শুরমা ফারর খবর ছিলটি জবানে ছিলটর খবর
Related Articles
ꠀꠉꠣꠝꠤ ꠈꠣꠁꠟ ꠡꠝꠛꠣꠞ ( ১ ꠎꠥꠘ) ꠕꠣꠇꠤ ꠍꠤꠟꠦꠐ-ꠓꠣꠈꠣ ꠞꠥꠐꠧ ꠚꠞꠔꠦꠈꠖꠤꠘ ৪ꠐꠣ ꠚꠦꠟꠣꠁꠐꠦ ꠚꠦꠍꠤꠘꠖꠣꠞ ꠀꠘꠣꠘꠦꠅꠀ ꠈꠞꠛꠧ⁕ ꠡꠞꠈꠣꠞꠤ ꠛꠤꠝꠣꠘ ꠡꠋꠁꠍ꠆ꠔꠣ ꠛꠣꠋꠟꠣꠖꠦꠡ ꠛꠤꠝꠣꠘ ꠅ ꠖꠥꠁꠐꠣ ꠛꠦꠡꠞꠈꠣꠞꠤ ꠛꠤꠝꠣꠘ ꠡꠋꠁꠍ꠆ꠔꠣ ꠁꠃꠄꠡ ꠛꠣꠋꠟꠣ ꠅ ꠘꠜꠦꠣꠄꠀꠞ ꠍꠤꠟꠦꠐ ꠀꠘꠔꠞꠎꠣꠔꠤꠇ ꠛꠤꠝꠣꠘꠛꠘ꠆ꠖꠞ ꠕꠣꠇꠤ ꠓꠣꠈꠣ ꠡꠣꠢꠎꠣꠟꠣꠟ ꠀꠘꠔꠞꠎꠣꠔꠤꠇ ꠛꠤꠝꠣꠘꠛꠘ꠆ꠖꠞꠧ ꠚꠦꠍꠤꠘꠖꠣꠞ ꠀꠘꠣꠘꠦꠅꠀ ꠈꠞꠛꠧ⁕ ꠁꠛꠣꠄ ꠇꠞꠧꠘꠣꠜꠣꠁꠞꠣꠍꠞ ꠖꠃꠠ ꠈꠝꠣꠘꠤꠞ ꠟꠣꠉꠤ ꠘꠤꠞꠣꠚꠖꠦ ꠚꠦꠍꠤꠘꠖꠣꠞ ꠀꠘꠣꠘꠦꠅꠀꠞ ꠖꠣꠄ ꠚꠥꠞꠣꠙꠥꠞꠤ ꠙꠍꠔꠥꠔ ꠈꠞꠣ ꠅꠁꠍꠦ ꠍꠤꠟꠦꠐ ꠀꠘ꠆ꠔꠞ꠆ꠎꠣꠔꠤꠇ ꠛꠤꠝꠣꠘꠛꠘ꠆ꠖꠞ⁕ ꠀꠞ ꠘꠦꠅꠀ ꠅꠁꠍꠦ ꠇꠤꠍꠥ ꠚꠖꠇꠇꠦꠙ⁕ ꠄꠞꠝꠣꠎꠦ ꠄꠇꠐꠣ ꠅꠁꠟꠧ, ꠚꠦꠍꠤꠘꠖꠣꠞꠞꠦ ꠛꠤꠝꠣꠘꠛꠘ꠆ꠖꠞ ꠐꠣꠞ꠆ꠝꠤꠘꠣꠟ ꠜꠛꠘꠦ ꠢꠣꠝꠣꠘꠤꠞ ꠡꠝꠄ ꠄꠇꠛꠣꠞ ꠔꠣꠚ ꠝꠣꠚꠣ ꠅꠁꠛꠧ⁕ ꠢꠤꠞꠛꠣꠞ ꠛꠤꠝꠣꠘꠧ ꠃꠑꠣꠞ ꠡꠝꠄ ꠀꠞꠈꠛꠣꠞ ꠔꠣꠚ ꠝꠣꠚꠤꠀ ꠘꠤꠡ꠆ꠌꠤꠔ ꠅꠀ ꠟꠣꠉꠛꠧ⁕ ꠞꠁꠛꠛꠣꠞ (৩১ ꠝꠦ) ꠛꠤꠀꠟ ৩ꠐꠣꠅ ꠍꠤꠟꠦꠐ ꠅꠍꠝꠣꠘꠤ ꠀꠘꠔꠞꠎꠣꠔꠤꠇ ꠛꠤꠝꠣꠘ ꠛꠘ꠆ꠖꠞꠞ ꠛꠦꠛꠡꠔꠣꠚꠇ ꠢꠣꠚꠤꠎ ꠀꠢꠝꠖ ꠁ ꠔꠁꠔꠕ ꠎꠣꠘꠣꠁꠍꠁꠘ⁕ ꠔꠣꠁꠘ ꠈꠁꠍꠁꠝ, ১ꠎꠥꠘ ꠡꠝꠛꠣꠞ ꠛꠤꠀꠘ ꠡꠥꠀ ১০ꠐꠣ ꠕꠣꠇꠤ ꠍꠣꠁꠞꠐꠣ ꠚ꠆ꠟꠣꠁꠐ ꠀꠅꠀ-ꠎꠣꠅꠀ ꠈꠞꠛꠧ⁕ ꠘꠜꠧꠄꠀꠞꠞ ꠄꠈꠐꠣ, ꠁꠃꠄꠡ ꠛꠣꠋꠟꠣꠞ ꠄꠈꠐꠣ ꠀꠞ ꠛꠣꠋꠟꠣꠖꠦꠡ ꠛꠤꠝꠣꠘꠞ ꠖꠥꠁꠐꠣ ꠚ꠆ꠟꠣꠁꠐ ꠍꠤꠟꠦꠐ-ꠓꠣꠈꠣ ꠞꠥꠐꠧ ꠍꠟꠣꠍꠟ ꠈꠞꠛꠧ⁕ ꠄꠞꠝꠣꠎꠦ ꠛꠤꠀꠘ ꠡꠥꠀ ১০ꠐꠣꠔ ꠚꠄꠟꠣ ꠚ꠆ꠟꠣꠁꠐ ꠀꠞ ꠢꠈꠟꠡꠦꠡ ꠚ꠆ꠟꠣꠁꠐ ꠍꠤꠟꠦꠐ ꠕꠣꠇꠤ ꠎꠣꠁꠛꠦ ꠛꠤꠀꠟ ꠚꠘꠦ ৬ꠐꠣꠔ
