শুরমা ফারর খবর ছিলটি জবানে ছিলটর খবর
Related Articles
ꠁꠛꠍꠞ ১০ ꠀꠎꠣꠞꠞ ꠛꠦꠡꠤ ꠝꠣꠘꠡꠦ ꠢꠎ ꠈꠞꠔꠣ ꠚꠣꠞꠔꠣꠘꠣꠄ⁕
ꠈꠛꠞ ꠡꠃꠖꠤ ꠙꠔꠤꠘꠤꠖꠤ
ꠡꠣꠁꠡꠔꠝꠘ꠆ꠔꠤꠞꠤ ꠒꠣ. ꠔꠣꠅꠚꠤꠇ ꠀꠟ ꠞꠣꠛꠤꠄ ꠈꠁꠍꠁꠘ ꠁꠛꠍꠞ ꠇꠥꠛ ꠈꠝ ꠡꠁꠘꠇꠣ ꠝꠣꠘꠡꠦ ꠢꠎ ꠇꠞꠔꠣ ꠚꠣꠞꠛꠣ, ꠔꠣꠅ ꠈꠣꠟꠤ ꠍꠃꠖꠤ ꠀꠞꠛꠞ ꠛꠤꠔꠞꠦ ꠎꠣꠞꠣ ꠀꠍꠁꠘ ꠍꠃꠖꠤ ꠀꠎꠘꠛꠤ ꠝꠤꠟꠣꠁꠀ⁕
ꠁꠛꠣꠄ ꠢꠎ ꠅ ꠃꠝꠞꠣ ꠝꠘꠔꠤꠞꠤ ꠒꠣ. ꠝꠥꠢꠣꠝ꠆ꠝꠖ ꠍꠣꠟꠤꠢ ꠛꠤꠘ ꠔꠣꠢꠦꠞ ꠛꠣꠘꠔꠤꠘꠄ ꠁꠛꠣꠞ ꠇꠥꠛ ꠈꠝ ꠝꠣꠘꠡꠦ ꠢꠎ ꠈꠞꠣꠞ ꠡꠥꠎꠥꠉ ꠚꠣꠁꠛꠣ, ꠀꠞ ꠡꠁꠘꠇꠣ ꠘꠤꠞꠖꠣꠞꠘ ꠈꠞꠣ ꠅꠁꠛꠧ ꠡꠣꠁꠡꠔ ꠝꠘꠔꠞꠘꠣꠟꠄꠞ ꠟꠉꠦ ꠚꠞꠣꠝꠞꠡꠧ ꠈꠞꠤ⁕ ꠡꠣꠁꠍꠔ ꠝꠘꠔꠤꠞꠤꠞ ꠟꠉꠦ ꠛꠤꠒꠤꠅ ꠇꠘꠚꠣꠞꠦꠘꠍ ꠇꠞꠍꠁꠘ ꠁꠡꠝꠄ ꠔꠣꠘꠞꠦ ꠈꠁꠔꠦ ꠢꠥꠘꠣꠉꠦꠍꠦ ꠎꠦ ꠖꠡ ꠀꠎꠣꠞ ꠝꠣꠘꠡꠞ ꠛꠦꠡꠤ ꠁꠛꠣꠞ ꠢꠎ ꠈꠞꠣꠞ ꠡꠥꠎꠥꠉ ꠚꠣꠁꠔꠣꠘꠣꠄ⁕ ꠢꠎ ꠝꠘꠔꠤꠞꠤꠄ ꠀꠞꠧ ꠈꠁꠍꠁꠘ ꠇꠞꠧꠘꠣ ꠜꠣꠁꠞꠣꠍꠞ ꠈꠞꠣꠘꠦ ꠛꠤꠡꠣꠟ ꠝꠣꠘꠡꠞ ꠡꠝꠉꠝ ꠘꠣ ꠅꠀꠞ ꠟꠣꠉꠤ ꠁ ꠈꠝ ꠡꠁꠘꠇꠣꠄ ꠘꠤꠞꠖꠣꠞꠘ ꠈꠞꠣ ꠅꠁꠍꠦ⁕ ꠙꠔꠤ ꠝꠣꠘꠡꠞ ꠟꠣꠉꠤ ꠀꠟꠣꠖꠣ ꠀꠟꠣꠖꠣ ꠢꠇꠟ ꠘꠤꠅꠝ ꠇꠣꠘꠥꠘ ꠚꠣꠟꠘ ꠇꠞꠣꠞ ꠛꠦꠛꠍꠔꠣ ꠈꠞꠣ ꠅꠁꠛꠧ⁕
ꠄꠛꠋ ꠢꠈꠟ ꠙꠛꠤꠔ꠆ꠞ ꠎꠣꠉꠣꠔ ꠎꠣꠅꠀꠞ ꠀꠉꠦ ꠙꠞꠤꠇꠇꠣ ꠇꠞꠣ ꠅꠁꠛꠧ ꠀꠞ ৬৫ ꠛꠍꠞꠞ ꠈꠝ ꠛꠄꠡ ꠅꠁꠟꠦ ꠢꠎ ꠈꠞꠔꠣ ꠚꠣꠞꠛꠣ, ꠛꠦꠝꠣꠞꠞ ꠇꠧꠘ ꠀꠟꠣꠝꠔ ꠀꠍꠦ ꠇꠤꠘꠣ ꠔꠣꠅ ꠇꠤꠀꠟ ꠈꠞꠣ ꠅꠁꠛꠧ, ꠀꠞ ꠡꠛ ꠇꠤꠍꠥꠞ ꠚꠞꠦ ꠢꠧꠝ ꠇꠥꠀꠞꠦꠘꠐꠣꠁꠘ ꠘꠤꠌꠌꠤꠔ ꠈꠞꠣ ꠅꠁꠛꠧ⁕
