শুরমা ফারর খবর ছিলটি জবানে ছিলটর খবর
Related Articles
ꠜꠤꠋꠉꠥꠟꠞ ꠈꠣꠝꠠꠦ ꠄꠈ ꠢꠞꠥꠔꠣꠞ ꠝꠃꠔ⁕
ꠎꠁꠉꠁꠘ ꠃꠚꠎꠤꠟꠣꠞ ৩ꠘꠋ ꠇꠣꠎꠟꠡꠣꠞ ꠁꠘꠤꠅꠘꠞ ৫ꠘꠋ ꠅꠀꠒꠞ ꠙꠟꠣꠡꠚꠥꠞ ꠉꠣꠃꠞ ꠡꠣꠛꠥꠟ ꠀꠢꠝꠖꠞ ꠚꠥꠀ ꠘꠣꠢꠤꠖ ꠀꠢꠝꠖ (৪) ꠜꠤꠋꠉꠥꠟꠞ ꠈꠣꠝꠠ ꠈꠣꠁꠀ ꠝꠞꠤꠉꠦꠍꠦ⁕ꠊꠐꠘꠣ ꠀꠁꠎ ꠡꠝꠛꠣꠞ ꠖꠥꠚꠁꠞ ১২ꠐꠣꠞ ꠡꠝꠄ ꠅꠁꠍꠦ⁕ꠘꠣꠢꠤꠖꠞ ꠛꠣꠚ ꠡꠛꠥꠟ ꠀꠢꠝꠖꠦ ꠈꠁꠍꠁꠘ ꠔꠣꠘꠞ ꠛꠣꠠꠤꠞ ꠊꠞꠞ ꠈꠣꠘ꠆ꠖꠣꠞ ꠛꠠ ꠄꠇ ꠉꠣꠍꠧ ꠈꠄꠖꠤꠘ ꠀꠉꠦ ꠜꠤꠋꠉꠥꠟꠦ ꠛꠣꠖꠣ ꠛꠣꠘꠣꠁꠍꠦ, ꠔꠣꠁꠘ ꠖꠦꠇꠤꠀ ꠜꠤꠋꠉꠥꠟꠞ ꠛꠣꠖꠣꠔ ꠚꠣꠔ꠆ꠔꠞꠖꠤ ꠁꠐꠣ ꠝꠣꠞꠤ ꠔꠣꠘꠞ ꠘꠤꠎꠞ ꠈꠣꠝꠧ ꠉꠦꠍꠁꠘꠉꠤ,ꠁꠐꠣꠞ ꠟꠉꠦ ꠟꠉꠦ ꠜꠤꠋꠉꠥꠟ ꠍꠟꠤꠀ ꠍꠤꠔꠞꠤ ꠉꠦꠍꠁꠘ ꠔꠈꠘꠇꠥ ꠔꠣꠘꠞ ꠚꠥꠀ ꠊꠞꠧ ꠀꠍꠟꠧ ꠈꠔꠧ ꠡꠝꠄ ꠛꠣꠖꠦ ꠘꠣꠢꠤꠖ ꠊꠞ ꠕꠣꠇꠤ ꠛꠣꠞꠁꠟꠦ ꠜꠤꠋꠉꠥꠟꠦ ꠛꠦꠞꠤꠀ ꠔꠣꠞ ꠀꠔ ꠚꠣꠅ ꠝꠥꠇꠦ ꠈꠣꠝꠠꠣꠁꠀ ꠚꠥꠞꠣ ꠛꠦꠃꠡ ꠛꠣꠘꠣꠁꠟꠤꠍꠦ, ꠁꠡꠝꠄ ꠚꠥꠀꠞ ꠍꠤꠟ꠆ꠟꠣꠘꠤ ꠢꠥꠘꠤꠀ ꠝꠣ ꠅ ꠈꠣꠘ꠆ꠖꠣ ꠈꠣꠍꠣꠞ ꠝꠣꠘꠥꠡ ꠀꠁꠀ ꠔꠣꠞꠦ ꠃꠖ꠆ꠖꠣꠞ ꠈꠞꠤꠀ ꠀꠡꠚꠣꠔꠣꠟꠧ ꠘꠦꠅꠀꠞ ꠚꠔꠧ ꠢꠦ ꠝꠣꠞꠣ ꠎꠣꠄ⁕
