শুরমা ফারর খবর ছিলটি জবানে ছিলটর খবর
Related Articles
ꠍꠤꠟꠐꠞ ꠎꠇꠤꠉꠁꠘ ꠄꠈꠝꠣꠔ꠆ꠞ ꠚꠥꠀꠄ ꠛꠥꠠꠣ ꠝꠣꠞꠦ ꠇꠥꠘ ꠈꠞꠤꠟꠤꠍꠦ। ꠍꠤꠟꠐꠞ ꠎꠇꠤꠉꠁꠘ ꠄꠈꠝꠣꠔ꠆ꠞ ꠚꠥꠀꠄ ꠝꠣꠞꠦ ꠇꠥꠘ ꠈꠞꠤꠟꠤꠍꠦ।
ꠇꠥꠘ ꠅꠀ ꠛꠦꠐꠤꠞ ꠘꠣꠝ ꠍꠄꠞꠥꠘ ꠛꠦꠉꠝ (৬৫)। ꠃꠚꠎꠤꠟꠣꠞ ꠛꠤꠞꠍꠞꠤ ꠁꠘꠤꠅꠘꠞ ꠛꠤꠚꠇ ꠉꠣꠃꠔ ꠡꠝꠛꠣꠞ (১ ꠎꠥꠘ) ꠞꠣꠁꠔ ꠁ ꠉꠐꠘꠣ ꠉꠐꠍꠦ ꠀꠞ ꠝꠋꠉꠟꠛꠣꠞ (২ ꠎꠥꠘ) ꠀꠡꠚꠣꠔꠣꠟꠧ ꠛꠥꠠꠣꠛꠦꠐꠤ ꠝꠣꠞꠣ ꠉꠦꠍꠁꠘ। ꠊꠐꠘꠣꠞ ꠈꠛꠞ ꠚꠣꠁꠀ ꠎꠇꠤꠉꠁꠘ ꠕꠣꠘꠣꠞ ꠚꠥꠟꠤꠡ ꠡꠞꠎꠝꠤꠘꠧ ꠉꠤꠀ ꠇꠥꠘꠤ ꠚꠥꠀ ꠀꠛꠤꠖ ꠢꠥꠡꠦꠘꠞꠦ ꠀꠁꠖꠣ ꠡꠁꠔꠦ ꠀꠐꠇ ꠈꠞꠍꠁꠘ। ꠁ ꠊꠐꠘꠣꠄ ꠛꠥꠠꠣꠛꠦꠐꠤꠞ ꠚꠥꠞꠤ ꠞꠥꠡꠘꠣ ꠛꠦꠉꠝ ꠛꠣꠖꠤ ꠅꠁꠀ ꠀꠚꠘ ꠜꠣꠁꠞꠦ ꠀꠡꠣꠝꠤ ꠈꠞꠤ ꠝꠣꠝꠟꠣ ꠈꠞꠍꠁꠘ। ꠢꠥꠘꠣꠉꠦꠍꠦ, ꠊꠞꠣꠡꠐꠝꠤ ꠏꠉꠠꠣ ꠟꠁꠀ ꠡꠝꠛꠣꠞ ꠞꠣꠁꠔ ১০ꠐꠣꠞ ꠖꠤꠇꠦ ꠔꠣꠞ ꠝꠣ ꠍꠄꠞꠥꠘ ꠛꠦꠉꠝꠞꠦ ꠄꠇꠝꠣꠔ꠆ꠞ ꠚꠥꠀ ꠀꠛꠤꠖ ꠢꠧꠡꠦꠘ (৩০) ꠀꠁꠖꠣ ꠖꠤꠀ ꠍꠦꠖꠣꠁꠀ ꠉꠦꠞꠣ ꠎꠈꠝ ꠈꠞꠤꠟꠤꠍꠦ।
ꠚꠞꠦ ꠔꠣꠘꠤꠅ ꠅꠈꠟꠦ ꠛꠥꠠꠣꠛꠦꠐꠤꠞꠦ ꠃꠖꠖꠣꠞ ꠈꠞꠤꠀ ꠚꠕꠝꠦ ꠎꠇꠤꠉꠁꠘ ꠃꠚꠎꠤꠟꠣ ꠡꠞꠈꠣꠞꠤ ꠀꠡꠚꠣꠔꠣꠟ ꠟꠁꠀ ꠉꠦꠍꠁꠘ। ꠢꠈꠣꠘꠧ ꠄꠝꠣꠞꠎꠦꠘ꠆ꠡꠤ ꠒꠣꠈꠔꠞ ꠅꠈꠟꠦ ꠚꠣꠞꠔꠝꠤꠇ ꠍꠤꠇꠤꠡꠡꠣ ꠖꠤꠀ ꠞꠥꠉꠤꠞꠦ ꠍꠤꠟꠦꠐ ꠄꠝ ꠄ ꠎꠤ ꠅꠍꠝꠣꠘꠤ ꠝꠦꠒꠤꠇꠦꠟ ꠇꠟꠦꠎ ꠀꠡꠚꠣꠔꠣꠟꠧ ꠙꠣꠐꠣꠁꠖꠤꠍꠁꠘ। ꠛꠣꠖꠦ (২ꠎꠥꠘ) ꠝꠋꠉꠟꠛꠣꠞ ꠛꠤꠀꠟꠦ ৩ꠐꠣꠞ ꠖꠤꠇꠦ ꠍꠤꠇꠤꠡꠡꠣꠞꠔ ꠅꠛꠍꠔꠣꠔ ꠍꠄꠞꠥꠘ ꠛꠦꠉꠝ ꠝꠣꠞꠣ ꠉꠦꠍꠁꠘ। ꠈꠣꠘꠖꠣ ꠈꠣꠍꠣꠞ ꠝꠣꠘꠦ ꠎꠣꠘꠣꠁꠍꠁꠘ ꠀꠛꠤꠖ ꠢꠧꠡꠦꠘ ꠛꠤꠖꠦꠡꠕꠣꠇꠤ ꠀꠁꠍꠦ।
ꠙꠦꠞꠣꠄ ꠝꠣ ꠚꠥꠀꠞ ꠝꠣꠎꠦ ꠖꠞꠛꠣꠞꠖꠤꠀꠘ ꠅꠁꠔꠧ। ꠡꠝꠛꠣꠞ ꠖꠞꠛꠣꠞꠖꠤꠀꠘ ꠄꠈꠙꠞꠎꠣꠅ ꠚꠥꠀ ꠀꠛꠤꠖꠦ ꠀꠁꠖꠣ ꠟꠁꠀ ꠝꠣꠞꠦ ꠃꠛꠣꠍꠥꠛꠣ ꠍꠦꠖꠣꠁꠀ ꠎꠈꠝꠤꠀ ꠈꠞꠤꠟꠣꠄ। ꠎꠇꠤꠉꠁꠘ ꠕꠣꠘꠣꠞ ꠅꠍꠤ (ꠔꠖꠘ꠆ꠔ) ꠡꠥꠡꠋꠇꠞ ꠙꠣꠟ ꠊꠐꠘꠣ ꠢꠣꠍꠣꠛꠟꠤꠀ ꠘꠤꠌꠌꠤꠔ ꠈꠞꠤꠀ ꠎꠣꠘꠣꠁꠍꠁꠘ। ꠚꠥꠀꠞꠦ ꠀꠐꠇ ꠇꠞꠤꠀ ꠔꠣꠘꠣꠔ ꠘꠦꠅꠀ ꠅꠁꠍꠦ ꠀꠞ ꠟꠣꠡ ꠝꠄꠘꠣ ꠔꠖꠘ꠆ꠔꠞ ꠛꠣꠖꠦ ꠖꠣꠚꠘ ꠈꠞꠣ ꠅꠁꠛꠧ ꠛꠟꠤꠀ ꠎꠣꠘꠣꠉꠦꠍꠦ।
