শুরমা ফারর খবর ছিলটি জবানে ছিলটর খবর
Related Articles
ꠁ ꠈꠄꠚꠤꠞꠣ ꠗꠞꠤ ꠖꠦꠈꠣ ꠎꠣꠞ ꠘꠄꠀꠚꠤꠞꠣꠞ ꠢꠣꠈꠞꠣꠁꠔ ꠚꠣꠟꠘ ꠈꠞꠣꠔ ꠉꠤꠀ ꠘꠣꠘꠣꠘ ꠖꠦꠡꠞ ꠟꠣꠈꠣꠘ ꠀꠝꠒꠣꠞ ꠖꠦꠡ ꠅ ꠝꠣꠘꠥꠡ ꠇꠤ ꠚꠞꠤꠛꠦꠡꠞ ꠎꠦꠎꠣꠔ ꠈꠔꠤ ꠈꠞꠦꠞ ⁕ ꠚꠣꠘꠥꠡꠞ ꠀꠉꠥꠁꠘꠦ ꠓꠣꠈꠣ ꠡꠁꠔꠦ ꠖꠦꠡꠞ ꠘꠣꠘꠣꠘ ꠄꠟꠣꠇꠣꠔ ꠀꠉꠥꠁꠘ ꠟꠣꠉꠣꠞ ꠈꠛꠞ ꠝꠤꠟꠦꠞ ꠈꠈꠚꠤꠞꠣ ꠔꠘꠦ ꠎꠥꠖꠤꠘ ꠅ ꠚꠡꠣꠡꠘꠦ ꠖꠣꠄꠡꠣꠞꠣ ꠔꠥꠠꠣ ꠈꠣꠝ ꠈꠞꠤꠀ ꠡꠦꠡ ⁕ Γ0Γ1 ꠚꠤꠞꠣꠞ ꠡꠦꠡꠖꠤꠘꠇꠥꠞ ꠖꠤꠘꠝꠣꠞꠤꠞꠣꠁꠔ ꠀꠔꠡꠛꠣꠎꠤꠞ ꠛꠤꠇꠐ ꠡꠛ꠆ꠖꠄ ꠛꠦꠝꠣꠞ ꠚꠞꠤꠀ ꠄꠉꠥ ꠉꠦꠖꠣꠞ ꠝꠃꠔ ꠅꠄ ⁕ ꠢꠤ ꠡꠝꠄꠇꠥ ꠘꠄꠀꠚꠤꠞꠣ ꠚꠣꠟꠘ ꠈꠞꠔꠦ ꠉꠤꠀ ꠛꠦꠝꠣꠞꠤ ꠅꠈꠟꠞ ꠈꠕꠣ ꠝꠣꠕꠣꠔ ꠞꠣꠈꠣꠞ ꠟꠣꠉꠤ ꠝꠣꠘꠡꠞꠦ ꠢꠥꠡꠤꠀꠞ ꠈꠞꠣꠞ ꠖꠣꠄ ꠁ ꠈꠛꠞ ꠁꠇꠣꠘ ꠘꠦꠐ ꠖꠥꠘꠤꠀꠔ ꠚꠥꠞꠣꠃ ꠜꠣꠁꠞꠣꠟ ꠅꠁꠎꠣꠄ ⁕ ꠇꠤꠘꠔꠥ ꠅꠈꠘ ꠝꠣꠘꠔꠦ ꠀꠝꠞꠣꠞ ꠝꠣꠏꠦ ꠔ ꠇꠥꠘꠥ ꠛꠖꠟ ꠅꠁꠍꠦ ꠘꠣ, ꠃꠚꠔꠦ ꠀꠝꠞꠣꠞ ꠢꠥꠡꠛꠥꠖꠖꠤꠅ ꠛꠃꠔꠞ ꠢꠎꠣꠉ ꠅꠁꠍꠦ ꠘꠣ ꠈꠞꠤ ꠅꠘꠟꠣꠁꠘ ꠛꠃꠔꠦ ꠀꠚꠍꠥꠍ ꠈꠞꠂꠘ ⁕
ꠁ ꠚꠤꠞꠔꠤ ꠁꠋꠟꠤꠀ ꠘꠄꠀꠚꠤꠞꠣ ꠚꠣꠟꠘ ꠈꠞꠣꠔ ꠉꠤꠀ ꠅꠖꠤꠘ ꠞꠣꠁꠔ ꠛꠦꠀꠋꠉꠦꠎꠤ ꠡꠛ꠆ꠖ ꠀꠞ ꠇꠤꠃꠞꠣ ꠛꠄꠀꠞꠞ ꠟꠣꠉꠤꠘ ꠎꠣꠘ ꠀꠞꠣꠄ ꠡꠄ ꠡꠄ ꠚꠣꠇꠤꠘꠔꠦ ⁕ ꠛꠣꠋꠟꠣꠖꠦꠡ ꠛꠣꠞ꠆ꠒ ꠇ꠆ꠟꠣꠛꠞ ꠔꠣꠟꠣꠡꠤꠔ ꠁ ꠔꠁꠔ꠆ꠔ ꠈꠣꠘ ꠛꠣꠞꠁꠀ ꠀꠄ ⁕ ꠎꠦꠈꠣꠘꠅ ꠈꠃꠀ ꠅꠄ, ꠘꠄꠀꠚꠤꠞꠣꠞ ꠢꠣꠈꠞꠣꠁꠔꠅ ꠛꠋꠉꠥꠟ꠆ꠟꠣ ꠀꠞ ꠀꠔꠡꠛꠣꠎꠤꠞ ꠈꠣꠞꠘꠦ ꠎꠦ ꠚꠞꠤꠝꠣꠘ ꠛꠤꠇꠐ ꠡꠛ꠆ꠖ ꠀꠞ ꠇꠤꠃꠞꠣ ꠅꠁꠍꠦ ꠛꠄꠀꠞ, ꠁꠇꠣꠘꠦ ꠡꠛꠍꠦ ꠛꠦꠡꠤ ꠈꠔꠤ ꠅꠁꠉꠦꠍꠦ ꠡꠢꠞꠞ ꠚꠣꠇꠤꠘ꠆ꠔꠞ ⁕ ꠛꠦꠀꠋꠉꠣꠎꠤ ꠡꠛ꠆ꠖ ꠀꠞ ꠇꠤꠃꠞꠣ ꠛꠄꠀꠞꠞ ꠟꠣꠉꠤ ꠈꠣꠟꠤ ꠓꠣꠈꠣ ꠡꠢꠞꠃ ꠅ ꠍꠣꠁꠞ ꠚꠎꠣꠔꠤꠞ ꠡꠞꠥꠚꠞꠦ ꠚꠣꠇꠤꠘ ꠝꠞꠤ ꠉꠦꠍ ⁕ ꠀꠞ ꠇꠝꠍꠦ ꠍꠣꠁꠞ ꠚꠎꠣꠔꠤꠞ ꠚꠣꠇꠤꠘ ꠒꠞꠣꠁꠀ ꠔꠣꠞꠣꠞ ꠛꠣꠖꠣ ꠚꠣꠟꠣꠁꠀ ꠃꠠꠤꠁ ꠎꠣꠄꠉꠤ ⁕ ꠛꠃꠔ ꠄꠟꠣꠇꠣꠔ ꠚꠣꠇꠤꠘ ꠛꠦꠝꠣꠞ ꠚꠞꠤ ꠉꠦꠍꠦ ⁕
