ꠛꠣꠋꠟꠣꠖꠦꠡꠤ ꠎꠦꠔꠣ ꠎꠤꠘꠤꠡꠧꠞ ꠐꠦꠇ꠆ꠍ ꠖꠦꠅꠀ ꠟꠣꠉꠔꠧ, ꠅꠔꠣ ꠕꠘꠦ ꠌꠤꠘ ꠡꠞꠈꠣꠞꠦ ৯৭% ꠐꠦꠇ꠆ꠍ ꠚ꠆ꠞꠤ ꠈꠞꠤꠀ ꠖꠤꠍꠦ। ꠁꠛꠣꠞ ১ꠟꠣ ꠎꠥꠟꠣꠁ ꠔꠘꠦ ꠁ ꠡꠥꠛꠤꠗꠣ ꠡꠥꠞꠥ ꠅꠁꠛꠧ।
ꠡꠞꠈꠣꠞꠧꠞ ꠅꠞꠕꠘꠁꠔꠤꠇ ꠇꠥꠐꠘꠤꠔꠤꠞ ꠅꠋꠡ ꠢꠤꠡꠣꠛꠦ ꠚꠞꠞꠣꠡꠐ꠆ꠞ ꠝꠘꠔ꠆ꠞꠘꠣꠟꠄꠞ ꠉꠦꠍ ꠕꠣꠇꠤ ꠁ ꠡꠥꠛꠤꠗꠣꠞ ꠟꠣꠉꠤ ꠌꠤꠘ ꠡꠞꠈꠣꠞꠞ ꠉꠦꠍꠦ ꠍꠤꠑꠤ ꠖꠤ ꠅꠘꠥꠞꠥꠗ ꠎꠣꠘꠣꠘꠤ ꠅꠁꠍꠤꠟ। ꠅꠃ ꠅꠘꠥꠞꠥꠗꠧꠞ ꠚꠞꠦ ꠌꠤꠘꠧꠞ ꠁꠍꠐꠦꠁꠐ ꠇꠣꠃꠘꠍꠤꠟꠞ ꠐꠦꠞꠤꠚ ꠇꠝꠤꠡꠘ ꠁ ꠡꠥꠛꠤꠗꠣ ꠖꠤꠛꠧ ꠈꠞꠤ ꠘꠥꠐꠤꠡ ꠖꠤ ꠎꠣꠘꠣꠄ।
ꠔꠥꠞꠣ ꠃꠘ꠆ꠘꠔ ꠖꠦꠡ ꠅꠀꠄ ꠛꠣꠋꠟꠣꠖꠦꠡꠞꠦ ꠁ ꠡꠥꠛꠤꠗꠣ ꠖꠦꠅꠀ ꠅꠁꠞꠧ।
৫১৬১ ꠛꠣꠋꠟꠣꠖꠦꠡꠤ ꠎꠤꠘꠤꠡ ꠁ ꠐꠦꠇ꠆ꠍ ꠚ꠆ꠞꠤ ꠡꠥꠛꠤꠗꠣꠔ ꠕꠣꠈꠛ।
ꠛꠣꠋꠟꠣꠖꠦꠡꠦ ꠁꠔꠤꠝꠖꠗꠦ ꠌꠤꠘꠞ ꠉꠦꠍ ꠔꠘꠦ Asia Pacific Trade Agreement (APTA) ꠅꠞ ꠀꠅꠔꠣꠄ ৩০৯৫ ꠎꠤꠘꠤꠡꠞ ꠐꠦꠇ꠆ꠍ ꠚ꠆ꠞꠤ ꠡꠥꠛꠤꠗꠣ ꠜꠥꠉ ꠈꠞꠦꠞ। ꠅꠃ ꠡꠥꠛꠤꠗꠣꠞ ꠛꠣꠞ ꠔꠘꠦ ৯৭% ꠐꠦꠇ꠆ꠍ ꠚ꠆ꠞꠤ ꠡꠥꠛꠤꠗꠣ ꠖꠦꠅꠀ ꠅꠁꠞꠧ।
ꠎꠣꠞ ꠈꠣꠞꠘꠦ ꠐꠦꠇ꠆ꠍ ꠚ꠆ꠞꠤ ꠡꠥꠛꠤꠗꠣꠞ ꠀꠅꠔꠣꠔ ꠌꠤꠘꠞ ꠉꠦꠍ ꠔꠘꠦ ꠛꠣꠋꠟꠣꠖꠦꠡꠞꠦ ৮২৫৬ ꠎꠤꠘꠤꠡꠞ ꠃꠚꠞꠦ ꠐꠦꠇ꠆ꠍ ꠚ꠆ꠞꠤ ꠡꠥꠛꠤꠗꠣ ꠖꠦꠅꠀ ꠅꠁꠟꠧ।