শুরমা ফারর খবর ছিলটি জবানে ছিলটর খবর
Related Articles
ꠍꠤꠟꠐꠤ ꠛꠣꠘꠣꠘꠞ ꠀꠁꠘ ꠈꠣꠘꠥꠘꠧ [ꠅ-ꠇꠣꠞ – ꠧ ] ꠟꠁꠀ ꠝꠥꠇ꠆ꠔꠣꠞ ꠀꠢꠝꠖ ꠍꠣꠞꠞ ꠛꠤꠍ꠆ꠟꠦꠡꠘ
ꠍꠤꠟꠐꠤ ꠘꠣꠉꠞꠤ ꠛꠞ꠆ꠘꠝꠣꠟꠣꠔ [ ꠧ- ꠅ-ꠇꠣꠞ ] ꠍꠤꠘ꠆ꠘ ꠀꠉꠦ ꠀꠍꠤꠟ ꠘꠣ ⁕ ꠈ꠆ꠞꠤꠡ꠆ꠐꠣꠘ ꠝꠤꠡꠘꠣꠞꠤꠅꠈꠟꠦ ꠛꠣꠁꠛꠦꠟ ꠍꠤꠟꠐꠤ ꠜꠣꠡꠣꠄ ꠔꠞꠎꠝꠣ ꠈꠞꠣꠞ ꠡꠝꠄ ꠙ꠆ꠞꠃꠎꠘ ꠖꠦꠈꠣ ꠖꠦꠅꠀꠄ ꠖꠦꠛꠘꠣꠉꠞꠤ ꠕꠘꠦ [ ꠧ ] ꠍꠤꠘ꠆ꠘ ꠀꠅꠟꠣꠔ ꠀꠘꠍꠤꠟꠣ⁕ STAR-ꠞ ꠁꠃꠘꠤꠇꠃꠒ ꠙ꠆ꠞꠙꠧꠎꠣꠟꠧ ꠅꠃ ꠍꠤꠘ꠆ꠘꠐꠣ ꠕꠣꠇꠤ ꠎꠣꠄ⁕
ꠝꠥꠟꠦ ꠍꠤꠟꠐꠤ ꠜꠣꠡꠣꠞ ꠚꠄꠟꠣ ꠛꠣ ꠝꠣꠏꠈꠣꠘꠧ ꠁ ꠍꠤꠘ꠆ꠘꠞ ꠖꠞꠈꠣꠞ ꠘꠣꠁ ⁕ ꠚꠠꠣꠞ ꠉꠔꠤꠔꠦ ꠚꠠꠞꠣꠄ ꠛꠥꠏꠔꠣ ꠚꠣꠞꠁꠘ ꠇꠤꠀꠘꠧ ‘ꠅ-ꠇꠣꠞ’ ꠟꠣꠉꠣꠁꠀ ꠚꠠꠣ ꠟꠣꠉꠛꠧ ⁕ ꠡꠛ꠆ꠖꠞ ꠢꠦꠡꠞ ꠢꠞꠚꠧ ꠅꠃ ꠍꠤꠘ꠆ꠘꠞ ꠖꠞꠈꠣꠞ ꠟꠣꠉꠤ ꠎꠣꠄ –
ꠎꠦꠝꠘ ꠟꠣꠈꠣꠘ –
ꠊꠞ– ꠊꠞꠧ (ꠊꠞꠞ ꠜꠤꠔꠞꠦ )
ꠊꠞ > ꠊꠞꠧ
ꠀꠔ — ꠀꠔꠧ (ꠀꠔꠞ ꠝꠣꠏꠦ)
ꠅꠔꠣꠁꠘ ⁕
ꠀꠔ > ꠀꠔꠧ
ꠛꠣꠋꠟꠣꠔ ꠛꠣꠘꠣꠘ ‘ꠔꠧꠝꠞꠣ’ ꠅꠁꠟꠦꠅ ꠍꠤꠟꠐꠤ ꠜꠣꠡꠣꠔ ꠁꠉꠥꠞ ꠛꠣꠘꠣꠘ ‘ ꠔꠥꠝꠞꠣ’ ⁕ ꠍꠤꠟꠐꠤ ꠜꠣꠡꠣꠔ ꠡꠛ꠆ꠖꠞ ꠚꠄꠟꠣ ‘ꠅ-ꠇꠣꠞ’ ꠗꠘꠤ ‘ꠃ-ꠇꠣꠞ’ ꠅꠁꠀ ꠃꠌ꠆ꠌꠣꠞꠤꠔ ꠅꠄ⁕
ꠎꠦꠝꠘ ꠟꠣꠈꠣꠘ –
ꠎꠧꠡ>ꠎꠥꠡ, ꠎꠧꠠ > ꠎꠥꠠ , ꠇꠧꠘ>ꠇꠥꠘ ꠅꠔꠣꠁꠘ ⁕
ꠝꠣꠏꠈꠣꠘꠧꠅ ꠡꠛ꠆ꠖꠞ ꠟꠉꠦ ‘ꠅ-ꠇꠣꠞ’ ꠖꠞꠇꠣꠞ ꠘꠣꠁ ⁕
ꠎꠦꠝꠘ ꠟꠣꠈꠣꠘ –
ꠇꠟꠧꠘꠤ> ꠇꠟꠘꠤ,
ꠁꠔ꠆ꠎꠣꠖꠤ ⁕
ꠈꠦꠃ ꠈꠦꠃ [ ꠧ – ꠅ-ꠇꠣꠞ]ꠞ ꠎꠣꠉꠣꠔ [ ꠅ ] ꠟꠣꠉꠣꠘꠤꠞ ꠚꠇ꠆ꠇꠦ ⁕
ꠅꠈꠘ ꠎꠣꠞ ꠇꠥꠡꠤ ꠎꠦꠟꠣꠘ ꠅꠟꠣꠘꠃ ꠟꠦꠈꠃꠇ꠆ꠇꠣ ⁕ ꠟꠦꠈꠣꠟꠦꠈꠤ ꠎꠣꠞꠤ ꠕꠣꠈꠃꠇ ꠍꠤꠟꠐꠤ ꠜꠣꠡꠣꠄ ꠀꠞ ꠘꠣꠉꠞꠤ ꠢꠞꠚꠦ ⁕
