Home / ꠖꠦꠡꠞ ꠈꠛꠞ / ꠅꠛꠤꠉꠁꠘꠦ ꠚꠥꠠꠤꠞ ꠟꠉꠦ ꠛꠣꠖ ꠈꠣꠝꠞ ꠖꠣꠄ ꠛꠣꠚ ꠡꠁꠔꠦ ꠛꠣꠚꠞ ꠈꠣꠔꠤꠞꠞꠦ ꠞꠦꠛꠦ ꠀꠐꠈ ꠈꠞꠍꠦ

ꠅꠛꠤꠉꠁꠘꠦ ꠚꠥꠠꠤꠞ ꠟꠉꠦ ꠛꠣꠖ ꠈꠣꠝꠞ ꠖꠣꠄ ꠛꠣꠚ ꠡꠁꠔꠦ ꠛꠣꠚꠞ ꠈꠣꠔꠤꠞꠞꠦ ꠞꠦꠛꠦ ꠀꠐꠈ ꠈꠞꠍꠦ

ꠅꠛꠤꠉꠁꠘꠦ ꠚꠥꠠꠤꠞ ꠟꠉꠦ ꠛꠣꠖ ꠈꠣꠝꠞ ꠖꠣꠄ ꠛꠣꠚ ꠡꠁꠔꠦ ꠛꠣꠚꠞ ꠈꠣꠔꠤꠞꠞꠦ ꠞꠦꠛꠦ ꠀꠐꠈ ꠈꠞꠍꠦ⁕

ꠅꠛꠤꠉꠁꠘꠞ ꠍꠥꠘꠣꠞꠥꠉꠣꠐ ꠕꠣꠘꠣꠞ ꠉꠣꠎꠤꠚꠥꠞ ꠁꠘꠤꠅꠘꠞ ꠀꠟꠤꠘꠉꠞ ꠉꠣꠃꠔ ꠘꠤꠎꠞ ১৩ ꠛꠍꠞ ꠛꠄꠡꠞ ꠚꠥꠠꠤꠞꠦ ꠈꠣꠔꠤꠞꠞꠦ ꠟꠉꠦ ꠟꠁꠀ ꠛꠣꠖ ꠈꠣꠝ ꠈꠞꠍꠦ ꠛꠣꠚꠦ⁕ꠁ ꠊꠐꠘꠣꠄ ꠎꠣꠘꠅꠀꠞ ꠛꠣꠚ ꠅ ꠔꠣꠞ ꠈꠣꠔꠤꠞꠞꠦ ꠛꠣꠠꠤ ꠕꠣꠇꠤ ꠀꠐꠇ ꠈꠞꠍꠦ ꠞꠦꠛ,ꠛꠣꠖꠦ ꠞꠦꠛꠦ ꠖꠥꠘꠧ ꠎꠣꠘꠅꠀꠞꠞꠦ ꠍꠥꠘꠣꠞꠥꠉꠣꠐ ꠕꠣꠘꠣꠔ ꠍꠣꠟꠣꠘ ꠈꠞꠍꠦ⁕
ꠅꠃ ꠚꠥꠠꠤꠞ ꠀꠚꠘ ꠍꠣꠍꠣ ꠀꠛ꠆ꠖꠥꠟ ꠝꠣꠟꠤꠇꠦ ꠎꠣꠘꠣꠁꠍꠁꠘ, ꠀꠛ꠆ꠖꠥꠟ ꠈꠣꠟꠤꠇꠦ ꠔꠣꠞ ꠈꠣꠔꠤꠞ ꠀꠛ꠆ꠖꠥꠟ ꠇꠣꠖꠤꠞꠞꠦ ꠟꠉꠦ ꠟꠁꠀ ꠉꠔ ꠄꠈ ꠡꠣꠚꠔꠣ ꠕꠣꠇꠤ ꠔꠣꠞ ꠘꠤꠎꠞ ꠚꠥꠠꠤꠞ ꠟꠉꠦ ꠛꠣꠖ ꠈꠣꠝ ꠈꠞꠦꠞ, ꠉꠔ ꠡꠝꠛꠣꠞ ꠛꠤꠀꠘꠦ ꠅꠃ ꠚꠥꠠꠤꠄ ꠔꠣꠁꠞ ꠍꠣꠍꠤꠞ ꠉꠦꠍꠦ ꠉꠑꠘꠣ ꠎꠣꠘꠣꠁꠟꠦ ꠊꠞꠞ ꠜꠤꠔꠞꠦ ꠛꠃꠔ ꠉꠥꠘꠣꠉꠣꠍꠣ ꠍꠟꠦ,ꠄꠈꠚꠞꠎꠣꠄ ꠚꠥꠠꠤꠄ ৯৯৯ ꠘꠣꠁꠘꠧ ꠇꠟ ꠖꠤꠀ ꠡꠎꠧꠉꠤꠔꠣ ꠍꠣꠄ,ꠄꠞꠛꠣꠖꠦ ꠁ ꠈꠛꠞ ꠞꠦꠛꠞ ꠈꠣꠘꠧ ꠖꠦꠅꠀ ꠅꠄ,ꠛꠣꠖꠦ ꠞꠦꠛꠞ ꠄꠈꠐꠣ ꠖꠟ ꠝꠋꠉꠟꠛꠣꠞ ꠞꠣꠁꠔ ꠀꠁꠀ ꠘꠤꠎ ꠛꠣꠠꠤ ꠕꠣꠇꠤ ꠖꠥꠁ ꠎꠣꠘꠅꠀꠞꠞꠦ ꠀꠐꠇ ꠈꠞꠦ,ꠚꠞꠦ ꠞꠦꠛꠦ ꠍꠥꠘꠣꠞꠥꠊꠣꠐ ꠕꠣꠘꠣꠔ ꠚꠥꠟꠤꠡꠦꠞ ꠎꠤꠝ꠆ꠝꠣꠄ ꠖꠦꠄ⁕

ꠢꠥꠘꠣꠉꠦꠍꠦ,ꠀꠛ꠆ꠖꠥꠟ ꠈꠣꠟꠤꠇ (৪০) ꠝꠣꠟꠤꠡꠤꠀꠔ ꠕꠣꠈꠔꠧ,ꠇꠞꠥꠘꠣꠞ ꠈꠣꠞꠘꠦ ꠙꠦꠞꠣꠄ ꠄꠈꠛꠍꠞ ꠀꠉꠦ ꠖꠦꠡꠧ ꠀꠁꠍꠦ,ꠖꠦꠡꠧ ꠀꠅꠀꠞ ꠛꠣꠖꠦ ꠙꠦꠞꠣꠁ ꠛꠃꠞ ꠟꠉꠦ ꠖꠞꠛꠣꠞ ꠅ ꠝꠣꠁꠞꠖꠁꠞ ꠈꠞꠔꠧ,ꠝꠣꠁꠞ ꠖꠁꠞꠞ ꠈꠣꠞꠘꠦ ১ ꠝꠣꠡ ꠀꠉꠦ ꠛꠃ ꠞꠣꠉꠇꠞꠤ ꠛꠣꠚꠞ ꠛꠣꠠꠤꠔ ꠉꠦꠍꠦꠉꠤ, ꠄꠞ ꠈꠣꠞꠘꠦ ꠢꠦ ꠔꠣꠞ ১৩ ꠛꠍꠞꠞ ꠚꠥꠠꠤꠞ ꠟꠉꠦ ꠄꠈꠟꠣ ꠛꠣꠠꠤꠔ ꠕꠣꠈꠔꠧ,ꠄꠞ ꠝꠣꠏꠦ ꠔꠣꠞ ꠘꠤꠎꠞ ꠚꠥꠠꠤꠞ ꠛꠣꠄ ꠛꠣꠖ ꠍꠃꠇ ꠚꠠꠦ ꠅ ꠛꠣꠖꠦ ꠔꠣꠞ ꠈꠣꠔꠤꠞ ꠟꠁꠀ ꠘꠤꠎꠞ ꠚꠥꠠꠤꠞ ꠟꠉꠦ ꠛꠣꠖ ꠈꠣꠝ ꠈꠞꠦ⁕

ꠁ ꠛꠤꠡꠄ ꠍꠥꠘꠣꠞꠥꠊꠣꠐ ꠕꠣꠘꠣꠞ ꠅꠍꠤ ꠀꠟꠤ ꠀꠡꠞꠣꠚ ꠎꠣꠘꠣꠁꠍꠁꠘ, ꠅꠜꠤꠎꠥꠉ ꠖꠣꠄꠞ ꠈꠞꠣ ꠅꠁꠍꠦ ꠔꠖꠘ꠆ꠔ ꠈꠞꠤꠀ ꠀꠁꠘꠉꠔ ꠛꠦꠛꠍꠔꠣ ꠘꠦꠅꠀ ꠅꠁꠛꠧ⁕ꠞꠦꠛ ৯ ꠡꠣꠁꠍꠔꠣꠉꠁꠘ ꠇꠦꠝ꠆ꠙꠞ ꠟꠦ.ꠇꠝꠣꠘ꠆ꠒꠣꠞ ꠝꠧꠢꠣꠝ꠆ꠝꠖ ꠘꠣꠢꠤꠖ ꠢꠣꠍꠣꠘ ꠛꠤꠡꠄ ꠁꠇꠐꠣ ꠘꠤꠌ꠆ꠌꠤꠔ ꠈꠞꠍꠁꠘ⁕

Rate this post

About surmafarorkhobor

Check Also

ꠍꠥꠞꠤꠖꠤ ꠚꠣꠞꠣꠁꠀ ꠖꠇ꠆ꠇꠤꠘ ꠡꠥꠞꠝꠣ ꠇꠟꠦꠎꠞ ꠚꠠꠞꠣꠞꠦ ꠇꠥꠘ

ꠖꠇ꠆ꠇꠤꠘ ꠡꠥꠞꠝꠣ ꠡꠞꠇꠣꠞꠤ ꠒꠤꠉ꠆ꠞꠤ ꠇꠟꠦꠎ ꠉꠦꠁꠐꠧ ꠍꠥꠞꠤꠖꠤ ꠚꠣꠞꠣꠁꠀ ꠀꠞꠤꠚꠥꠟ ꠁꠍꠟꠣꠝ ꠞꠣꠢꠣꠔ (২০) ꠘꠣꠝꠦ ꠛꠣꠞꠧ ꠇꠦꠟꠣꠍꠧ …