Breaking News
Home / ꠍꠤꠟꠐꠞ ꠡꠣꠁꠔ꠆ꠔ / ꠀꠁꠎ ꠖꠥꠍꠞꠣ ꠎꠣꠘꠥꠀꠞꠤ ꠇꠣꠇꠘ ꠚꠇꠤꠞꠞ ꠎꠘ꠆ꠝꠖꠤꠘ

ꠀꠁꠎ ꠖꠥꠍꠞꠣ ꠎꠣꠘꠥꠀꠞꠤ ꠇꠣꠇꠘ ꠚꠇꠤꠞꠞ ꠎꠘ꠆ꠝꠖꠤꠘ

ꠢꠣꠍꠘꠣꠔ ꠀꠘꠥꠀꠞ (Γ018) [ꠍꠛꠤ ©ꠚꠦꠍꠛꠥꠇ ꠔꠘꠦ]

‘ꠞꠣꠋꠉꠣꠜꠣꠛꠤ ꠔꠥꠝꠣꠞ ꠟꠣꠉꠤ,
ꠇꠤꠔꠣ ꠀꠘꠔꠣꠝ ꠈꠃ,
ꠝꠦꠟꠣꠔ ꠎꠣꠁꠔꠣꠝ, ꠛꠦꠁꠟ ꠎꠣꠞ ꠉꠤ,
ꠍꠣꠟꠣꠁꠀ ꠜꠣꠔ ꠟꠃ॥’

ꠉꠤꠔꠤꠈꠣꠞ, ꠚꠂꠖ꠆ꠖꠉꠣꠞ, ꠉꠚꠉꠤꠔꠤꠌ꠆ꠌꠣ ꠉꠛꠦꠡꠇ ꠇꠣꠇꠘ ꠚꠇꠤꠞꠞ ꠟꠦꠈꠣ ꠍꠤꠟꠐꠤ ꠝꠣꠔꠦ ꠉꠣꠘ ꠁꠇꠣꠘ 199Γ ꠚꠤꠞꠣꠔ ꠇꠣꠞꠤ ꠀꠝꠤꠞ ꠃꠖ꠆ꠖꠤꠘ ꠀꠢꠝꠖꠞ ꠇꠘ꠆ꠑꠦ ꠎꠦꠎꠣꠔ ꠘꠣꠝ ꠚꠣꠄ ꠇꠥꠟ꠆ꠟꠦꠉꠣꠄ ⁕ ꠀꠁꠎ ꠖꠥꠍꠞꠣ ꠎꠣꠘꠥꠀꠞꠤ, ꠢꠣꠍꠘꠣꠔ ꠝꠥꠢꠣꠝ꠆ꠝꠖ ꠀꠘꠥꠀꠞ ꠎꠦꠁꠘ ꠇꠣꠇꠘ ꠚꠇꠤꠞ ꠘꠣꠝꠦ ꠛꠦꠡꠤ ꠚꠞꠤꠍꠤꠔ, ꠔꠣꠘ ꠎꠘ꠆ꠝꠖꠤꠘ ⁕

ꠛꠤꠟꠣꠔ ꠚꠛꠣꠡꠤ ꠅꠁꠟꠦꠅ ꠄꠈꠎꠘ ꠎꠣꠘꠥ ꠟꠦꠈꠞꠣ ꠀꠞ ꠛꠃꠔ ꠚꠍꠘꠣꠟꠣ ꠄꠈ ꠉꠤꠔꠤꠈꠣꠞ ꠀꠞ ꠟꠥꠇꠉꠣꠘ ꠉꠛꠦꠡꠇ ꠢꠤꠡꠣꠛꠦ ꠔꠣꠘ ꠚꠞꠤꠌꠤꠔꠤ ꠞꠁꠍꠦ ꠇꠥꠟ꠆ꠟꠦꠉꠣꠄ ⁕

ꠀꠞꠅ ꠖꠦꠈꠇꠣ: ꠍꠤꠟꠐꠤ ꠝꠣꠔꠞ ꠘꠛꠎꠤꠅꠘ: ꠢꠣꠍꠘꠣꠔ ꠀꠘꠥꠀꠞ

ꠇꠣꠇꠘ ꠚꠇꠤꠞ ꠚꠣꠃꠘ꠆ꠒꠦꠡꠘꠞ ꠌꠦꠀꠞ ꠙꠣꠞꠍꠘ, ꠍꠤꠟꠦꠐ ꠇꠦꠘ꠆ꠖ꠆ꠞꠤꠅ ꠝꠥꠍꠟꠤꠝ ꠡꠣꠢꠤꠔ꠆ꠔ ꠡꠋꠡꠖꠞ ꠄꠈꠎꠘ ꠝꠥꠞꠛꠛꠤ ꠀꠞ ꠙꠌ꠆ꠌꠤꠝ ꠛꠣꠋꠟꠣꠞ ꠌꠥꠞꠥꠟꠤꠀꠔ ꠕꠣꠈꠣ ‘ꠘꠎꠞꠥꠟ ꠄꠇꠣꠒꠦꠝꠤ’ꠞ ꠀꠎꠤꠛꠘ ꠡꠖꠂꠡ꠆ꠡ ꠇꠣꠇꠘ ꠚꠇꠤꠞ ꠛꠤꠟꠣꠔꠞ ꠢꠣꠍꠘꠞꠣꠎꠣ ꠃꠔꠡꠛ ꠁꠃꠇꠦꠞ ꠁꠀꠘꠉꠣꠠꠣ ꠡꠖꠂꠡ꠆ꠡ ⁕ ꠁꠋꠟꠤꠡ ꠝꠣꠔ ꠖꠤꠀ ꠛꠣꠋꠟꠣꠖꠦꠡꠤ ꠉꠚꠉꠤꠔꠤꠌ꠆ꠌꠣꠞꠦ ꠢꠣꠞꠣ ꠖꠥꠘꠤꠀ ꠐꠣꠁꠘ ꠍꠤꠔꠞꠣꠁꠀ ꠖꠦꠃꠀꠞ ꠇꠤꠀꠟꠦ ꠈꠣꠝ ꠈꠞꠦꠞ ꠛ꠆ꠞꠤꠡ꠆ꠐꠤ ꠀꠞ꠆ꠐꠍ ꠚꠣꠃꠘ꠆ꠒꠦꠡꠘ, ꠁꠃꠇꠦ ꠘꠣꠝꠞ ꠄꠈꠣꠘ ꠉꠥꠁꠐꠦ ⁕ ꠔꠣꠁꠘ ꠅꠃ ꠉꠥꠁꠐꠞ ꠄꠈ ꠁꠀꠘꠉꠣꠞ꠆ꠞꠣ ⁕
ꠔꠣꠘ ꠟꠦꠈꠣ ꠛꠃꠔ ꠉꠣꠘ ꠝꠣꠘꠡꠞ ꠎꠦꠎꠣꠔ ꠚꠍꠘꠀꠟꠣ ⁕ ꠔꠣꠁꠘ ꠛꠣꠋꠟꠣꠖꠦꠡ ꠐꠦꠟꠤꠜꠤꠡꠘꠞ ꠐꠥꠇꠣꠔꠕꠣꠈꠣ ꠉꠤꠔꠤꠈꠣꠞ ꠄꠈꠎꠘ ⁕ ꠔꠣꠁꠘ ꠍꠤꠟꠐꠤ ꠘꠣꠉꠞꠤ ꠢꠞꠚ ꠖꠤꠀ ꠛꠤꠟꠣꠔꠘꠣꠝꠣ ꠚꠥꠕꠤ ꠟꠦꠈꠍꠂꠘ ⁕ ꠎꠦꠈꠣꠘꠞꠦ ꠄꠈꠁꠡ ꠡꠔꠈꠅ ꠍꠤꠟꠐꠤ ꠘꠣꠉꠞꠤꠞ ꠞꠦꠘꠦꠍꠣ ꠇꠤ ꠘꠛꠎꠤꠘ꠆ꠖꠣ ꠢꠤꠡꠣꠛꠦ ꠉꠍꠣ ꠎꠣꠄ ⁕ ꠔꠣꠘ ꠟꠦꠈꠣ ꠚꠥꠕꠤ ꠛꠤꠟꠣꠔꠘꠣꠝꠣ ꠀꠞ ꠉꠣꠘꠞ ꠛꠁ ꠇꠣꠇꠘ ꠚꠇꠤꠞꠞ ꠉꠣꠘ ꠝꠣꠘꠡꠞ ꠐꠣꠁꠘ ꠛꠦꠡꠤ ꠚꠍꠘ꠆ꠖꠞ ⁕ ꠀꠁꠎ ꠖꠥꠍꠞꠣ ꠎꠣꠘꠥꠀꠞꠤ ꠍꠤꠟꠐꠤ ꠁ ꠉꠥꠘꠤꠀꠟꠣ ꠝꠣꠘꠡꠞ ꠎꠘꠝꠖꠤꠘ ⁕ ꠀꠝꠞꠣꠞ ꠍꠤꠟꠐꠤ ꠡꠣꠁꠔ꠆ꠔꠞꠦ ꠀꠉꠥꠀꠁꠀ ꠘꠦꠃꠇꠣ ꠀꠞ ꠔꠣꠘ ꠡꠟꠤꠟ-ꠉꠔꠞ ꠛꠣꠟꠣ ꠕꠣꠈꠇ ꠅꠃ ꠖꠥꠀ ꠈꠞꠤ ꠔꠣꠘ ꠎꠘꠝꠖꠤꠘꠅ ⁕

Rate this post

About Abu Sayeed

ꠝꠥꠁ ꠀꠛꠥ ꠍꠣꠁꠖ, ꠡꠥꠞꠝꠣ ꠚꠣꠞꠞ ꠈꠛꠞ ꠅꠄꠛꠍꠣꠁꠐꠞ ꠍꠣꠚꠣꠃꠞꠣ⁕ ꠛꠣꠋꠟꠣ ꠀꠞ ꠁꠋꠟꠤꠡ ꠚꠔꠞꠤꠇꠣꠁꠘ꠆ꠔ ꠟꠦꠈꠣꠟꠦꠇꠤꠞ ꠅꠜꠤꠉ꠆ꠉꠔꠣ ꠔꠘꠦ ꠝꠞ ꠝꠣꠁꠅꠞꠝꠣꠔ ꠍꠤꠟꠐꠤꠔꠦꠅ ꠟꠦꠈꠣꠞ ꠔꠣꠉꠤꠖ ꠛꠥꠗ ꠈꠞꠤ⁕ ꠅꠘꠟꠣꠁꠘꠅ ꠍꠤꠟꠐꠤ ꠅꠈꠟꠞ ꠟꠣꠉꠤ ꠝꠣꠉꠘꠣ ꠢꠤꠇꠣꠞ ꠟꠣꠈ ꠏꠤꠘꠤꠡ ꠛꠤꠡꠦꠡ ꠈꠞꠤ ꠍꠤꠟꠐꠤꠘ꠆ꠔꠞ ꠁꠔꠤꠀꠡ, ꠞꠍꠝ, ꠈꠣꠘꠤꠛꠘꠤ, ꠡꠣꠁꠔ꠆ꠔ ꠡꠛꠞ ꠀꠔ ꠀꠔ ꠚꠃꠍꠣꠘꠤꠞ ꠈꠣꠝ ꠈꠞꠞꠣꠝ, ꠏꠣꠔꠦ ꠁꠔꠣ ꠈꠣꠟꠤ ꠉꠛꠦꠡꠇ ꠅꠈꠟꠞ ꠐꠣꠁꠘ ꠘꠣ ꠕꠣꠇꠤꠀ ꠢꠈꠟꠞ ꠀꠔꠅ ꠉꠤꠀ ꠔꠣꠘ ꠚꠣꠄ⁕ ꠁꠔꠣ ꠖꠦꠇꠤꠀ ꠀꠞꠅ ꠝꠣꠘꠥꠡꠣꠁꠘ ꠀꠉꠥꠀꠁꠀ ꠀꠁꠘ⁕ ꠟꠉꠦ ꠕꠣꠈꠣꠞ ꠀꠞ ꠚꠣꠄꠚꠞꠣꠝꠤꠡ ꠖꠤꠀ ꠡꠣꠖ ꠖꠤꠛꠣꠞ ꠟꠣꠉꠤ ꠡꠛꠞꠦ ꠡꠥꠇꠥꠞ⁕

Check Also

ꠉꠞꠥꠞ ꠉꠥꠍ꠆ꠔꠞ ꠛꠣꠎꠣꠞꠅ ꠎꠦꠎꠣꠔ ꠀꠍꠣꠐꠣ ꠚꠞꠤꠍꠕꠤꠔꠤ

ꠈꠈꠚꠤꠞꠣ ꠔꠘꠦ ꠛꠣꠋꠟꠣꠖꠦꠡꠞ ꠞꠥꠎꠇꠥꠞ ꠛꠣꠎꠣꠞꠅ ꠎꠤꠘꠤꠡꠞ ꠖꠣꠝ ꠛꠉꠔꠤꠇ ⁕ ꠎꠦꠉꠔꠤꠇꠦ ꠝꠣꠘꠡꠦ ꠎꠦꠎꠣꠔ ꠢꠦꠖꠣꠔ ꠚꠣꠁꠞꠣ ⁕ …