Breaking News
Home / ꠍꠤꠟꠐꠞ ꠡꠣꠁꠔ꠆ꠔ / ꠔꠞꠎꠝꠣ ꠡꠣꠁꠔ꠆ꠔ / ꠄꠈꠞꠣꠁꠔꠇꠥ ꠛꠥꠠꠣ ꠀꠞ ꠍꠥꠞ-ꠚꠥꠟꠤꠡꠞ ꠇꠣꠢꠤꠘꠤ

ꠄꠈꠞꠣꠁꠔꠇꠥ ꠛꠥꠠꠣ ꠀꠞ ꠍꠥꠞ-ꠚꠥꠟꠤꠡꠞ ꠇꠣꠢꠤꠘꠤ

ꠄꠈꠖꠤꠘ ꠞꠣꠁꠔ ꠄꠈ ꠛꠥꠠꠣ ꠀꠞ ꠛꠥꠠꠤ ꠊꠥꠝ ꠀꠍꠟꠣ ⁕ ꠛꠣꠖꠦ ꠄꠈꠣꠡꠤ ꠛꠍꠞꠤ ꠛꠥꠠꠣ ꠝꠣꠁꠄ ꠀꠗꠣꠞꠣꠁꠔꠇꠥ ꠔꠣꠘ ꠚꠍꠣꠡꠤ ꠛꠍꠞꠤ ꠎꠣꠝꠣꠁꠞꠦ ꠈꠣꠍꠣ ꠊꠥꠝ ꠔꠘꠦ ꠔꠥꠟꠤꠀ ꠈꠁꠟꠣ – “ꠄꠞꠦ ꠢꠥꠘꠞꠣꠄ ꠘꠤ? ꠖꠦꠈꠍꠣꠁꠘ, ꠉꠦꠞꠦꠎ ꠟꠣꠁꠐ ꠎꠟꠦꠞ! ꠉꠤꠀ ꠄꠈꠐꠥꠔꠣ ꠟꠣꠁꠐ ꠛꠘ꠆ꠗ ꠈꠞꠤꠀ ꠀꠃ ꠘꠣ ꠈꠦꠘꠦ ⁕”
ꠛꠥꠠꠣꠞ ꠈꠣꠍꠣ ꠊꠥꠝ ꠜꠣꠋꠉꠤ ꠎꠣꠄ, ꠔꠣꠁꠘ ꠛꠃꠔ ꠈꠡ꠆ꠐꠝꠡ꠆ꠐ ꠈꠞꠤꠀ ꠇꠥꠘꠥꠝꠘ꠆ꠔꠦ ꠃꠑꠤꠀ ꠖꠥꠀꠞ ꠇꠥꠟꠤꠀ ꠉꠦꠞꠦꠎꠞ ꠈꠣꠘꠖꠣꠔ ꠉꠤꠀ ꠖꠦꠈꠂꠘ, ☽/d ꠉꠥ ꠍꠥꠞꠣꠁꠘ ꠉꠦꠞꠦꠎꠞ ꠖꠞꠎꠣ ꠅꠈꠣꠘ ꠜꠣꠋꠉꠣꠞ ꠍꠦꠡꠐꠣ ꠈꠞꠦꠞ ⁕
ꠛꠥꠠꠣꠄ ꠟꠇꠣꠟ ꠕꠣꠘꠣꠔ ꠚꠘ ꠈꠞꠤꠀ ꠎꠣꠘꠣꠁꠟꠣ,
— “ꠢꠦꠟꠅ, ꠚꠥꠟꠤꠡ ꠁꠡꠐꠦꠡꠘ ꠘꠤ? ꠛꠣꠠꠤꠔ ꠀꠝꠞꠣ ꠇꠥꠟꠟꠦ ꠖꠥꠁꠎꠘ ꠛꠄꠡ꠆ꠇ ꠝꠣꠘꠥꠡ ꠕꠣꠇꠤ, ꠅꠘꠦ ꠈꠈꠉꠥ ꠍꠥꠞꠣꠄ ꠀꠁꠀ ꠀꠝꠣꠞꠞ ꠉꠦꠞꠦꠎ ꠜꠣꠋꠉꠤꠟꠣꠞ ⁕ ꠄꠈꠎꠣꠞꠣꠔꠣ ꠎꠥꠖꠤꠘ ꠡꠣꠁꠎ꠆ꠎ ꠈꠞꠔꠣ ⁕ ꠈꠡ꠆ꠐ ꠈꠞꠤꠀ ꠇꠥꠘꠥ ꠚꠥꠟꠤꠡ ꠐꠤꠝ ꠎꠥꠖꠤꠘ ꠚꠣꠑꠣꠁꠔꠣ ⁕ ꠀꠝꠣꠞ ꠑꠤꠇꠣꠘꠣ ꠅꠁꠟ ..!”
ꠕꠣꠘꠣ ꠔꠘꠦ ꠎꠥꠀꠚ ꠀꠁꠟ – “ꠏꠤ ꠀꠁꠌ꠆ꠌꠣ, ꠍꠣꠞ ⁕ ꠚꠦꠞꠦꠡꠣꠘꠤ ꠈꠞꠛꠣ ꠘꠣ ⁕ ꠀꠚꠘꠣꠞ ꠑꠤꠇꠣꠘꠣ ꠘꠥꠐ ꠈꠞꠤꠀ ꠔꠁꠍꠤ ⁕ ꠀꠝꠒꠣꠞ ꠐꠤꠝ ꠘꠣꠘꠣꠘ ꠎꠦꠉꠣꠔ ꠍꠃꠇꠤ ꠖꠤꠔ ꠉꠦꠍꠦ ⁕ ꠚꠣꠈꠖꠤ ꠀꠁꠟ꠆ꠟꠦꠅ ꠀꠚꠘꠣꠞꠣꠞ ꠛꠣꠠꠤꠔ ꠚꠣꠑꠣꠁ ꠖꠤꠝꠥ ꠘꠦ ⁕”
ꠅꠎꠣꠔ ꠃꠔ꠆ꠔꠞ ꠚꠣꠁꠀ ꠛꠥꠠꠣꠞ ꠝꠣꠕꠣꠔ ꠞꠈ꠆ꠔ ꠃꠐꠤꠎꠣꠄ ⁕ ꠔꠣꠘ ꠙ꠆ꠞꠦꠡꠣꠞ ꠅ ꠛꠣꠠꠤ ꠎꠣꠄ⁕
ꠁꠛꠣꠄ ꠍꠥꠞꠞ ꠖꠟꠦ ꠔꠣꠟꠣ ꠜꠣꠋꠉꠣꠞ ꠍꠦꠡ꠆ꠐꠣ ꠈꠞꠤꠀ ꠎꠣꠁꠔꠦꠃ ꠀꠍꠦ ⁕
ꠛꠄꠡꠦ ꠝꠣꠁꠘꠡꠞꠦ ꠛꠃꠔꠔꠣ ꠢꠤꠇꠣꠄ ⁕ ꠝꠣꠁꠘꠡꠞ ꠅꠛꠤꠉ꠆ꠉꠔꠣꠞ ꠉꠦꠍꠦ ꠎꠦꠍꠣꠔꠣ ꠃ ꠝꠣꠝꠥꠟꠤ ꠛꠦꠚꠣꠞ ⁕ ꠡꠥꠎꠣ ꠀꠋꠉꠥꠟꠦ ꠊꠤ ꠘꠣ ꠃꠑꠟꠦ ꠀꠋꠉꠥꠟ ꠔꠦꠞꠣ ꠈꠞꠔꠦ ꠅꠄ ⁕ ꠅꠃ ꠛꠦꠐꠣꠄ ꠈꠁꠟꠣ ꠔꠥꠝꠞꠣꠞꠦ ꠛꠥꠏꠣꠁꠞꠣꠝ ꠇꠤꠟꠣꠘ ꠀꠘꠣ ꠟꠣꠉꠦ ⁕ ꠚꠣꠍ ꠝꠤꠘꠤꠐ ꠛꠣꠖꠦ ꠢꠤꠞꠛꠣꠞ ꠛꠥꠠꠣꠄ ꠚꠥꠟꠤꠡꠞ ꠐꠣꠁꠘ ꠚꠘ ꠖꠤꠟꠣ ⁕
–“ꠢꠥꠘꠞꠣ ꠘꠤ ꠛꠣ, ꠄꠈꠔꠤ ꠛꠁꠟ ꠀꠉꠦ ꠝꠥꠁ ꠚꠘ ꠈꠞꠤꠀ ꠝꠣꠔ ꠍꠤꠟꠣꠝ ꠅꠃ ꠑꠤꠇꠣꠘꠣ ꠔꠘꠦ ⁕ ꠖꠞꠉꠣꠞꠦ ꠈꠁꠛꠣ ꠀꠚꠣꠖꠔ ꠀꠞ ꠚꠥꠟꠤꠡꠞ ꠐꠤꠝ ꠚꠣꠐꠣꠘꠤ ꠟꠣꠉꠔ ꠘꠣꠄ ⁕”
ꠚꠘꠞ ꠃꠟꠐꠣꠛꠣꠄ ꠔꠘꠦ ꠎꠥꠀꠚ ꠀꠁꠟ — “ꠇꠦꠘꠦ ꠍꠣꠞ? ꠍꠥꠞꠦ ꠇꠤꠔꠣ ꠍꠥꠞꠤ ꠈꠞꠤꠀ ꠜꠣꠉꠤ ꠉꠦꠍꠦ ꠘꠤ?”
ꠛꠥꠠꠣꠄ ꠎꠣꠘꠣꠁꠟꠣ –“ꠘꠣ, ꠘꠣ ꠛꠣ ⁕ ꠜꠣꠉꠔ ꠗꠥꠘ? ꠝꠥꠁ ꠁꠔꠣꠞꠦ ꠄꠝꠘ ꠗꠥꠘꠣ ꠖꠤꠍꠤ ꠎꠦ ꠉꠥꠟꠟꠤ ꠈꠞꠤꠀ ꠍꠄꠉꠥꠞꠦ ꠃ ꠎꠦꠉꠣꠔ ꠝꠣꠞꠤꠟꠣꠁꠍꠤ ⁕”
“ꠄ, ꠔꠥꠝꠞꠣ ꠈꠦ ꠇꠥꠀꠁ ꠛꠦ? ꠛꠥꠠꠣꠄ ꠉꠥꠟꠟꠤ ꠝꠣꠞꠤ ꠍꠄꠉꠥꠞꠦ ꠎꠦꠉꠣꠔ ꠒꠣꠁꠟ ꠈꠞꠤꠟꠣꠁꠍꠦ ⁕” ꠁ ꠈꠕꠣ ꠢꠥꠘꠣꠞ ꠟꠉꠦ ꠟꠉꠦ ꠃ ꠢꠣꠞꠣ ꠕꠣꠘꠣꠕ ꠔꠣꠁꠡ ꠟꠣꠉꠤ ꠎꠣꠄ ⁕
☽ ꠝꠤꠘꠤꠐꠞ ꠜꠤꠔꠞꠦ ꠇꠥꠀꠁꠔꠘꠦ ꠚꠥꠟꠤꠡꠞ ꠛꠠ ꠄꠈꠣꠘ ꠐꠤꠝ, ꠄꠈꠐꠣ ꠢꠦꠟꠤꠇꠣꠚꠐꠣꠞ, ꠔꠤꠘꠎꠘ ꠒꠣꠈ꠆ꠔꠞ, ꠈꠈꠎꠘ ꠘꠣꠞ꠆ꠍ ꠀꠞ ꠖꠥꠁꠐꠣ ꠄꠝ꠆ꠛꠥꠟꠦꠘ꠆ꠍ ꠀꠁꠀ ꠛꠥꠠꠣꠞ ꠛꠣꠠꠤꠔ ꠀꠎꠤꠞ ⁕
ꠛꠥꠠꠣ ꠛꠦꠐꠣꠄ ꠚꠥꠟꠤꠡꠞꠦ ꠈꠁꠟꠣ – ” ꠢꠃ ꠉꠦꠞꠦꠎꠞ ꠛꠣꠄ ꠀꠉꠥꠀꠁꠀ ꠎꠣꠃ, ꠔꠃ ꠝꠤꠟꠛ ꠘꠦ ꠁꠔꠣꠞꠦ ⁕”
ꠚꠥꠟꠤꠡ ꠞꠥꠡꠦ ꠉꠦꠞꠦꠎꠞ ꠝꠥꠇꠣꠄ ꠉꠦꠟ, ꠈꠞꠦ ꠈꠞꠦ ꠉꠦꠟꠣ ꠛꠥꠠꠣ ꠄꠁꠘ ⁕
ꠉꠦꠞꠦꠎꠅ ꠉꠤꠀ ꠘꠥ ꠚꠥꠟꠤꠡ ꠛꠦꠛꠣꠐ ꠛꠘꠤ ꠎꠣꠄ !!
d ꠉꠥ ꠍꠥꠞ ꠖꠟꠣ ꠅꠁꠀ ꠉꠦꠞꠦꠎꠞ ꠄꠈ ꠇꠥꠘꠣꠔ ꠉꠤꠀ ꠛꠁ ꠞꠁꠍꠤꠟ ⁕ ꠒꠞꠣꠁꠀ ꠕꠞꠕꠞ ꠈꠞꠤꠀ ꠈꠣꠚꠔꠦ ꠀꠍ꠆ꠟ ꠍꠥꠞꠞ ꠖꠟꠦ ⁕ ꠀꠍꠝ꠆ꠛꠤꠔ ꠇꠤꠔꠣ ꠅꠁꠀꠉꠦꠟ ꠔꠣꠞꠣ ꠃ ꠀꠘꠔꠣꠎ ꠈꠞꠔ ꠚꠣꠞꠟ ꠘꠣ! ꠀꠈꠔꠣ ꠇꠤꠔꠣ ꠔꠘꠦ ꠇꠤꠔꠣ ꠄꠝꠘ ꠊꠐꠟ, ꠁꠔꠣꠞ ꠢꠥꠡꠦꠛꠥꠖ꠆ꠖꠤꠄ ꠃ ꠗꠞꠦꠞ ꠘꠣ‌⁕
ꠚꠥꠟꠤꠡꠦ ꠁꠔꠣꠞꠦ ꠄꠞꠦꠡ꠆ꠐ ꠈꠞꠦ ⁕ ꠐꠤꠝꠞ ꠟꠤꠒꠣꠞꠦ ꠛꠣꠠꠤꠀꠟꠣ ꠁ ꠛꠥꠠꠣ ꠛꠦꠐꠣꠞꠦ ꠎꠤꠇꠣꠁꠟꠣ – “ꠀꠚꠘꠥ ꠘꠥ ꠈꠁꠟꠣ d ꠎꠘꠞꠦ ꠉꠥꠟ꠆ꠟꠤ ꠈꠞꠤꠀ ꠝꠞꠤꠟꠤꠍꠂꠘ ?”
ꠛꠥꠠꠣꠄ ꠎꠣꠘꠣꠁꠟꠣ -“ꠀꠚꠘꠣꠞꠣꠅ ꠔ ꠈꠁꠟꠣ, ꠅꠚꠡꠞ ꠇꠥꠘꠥ ꠚꠥꠟꠤꠡꠞ ꠐꠤꠝ ꠘꠣꠁ⁕ ꠢꠈꠟ ꠍꠇꠤꠖꠣꠞꠤꠔ ꠞꠂꠍꠂꠘ !!”

Rate this post

About Abu Sayeed

ꠝꠥꠁ ꠀꠛꠥ ꠍꠣꠁꠖ, ꠡꠥꠞꠝꠣ ꠚꠣꠞꠞ ꠈꠛꠞ ꠅꠄꠛꠍꠣꠁꠐꠞ ꠍꠣꠚꠣꠃꠞꠣ⁕ ꠛꠣꠋꠟꠣ ꠀꠞ ꠁꠋꠟꠤꠡ ꠚꠔꠞꠤꠇꠣꠁꠘ꠆ꠔ ꠟꠦꠈꠣꠟꠦꠇꠤꠞ ꠅꠜꠤꠉ꠆ꠉꠔꠣ ꠔꠘꠦ ꠝꠞ ꠝꠣꠁꠅꠞꠝꠣꠔ ꠍꠤꠟꠐꠤꠔꠦꠅ ꠟꠦꠈꠣꠞ ꠔꠣꠉꠤꠖ ꠛꠥꠗ ꠈꠞꠤ⁕ ꠅꠘꠟꠣꠁꠘꠅ ꠍꠤꠟꠐꠤ ꠅꠈꠟꠞ ꠟꠣꠉꠤ ꠝꠣꠉꠘꠣ ꠢꠤꠇꠣꠞ ꠟꠣꠈ ꠏꠤꠘꠤꠡ ꠛꠤꠡꠦꠡ ꠈꠞꠤ ꠍꠤꠟꠐꠤꠘ꠆ꠔꠞ ꠁꠔꠤꠀꠡ, ꠞꠍꠝ, ꠈꠣꠘꠤꠛꠘꠤ, ꠡꠣꠁꠔ꠆ꠔ ꠡꠛꠞ ꠀꠔ ꠀꠔ ꠚꠃꠍꠣꠘꠤꠞ ꠈꠣꠝ ꠈꠞꠞꠣꠝ, ꠏꠣꠔꠦ ꠁꠔꠣ ꠈꠣꠟꠤ ꠉꠛꠦꠡꠇ ꠅꠈꠟꠞ ꠐꠣꠁꠘ ꠘꠣ ꠕꠣꠇꠤꠀ ꠢꠈꠟꠞ ꠀꠔꠅ ꠉꠤꠀ ꠔꠣꠘ ꠚꠣꠄ⁕ ꠁꠔꠣ ꠖꠦꠇꠤꠀ ꠀꠞꠅ ꠝꠣꠘꠥꠡꠣꠁꠘ ꠀꠉꠥꠀꠁꠀ ꠀꠁꠘ⁕ ꠟꠉꠦ ꠕꠣꠈꠣꠞ ꠀꠞ ꠚꠣꠄꠚꠞꠣꠝꠤꠡ ꠖꠤꠀ ꠡꠣꠖ ꠖꠤꠛꠣꠞ ꠟꠣꠉꠤ ꠡꠛꠞꠦ ꠡꠥꠇꠥꠞ⁕

Check Also

ꠔꠥꠝꠞꠣꠞ ꠛꠣꠚꠞ ꠈꠥꠘꠤ ꠄꠞꠣ

ꠔꠥꠝꠞꠣꠞ ꠛꠣꠚꠞ ꠈꠥꠘꠤ ꠄꠞꠣ ꠟꠦꠈꠞꠣ: Syloti Nation Worldwide ꠘꠛꠤꠞ ꠀꠝꠟꠅ ꠀꠞꠛ ꠖꠦꠡꠞ ꠘꠣꠝꠈꠞꠣ ꠀꠞꠛꠤ ꠇꠛꠤ …