠀꠞꠤ ꠍꠤꠟꠦꠐ ꠔꠘꠦ ꠇꠥꠟꠣꠃꠠꠣ ꠎꠣꠅꠅꠣꠞ ꠚꠔꠦ ꠔꠣꠁꠘ ꠀꠞꠤꠉꠦꠍꠁꠘ, ꠁ ꠊꠑꠘꠣꠄ ꠍꠤꠟꠦꠐꠞ ꠄꠀꠞꠚꠥꠐ ꠔꠣꠘꠣꠔ ꠄꠇꠐꠣ ꠡꠣꠖꠣꠞꠘ ꠒꠣꠁꠞꠤ ꠈꠞꠍꠁꠘ⁕ꠝꠋꠉꠟ ꠛꠣꠞꠦ ꠖꠥꠚꠞꠤꠛꠣꠟꠣ ꠎꠁꠉꠁꠘꠞ ꠡꠥꠟꠔꠣꠘꠚꠥꠞ ꠁꠘꠤꠅꠘꠞ ꠇꠥꠘꠣꠞꠛꠘ꠆ꠖ ꠀꠅꠞꠧ ꠔꠣꠘꠤꠅ ꠝꠣꠘꠡꠦ ꠄꠈꠐꠣ ꠚꠥꠠꠣ ꠝꠞꠣ ꠝꠣꠘꠥꠡ ꠖꠦꠈꠁꠘ, ꠛꠣꠖꠦ ꠕꠣꠘꠣꠔ ꠈꠛꠞ ꠖꠤꠟꠦ ꠚꠥꠟꠤꠡ ꠊꠐꠘꠣꠞ ꠎꠣꠉꠣꠔ ꠀꠁꠀ ꠍꠥꠞꠔ ꠢꠣꠟ ꠖꠦꠈꠁꠘ ꠎꠦ ꠟꠣꠡꠞ ꠉꠔꠞꠞ ꠛꠤꠜꠤꠘ꠆ꠘ ꠎꠣꠉꠣꠔ ꠀꠉꠥꠘ ꠖꠤꠀ ꠎꠟꠣ ꠀꠞ ꠉꠟꠣꠔ ꠚꠣꠉꠣ ꠚꠦꠍꠣꠁꠟ⁕ ꠄꠛꠋ ꠖꠣꠞꠧ ꠘꠥꠘꠞ ꠛꠣꠐꠥ ꠄꠉꠥ ꠚꠣꠁꠍꠁꠘ⁕ ꠖꠣꠞꠘꠣ ꠈꠞꠣ ꠅꠁꠍꠦ ꠀꠟꠣꠝꠔ ꠛꠤꠘꠣꠡ ꠈꠞꠣꠞ ꠖꠣꠄ ꠟꠣꠡꠞ ꠉꠔꠞꠧ ꠀꠉꠥꠘ ꠖꠦꠅꠀ ꠅꠁꠍꠦ⁕
ꠎꠁꠉꠁꠘ ꠕꠣꠘꠣꠞ ꠜꠣꠞꠚꠣꠅꠀ ꠅꠍꠤ ꠀꠛৃꠖꠥꠞ ꠞꠣꠎ꠆ꠎꠣꠇ ꠎꠣꠘꠣꠁꠘ ꠙꠤꠛꠤꠀꠁ ꠅ ꠍꠤꠀꠁꠒꠤ ꠀꠟꠉꠥꠟꠞ ꠍꠣꠙ ꠎꠞꠤꠀꠄ ꠟꠣꠡꠞ ꠙꠞꠤꠍꠄ ꠛꠣꠞꠈꠞꠍꠁꠘ ꠄꠛꠋ ꠚꠞꠤꠛꠣꠞ ꠎꠞꠤꠀꠄ ꠟꠣꠡ ꠛꠥꠞꠢꠣꠘ ꠃꠖ꠆ꠖꠤꠘ ꠡꠚꠤꠞ ꠛꠟꠤꠀ ꠡꠘꠣꠇ꠆ꠔ ꠈꠞꠍꠁꠘ⁕
ꠡꠘꠣꠇ꠆ꠔ ꠈꠞꠣꠞ ꠛꠣꠖꠦ ꠝꠄꠘꠣꠔꠖꠘ꠆ꠔꠞ ꠟꠣꠉꠤ ꠟꠣꠡ ꠄꠝꠄ ꠎꠤ ꠃꠍꠝꠣꠘꠤ ꠝꠦꠒꠤꠇꠦꠟꠞ ꠝꠞꠉꠦ ꠚꠣꠑꠣꠘꠤ ꠅꠁꠍꠦ⁕ ꠄꠛꠋ ꠈꠦ ꠛꠣ ꠈꠣꠞꠣ ꠔꠣꠘꠞꠦ ꠎꠣꠘꠦ ꠝꠣꠞꠍꠦ ꠔꠣ ꠃꠖꠉꠣꠐꠘ ꠈꠞꠣꠞ ꠟꠣꠉꠤ ꠇꠦꠁꠍꠞ ꠙꠍꠔꠥꠔꠤ ꠍꠟꠦꠞ⁕
