শুরমা ফারর খবর ছিলটি জবানে ছিলটর খবর
Related Articles
ꠡꠥꠇꠇꠥꠞꠛꠣꠞ ꠖꠥꠁꠚꠞꠤꠛꠣꠟꠣ ꠎꠁꠘꠔꠣ ꠃꠚꠎꠤꠟꠣꠞ ꠚꠔꠦꠢꠙꠥꠞ ꠁꠘꠤꠅꠘꠞ ꠛꠣꠟꠤꠚꠣꠠꠣ ꠉꠣꠃꠞ ꠛꠘꠞ ꠎꠣꠘꠥꠀꠞ ꠝꠣꠞꠣꠞ ꠁ ꠖꠥꠇꠇꠞ ꠊꠐꠘꠣ ꠉꠐꠍꠦ। ꠄꠈꠟꠉꠦ ৯ꠐꠣ ꠎꠣꠘꠥꠀꠞ ꠚꠤꠐꠤꠀ ꠝꠣꠞꠣꠞ ꠊꠐꠘꠣꠄ ꠍꠧꠡꠣꠟ ꠝꠤꠒꠤꠀ ꠅ ꠡꠍꠦꠔꠘ ꠝꠣꠘꠡꠞ ꠝꠣꠎꠦ ꠛꠦꠀꠚꠇ ꠡꠝꠣꠟꠍꠘꠣ ꠍꠟꠦꠞ। ꠛꠘ ꠜꠤꠛꠣꠉꠞ ꠝꠣꠘꠡꠦꠅ ꠡꠝꠣꠟꠍꠘꠣꠞ ꠍꠃꠇꠦ ꠖꠦꠇꠤꠀ ꠔꠖꠘ꠆ꠔ ꠈꠞꠣꠔ ꠟꠣꠉꠍꠁꠘ। ꠔꠣꠘꠤꠅ ꠅꠈꠟꠦ ꠈꠁꠍꠁꠘ, ꠛꠣꠟꠤꠙꠣꠠꠣ ꠉꠣꠃꠞ ꠇꠣꠘꠖꠣꠔ ꠄꠈ ꠛꠘ ꠀꠍꠦ। ꠈꠅꠖꠤꠘꠞ ꠚꠣꠘꠤꠄ ꠅꠃ ꠛꠘꠧ ꠚꠣꠘꠤ ꠃꠐꠤꠎꠣꠅꠀꠄ ꠛꠘꠞ ꠢꠤꠀꠟ, ꠈꠣꠐꠣꠁꠡ ꠅ ꠘꠦꠃꠟ ꠁꠉꠥꠁꠘ ꠈꠣꠘꠖꠣ ꠈꠣꠍꠣꠞ ꠝꠣꠘꠥꠡ ꠌꠟꠣꠌꠟꠞ ꠄꠟꠣꠇꠣꠔ ꠌꠟꠤꠀ ꠀꠄ। ꠝꠣꠎꠦ ꠝꠣꠎꠦ ꠀꠡ-ꠝꠥꠞꠥꠉ ꠗꠞꠤꠀ ꠘꠦꠄꠉꠤ। ꠄꠞ ꠟꠣꠉꠤ ꠞꠣꠉ ꠇꠞꠤꠀ ꠡꠥꠇꠇꠥꠞꠛꠣꠞ ꠔꠣꠘꠤꠅ ꠄꠈ ꠎꠥꠀꠘ ꠛꠦꠐꠣ ꠅ ꠢꠞꠥꠔꠣꠁꠘ ꠟꠁꠀ ꠉꠣꠃꠞ ꠈꠣꠘꠖꠣꠞ ꠛꠘ ꠉꠤꠀ ꠟꠣꠐꠤꠍꠐꠣ ꠖꠤꠀ ꠚꠤꠐꠤꠀ ꠅꠃ ꠎꠣꠘꠥꠀꠞ ꠉꠥꠁꠘ ꠝꠣꠞꠤꠟꠤꠍꠁꠘ ꠔꠣꠞꠣ। ꠅꠁ ꠉꠣꠃꠞꠞ ꠄꠈ ꠚꠥꠀꠄ ꠅ ꠛꠋꠉꠛꠘꠗꠥ ꠡꠤꠡꠥ-ꠇꠤꠡꠧꠞ ꠝꠦꠟꠣꠞ ꠎꠁꠘꠔꠣꠚꠥꠞ ꠃꠚꠎꠤꠟꠣꠞ ꠡꠣꠗꠣꠞꠘ ꠡꠝꠙꠣꠖꠇ ꠇꠦ ꠄꠁꠌ ꠎꠣꠇꠤꠞ ꠡꠥꠇꠇꠥꠛꠣꠞ ꠛꠤꠀꠟ ꠀꠠꠣꠁꠐꠣꠞ ꠖꠤꠇꠦ ꠅꠔꠣ ꠎꠣꠘꠥꠀꠞ ꠅꠈꠟꠞ ꠇꠤꠍꠥ ꠍꠛꠤ ꠚꠦꠍꠛꠥꠇꠧ ꠀꠙꠟꠧꠒ ꠈꠞꠁꠘ। ꠄꠞ ꠚꠞꠦ ꠅꠃ ꠘꠤꠀ ꠡꠥꠞꠥ ꠅꠁꠍꠦ ꠚꠍꠥꠞ ꠝꠣꠔꠣꠝꠣꠔꠤ।
