ꠍꠤꠟꠐ, ꠡꠥꠘꠣꠝꠉꠂꠘ꠆ꠎ ꠀꠞ ꠀꠡꠚꠣꠡ ꠄꠟꠣꠇꠣꠔ ꠛꠦꠡꠦꠛꠣ ꠢꠤꠟ ꠅꠁꠍꠦ ⁕ ꠉꠦꠍꠦ ꠞꠁꠛꠣꠞ ꠞꠣꠁꠔ ꠡꠥꠀ 10ꠐꠣ ꠔꠘꠦ ꠡꠥꠞꠥ ꠅꠄ ꠢꠤꠟ ꠀꠞ ꠏꠞꠤ ⁕ ꠄꠈꠦꠈꠐꠣ ꠛꠣꠘꠣꠛꠣꠘꠣ ꠍꠣꠁꠎꠞ ꠢꠤꠟ ꠚꠞꠍꠤꠟ ⁕ ꠍꠂꠔ ꠝꠣꠁꠀ ꠖꠤꠘꠞ ꠢꠦꠡꠛꠣꠄ ꠁꠟꠣꠘ ꠢꠤꠟ ꠚꠞꠣꠄ ꠛꠥꠞ ꠡꠢ ꠘꠣꠘꠣꠘ ꠚꠡꠟꠞ ꠛꠦꠔꠣꠁꠀ ꠈꠔꠤ ꠈꠞꠤꠟ꠆ꠌꠦ ⁕ 1☽ ꠝꠤꠘꠤꠐ ꠁꠝꠣ ꠁꠎꠣꠔꠞ ꠡꠣ-ꠡꠣ ꠒꠣꠈꠦ ꠢꠤꠟ-ꠔꠥꠚꠣꠘ ꠍꠟ꠆ꠌꠤꠟ ⁕
ꠍꠤꠟꠐ, ꠉꠥꠟꠣꠚꠉꠂꠘ꠆ꠎ, ꠛꠤꠀꠘꠤꠛꠣꠎꠣꠞ ꠡꠢ ꠘꠣꠘꠣꠘ ꠎꠦꠉꠣꠔ ꠢꠤꠟ-ꠔꠥꠚꠣꠘꠞ ꠈꠛꠞ ꠝꠤꠟꠦ ⁕ ꠡꠥꠘꠣꠝꠉꠂꠘ꠆ꠎ ꠎꠤꠟꠣ ꠡꠖꠞ, ꠛꠤꠡ꠆ꠡꠝ꠆ꠜꠞꠚꠥꠞ ꠡꠣꠘ꠆ꠔꠤꠉꠂꠘ꠆ꠎ, ꠖꠤꠞꠣꠁ ꠃꠚꠎꠤꠟꠣꠞ ꠃꠚꠞ ꠛꠣꠄ ꠄꠝꠘ ꠞꠥꠡꠦ ꠈꠣꠟꠛꠂꠡꠣꠉꠤ ꠔꠥꠚꠣꠘ ꠎꠣꠄ ⁕
ꠔꠥꠚꠣꠘꠞ ꠛꠣꠞꠟꠣꠄ ꠉꠣꠍꠉꠣꠍꠣꠟꠤ, ꠊꠞꠛꠣꠠꠤ ꠡꠢ ꠅꠘ꠆ꠔꠔ ☽ ꠎꠘ ꠎꠈꠝ ꠅꠁꠍꠂꠘ ꠈꠞꠤꠀ ꠈꠛꠞ ꠝꠤꠟ꠆ꠌꠦ ⁕ ꠡꠛꠡꠦꠡ ꠚꠔꠣꠞ ꠀꠉ ꠁꠝꠣ ꠢꠣꠞꠣ ꠞꠣꠁꠔ ꠀꠍ꠆ꠔꠣ ꠡꠥꠘꠣꠝꠉꠂꠘ꠆ꠎ, ꠍꠤꠟꠐ ꠇꠣꠞꠦꠘ꠆ꠐ ꠛꠘ꠆ꠗ ꠀꠍꠤꠟ ⁕
ꠉꠦꠍꠦ ꠞꠁꠛꠣꠞ ꠔꠦꠞꠣꠛꠤꠞ ꠘꠝꠣꠎꠞ ꠛꠣꠖꠦ ꠍꠤꠟꠐ ꠘꠉꠞꠤ ꠡꠁꠔꠦ ꠛꠤꠜꠣꠉꠞ ꠀꠞꠈꠣꠘꠅ ꠇꠥꠞꠥꠟꠟꠣꠄ ꠛꠣꠟ꠆ꠟꠣ ꠝꠣꠞꠦ ⁕ ꠛꠣꠖꠦꠃ ꠡꠥꠞꠥ ꠅꠄ ꠢꠤꠟ ꠚꠞꠣ ⁕ ꠉꠔꠤꠇꠦ ꠞꠣꠍ꠆ꠔꠣꠔ ꠕꠣꠈꠣ ꠡꠣꠗꠣꠞꠘ ꠝꠣꠘꠥꠡ, ꠚꠕꠍꠣꠞꠤ ꠀꠞ ꠁꠖꠞ ꠛꠣꠎꠣꠞꠈꠞꠣꠔ ꠎꠣꠃꠞꠣ ꠝꠣꠘꠥꠁꠘ ꠛꠦꠚꠦꠍꠅ ꠚꠞꠤꠎꠣꠁꠘ ⁕
ꠢꠤꠟꠦ ꠙ꠆ꠞꠣꠁꠜꠦꠐ ꠇꠣꠞ ꠀꠞ ꠍꠤꠄꠘꠎꠤ ꠅꠐꠞꠤꠇ꠆ꠡꠣ ꠡꠢ ꠀꠞꠎꠣꠔꠤ ꠉꠣꠞꠤꠘ꠆ꠔꠞ ꠉ꠆ꠟꠣꠍꠞ ꠈꠔꠤ ꠅꠄ ⁕ ꠄꠈꠦꠈ ꠐꠥꠝꠣ ꠢꠤꠟꠣꠁꠘ ꠛꠣꠘꠣꠛꠣꠘꠣ ꠍꠣꠁꠎꠞ ꠘꠥ ꠀꠍꠤꠟ ⁕
ꠄꠞꠀꠉꠦ ꠍꠤꠟꠐ ꠁꠎꠣꠔꠤ ꠢꠤꠟ ꠀꠉꠦ ꠖꠦꠈꠣ ꠉꠦꠍꠦꠘꠣ ꠈꠞꠤꠀ ꠍꠡꠣꠟ ꠝꠤꠒꠤꠀꠔ ꠝꠣꠘꠡꠦ ꠟꠤꠝ ꠖꠦꠁꠘ ⁕ ꠛꠃꠔꠦ ꠉꠣꠠꠤ ꠜꠣꠋꠍꠥꠞꠞ ꠍꠛꠤ ꠀꠙꠟꠃꠒ ꠈꠞꠂꠘ ⁕
ꠈꠦꠃꠈꠦꠃꠞ ꠛꠣꠡꠣꠞ ꠐꠤꠘꠞ ꠍꠣꠟ ꠈꠣꠘꠣ ꠀꠞ ꠎꠣꠘꠣꠟꠣꠞ ꠈꠣꠍ ꠢꠤꠟꠦ ꠘꠣꠡ ꠈꠞꠤꠟꠣꠄ ⁕
ꠎꠈꠝ ꠅꠁꠘ ꠇꠥꠟꠣ ꠎꠦꠉꠣꠔ ꠀꠞ ꠞꠣꠍ꠆ꠔꠣꠔ ꠞꠃꠀ ꠈꠦꠃꠈꠦꠃ ⁕
ꠢꠤꠟ ꠚꠞꠤꠀ ꠚꠡꠥꠚꠣꠇꠤꠘ꠆ꠔꠞ ꠅ ꠎꠦꠎꠣꠔ ꠈꠔꠤ ꠅꠄ ⁕ ꠢꠤꠟ ꠚꠞꠤꠀ ꠎꠣꠘꠣ ꠎꠣꠄ ꠞꠣꠎ꠆ꠎꠤꠞ ꠍꠞꠣꠁꠘ ꠝꠞꠤꠎꠣꠄ ⁕