শুরমা ফারর খবর ছিলটি জবানে ছিলটর খবর
Related Articles
**** ꠃꠎꠣꠁ ꠗꠞꠒꠣ [উজাই ধরডা] *******
ꠝꠥꠘꠤꠝ ꠙꠣꠞꠛꠦꠎ ꠛꠠꠜꠥꠄꠀ
—————————————
ꠎꠣꠉꠣꠄ ꠎꠣꠉꠣꠄ ꠀꠁꠍꠦ ꠝꠣꠟ
ꠛꠠꠅ ꠁꠉꠥꠁꠘ ꠈꠣꠁꠀ ꠐꠣꠟ
ꠈꠥꠍꠞꠣ ꠈꠣꠟꠤ ꠄꠈꠡ ꠐꠦꠇꠤ
ꠝꠣꠘꠥꠡ ꠈꠣꠁꠔꠞꠣ ꠛꠟꠖ ꠛꠤꠇꠤ
ꠝꠣꠏꠦꠖꠤ ꠀꠘꠍꠦ ꠝꠦꠊꠞ ꠏꠠꠤ
ꠍꠛꠥꠞꠦ ꠍꠤꠟ꠆ꠟꠣꠞ ꠞꠁꠍꠁꠘ ꠢꠠꠤ
ꠊꠞ ꠍꠣꠘ꠆ꠖꠣ ꠖꠤꠔꠦ ꠟꠣꠉꠛ
ꠀꠘ꠆ꠘꠣꠄ ꠈꠣꠁꠟ ꠃꠟ꠆ꠐꠣ ꠝꠣꠞꠛ
ꠀꠘ꠆ꠖꠣꠁꠞ ꠉꠟ꠆ꠟꠤꠔ ꠘꠤꠀ ꠔꠣꠞꠦ
ꠀꠔꠞ ꠝꠥꠐꠤꠔ ꠎꠣꠔꠣ ꠝꠣꠞꠦ
ꠍꠛꠥꠞ ꠛꠦꠐꠣꠄ ꠈꠞꠍꠦ ꠞꠣꠉ
ꠚꠣꠍꠡ ꠖꠤꠀ ꠈꠁꠍꠦ ꠜꠣꠉ꠆
ꠇꠞꠤꠝ ꠛꠦꠐꠣꠄ ꠖꠦꠈꠦꠞ ꠈꠦꠟꠣ
ꠚꠣꠟ ꠝꠣꠞꠤ ꠟꠁꠍꠦ ꠑꠦꠟꠣ
ꠀꠝꠞꠣ ꠈꠦꠘꠦ ꠖꠥꠁꠡ ꠐꠦꠇꠤ
ꠀꠝꠞꠣ ꠀꠞꠅ ꠖꠣꠝꠦ ꠛꠤꠇꠤ
ꠖꠞꠛꠣꠞ ꠢꠥꠘꠤꠀ ꠀꠁꠍꠦ ꠍꠥꠚꠣꠘ
ꠄꠞ ꠝꠣꠏꠦ ꠀꠘ꠆ꠌꠦ ꠔꠥꠚꠣꠘ
ꠖꠃꠠ ꠝꠣꠞꠤ ꠃꠑꠍꠤ ꠉꠣꠠꠤꠔ
ꠡꠥꠎꠣ ꠀꠁꠍꠤ ꠀꠝꠣꠞ ꠛꠣꠠꠤꠔ
ꠔꠣꠞꠣ ꠀꠛ ꠖꠞꠛꠣꠞ ꠈꠞꠒꠣ
ꠝꠦꠊꠞ ꠝꠣꠏꠦ ꠃꠎꠣꠁ ꠗꠞꠒꠣ
ꠝꠣꠍꠦ ꠈꠣꠟꠤ ꠜꠞꠦꠞ ꠒꠞꠤ
ꠜꠣꠟꠣ ꠝꠣꠘꠥꠡ ꠢꠞꠤ ꠢꠞꠤ
ꠈꠦꠟꠣ ꠄꠈꠘ ꠃꠑꠍꠦ ꠟꠣꠐꠅ
ꠈꠦꠝꠘ ꠚꠠꠍꠦ ꠈꠣꠞ ꠜꠣꠐꠅ?
