শুরমা ফারর খবর ছিলটি জবানে ছিলটর খবর
Related Articles
ꠍꠤꠟꠐ ꠛꠤꠜꠣꠉꠞ ꠝꠣꠘꠡꠞ ꠝꠣꠁꠞꠝꠣꠔ ꠍꠤꠟꠐꠤ ꠝꠣꠔꠞꠦ ꠛꠣꠋꠟꠣꠖꠦꠡꠞ ꠖꠥꠍꠞꠣ ꠞꠣꠡ꠆ꠐꠤꠅꠝꠣꠔ ꠊꠥꠡꠘꠣꠞ ꠖꠣꠛꠤ ꠎꠣꠘꠣꠁꠍꠂꠘ ꠍꠤꠟꠐ ꠛꠤꠜꠣꠉꠞ ꠝꠥꠘꠣꠍꠤꠛꠤ ꠖꠣꠛꠤ ꠖꠣꠃꠀ ꠀꠖꠣꠄꠞ ꠟꠣꠉꠤ ꠉꠠꠣ ꠞꠣꠎꠘꠂꠔꠤꠇ ꠉꠥꠁꠐ ꠍꠤꠟꠐꠤ ꠚꠣꠘ꠆ꠌꠣꠁꠔꠞ ꠇꠦꠘ꠆ꠖ꠆ꠞꠤꠅ ꠇꠝꠤꠐꠤꠞ ꠌꠤꠀꠞꠝꠦꠘ ꠘꠣꠍꠤꠞ ꠃꠖ꠆ꠖꠤꠘ ꠀꠢꠝꠖ ꠌꠃꠗꠥꠞꠤꠄ ⁕
ꠉꠦꠍꠦ 18 ꠚꠦꠛꠥꠀꠞꠤ ꠞꠁꠛꠣꠞ ꠝꠤꠒꠤꠀꠔ ꠚꠣꠑꠣꠘꠤ ꠄꠈ ꠄꠟꠣꠘꠖꠤ ꠔꠣꠁꠘ ꠎꠣꠘꠣꠁꠘ, ꠚꠦꠛꠥꠀꠞꠤ ꠝꠣꠡ ꠜꠣꠡꠣ ꠀꠘ꠆ꠖꠥꠟꠘꠞ ꠝꠣꠡ ⁕ Γ1 ꠡꠦ ꠚꠦꠛꠥꠀꠞꠤ ꠁꠘ꠆ꠐꠣꠞꠘꠦꠡꠘꠣꠟ ꠝꠣꠁꠞꠝꠣꠔꠞ ꠖꠤꠘ ⁕ ꠁ ꠖꠤꠘꠞꠦ ꠢꠋꠇꠦ ꠟꠁꠀ ꠍꠤꠟꠐꠤ ꠝꠣꠔꠞꠦ ꠞꠣꠡ꠆ꠐꠞ ꠖꠥꠍꠞꠣ ꠝꠣꠔ ꠊꠥꠡꠘꠣ ꠎꠞꠥꠞꠤ ⁕ ꠍꠤꠟꠐ ꠛꠤꠜꠣꠉꠞ ꠙꠦꠞꠣꠄ 1 ꠇꠥꠐꠤ Γ0 ꠟꠣꠈ ꠝꠣꠘꠥꠡꠡꠢ ꠛꠤꠡ꠆ꠡꠞ ꠛꠃꠔ ꠝꠣꠘꠥꠡꠦ ꠁ ꠝꠣꠔ ꠝꠣꠔꠦ ⁕ ꠛꠣꠋꠟꠣ ꠝꠣꠔ ꠛꠣꠖꠦ ꠍꠤꠟꠐꠤ ꠝꠣꠔ ꠛꠣꠋꠟꠣꠖꠦꠡꠞ ꠄꠈꠝꠣꠔ꠆ꠞ ꠝꠣꠔ, ꠎꠦꠈꠐꠣꠞ ꠢꠞꠚ ꠀꠍꠦ, ꠎꠦꠉꠥꠁꠘ ꠍꠤꠟꠐꠤ ꠘꠣꠉꠞꠤ ꠟꠤꠚꠤ ꠘꠣꠝꠦ ꠚꠞꠤꠍꠤꠔ ⁕ ꠁꠘ꠆ꠐꠣꠞꠘꠦꠡꠘꠣꠟꠤ ꠡꠤꠇꠞꠤꠔ, ꠎꠦꠔꠣ ꠛꠣꠋꠟꠣ ꠝꠣꠔ ꠔꠘꠦ ꠚꠥꠞꠣꠃ ꠀꠟꠉꠣ ⁕ ꠁ ꠝꠣꠔꠦ ꠞꠣꠎ꠆ꠎꠤꠞ ꠎꠛꠞꠖꠍ꠆ꠔ ꠡꠣꠁꠔ꠆ꠔ, ꠚꠁꠖ꠆ꠖ ꠀꠞ ꠚꠥꠕꠤꠘ ꠟꠦꠈꠣ ꠅꠁꠍꠦ ⁕ ꠛꠃꠔꠦ ꠙꠤꠄꠁꠌꠒꠤ ꠅ ꠈꠞꠤꠟꠍꠂꠘ ⁕ ꠍꠤꠟꠐꠤ ꠝꠣꠔꠞꠦ ꠛꠣꠋꠟꠣꠖꠦꠡꠞ ꠖꠥꠍꠞꠣ ꠞꠣꠡ꠆ꠐꠤꠅꠝꠣꠔ ꠈꠞꠣꠞ ꠖꠣꠛꠤꠄ ꠄꠞꠝꠣꠏꠦ ꠍꠤꠟꠐꠤ ꠚꠣꠘ꠆ꠌꠣꠁꠔꠦ ꠍꠤꠟꠐꠞ ꠇꠦꠘ꠆ꠖ꠆ꠞꠤꠅ ꠡꠢꠤꠖ ꠝꠤꠘꠣꠞꠅ ꠝꠣꠘꠥꠟꠋꠉꠞ, ꠚꠗꠣꠘꠝꠘ꠆ꠔ꠆ꠞꠤꠞ ꠐꠣꠁꠘ ꠁꠀꠖꠘꠣꠝꠣ ꠚꠣꠐꠣꠘꠤ ꠡꠢ ꠛꠤꠜꠤꠘ꠆ꠘ ꠈꠣꠝ ꠍꠣꠟꠣꠁꠀ ꠉꠦꠍꠦ ⁕
ꠔꠣꠁꠘ ꠀꠞꠅ ꠈꠁꠘ, ꠍꠤꠟꠐꠤ ꠘꠣꠉꠞꠤ ꠢꠞꠚꠞ ꠉꠤꠀꠘ ꠀꠁꠎ ꠄꠟꠣꠔ ꠚꠞꠤꠞꠂꠍꠦ ⁕ ꠍꠤꠟꠐꠤ ꠘꠣꠉꠞꠤ ꠅꠇ꠆ꠇꠞ ꠍꠞ꠆ꠍꠣ ꠈꠞꠣ ꠅꠄ ꠘꠣ ꠈꠁꠟꠦꠃ ꠍꠟꠦ ⁕ ꠍꠤꠟꠐꠤ ꠝꠣꠔ ꠔꠕꠣ ꠍꠤꠟꠐꠤ ꠘꠣꠉꠞꠤ ꠅꠇ꠆ꠇꠞ ꠍꠞ꠆ꠍꠣꠞ ꠖꠣꠄ ꠍꠤꠟꠐ ꠛꠤꠜꠣꠉꠞ ꠚꠔꠤꠐꠣ ꠚꠣꠡ꠆ꠡꠣꠟꠣꠔ ꠁ ꠡꠤꠇ꠆ꠇꠣ ꠍꠣꠟꠥꠞ ꠎꠥꠞ ꠖꠣꠛꠤ ꠎꠣꠘꠣꠁꠞꠣꠝ ⁕
ꠔꠣꠁꠘ ꠀꠞꠅ ꠎꠣꠘꠣꠁꠘ, ꠀꠝꠦꠞꠤꠇꠣꠞ ꠖꠥꠍꠞꠣ ꠞꠣꠡ꠆ꠐꠤꠅꠝꠣꠔ ꠁꠍꠙꠣꠘꠤꠡ, ꠇꠣꠘꠣꠒꠣꠔ ꠚ꠆ꠞꠦꠘ꠆ꠌ, ꠁꠃꠇꠦꠔ ꠉꠦꠁꠟꠦꠇ ꠝꠣꠔ ꠍꠣꠟꠥ ꠀꠍꠦ ⁕ ꠁꠘ꠆ꠐꠣꠞꠘꠦꠡꠘꠣꠟꠤ ꠍꠤꠟꠐꠤ ꠝꠣꠔ ꠛꠤꠡ꠆ꠡꠞ 9Vꠔꠝ ꠝꠣꠔ ⁕ ꠎꠦꠉꠔꠤꠇꠦ ꠀꠝꠞꠣꠞ ꠎꠥꠞ ꠖꠣꠛꠤ ꠁꠘ꠆ꠐꠣꠞꠘꠦꠡꠘꠣꠟ ꠝꠣꠁꠅꠞꠝꠣꠔ ꠖꠤꠘꠞ ꠝꠣꠡꠅ ꠍꠤꠟꠐꠤ ꠝꠣꠔꠞꠦ ꠛꠣꠋꠟꠣꠖꠦꠡꠞ ꠖꠥꠍꠞꠣ ꠞꠣꠡ꠆ꠐꠤꠅꠝꠣꠔ ꠊꠥꠡꠘꠣ ꠈꠞꠣ ꠅꠃꠇ ⁕
