Home / ꠡꠥꠘꠣꠝꠉꠁꠘꠎ / ꠢꠥꠘꠣꠝꠉꠁꠘꠦ ꠖꠥꠇꠣꠘ ꠕꠣꠇꠤ ꠒꠣꠈꠖꠤꠀ ꠘꠤꠀ ꠄꠈ ꠎꠥꠀꠘ ꠚꠥꠀꠞꠦ ꠇꠥꠘ

ꠢꠥꠘꠣꠝꠉꠁꠘꠦ ꠖꠥꠇꠣꠘ ꠕꠣꠇꠤ ꠒꠣꠈꠖꠤꠀ ꠘꠤꠀ ꠄꠈ ꠎꠥꠀꠘ ꠚꠥꠀꠞꠦ ꠇꠥꠘ


ꠢꠥꠘꠣꠝꠉꠁꠘꠦ ꠖꠥꠇꠣꠘ ꠕꠣꠇꠤ ꠒꠣꠈꠖꠤꠀ ꠘꠤꠀ ꠄꠈ ꠎꠥꠀꠘ ꠚꠥꠀꠞꠦ ꠇꠥꠘ,

ꠢꠥꠘꠣꠝꠉꠁꠘ ꠖꠥꠀꠞꠣꠛꠣꠎꠣꠞ ꠃꠚꠎꠤꠟꠣꠔ ꠘꠥꠞ ꠀꠟꠝ (১৮) ꠘꠣꠝꠞ ꠄꠈ ꠎꠥꠘꠘ ꠚꠥꠀꠞ ꠟꠣꠡ ꠃꠖ꠆ꠖꠣꠞ ꠈꠞꠣ ꠅꠁꠍꠦ, ꠔꠣꠁꠘ ꠢꠥꠘꠣꠝꠉꠁꠘ ꠡꠖꠞ ꠃꠚꠎꠤꠟꠣꠞ ꠞꠋꠉꠣꠞꠌꠞ ꠁꠘꠤꠅꠘꠞ ꠖꠞꠙꠥꠉꠣꠃꠞ ꠘꠥꠞꠥꠟ ꠁꠍꠟꠣꠝꠞ ꠚꠥꠀ,

ꠡꠥꠇ꠆ꠇꠥꠞꠛꠣꠞ ꠛꠤꠀꠘꠦ ꠖꠥꠀꠞꠣꠛꠣꠎꠣꠞ ꠃꠚꠎꠤꠟꠣꠞ ꠟꠇ꠆ꠇꠤꠚꠥꠞ ꠁꠘꠤꠅꠘꠞ ꠎꠤꠞꠣꠞꠉꠣꠃꠞ ꠈꠣꠘ꠆ꠖꠣꠞ ꠄꠈ ꠗꠣꠘ ꠈꠦꠔ ꠕꠣꠇꠤ ꠁ ꠎꠥꠀꠘ ꠚꠥꠀꠞ ꠟꠣꠡ ꠃꠖ꠆ꠖꠞ ꠈꠞꠣ ꠅꠁꠍꠦ,

ꠚꠥꠟꠤꠡꠦ ꠎꠣꠘꠣꠁꠍꠂꠘ, ꠖꠥꠀꠞꠣꠛꠣꠎꠣꠞ ꠃꠚꠎꠤꠟꠣꠞ ꠚꠌ꠆ꠌꠤꠝ ꠛꠣꠋꠟꠣꠛꠣꠎꠣꠞꠧ ꠘꠥꠞ ꠀꠟꠝꠞ ꠚꠞꠤꠛꠣꠞꠞ ꠈꠣꠅꠀꠞ ꠅꠐꠟ ꠀꠍꠦ, ꠘꠥꠞ ꠀꠟꠝ ꠅꠃ ꠅꠐꠟꠧ ꠛꠁꠘ ꠛꠦꠍꠣꠛꠤꠇꠤ ꠈꠞꠁꠘ,

ꠛꠤꠞꠧꠡꠁꠔ ꠛꠣꠞ ꠞꠣꠁꠔ ꠔꠣꠁꠘ ꠖꠧꠇꠣꠘꠦ ꠀꠍꠟꠣ, ꠞꠣꠁꠔ ১১ꠐꠣꠞ ꠖꠤꠇꠦ ꠄꠟꠣꠈꠣꠞ ꠄꠇ ꠎꠧꠀꠘ ꠚꠥꠀꠄ ꠔꠣꠘꠞꠦ ꠖꠧꠇꠣꠘ ꠕꠣꠇꠤ ꠒꠣꠈ ꠖꠤ ꠘꠤꠀ ꠉꠦꠍꠁꠘ, ꠀꠞ ꠚꠞꠞꠖꠤꠘ ꠡꠥꠇ꠆ꠇꠥꠞꠛꠣꠞ ꠛꠤꠀꠘꠦ ꠖꠥꠀꠞꠣꠛꠣꠎꠣꠞ ꠃꠚꠎꠤꠟꠣꠞ ꠟꠇ꠆ꠇꠤꠚꠥꠞ ꠁꠘꠤꠅꠘꠞ ꠎꠤꠞꠣꠞꠉꠣꠃꠞ ꠈꠣꠘ꠆ꠖꠣꠞ ꠄꠈ ꠈꠦꠔꠧ ꠔꠣꠘꠤꠅ ꠝꠣꠘꠡꠦ ꠘꠥꠞ ꠀꠟꠝꠞ ꠟꠣꠡ ꠖꠦꠈꠔꠦ ꠚꠣꠁꠍꠁꠘ,ꠛꠣꠖꠦ ꠚꠥꠟꠤꠡꠧ ꠈꠛꠞ ꠖꠤꠟꠦ ꠚꠥꠟꠤꠡ ꠀꠁꠀ ꠟꠣꠡ ꠃꠖ꠆ꠖꠣꠞ ꠈꠞꠍꠁꠘ, ꠟꠣꠡꠞ ꠉꠔꠞꠧ ꠛꠃꠔ ꠎꠣꠉꠣꠔ ꠎꠈꠝꠞ ꠖꠣꠉ ꠖꠦꠈꠣꠉꠦꠍꠦ,

ꠖꠥꠀꠞꠣꠛꠣꠎꠣꠞ ꠕꠣꠘꠣꠞ ꠜꠣꠞꠚꠣꠅꠀ ꠇꠞꠝꠧꠇꠞꠔꠣ (ꠅꠡꠤ) ꠘꠣꠎꠤꠞ ꠀꠟꠝꠦ ꠈꠁꠍꠁꠘ, ꠟꠣꠡ ꠃꠖ꠆ꠖꠣꠞ ꠈꠞꠤ ꠝꠄꠘꠣꠔꠖꠘ꠆ꠔꠞ ꠟꠣꠉꠤ ꠢꠥꠘꠣꠝꠉꠁꠘ ꠡꠖꠞ ꠀꠡꠚꠣꠔꠣꠟꠧ ꠚꠣꠑꠣꠘꠤ ꠅꠁꠍꠦ, ꠚꠥꠟꠤꠡ ꠊꠐꠘꠣ ꠔꠖꠘ꠆ꠔ ꠈꠞꠞꠣ, ꠄꠛꠋ ꠊꠐꠘꠣꠞ ꠟꠉꠦ ꠎꠠꠤꠔ ꠁꠡꠣꠛꠦ ꠡꠘ꠆ꠖꠦꠢꠜꠣꠎꠘ ꠄꠈꠎꠘꠞ ꠘꠣꠝ ꠀꠝꠞꠣ ꠚꠣꠁꠍꠤ, ꠔꠣꠞꠦ ꠗꠞꠣꠞ ꠟꠣꠉꠤ ꠚꠥꠟꠤꠡ ꠅꠜꠤꠎꠣꠘꠧ ꠀꠍꠁꠘ,

 

1/5 - (1 vote)

About surmafarorkhobor

Check Also

ꠀꠎ ꠀꠘ꠆ꠔꠞꠎꠣꠔꠤꠇ ꠘꠣꠉꠞꠤ ꠖꠤꠛꠡ

ꠀꠎ ꠀꠘ꠆ꠔꠞꠎꠣꠔꠤꠇ ꠘꠣꠉꠞꠤ ꠖꠤꠛꠡ

ꠘꠣꠡꠤꠞ ꠌꠃꠗꠥꠞꠤ ꠔꠣꠘꠛꠤꠞ- ꠙꠤꠔꠤꠛꠤꠔꠦ ꠡꠤꠟꠦꠐꠤꠞ ꠡꠁꠋꠇꠣ ২ ꠇꠧꠐꠤ ১৮ ꠟꠣꠈ. ꠍꠤꠟꠦꠐꠤ ꠛꠣꠋꠟꠣꠖꠦꠡ, ꠜꠣꠞꠔꠦꠞ ꠍꠤꠟꠋ, ꠝꠦꠊꠣꠟꠄ …