শুরমা ফারর খবর ছিলটি জবানে ছিলটর খবর
Related Articles
২৫ꠝꠦ ২০২০ ꠝꠤꠘꠤꠀꠙꠟꠤꠡ ꠘꠣꠝꠦ ꠄꠇꠐꠣ ꠡꠅꠞ ꠖꠥꠞꠉꠐꠘꠣ ꠉꠐꠍꠦ⁕ ꠎꠞ꠆ꠎ ꠚ꠆ꠟꠄꠒ ꠘꠣꠝꠦ ꠄꠈꠎꠘ ꠈꠣꠟꠣ ꠛꠦꠐꠣ ꠚꠥꠟꠤꠡꠞ ꠀꠔ ꠝꠣꠞꠣ ꠉꠦꠍꠁꠘ⁕ ꠙꠦꠞꠣꠄ ৯ꠝꠤꠘꠤꠐ ꠗꠞꠤ ꠚꠥꠟꠤꠡ ꠛꠦꠐꠣꠄ ꠉꠟꠣꠔ ꠀꠐꠥ ꠖꠤ ꠚꠣꠞꠣ ꠝꠣꠞꠤ ꠖꠞꠤꠀ ꠞꠣꠈꠍꠤꠟ⁕
ꠄꠞ ꠝꠣꠎꠦ ꠎꠞ꠆ꠎ ꠚ꠆ꠟꠄꠒ ꠈꠔꠛꠣꠞ ꠢꠣꠃꠇꠣꠁꠀ ꠍꠤꠟ꠆ꠟꠣꠁꠀ ꠇꠁꠍꠁꠘ ꠀꠝꠤ ꠡꠣꠡ ꠙꠣꠟꠣꠁꠔꠣꠝ ꠙꠣꠞꠞꠣꠝꠘꠣ⁕ ꠔꠣꠞ ꠛꠣꠖꠦꠅ ꠚꠥꠟꠤꠡꠦ ꠢꠥꠘꠍꠦꠘꠣ⁕ ১০ꠝꠤꠘꠤꠐ ꠛꠣꠖꠦ ꠖꠦꠈꠣ ꠎꠣꠄ ꠛꠦꠐꠣ ꠅꠁꠉ꠆ꠉꠣꠘ⁕ ꠀꠞ ꠡꠣꠡ ꠛꠘ꠆ꠖ ꠅꠁꠉꠦꠍꠦ⁕ ꠄꠝ꠆ꠛꠥꠟꠦꠘ꠆ꠎ ꠒꠣꠇꠣ ꠅꠁꠟ⁕ ꠛꠣꠖꠦ ꠀꠡꠚꠣꠔꠣꠟ ꠎꠣꠅꠀꠞ ꠙꠞ ꠝꠞꠣꠞ ꠈꠛꠞ ꠢꠥꠘꠣꠎꠣꠄ⁕ ꠀꠝꠦꠞꠤꠇꠣ ꠁꠐꠣ ꠘꠀ ꠇꠥꠘꠥ ꠇꠣꠁꠘꠤ ꠘꠣꠄ⁕ ꠅꠟꠣꠈꠣꠘ ꠀꠞꠅ ꠇꠔꠎꠘ ꠈꠣꠟꠣ ꠎꠣꠔꠤ ꠝꠣꠘꠥꠡ ꠚꠥꠟꠤꠡꠞ ꠀꠔ ꠝꠞꠍꠁꠘ⁕ ꠛꠣꠖꠦ ꠀꠝꠦꠞꠤꠇꠣꠞ ꠡꠅꠞ ꠅꠈꠟ ꠝꠣꠁꠞ ꠒꠦꠋꠉꠣ ꠀꠞ ꠟꠥꠐ ꠙꠣꠐ ꠅꠁꠍꠦ⁕ ꠉꠦꠍꠦ ꠢꠣꠚꠔꠣ ꠈꠄꠈꠐꠣ ꠡꠢꠞ ꠟꠥꠐ ꠙꠣꠐ ꠀꠞ ꠀꠉꠁꠘ ꠖꠤꠀ ꠎꠟꠣꠘꠤ ꠅꠁꠍꠦ⁕ ꠛꠃꠔ ꠝꠣꠁꠘꠡꠞ ꠛꠦꠙꠡꠣ ꠜꠤꠞꠝꠣꠘꠣ ꠅꠁꠍꠦ⁕ ꠎꠦ ꠚꠥꠟꠤꠡꠞ ꠀꠔ ꠎꠞ꠆ꠎ ꠚ꠆ꠟꠄꠒ ꠝꠣꠞꠣ ꠉꠦꠍꠟꠣ ꠅꠈꠘꠇꠥ ꠔꠣꠘ ꠡꠣꠎꠣ ꠅꠁꠛ⁕ ꠇꠤꠘ꠆ꠔꠥꠇ ৩ ꠒꠤꠉ꠆ꠞꠤ ꠝꠣꠒꠣꠞ ꠝꠣꠝꠟꠣ ꠇꠦꠁꠡ ꠖꠡꠤ ꠅꠁꠍꠁꠘ⁕
ꠔꠄ ꠝꠣꠁꠘꠡꠦ ꠍꠣꠁꠞ ꠛꠣꠁꠖꠤ ꠟꠥꠐ ꠙꠣꠐ ꠇꠞꠞꠣ⁕ ꠀꠝꠦꠞꠤꠇꠣꠞ ꠚꠦꠍꠤꠒꠦꠘ꠆ꠐ ꠒꠘꠣꠟ꠆ꠒ ꠐ꠆ꠞꠣꠝ꠆ꠙ ꠡꠣꠞꠣ ꠖꠦꠡꠞ ꠝꠣꠁꠡꠞ ꠉꠦꠍꠦ ꠅꠘꠥꠞꠖ ꠇꠞꠞꠣ ꠁꠔꠣ ꠛꠘ ꠈꠞꠣꠞ ꠟꠣꠉꠤ⁕ ꠇꠤꠘ꠆ꠔꠥꠇ ꠈꠦꠃ ꠢꠥꠘꠞꠣꠘꠣ⁕ ꠟꠘ꠆ꠒꠘ ꠡꠅꠞ ꠝꠣꠁꠘꠡꠦ ꠝꠤꠍꠤꠟ ꠈꠞꠍꠁꠘ⁕ ꠛ꠆ꠟꠣꠇ ꠟꠣꠁꠜ ꠝꠣꠐꠣꠞ꠆ꠍ ꠘꠣꠝꠦ ꠔꠣꠞꠣ ꠀꠘ꠆ꠖꠥꠟꠘ ꠈꠞꠞꠣ⁕
ꠈꠛꠞ ꠙꠣꠐꠣꠁꠍꠘ: ꠡꠣꠢꠤꠘ ꠞꠢꠝꠣꠘ
