ꠡꠥꠘꠣꠝꠉꠁꠘ ꠔꠣꠁꠞꠚꠥꠞ ꠃꠚꠎꠤꠟꠣꠔ ꠐꠣꠐꠣ ꠚꠠꠤꠀ ꠔꠤꠘ ꠢꠞꠥꠔꠣ ꠝꠞꠤ ꠉꠦꠍꠁꠘ⁕ ꠀꠞ ꠎꠈꠝꠤꠀ ꠅꠁꠍꠁꠘ ꠀꠐ ꠎꠘ⁕
ꠀꠁꠎ ꠛꠤꠞꠧꠡꠁꠔꠛꠣꠞ ꠖꠥꠁꠚꠞ ১১ ꠐꠣꠞ ꠖꠤꠇꠦ ꠔꠣꠁꠞꠚꠥꠞ ꠃꠚꠎꠤꠟꠣꠞ ꠛꠣꠖꠣꠊꠣꠐ ꠁꠘꠤꠅꠘꠞ ꠡꠥꠘ꠆ꠖꠞꠚꠣꠠꠤ ꠉꠣꠃꠔ ꠁ ꠉꠐꠘꠣ ꠊꠐꠍꠦ⁕
ꠝꠞꠣ ꠔꠤꠘ ꠢꠞꠥꠔꠣ ꠅꠁꠟꠣ ꠡꠥꠘ꠆ꠖꠞꠚꠣꠠꠤ ꠉꠣꠃꠞ ꠀꠛ꠆ꠖꠥꠟ ꠢꠣꠟꠤꠝꠞ ꠚꠥꠠꠤ ১১ꠛꠍꠞꠞ ꠔꠣꠅꠢꠤꠖꠣ ꠀꠈꠔꠣꠞ,ꠚꠄꠎꠥꠞ ꠞꠢꠝꠣꠘꠞ ১২ ꠛꠍꠞꠞ ꠚꠥꠠꠤ ꠞꠤꠙꠣ ꠛꠦꠉꠝ,ꠀꠛ꠆ꠖꠥꠟ ꠀꠎꠤꠎꠞ ১১ ꠛꠍꠞꠞ ꠚꠥꠀ ꠀꠝꠤꠞꠥꠟ ꠁꠍꠟꠣꠝ⁕ꠎꠣꠘꠣꠉꠦꠍꠦ ꠔꠤꠘꠧ ꠎꠘ ꠡꠤꠇ꠆ꠇꠣꠞꠔꠤ⁕
ꠔꠣꠘꠤꠅ ꠎꠞꠤꠀꠄ ꠎꠣꠘꠣ ꠉꠦꠍꠦ ꠚꠣꠠꠤꠀ ꠉꠥꠟꠣꠄ ꠡꠥꠘ꠆ꠖꠞꠚꠣꠠꠤ ꠄꠟꠣꠇꠣꠞ ꠈꠣꠘ꠆ꠖꠣꠞ ꠀꠅꠞꠧ ꠚꠣꠘꠤ ꠛꠣꠠꠤꠀ ꠈꠦꠔꠥꠀꠟ ꠅꠈꠟꠞ ꠛꠣꠖꠣꠝ ꠈꠦꠔ ꠛꠥꠠꠤꠎꠣꠞ ꠢꠥꠘꠤꠀ ꠛꠤꠀꠘꠦ ꠈꠦꠔꠞ ꠛꠣꠖꠣꠝ ꠔꠥꠟꠣꠔ ꠉꠣꠃꠞ ꠛꠦꠐꠤꠘ, ꠛꠦꠐꠣꠁꠘ,ꠢꠞꠥꠔꠣꠁꠘ ꠉꠦꠍꠁꠘ⁕ꠚꠞꠦ ꠖꠥꠁꠚꠥꠞ১১ꠐꠣꠞ ꠖꠤꠇꠦ ꠝꠦꠊꠞ ꠎꠠꠤ ꠀꠞ ꠐꠣꠐꠣ ꠚꠠꠣ ꠡꠥꠞꠥ ꠅꠁꠍꠦ,ꠔꠈꠘꠇꠥ ꠐꠣꠐꠣ ꠚꠠꠤꠀ ꠉꠐꠘꠣꠞ ꠎꠣꠉꠣꠔ ꠔꠤꠘ ꠢꠞꠥꠔꠣ ꠝꠣꠞꠣ ꠉꠦꠍꠁꠘ,ꠁ ꠡꠝꠄ ꠎꠈꠝꠤꠀ ꠅꠁꠍꠁꠘ ꠀꠞꠧ ꠀꠐ ꠎꠘ⁕ꠟꠉꠦ ꠟꠉꠦ ꠎꠈꠝꠤꠀ ꠅꠈꠟꠞ ꠚꠞꠤꠍꠄ ꠚꠣꠅꠀ ꠉꠦꠍꠦꠘꠣ⁕ꠉꠣꠃꠞ ꠝꠣꠘꠦ ꠄꠞꠣꠞꠦ ꠃꠖ꠆ꠖꠣꠞ ꠈꠞꠤꠀ ꠔꠣꠁꠞꠚꠥꠞ ꠃꠚꠎꠤꠟꠣꠞ ꠡꠞꠈꠣꠞꠤ ꠀꠡꠚꠣꠔꠣꠟ ꠅ ꠡꠥꠘꠣꠝꠉꠁꠘꠞ ꠡꠖꠞ ꠀꠡꠚꠣꠔꠣꠟꠧ ꠚꠣꠐꠣꠁꠍꠁꠘ,