Breaking News
Home / ꠍꠤꠟꠐ / ꠢꠦꠡꠝꠦꠡ ꠢꠞꠣꠘꠤ ꠅꠁꠍꠦ “ꠁꠔ꠆ꠔꠣꠖꠤ ꠙꠄꠘ꠆ꠐ”

ꠢꠦꠡꠝꠦꠡ ꠢꠞꠣꠘꠤ ꠅꠁꠍꠦ “ꠁꠔ꠆ꠔꠣꠖꠤ ꠙꠄꠘ꠆ꠐ”

ꠜꠣꠋꠉꠣꠞꠣꠉꠦ ꠁꠔ꠆ꠔꠣꠖꠤ ꠙꠄꠘ꠆ꠐ [ꠍꠛꠤ ©ꠘꠦꠐ]
ꠡꠢꠤꠖ ꠡꠤꠞꠣꠎ ꠟꠦꠇ, ꠎꠦꠈꠐꠣ ꠝꠥꠟꠔ “ꠘꠤꠟꠣꠖ꠆ꠞꠤ ꠟꠦꠇ” ꠘꠣꠝꠦ ꠝꠣꠘꠡꠞ ꠐꠣꠁꠘ ꠛꠦꠡꠤ ꠚꠍꠘ꠆ꠖꠞ ⁕ ꠐꠦꠈꠦꠞꠊꠣꠐꠞ ꠚꠣꠈꠣꠘꠤꠞ ꠎꠦꠉꠣ ꠁꠇꠣꠘ ꠀꠡꠟꠦ ꠍꠥꠘꠣꠚꠣꠔ꠆ꠔꠞꠞ ꠚꠣꠟꠣꠁꠟ ꠈꠘꠤꠞ ꠟꠣꠁꠝ ꠁꠍ꠆ꠐꠘ ꠟꠦꠇ ꠘꠣꠝ ꠅꠁꠟꠦꠅ ꠖꠦꠈꠣꠞꠝꠔ ꠇꠥꠘꠥꠈꠣꠘ ꠄꠈꠖꠐꠣꠅ ꠍꠣꠁꠘꠛꠞ꠆ꠒ ꠇꠤ ꠡꠢꠤꠖ ꠡꠤꠞꠣꠎꠞ ꠁꠀꠖꠉꠥꠎꠣꠞꠤꠞ ꠇꠥꠌ꠆ꠌꠥ ꠘꠣꠁ ⁕ ꠁꠔꠤꠢꠣꠡ ꠄꠔꠤꠎ꠆ꠎꠞ ꠍꠥꠘꠣꠚꠣꠔ꠆ꠔꠞꠞ ꠚꠣꠟꠣꠁꠟ ꠈꠘꠤꠞ ꠟꠣꠁꠝ ꠁꠍ꠆ꠐꠘ ꠟꠦꠇ ꠅꠞ ꠛꠤꠀꠚꠣꠞꠦ ꠅ ꠇꠥꠘꠔꠣ ꠟꠦꠈꠣ ꠘꠣꠁ ⁕ ꠅꠕꠍ ꠍꠤꠟꠐ ꠅꠘ꠆ꠌꠟꠞ ꠐꠤꠟꠟꠣꠐꠣꠟꠟꠣꠔ ꠀꠉꠞꠣꠝꠟ ꠔꠘꠦ ꠍꠥꠘꠣꠚꠣꠔ꠆ꠔꠞꠞ ꠛꠦꠚꠡꠣꠚꠣꠔꠤ ꠍꠟꠤꠀ ꠀꠞ ⁕ ꠎꠦꠔꠣ ꠍꠤꠟꠐꠞ ꠚꠣꠇꠞꠤꠔꠤꠇ ꠡꠝ꠆ꠙꠖ ꠟꠥꠐ ꠈꠞꠤꠀ ꠘꠦꠃꠞꠣ ꠛꠤꠐꠤꠡ ꠄꠘ꠆ꠒꠤꠀꠞ ꠡꠝꠄꠇꠥꠞ ꠒꠦꠙꠥꠐꠤ ꠇꠣꠟꠦꠇ꠆ꠐꠞ ꠞꠛꠣꠞ꠆ꠐ ꠟꠤꠘ꠆ꠒꠍꠦꠞ ꠎꠤꠛꠘꠉꠥꠎꠣꠞꠤꠔ ꠅ ꠔꠣꠘ ꠚꠣꠁꠍꠦ ⁕ ꠍꠤꠟꠐꠞ ꠍꠥꠘꠣꠚꠣꠔ꠆ꠔꠞꠞ ꠛꠦꠛꠡꠣ ꠈꠞꠤꠀ ꠄꠁꠘ ꠁꠍ꠆ꠇꠐꠟꠦꠘ꠆ꠒꠞ ꠡꠦꠞꠣ ꠗꠘꠤ ꠛꠘꠍꠤꠟꠣ ⁕ ꠎꠣꠁꠅꠇ, ꠁ ꠎꠦꠉꠣꠞ ꠇꠥꠘꠥ ꠁꠀꠖ ꠘꠣ ꠞꠣꠇꠤꠀ ꠃꠚꠔꠦ ꠝꠦꠉꠣꠎꠤꠘ ꠅꠘꠥꠡ꠆ꠐꠣꠘ ꠁꠔ꠆ꠔꠣꠖꠤꠞ ꠘꠣꠝꠦ ꠙꠄꠘ꠆ꠐ ꠔꠣꠁꠀꠞ ꠈꠞꠤꠀ ꠛꠣꠋꠟꠣꠖꠦꠡꠞ ꠇꠣꠡ꠆ꠝꠤꠞ ꠈꠁꠀ ꠚꠍꠘꠣꠟꠣ ꠚꠣꠇꠞꠤꠔꠤꠇ ꠡꠥꠘ꠆ꠖꠞꠦ ꠟꠦꠚꠐꠣꠁꠟ ꠡꠢꠤꠖ ꠟꠦꠇ ꠔꠔꠣ ꠘꠤꠟꠣꠖ꠆ꠞꠤꠞ ꠡꠥꠘ꠆ꠖꠞ꠆ꠎꠞꠦ ꠛꠤꠘꠣꠡ ꠈꠞꠣꠞ ꠖꠣꠄ ꠅꠘꠟꠣꠁꠘꠅ ꠈꠦꠍꠣꠈꠦꠍꠤ ꠘꠤꠘ꠆ꠖꠣ ꠀꠞ ꠛꠦꠝꠔꠣꠎ ꠅꠁꠀ ꠝꠣꠘꠡꠦ ꠚꠔꠤꠛꠣꠖꠞ ꠡꠥꠞ ꠔꠥꠟꠂꠘ ⁕ ꠚꠔꠤꠛꠣꠖꠈꠣꠘ ꠇꠥꠟꠟꠦꠉꠣꠄ ꠍꠤꠔ꠆ꠞꠤꠎꠣꠄ ⁕

ꠛꠣꠋꠟꠣꠖꠦꠡꠞ ꠃꠔ꠆ꠞ-ꠚꠥꠛ ꠇꠥꠘꠣꠞ ꠄꠈꠣꠘ ꠎꠘꠚꠔ ꠡꠥꠘꠣꠝꠉꠂꠘ꠆ꠎꠞ ꠄꠈꠣꠘ ꠔꠣꠎꠣ ꠈꠛꠞ ꠅꠁꠟꠦꠅ ꠝꠥꠢꠥꠞ꠆ꠔꠦ ꠁ ꠈꠕꠣ ꠢꠣꠞꠣ ꠖꠦꠡ ꠜꠣꠁꠞꠣꠟ ꠅꠁꠎꠣꠄ ⁕ ꠍꠡꠣꠟ ꠝꠤꠒꠤꠀꠔ ꠝꠣꠘꠡꠦ ꠇꠤꠞꠣꠄ ꠎꠣꠘꠣꠁꠘ-

ꠡꠢꠤꠖ ꠡꠤꠞꠣꠎ ꠟꠦꠇꠞ ꠉꠣꠟꠣꠔ ꠁꠔ꠆ꠔꠣꠖꠤ ꠙꠄꠘ꠆ꠐ ꠘꠣꠝꠐꠣ ꠟꠦꠈꠣ ꠅꠁꠟ ꠖꠥꠘ?

ꠛꠃꠔꠦ ꠔ ꠛꠃꠔꠔꠣ ꠈꠁꠞꠣ ⁕  ꠈꠦꠃ ꠈꠁꠞꠣ ꠁꠉꠥ ꠕꠣꠈꠔ ꠘꠣꠄ, ꠈꠦꠃ ꠈꠁꠘ ꠐꠥꠞꠤꠡ꠆ꠐꠈꠟꠞ ꠡꠦꠛꠞ ꠟꠣꠉꠤ ꠛꠥꠟꠦ ꠁꠇꠣꠘ ꠈꠞꠣ ꠅꠁꠍꠦ ⁕

ꠝꠣꠘꠡꠦ ꠇꠥꠘꠥ ꠀꠘ꠆ꠖꠥꠍꠣꠘ꠆ꠖꠥ ꠇꠤꠞꠣ ꠖꠦꠈꠣꠁꠞꠣ ꠘꠤ, ꠄꠞ ꠈꠞꠦꠖꠤ ꠔ ꠄꠉꠥ ꠈꠣꠞꠘ ꠀꠍꠦ ⁕ ꠄꠝꠘꠦꠅ ꠁ ꠟꠦꠇꠞ ꠘꠣꠝ ꠛꠣꠇꠇꠣ ꠀꠉꠔꠘꠦ ꠄꠈ ꠞꠈꠝ ꠛꠤꠔꠟꠤꠀ ꠘꠤꠟꠣꠖ꠆ꠞꠤ ꠟꠦꠇ ꠅꠁ ꠉꠦꠍꠦ ⁕ ꠈꠣꠉꠎꠦ ꠈꠟꠝꠦ ꠁꠇꠐꠣ ꠡꠢꠤꠖ ꠡꠤꠞꠣꠎ ꠟꠦꠇ ꠅꠁꠟꠦꠅ ꠢꠈꠟꠞ ꠝꠥꠇ ꠁꠉꠥ ꠘꠤꠟꠣꠖ꠆ꠞꠤ ꠟꠦꠇ ꠘꠣꠝꠦꠃ ꠛꠦꠡꠤ ꠚꠞꠤꠌꠤꠔ ⁕ ꠝꠥꠁ ꠘꠤꠎꠦꠃ ꠄꠉꠎꠘ ꠐ꠆ꠞꠣꠜꠦꠟꠣꠞ⁕ ꠖꠦꠡꠞ ꠘꠣꠘꠣꠘ ꠎꠦꠉꠣꠔ ꠅ ꠀꠝꠣꠞ ꠎꠣꠃꠀ ꠅꠄ ⁕ ꠎꠦꠘꠅ ꠖꠦꠡꠞ ꠛꠦꠡꠤꠞꠜꠣꠉꠦꠃ ꠘꠤꠟꠣꠖ꠆ꠞꠤ ꠘꠣꠝꠦ ꠍꠤꠘꠦ, ꠁꠘ ꠅꠘꠦ ꠀꠞꠛꠣꠞ ꠁ ꠟꠦꠇꠞ ꠟꠣꠉꠣ ꠀꠞꠦꠉꠥ ꠘꠄꠀ ꠘꠣꠝ ⁕ ꠎꠦꠈꠐꠣꠄ ꠀꠡꠟꠦ ꠃ ꠝꠣꠘꠡꠞ ꠇꠤꠞꠣ ꠔꠥꠟꠦ ⁕ ꠚꠣꠈꠣꠃꠞꠣꠁꠘ꠆ꠔꠞ ꠡꠦꠛꠞ ꠖꠣꠄ ꠁ ꠙꠄꠘ꠆ꠐꠞ ꠘꠣꠝ ꠡꠢꠤꠖ ꠡꠤꠞꠣꠎ ꠙꠄꠘ꠆ꠐ ꠘꠣꠄ ꠈꠣꠟꠤ ꠡꠤꠞꠣꠎ ꠙꠄꠘ꠆ꠐ ꠖꠤꠟꠦꠃ ꠅꠁꠔ ⁕

ꠅꠟꠣꠘ ꠘꠣꠄ ꠘꠤ? ꠁꠔ꠆ꠔꠣꠖꠤ ꠙꠄꠘ꠆ꠐ ꠖꠥꠘ ꠅꠁꠔ? ꠄꠞ ꠈꠞꠦꠖꠤ ꠝꠔꠟꠛ ꠇꠤꠔꠣ?

ꠎꠦꠞꠣ ꠄꠞ ꠚꠇꠇꠦ ꠀꠍꠂꠘ, ꠔꠣꠘꠔꠣꠘꠞ ꠐꠣꠁꠘ ꠚꠍ꠆ꠘ ꠞꠁꠟ ⁕

ꠝꠦꠉꠣꠎꠤꠘ ꠅꠘꠥꠡ꠆ꠐꠣꠘ ꠁꠔ꠆ꠔꠣꠖꠤ ꠄꠞꠣꠉꠦ ꠖꠦꠡꠞ ꠘꠣꠘꠣꠘ ꠚꠣꠈꠣꠘꠤꠞ ꠎꠦꠉꠣꠔ ꠈꠞꠣ ꠅꠁꠍꠦ, ꠔꠄ ꠖꠦꠡꠞ ꠇꠥꠘꠥꠈꠣꠘꠞ ꠚꠣꠈꠣꠘꠤꠞ ꠄꠟꠣꠇꠣꠔ ꠁꠔ꠆ꠔꠣꠖꠤꠞ ꠘꠣꠝꠦ ꠁꠔ꠆ꠔꠣꠖꠤ ꠙꠄꠘ꠆ꠐ ꠘꠣꠝ ꠞꠣꠈꠣ ꠅꠁꠍꠦ ꠘꠣ ⁕
ꠔꠦ ꠁꠇꠣꠘꠅ ꠖꠥꠘ ꠁꠟꠣꠘ ꠈꠞꠣ ꠅꠁꠔ? ꠛꠦꠛꠡꠣꠁ ꠇꠥꠘꠥ ꠡꠣꠞ꠆ꠔ ꠀꠍꠦ ꠘꠤ ꠅꠈꠣꠘ ꠎꠣꠘꠣꠁꠀ ꠛꠦꠝꠔꠣꠎ ꠅꠁꠀ ꠇꠤꠞꠣꠄ ꠝꠣꠘꠡꠦ ꠙꠥꠡ꠆ꠐ ꠈꠞꠔꠣ ꠕꠣꠈꠂꠘ ⁕ ꠔꠣꠞꠣ ꠎꠣꠘꠣꠁꠘ ꠁꠔꠣ ꠁꠐꠚꠣꠔ꠆ꠔꠞꠞ ꠉꠞꠣꠈꠣꠝ ꠚꠈꠞꠤꠔꠤꠚꠦꠝꠤꠘ꠆ꠔꠞ ꠐꠣꠁꠘ ꠇꠥꠘꠥꠟꠣꠈꠣꠘ ꠅ ꠝꠣꠘꠤꠀ ꠟꠁꠛꠣꠞ ꠘꠣꠄ ⁕ ꠄꠞꠖꠣꠄ, ꠎꠦꠟꠣꠘ ꠎꠔ ꠎꠟꠖꠤ ꠚꠣꠞꠣ ꠎꠣꠄ, ꠁꠔꠣ ꠢꠞꠣꠁꠀ ꠘꠤꠀ ꠄꠈꠎꠘ ꠛꠤꠞ ꠡꠢꠤꠖ ꠝꠥꠇ꠆ꠔꠤꠎꠥꠖ꠆ꠖꠣꠞ ꠘꠣꠝꠞꠦ ꠔꠟ ꠘꠣ ꠈꠞꠤꠀ ꠀꠞ ꠟꠦꠇ ꠅꠞ ꠡꠥꠘ꠆ꠖꠞ꠆ꠎ ꠞꠇ꠆ꠇꠣ ꠈꠞꠣꠔ ꠡꠛꠦ ꠡꠣꠖ ꠖꠦꠃꠇꠣ ⁕

ꠅꠃ ꠒꠣꠈꠦ ꠡꠣꠄ ꠖꠤꠀ ꠝꠣꠘꠡꠦ ꠝꠣꠔꠣꠝꠣꠔꠤ ꠎꠥꠞꠖꠣꠞ ꠈꠞꠦ ⁕ ꠢꠦꠡꠝꠦꠡ ꠝꠣꠘꠡꠞ ꠈꠣꠃꠞꠤ ꠀꠞ ꠝꠣꠔꠣꠝꠣꠔꠤꠄ ꠚꠡꠣꠡꠘꠦ ꠁꠔ꠆ꠔꠣꠖꠤ ꠙꠄꠘ꠆ꠐ [ityadi point – ইত্যাদি পয়েন্ট] ꠜꠣꠋꠉ꠆ꠔ ꠈꠞꠤꠀ ꠛꠣꠁꠖ꠆ꠖ ꠅꠄ ⁕

Rate this post

About Abu Sayeed

ꠝꠥꠁ ꠀꠛꠥ ꠍꠣꠁꠖ, ꠡꠥꠞꠝꠣ ꠚꠣꠞꠞ ꠈꠛꠞ ꠅꠄꠛꠍꠣꠁꠐꠞ ꠍꠣꠚꠣꠃꠞꠣ⁕ ꠛꠣꠋꠟꠣ ꠀꠞ ꠁꠋꠟꠤꠡ ꠚꠔꠞꠤꠇꠣꠁꠘ꠆ꠔ ꠟꠦꠈꠣꠟꠦꠇꠤꠞ ꠅꠜꠤꠉ꠆ꠉꠔꠣ ꠔꠘꠦ ꠝꠞ ꠝꠣꠁꠅꠞꠝꠣꠔ ꠍꠤꠟꠐꠤꠔꠦꠅ ꠟꠦꠈꠣꠞ ꠔꠣꠉꠤꠖ ꠛꠥꠗ ꠈꠞꠤ⁕ ꠅꠘꠟꠣꠁꠘꠅ ꠍꠤꠟꠐꠤ ꠅꠈꠟꠞ ꠟꠣꠉꠤ ꠝꠣꠉꠘꠣ ꠢꠤꠇꠣꠞ ꠟꠣꠈ ꠏꠤꠘꠤꠡ ꠛꠤꠡꠦꠡ ꠈꠞꠤ ꠍꠤꠟꠐꠤꠘ꠆ꠔꠞ ꠁꠔꠤꠀꠡ, ꠞꠍꠝ, ꠈꠣꠘꠤꠛꠘꠤ, ꠡꠣꠁꠔ꠆ꠔ ꠡꠛꠞ ꠀꠔ ꠀꠔ ꠚꠃꠍꠣꠘꠤꠞ ꠈꠣꠝ ꠈꠞꠞꠣꠝ, ꠏꠣꠔꠦ ꠁꠔꠣ ꠈꠣꠟꠤ ꠉꠛꠦꠡꠇ ꠅꠈꠟꠞ ꠐꠣꠁꠘ ꠘꠣ ꠕꠣꠇꠤꠀ ꠢꠈꠟꠞ ꠀꠔꠅ ꠉꠤꠀ ꠔꠣꠘ ꠚꠣꠄ⁕ ꠁꠔꠣ ꠖꠦꠇꠤꠀ ꠀꠞꠅ ꠝꠣꠘꠥꠡꠣꠁꠘ ꠀꠉꠥꠀꠁꠀ ꠀꠁꠘ⁕ ꠟꠉꠦ ꠕꠣꠈꠣꠞ ꠀꠞ ꠚꠣꠄꠚꠞꠣꠝꠤꠡ ꠖꠤꠀ ꠡꠣꠖ ꠖꠤꠛꠣꠞ ꠟꠣꠉꠤ ꠡꠛꠞꠦ ꠡꠥꠇꠥꠞ⁕

Check Also

ꠁꠞꠣꠘ ꠇꠥꠞꠀꠘ ꠔꠤꠟꠣꠃꠀꠔꠅ ꠚꠄꠟꠣ ꠉꠥꠐ꠆ꠐꠣ ꠟꠁꠍꠂꠘ ꠛꠣꠋꠟꠣꠖꠦꠡꠞ ꠛꠡꠤꠞ ꠀꠢꠝꠣꠖ

ꠁꠞꠣꠘꠞ ꠞꠣꠎꠗꠣꠘꠤ ꠔꠦꠢꠞꠣꠘ ꠅꠃꠀ ꠛꠤꠡ꠆ꠡ ꠇꠥꠞꠀꠘ ꠔꠤꠟꠣꠃꠀꠔꠅ ꠚꠕꠝ ꠎꠣꠉꠣ ꠟꠁꠟꠍꠂꠘ ꠢꠛꠤꠉꠘ꠆ꠎꠞ ꠚꠥꠀ ꠢꠣꠚꠤꠎ ꠛꠡꠤꠞ ꠀꠢꠝꠣꠖꠦ …