শুরমা ফারর খবর ছিলটি জবানে ছিলটর খবর
Related Articles
ꠎꠁꠉꠁꠘ ꠐꠣꠈ ꠅ ꠝꠐꠞꠍꠣꠁꠇꠦꠟ ꠝꠥꠇꠣꠝꠥꠇꠤ ꠖꠣꠇ꠆ꠇꠣꠄ ꠄꠈ ꠛꠦꠐꠣꠞ ꠝꠃꠔ ꠅ ꠛꠦꠐꠣꠞ ꠚꠥꠀ ꠛꠠ ꠀꠈꠣꠞꠞ ꠎꠈꠝꠤꠀ⁕
ꠝꠋꠉꠟꠛꠣꠞ ꠝꠣꠖꠣꠘꠇꠥꠞ ꠛꠣꠖꠦ ꠙꠦꠞꠣꠄ ꠀꠠꠣꠁꠐꠣꠞ ꠖꠤꠇꠦ ꠎꠁꠉꠁꠘ ꠍꠤꠟꠦꠐ ꠝꠦꠁꠘ ꠚꠔꠧ ꠕꠣꠘꠣꠛꠣꠎꠞ ꠚꠟꠣꠀꠐ ꠄꠟꠣꠇꠣꠔ ꠐꠣꠈ ꠅ ꠝꠐꠞ ꠍꠣꠁꠇꠦꠟꠞ ꠝꠥꠇꠣꠝꠥꠇꠤ ꠖꠣꠇ꠆ꠇꠣꠄ ꠟꠉꠦ ꠟꠉꠦ ꠝꠐꠞ ꠍꠣꠁꠇꠦꠟ ꠍꠣꠟꠈꠞ ꠈꠞꠦ ꠛꠅꠀ ꠔꠣꠘ ꠛꠣꠚ ꠝꠣꠞꠣ ꠉꠦꠍꠁꠘ ꠀꠞ ꠝꠐꠞ ꠍꠣꠁꠇꠦꠟ ꠍꠣꠟꠈ ꠛꠠ ꠀꠈꠣꠞꠞ ꠎꠈꠝꠤ ꠅꠁꠍꠁꠘ,ꠔꠣꠘꠞꠦ ꠟꠉꠦ ꠟꠉꠦ ꠍꠤꠟꠦꠐ ꠅꠍꠝꠣꠘꠤ ꠀꠡꠚꠣꠔꠣꠟꠧ ꠚꠣꠑꠣꠘꠤ ꠅꠁꠍꠦ,ꠀꠞ ꠐꠣꠈ ꠒꠣꠁꠛꠣꠞ ꠉꠑꠘꠣꠞ ꠛꠣꠖꠦꠃ ꠛꠣꠉꠤꠉꠦꠍꠦ⁕
ꠎꠣꠘꠣ ꠉꠦꠍꠦ ꠝꠐꠞ ꠍꠣꠁꠇꠦꠟ ꠍꠣꠟꠈꠞ ꠘꠣꠝ ꠛꠦꠟꠣꠟ ꠀꠢꠝꠖ ꠍꠃꠗꠞꠤ ꠛꠄꠅꠡ ২৭,ꠅ ꠉꠑꠘꠣꠄ ꠝꠃꠔ ꠅꠀ ꠍꠣꠟꠈꠞ ꠛꠣꠚꠞ ꠘꠣꠝ ꠚꠄꠎꠥꠞ ꠞꠢꠝꠣꠘ ꠍꠃꠗꠞꠤ ꠛꠄꠅꠡ ৭০,ꠔꠣꠘꠔꠣꠘꠞ ꠛꠣꠠꠤ ꠛꠣꠞꠧꠐꠣꠇꠥꠞꠤ ꠁꠘꠤꠅꠘꠞ ꠝꠤꠘꠣꠚꠣꠠꠣ ꠉꠣꠃꠔ⁕
ꠡꠞꠎꠝꠤꠘ ꠖꠦꠇꠤꠀ ꠎꠁꠉꠘ ꠕꠣꠘꠣꠞ ꠃꠚꠚꠞꠤꠖꠞꠡꠇ ꠄꠍ ꠀꠁ ꠎꠢꠤꠞꠥꠟ ꠁꠍꠟꠣꠝꠦ ꠈꠁꠍꠁꠘ, ꠚꠄꠎꠥꠞ ꠞꠢꠝꠣꠘꠞ ꠟꠣꠡ ꠝꠄꠘꠣ ꠔꠖꠘꠔꠞ ꠟꠣꠉꠤ ꠕꠣꠘꠣꠔ ꠘꠦꠅꠀ ꠅꠁꠍꠦ,ꠀꠞ ꠐꠣꠈ ꠒꠣꠁꠛꠣꠞ ꠛꠣꠉꠤꠀ ꠉꠦꠍꠦꠉꠤ ꠄꠞ ꠟꠣꠉꠤ ꠐꠣꠈ ꠕꠣꠘꠣꠞ ꠎꠞꠤꠀꠄ ꠘꠦꠅꠀ ꠅꠁꠍꠦ
