ꠇꠥꠠꠣꠟ ꠀꠞꠣꠃꠞꠣ ꠢꠃ ꠁꠝꠣꠘꠖꠣꠞ ꠟꠣꠈꠞꠤꠈꠣꠐꠞꠣ ꠛꠃꠔ ꠖꠤꠘ ꠛꠣꠖꠦ ꠔꠣꠘꠞ ꠝꠣꠃꠉꠞꠦ ꠟꠁꠀ ꠀꠠꠣꠔ ꠚꠣꠈꠣꠘꠤꠔ ꠉꠦꠍꠟꠣ ⁕
ꠟꠣꠈꠞꠤꠈꠣꠐꠞꠣꠞ ꠝꠣꠃꠉꠦ ꠢꠃ ꠉꠣꠋꠉꠅ, ꠎꠦꠘꠅ ꠇꠥꠠꠣꠟ ꠀꠞꠍꠤꠟ ꠅꠈꠣꠘ ꠖꠦꠈꠔꠣ ꠈꠞꠤꠀ ꠔꠣꠘ ꠢꠣꠁꠞ ꠐꠣꠁꠘ ꠔꠣꠘꠞ ꠈꠣꠁꠡꠞ ꠈꠕꠣ ꠈꠁꠟꠣ ⁕ ꠉꠣꠋ ꠚꠣꠞ ꠉꠤꠀ ꠀꠈꠔꠣ ꠔꠣꠘ ꠛꠃ ꠚꠣꠘꠤꠔ ꠚꠞꠤꠀ ꠒꠥꠛꠤ ꠉꠦꠟꠣ ⁕ ꠉꠣꠋꠉꠅ ꠎꠦꠟꠣꠘ ꠢꠥꠔ, ꠛꠃꠞꠦ ꠇꠥꠀꠁ ꠚꠣꠁꠛꠣ! ꠅꠃ ꠔꠣꠁꠘ ꠈꠣꠘꠖꠣ ꠀꠞꠝ꠆ꠜ ꠈꠞꠟꠣ ⁕
ꠛꠦꠐꠣꠞ ꠈꠣꠘ꠆ꠖꠘ ꠢꠥꠘꠤꠀ ꠢꠤꠞꠛꠣꠞꠅ ꠖꠦꠃꠟꠣ ꠀꠁꠀ ꠀꠎꠤꠞ! ꠖꠦꠃꠟꠣꠄ ꠎꠦ ꠝꠣꠄꠀꠝꠥꠇꠤ ꠞꠣꠎꠚꠥꠞꠤꠞ ꠟꠣꠈꠣꠘ ꠄꠈ ꠚꠥꠞꠤꠞꠦ ꠚꠣꠘꠤ ꠔꠘꠦ ꠔꠥꠟꠤꠀ ꠎꠤꠇꠣꠁꠟꠣ, “ꠄꠁꠘ ꠘꠤ ꠛꠣ ꠔꠥꠝꠣꠞ ꠛꠃ?”
ꠟꠣꠈꠞꠤꠈꠣꠐꠞꠣꠄ ꠎꠥꠀꠚ ꠖꠤꠟꠣ, “ꠅꠄ ꠅꠄ, ꠄꠁꠘ ꠃ ꠝꠞ ꠛꠃ ⁕” ꠖꠦꠃꠟꠣꠄ ꠈꠁꠟ, “ꠜꠣꠟꠣꠝꠘ꠆ꠔꠦ ꠍꠣꠁꠀ ꠛꠣꠖꠦ ꠈꠃ ⁕”
ꠛꠦꠐꠣꠄ ꠈꠁꠟꠣ, “ꠀꠞ ꠖꠦꠈꠣꠖꠦꠇꠤ ꠟꠣꠉꠔ ꠘꠣꠄ ⁕ ꠄꠁꠘ ꠃ ꠀꠝꠣꠞ ꠔꠣꠁꠘ ⁕”
ꠖꠦꠃꠟꠣꠄ ꠈꠁꠟ, ” ꠀꠉꠞ ꠛꠣꠞ ꠔꠥꠝꠣꠞ ꠁꠝꠣꠘꠖꠣꠞꠤ ꠖꠦꠇꠤꠀ ꠎꠣꠘ ꠐꠣꠘꠒꠣ ꠅꠁꠉꠦꠍꠤꠟ ⁕ ꠀꠞ ꠅꠘꠦ ꠔꠥꠝꠤ ꠅꠔꠣ ꠇꠤꠔꠣ ꠈꠞꠟꠣꠄ, ꠈꠃ ꠍꠣꠁꠘ? ꠞꠥꠚꠛꠔꠤ ꠈꠁꠘ꠆ꠘꠣ ꠖꠦꠁꠇ꠆ꠇꠣ ꠘꠤꠎꠞ ꠝꠣꠃꠉꠞꠦ ꠃ ꠚꠣꠃꠞꠤ ꠟꠣꠁꠟꠣꠄ ꠘꠤ?”
ꠔꠃ ꠟꠣꠈꠞꠤꠈꠣꠐꠞꠣꠄ ꠈꠁꠟꠣ, “ꠝꠥꠁ ꠘꠣꠚꠣꠞꠔꠦ ꠈꠁꠍꠤ ꠄꠁꠘ ꠀꠝꠣꠞ ꠛꠃ ⁕ ꠎꠥꠖꠤꠘ ꠘꠣ ꠈꠁꠔꠣꠝ, ꠀꠚꠘꠦ ꠔꠣꠁꠞ ꠔꠘꠦ ꠈꠝ ꠡꠥꠘ꠆ꠖꠞꠤ ꠀꠞꠦꠉꠥ ꠛꠦꠐꠤ ꠟꠁꠀ ꠀꠁꠔꠣ ⁕
ꠀꠝꠤ ꠎꠥꠖꠤꠘ ꠈꠁꠔꠣꠝ ꠄꠁꠘ ꠅ ꠘꠣꠄ ⁕ ꠔꠦ ꠔ ꠀꠚꠘꠦ ꠄꠈꠛꠣꠞꠦ ꠢꠦꠡꠦ ꠀꠝꠣꠞ ꠛꠃꠞꠦ ꠀꠘꠔꠣ ꠔ ꠀꠘꠔꠣ, ꠟꠉꠦ ꠀꠉꠞ ꠛꠣꠞꠇꠥꠞ ꠟꠣꠈꠣꠘ ꠔꠤꠘꠎꠘꠞꠦ ꠃ ꠝꠞ ꠉꠟꠣꠔ ꠟꠈꠐꠣꠁꠀ ꠖꠤꠔꠣ ⁕ ꠅꠃ ꠉꠔꠤꠇꠦ ꠛꠦꠚꠦꠍꠅ ꠚꠞꠣꠞ ꠀꠉꠦ ꠝꠥꠁ ꠚꠁꠟ ꠃ ꠈꠁꠟꠤꠍꠤ ⁕
ꠝꠥꠁ ꠄꠈ ꠉꠞꠤꠛ ꠛꠦꠐꠣ ⁕ ꠔꠤꠘ ꠛꠃꠞꠦ ꠎꠦ ꠚꠣꠟꠝꠥ ꠇꠤꠟꠣꠘ? ꠎꠦ ꠎꠣꠉꠣꠔ ꠄꠈ ꠝꠣꠃꠉꠞꠦꠅ ꠡꠣꠝꠟꠣꠁꠔꠣꠝ ꠚꠣꠞꠞꠣꠝ ꠘꠣ, ꠁꠘ ꠔꠤꠘꠉꠥ ꠛꠃ ꠅꠁꠟꠦ ꠝꠞꠦ ꠉꠣꠋꠉ ꠏꠣꠚ ꠖꠤꠀ ꠝꠞꠣ ꠍꠣꠠꠣ ꠚꠕ ꠝꠤꠟꠛ ꠘꠤ ⁕
ꠁꠛꠣꠞꠅ ꠟꠣꠈꠞꠤꠈꠣꠐꠞꠣꠞ ꠁꠝꠣꠘꠖꠣꠞꠤ ꠖꠦꠇꠤꠀ ꠖꠦꠃꠟꠣꠄ ꠇꠥꠡꠤꠄ ꠚꠦꠐꠚꠦꠐꠣ ꠅꠁꠉꠦꠟꠣ ꠀꠞ ꠚꠣꠘꠤ ꠔꠘꠦ ꠔꠥꠟꠤꠀ ꠔꠤꠘ ꠛꠦꠐꠤꠞꠦ ꠔ ꠖꠤꠟꠃ ꠖꠤꠟ, ꠟꠉꠦ ꠘꠤꠎꠦꠅ ꠔꠣꠁꠞꠦ ꠢꠦꠋꠉꠣꠞ ꠚꠍꠔꠣꠛ ꠖꠤꠟ! ꠁꠝꠣꠘꠖꠣꠞ ꠟꠣꠈꠞꠤꠈꠣꠐꠞꠣꠄ b ꠢꠔꠤꠘꠞꠦ ꠟꠁꠀ ꠛꠣꠠꠤꠔ ꠚꠤꠞꠤꠀ ꠀꠁꠟ꠆ꠟ ⁕