শুরমা ফারর খবর ছিলটি জবানে ছিলটর খবর
Related Articles
ꠇꠦꠟꠣꠍ ꠘꠣꠁꠘꠞ ꠚꠞꠥꠀ ꠚꠥꠞꠤꠞꠦ ꠁꠡ꠆ꠇꠥꠟ ꠔꠘꠦ ꠔꠥꠟꠤꠀ ꠘꠤꠀ ꠎꠥꠞꠦ ꠛꠤꠀ ꠈꠞꠣꠞ ꠘꠣꠟꠤꠡ ꠝꠤꠟꠌꠦ ꠡꠣꠛꠦꠇ ꠁꠃꠙꠤ ꠌꠤꠀꠞꠝꠦꠘꠞ ꠛꠤꠞꠥꠖ꠆ꠖꠦ ⁕ ꠊꠐꠘꠣ ꠁꠇꠐꠣ ꠊꠐꠤꠉꠦꠍ ꠐꠣꠋꠉꠣꠁꠟꠞ ꠗꠘꠛꠣꠠꠤ ꠃꠚꠎꠤꠟꠣꠞ ꠝꠥꠡꠥꠖ꠆ꠖꠤ ꠉꠣꠃꠔ ⁕
ꠘꠣꠟꠤꠡ ꠃꠐꠣ ꠢꠎꠞꠔ ꠀꠟꠤ (VV) ꠃꠚꠎꠤꠟꠣꠞ ꠝꠥꠡꠥꠖ꠆ꠖꠤ ꠁꠃꠘꠤꠅꠘꠞ ꠡꠣꠛꠦꠇ ꠌꠤꠀꠞꠝꠦꠘꠞ ꠀꠞ ꠁꠃꠘꠤꠅꠘ ꠀꠃꠀꠝꠤ ꠟꠤꠉꠞ ꠅꠘꠇꠥꠞ ꠡꠜꠣꠚꠔꠤ ⁕ ꠁ ꠊꠐꠘꠣꠞ ꠀꠔ ꠔꠘꠦ ꠞꠦꠢꠣꠁ ꠚꠣꠁꠔꠣ ꠈꠞꠤꠀ ꠗꠘꠛꠣꠠꠤ ꠕꠣꠘꠣ ꠡꠢ ꠘꠣꠘꠣꠘ ꠖꠚꠔꠞꠅ ꠟꠦꠇꠤꠀ ꠘꠣꠟꠤꠡ ꠖꠣꠄꠞ ꠈꠞꠍꠂꠘ ꠁ ꠁꠡ꠆ꠇꠥꠟꠍꠣꠔ꠆ꠞꠤꠞ ꠘꠦꠢꠣꠟ ꠉꠞꠤꠛ ꠛꠣꠚꠦ ⁕ ꠊꠐꠘꠣ ꠁꠇꠣꠘ ꠎꠣꠘꠣꠎꠣꠘꠤ ꠅꠁꠟꠦ ꠅꠘꠟꠣꠁꠘꠅ ꠇꠥꠟ꠆ꠟꠦꠉꠣꠄ ꠘꠤꠘ꠆ꠖꠣꠞ ꠏꠞ ꠃꠐꠦ ⁕
