ꠍꠃꠖꠤ, ꠝꠤꠒꠤꠟꠤꠡ꠆ꠐ ꠡꠢ ꠚꠍ꠆ꠝꠞ ꠖꠦꠡꠣꠁꠘ꠆ꠔ ꠀꠁꠎ ꠁꠖ-ꠃꠟ-ꠚꠤꠔꠤꠞ ꠚꠣꠟꠘ ꠈꠞꠣ ꠅꠁꠞ ⁕ ꠡꠛꠞ ꠐꠣꠁꠘ ꠀꠝꠒꠣꠞ ꠁꠖꠞ ꠍꠣꠟꠣꠝ ⁕ ꠁꠖ ꠝꠥꠛꠣꠞꠇ⁕ ꠚꠛꠣꠡꠅ ꠀꠝꠒꠣꠞ ꠛꠃꠔ ꠜꠣꠁ ꠛꠘꠤꠘ꠆ꠔꠦ ꠚꠞꠤꠛꠣꠞꠞꠦ ꠕꠁꠀ ꠁꠖ ꠈꠞꠞꠣ ⁕ ꠔꠣꠞꠣꠞ ꠐꠣꠁꠘ ꠁꠖ ꠝꠣꠘꠦ ꠎꠦꠘ ꠇꠥꠡꠤꠛꠣꠡꠤꠞ ꠟꠉꠦ ꠛꠦꠖꠘꠣꠞ ꠅ ꠚꠣꠢꠣꠞ ⁕ ꠝꠣꠁ-ꠛꠣꠚ, ꠙꠞꠤꠛꠣꠞ, ꠜꠣꠁ-ꠛꠘ꠆ꠗꠥ ꠍꠣꠠꠤꠀ ꠢꠣꠟꠣꠟ ꠃꠚꠣꠄ ꠞꠥꠐꠤ ꠞꠥꠎꠤꠞ ꠟꠣꠉꠤꠘ ꠀꠝꠞꠣꠞꠦ ꠛꠤꠖꠦꠡ ꠎꠣꠁꠔꠦ ꠅꠄ ⁕ ꠎꠦꠁꠘ ꠔꠣꠁꠘ ꠛꠤꠖꠦꠡꠞ ꠝꠣꠐꠤꠔ ꠖꠤꠘ ꠞꠣꠁꠔ ꠈꠣꠐꠤꠀ, ꠝꠣꠕꠣꠞ ꠊꠣꠝ ꠚꠣꠃ ꠅ ꠚꠣꠟꠣꠁꠀ, ꠞꠥꠎꠣ ꠝꠣꠡꠅ ꠞꠣꠁꠔ-ꠖꠤꠘ ꠡ꠆ꠞꠝ ꠖꠤꠀ, ꠁꠖꠞ ꠡꠝꠄ ꠝꠥꠁꠑ ꠜꠞꠤꠀ ꠐꠦꠈꠣ ꠍꠣꠠꠤꠀ ꠘꠤꠎꠞ ꠚꠞꠤꠛꠣꠞꠞ ꠝꠥꠈ ꠀꠡꠤ ꠚꠥꠐꠣꠁꠞꠣ, ꠖꠦꠡꠞ ꠅꠞ꠆ꠕꠘꠤꠔꠤꠞ ꠍꠣꠇ꠆ꠇꠤꠞꠦ ꠊꠥꠞꠣꠁꠞꠣ, ꠀꠚꠘꠣꠞꠣꠞ ꠇꠡ꠆ꠐꠞ, ꠔꠤꠀꠉꠞ, ꠚꠞꠤꠍ꠆ꠞꠝꠞ ꠛꠤꠘꠤꠝꠄ ꠖꠤꠛꠣꠞ ꠈꠝꠔꠣ ꠀꠟ꠆ꠟꠣꠢ ꠍꠣꠠꠣ ꠈꠦꠃꠞ ꠘꠣꠁ ⁕
ꠀꠚꠘꠣꠁꠘ꠆ꠔꠦ ꠇꠤꠛꠣꠘ ꠈꠣꠝꠞ ꠍꠣꠚꠦ ꠛꠣꠎꠣꠞ ꠈꠞꠣꠞ ꠡꠝꠄ ꠃ ꠚꠣꠁꠍꠁꠘ ꠘꠣ, ꠇꠤ ꠄꠈꠟꠣ ꠄꠈꠟꠣ ꠛꠣꠎꠣꠞ ꠈꠞꠣꠞ ꠝꠘꠝꠞꠎꠤ ꠘꠣꠁ ꠀꠞꠘꠣꠄ ꠚꠞꠤꠛꠣꠞ ꠍꠣꠠꠣ ꠁꠖ ꠈꠞꠣꠞ ꠢꠣꠟꠔ ꠈꠣꠘꠔꠣ ꠇꠥꠡꠤꠞ ꠟꠉꠦ ꠖꠥꠇ꠆ꠇꠞ ꠝꠤꠡꠣꠁꠟ ⁕
ꠡꠛꠔꠣꠞ ꠛꠣꠖꠦꠅ ꠛꠤꠡꠦꠡ ꠁ ꠖꠤꠘꠅ ꠡꠥꠞꠝꠣꠚꠣꠞꠞ ꠔꠞꠚ ꠔꠘꠦ ꠢꠇ꠆ꠇꠟꠞꠦ ꠁꠖꠞ ꠝꠥꠛꠣꠞꠇꠛꠣꠖ! ꠡꠣꠝꠘꠞ ꠚꠤꠞꠣ ꠁꠖ ꠎꠦꠘꠅ ꠖꠦꠡ ꠚꠞꠤꠛꠣꠞꠞ ꠟꠉꠦ ꠇꠥꠡꠤꠄ ꠛꠣꠡꠤꠄ ꠈꠞꠔꠣ ꠚꠣꠞꠁꠘ ꠅꠃ ꠖꠥꠀ ꠞꠁꠟ ⁕
ꠁꠖ ꠝꠥꠛꠣꠞꠇ ⁕