Breaking News
Home / ꠍꠤꠟꠐꠞ ꠡꠣꠁꠔ꠆ꠔ / ꠉꠤꠞꠍ꠆ꠔꠞ ꠖꠣꠝꠣ ꠀꠞ ꠛꠣꠊꠞ ꠇꠤꠌ꠆ꠌꠣ

ꠉꠤꠞꠍ꠆ꠔꠞ ꠖꠣꠝꠣ ꠀꠞ ꠛꠣꠊꠞ ꠇꠤꠌ꠆ꠌꠣ

ꠄꠈ ꠖꠣꠝꠣ ꠉꠞꠥ ꠎꠋꠟꠣꠔ ꠊꠣꠡ ꠈꠣꠘꠤꠔ ꠀꠍꠤꠟ ⁕ ꠀꠈꠔꠣ ꠛꠣꠊ ꠄꠈꠐꠣ ꠉꠞꠥꠞ ꠃꠚꠞꠦ ꠍꠠꠣꠃ ꠅꠄ ⁕ ꠉꠞꠥꠄ ꠛꠣꠇ꠆ꠇꠣ ꠡꠝꠄ ꠖꠃꠠꠣꠘꠤꠞ ꠛꠣꠖꠦ ꠇꠥꠘꠥ ꠃꠚꠣꠄ ꠘꠣ ꠚꠣꠁꠀ ꠈꠣꠘ꠆ꠖꠣꠞ ꠚꠥꠡꠇꠥꠘ꠆ꠒꠤ ꠄꠈꠣꠘꠅ ꠚꠣꠟ ꠝꠣꠞꠤ ꠚꠞꠦ ⁕
ꠚꠥꠇꠞꠤ ꠈꠣꠟꠤ ꠇꠥꠟ꠆ꠟꠦ ꠢꠥꠢꠣꠁꠀ ꠟꠥꠖ ꠍꠣꠠꠣ ꠇꠥꠘꠥ
ꠚꠣꠘꠤꠞ ꠚꠥꠐꠣꠅ ꠀꠍꠤꠟ ꠘꠣ ⁕ ꠉꠞꠥꠞ ꠈꠞꠦ ꠈꠞꠦ ꠛꠣꠊꠦꠅ ꠢꠃ ꠚꠦꠈꠥꠞꠣ ꠉꠣꠞꠣꠔ ꠉꠤꠀ ꠚꠞꠦ ⁕ ꠉꠞꠥ ꠀꠞ ꠛꠣꠊ ꠖꠄꠐꠣ ꠉꠟꠣ ꠁꠝꠣ ꠚꠦꠈ ꠢꠣꠝꠣꠁ ꠎꠣꠄ ⁕
ꠛꠣꠊꠦ ꠉꠥꠔ ꠚꠥꠟꠣꠁꠀ ꠈꠄ, “ꠄ ꠃꠋꠉꠣ ꠛꠦꠛꠣꠐ, ꠔꠥꠁ ꠀꠞ ꠚꠣꠟ ꠝꠣꠞꠣꠞ ꠎꠣꠉꠣ ꠚꠣꠁꠟꠦ ꠘꠣ ꠘꠤ ꠛꠦ? ꠢꠥꠇꠘꠣꠔ ꠅꠁꠟꠦ ꠔ ꠔꠞꠦ ꠘꠣ ꠅꠃꠇ ꠄꠈꠐꠥ ꠇꠥꠠꠝꠥꠠꠣꠁꠀ ꠈꠣꠁꠔꠣꠝ ꠘꠦ ⁕ ꠅꠘꠦ ꠔ ꠖꠄꠉꠥꠅ ꠝꠞꠝꠥ ꠛꠦ ⁕”
ꠉꠞꠥꠄ ꠀꠡꠔꠦ ꠀꠡꠔꠦ ꠈꠁꠟ, “ꠔꠥꠝꠣꠞ ꠇꠤꠔꠣ ꠝꠣꠟꠤꠇ ꠀꠍꠦ ꠘꠤ?”
ꠛꠣꠊꠦ ꠇꠤꠞꠣꠄ ꠃꠐꠤꠀ ꠈꠁꠟ, “ꠀꠍꠔꠣ ꠄꠉꠥ ꠛꠦꠈꠣꠄꠖꠣ ꠔꠥꠁ ⁕ ꠝꠥꠁ ꠅꠁꠟꠣꠝ ꠛꠘꠞ ꠞꠣꠎꠣ ⁕ ꠔꠞ ꠔ ꠡꠣꠅꠡ ꠈꠝ ꠘꠣꠄ ꠖꠦꠈꠞꠣꠝ ⁕ ꠀꠝꠣꠞ ꠀꠞꠛꠣꠞ ꠝꠣꠟꠤꠇ ꠈꠦ ꠞꠦ ⁕ ꠝꠥꠁ ꠘꠤꠎꠦꠃ ꠔ ꠛꠘꠞ ꠝꠣꠟꠤꠇ, ꠄꠈꠎꠣꠞꠣ ꠈꠣꠄꠖꠣ ꠈꠞꠤꠀ ꠝꠣꠔꠤꠍ ⁕”
ꠉꠞꠥꠄ ꠈꠁꠟ, “ꠅꠈꠣꠘꠃ ꠔꠥꠝꠣꠞ ꠉꠣꠚꠟꠣ ꠀꠍꠦ ⁕ ꠄꠈꠔꠤꠛꠂꠟ ꠛꠣꠖꠦ ꠝꠞ ꠝꠣꠟꠤꠇ ꠀꠁꠛ ⁕ ꠀꠁꠀꠃ ꠝꠞꠦ ꠁꠘ ꠔꠘꠦ ꠔꠥꠟꠤꠀ ꠘꠤꠛ ⁕ ꠀꠞ ꠔꠥꠝꠣꠞꠦ ꠔꠣꠡꠤꠀ ꠖꠤꠛ ꠔ ꠖꠤꠛ, ꠚꠣꠞꠟꠦ ꠚꠤꠐꠤꠀ ꠅ ꠝꠣꠞꠛ ⁕”
ꠛꠣꠊꠦ ꠛꠠ ꠛꠠ ꠍꠃꠇ ꠛꠣꠞꠈꠞꠤꠀ ꠉꠞꠥꠞ ꠛꠣꠄ ꠛꠦꠈꠛꠦꠈꠣꠁꠀ ꠍꠣꠁ ꠕꠣꠈꠟ ⁕ ꠢꠣꠍꠣꠞ ꠛꠥꠟ ꠢꠣꠍꠣ, ꠢꠣꠁꠘ꠆ꠎꠣꠛꠣꠟꠣ ꠉꠞꠥꠞ ꠉꠤꠞꠍ꠆ꠔ ꠀꠁꠀ ꠛꠣꠊꠞ ꠈꠟ꠆ꠟꠣꠔ ꠛꠣꠡꠞ ꠚꠣꠎꠁꠘ ꠖꠤꠀ ꠈꠈꠐꠣ ꠛꠣꠠꠤ ꠝꠣꠞꠟ ꠀꠞ ꠉꠞꠥꠞꠦ ꠐꠣꠘꠤꠀ ꠔꠥꠟꠟ ⁕ ꠖꠣꠝꠣꠄ ꠇꠤꠟꠇꠤꠟꠣꠁꠀ ꠢꠣꠝ꠆ꠛꠣ ꠢꠣꠝ꠆ꠛꠣ ꠈꠞꠔꠦ ꠈꠞꠔꠦ ꠛꠣꠠꠤꠔ ꠉꠦꠟꠉꠤ ꠀꠞ ꠛꠣꠊ ꠝꠞꠤꠀ ꠛꠦꠐ ꠅꠁꠀ ꠚꠠꠤ ꠞꠁꠟ ⁕

Rate this post

About Abu Sayeed

ꠝꠥꠁ ꠀꠛꠥ ꠍꠣꠁꠖ, ꠡꠥꠞꠝꠣ ꠚꠣꠞꠞ ꠈꠛꠞ ꠅꠄꠛꠍꠣꠁꠐꠞ ꠍꠣꠚꠣꠃꠞꠣ⁕ ꠛꠣꠋꠟꠣ ꠀꠞ ꠁꠋꠟꠤꠡ ꠚꠔꠞꠤꠇꠣꠁꠘ꠆ꠔ ꠟꠦꠈꠣꠟꠦꠇꠤꠞ ꠅꠜꠤꠉ꠆ꠉꠔꠣ ꠔꠘꠦ ꠝꠞ ꠝꠣꠁꠅꠞꠝꠣꠔ ꠍꠤꠟꠐꠤꠔꠦꠅ ꠟꠦꠈꠣꠞ ꠔꠣꠉꠤꠖ ꠛꠥꠗ ꠈꠞꠤ⁕ ꠅꠘꠟꠣꠁꠘꠅ ꠍꠤꠟꠐꠤ ꠅꠈꠟꠞ ꠟꠣꠉꠤ ꠝꠣꠉꠘꠣ ꠢꠤꠇꠣꠞ ꠟꠣꠈ ꠏꠤꠘꠤꠡ ꠛꠤꠡꠦꠡ ꠈꠞꠤ ꠍꠤꠟꠐꠤꠘ꠆ꠔꠞ ꠁꠔꠤꠀꠡ, ꠞꠍꠝ, ꠈꠣꠘꠤꠛꠘꠤ, ꠡꠣꠁꠔ꠆ꠔ ꠡꠛꠞ ꠀꠔ ꠀꠔ ꠚꠃꠍꠣꠘꠤꠞ ꠈꠣꠝ ꠈꠞꠞꠣꠝ, ꠏꠣꠔꠦ ꠁꠔꠣ ꠈꠣꠟꠤ ꠉꠛꠦꠡꠇ ꠅꠈꠟꠞ ꠐꠣꠁꠘ ꠘꠣ ꠕꠣꠇꠤꠀ ꠢꠈꠟꠞ ꠀꠔꠅ ꠉꠤꠀ ꠔꠣꠘ ꠚꠣꠄ⁕ ꠁꠔꠣ ꠖꠦꠇꠤꠀ ꠀꠞꠅ ꠝꠣꠘꠥꠡꠣꠁꠘ ꠀꠉꠥꠀꠁꠀ ꠀꠁꠘ⁕ ꠟꠉꠦ ꠕꠣꠈꠣꠞ ꠀꠞ ꠚꠣꠄꠚꠞꠣꠝꠤꠡ ꠖꠤꠀ ꠡꠣꠖ ꠖꠤꠛꠣꠞ ꠟꠣꠉꠤ ꠡꠛꠞꠦ ꠡꠥꠇꠥꠞ⁕

Check Also

cc: Wikimedia Commons

ꠗꠣꠝꠣꠁꠟ: ꠄꠈꠛꠣꠞ ꠖꠣꠠꠣꠃ ꠛꠘ꠆ꠗꠥ

ꠉꠤꠔ: ꠄꠈꠛꠣꠞ ꠖꠣꠠꠣꠃ ꠛꠘ꠆ꠗꠥ [Ekbar Darao Bondhu | একবার দাঁড়াও বন্ধু] ꠉꠤꠔꠤꠈꠣꠞ: ꠞꠝꠤꠎ ꠚꠣꠉꠟꠣ ꠅꠞꠚꠦ …