শুরমা ফারর খবর ছিলটি জবানে ছিলটর খবর
Related Articles
ꠁꠞꠣꠘꠞ ꠞꠣꠎꠗꠣꠘꠤ ꠔꠦꠢꠞꠣꠘ ꠅꠃꠀ ꠛꠤꠡ꠆ꠡ ꠇꠥꠞꠀꠘ ꠔꠤꠟꠣꠃꠀꠔꠅ ꠚꠕꠝ ꠎꠣꠉꠣ ꠟꠁꠟꠍꠂꠘ ꠢꠛꠤꠉꠘ꠆ꠎꠞ ꠚꠥꠀ ꠢꠣꠚꠤꠎ ꠛꠡꠤꠞ ꠀꠢꠝꠣꠖꠦ ⁕
ꠉꠦꠍꠦ ꠛꠥꠗꠛꠣꠞ Γ1 ꠚꠦꠛꠥꠀꠞꠤ ꠔꠤꠟꠣꠃꠀꠔꠞ ꠍꠥꠞꠣꠘ꠆ꠔ ꠚꠟꠣꠚꠟ ꠄꠟꠣꠘ ꠈꠞꠦ ꠖꠦꠡꠐꠣꠞ ꠞꠣꠡ꠆ꠐꠤꠅ ꠀꠄꠎꠇ ꠇꠝꠤꠐꠤꠄ ⁕ ꠁ ꠝꠥꠇꠣꠛꠤꠟꠣꠔ ৩0 ꠚꠣꠞꠣ ꠇꠥꠞꠀꠘ ꠉꠥꠁꠐꠅ 110 ꠖꠦꠡꠞ ꠡꠞꠤꠇꠣꠘ꠆ꠔꠞ ꠝꠣꠏꠦ ꠛꠡꠤꠞ ꠚꠕꠝ ꠅꠁꠘ ⁕ ꠖꠥꠍꠞꠣ ꠅꠁꠍꠂꠘ ꠁꠞꠣꠘꠞ ꠍꠣꠁꠖ ꠝꠥꠢꠣꠝ꠆ꠝꠖ ꠍꠣꠖꠦꠇ ꠀꠞ ꠔꠤꠍꠞꠣ ꠅꠁꠍꠂꠘ ꠘꠣꠁꠎꠦꠞꠤꠀꠞ ꠀꠛ꠆ꠖꠥꠟꠣꠢꠤ ꠉꠣꠞꠣꠁ ⁕
ꠢꠣꠚꠤꠎ ꠛꠡꠤꠞꠞ ꠚꠞꠤꠛꠣꠞꠞ ꠡꠥꠔ꠆ꠞꠦ ꠎꠣꠘꠣ ꠎꠣꠄ, ꠁꠞꠣꠘ ꠅꠃꠁ ꠁꠘ꠆ꠐꠣꠞꠘꠦꠡꠘꠣꠟ ꠢꠤꠚꠎꠥꠟ ꠇꠥꠞꠀꠘ ꠇꠝꠙꠤꠐꠤꠡꠘꠅ 110 ꠐꠣ ꠖꠦꠡꠞ ꠝꠣꠏꠦ ৩0 ꠚꠣꠞꠣ ꠉꠥꠁꠐꠅ ꠚꠄꠟꠣ ꠉꠥꠐ꠆ꠐꠣ ꠝꠣꠞꠤꠖꠦꠁꠘ ꠢꠣꠚꠤꠎ ꠛꠡꠤꠞꠦ ⁕ ꠢꠛꠤꠉꠘ꠆ꠎꠞ ꠟꠣꠈꠣꠁ ꠃꠚꠎꠤꠟꠣꠞ ꠛꠦꠉꠥꠘꠣꠁ ꠉꠣꠃꠞ ꠝꠣꠅꠟꠣꠘꠣ ꠝꠥ. ꠀꠛꠖꠥꠞ ꠞꠡꠤꠖ ꠀꠞ ꠛꠥꠡꠞꠣ ꠌꠃꠗꠥꠞꠤꠞ ꠚꠥꠀ ꠅꠁꠟꠣ ꠉꠤꠀ ꠢꠣꠚꠤꠎ ꠛꠡꠤꠞ ꠀꠢꠝꠣꠖ ⁕ ꠔꠣꠁꠘ ꠓꠣꠈꠣꠞ ꠝꠣꠞꠇꠣꠎꠥꠔ ꠔꠣꠢꠚꠤꠎ ꠁꠘ꠆ꠐꠣꠞꠘꠦꠡꠘꠣꠟ ꠝꠣꠖ꠆ꠞꠣꠡꠣꠞ ꠄꠈꠎꠘ ꠚꠞꠥꠀ ⁕
ꠝꠣꠖꠞꠣꠡꠣꠞ ꠙ꠆ꠞꠤꠘ꠆ꠍꠤꠙꠣꠟ ꠘꠦꠍꠣꠞ ꠀꠢꠝꠣꠖ-ꠀꠘ-ꠘꠣꠍꠤꠞꠤꠄ ꠎꠣꠘꠣꠁꠘ, ꠛꠡꠤꠞꠦ ꠇꠥꠟ꠆ꠟꠦ ꠚꠣꠍ ꠝꠣꠡꠦ ꠢꠤꠚꠎ ꠡꠦꠡ ꠈꠞꠤꠟꠣꠄ ⁕
ꠔꠦꠢꠞꠣꠘꠦ 198Γ ꠡꠣꠟꠞ ☽ ꠚꠦꠛꠥꠀꠞꠤ ꠝꠣꠟꠄꠡꠤꠀ, ꠛꠣꠋꠟꠣꠖꠦꠡ, ꠄꠘ꠆ꠒꠤꠀ, ꠁꠞꠣꠇ, ꠍꠤꠞꠤꠀ, ꠉꠤꠘꠤ, ꠀꠟꠎꠦꠞꠤꠀ ꠀꠞ ꠟꠤꠛꠤꠀ ꠅꠃ 1Γ ꠖꠦꠡꠞ ꠡꠞꠤꠇꠣꠘꠞꠦ ꠟꠁꠀ ꠔꠦꠢꠞꠣꠘ ꠢꠥꠍꠦꠁꠘꠤꠄꠢ ꠄꠞꠡꠣꠖꠦ ꠁꠘ꠆ꠐꠣꠞꠘꠦꠡꠘꠣꠟ ꠇꠥꠞꠀꠘ ꠇꠘ꠆ꠐꠦꠍ꠆ꠐ ꠡꠥꠞꠥ ꠅꠁꠍꠤꠟ ⁕ ꠁꠖꠣꠘꠤꠋꠇꠥ ꠁꠇꠐꠣꠞ ꠚꠞꠤꠗꠤ ꠛꠟꠤꠀ ꠘꠣꠘꠣꠘ ꠖꠦꠡꠞ ꠇꠥꠞꠀꠘ ꠔꠦꠟꠣꠅꠀꠔ ꠈꠞ꠆ꠞꠣꠁꠘ꠆ꠔꠞ ꠢꠣꠚꠔꠣꠁꠝꠣ ꠡꠣꠝꠤꠟ ꠞꠁꠀ ꠇꠥꠞꠀꠘ ꠔꠦꠟꠣꠅꠀꠔꠞ ꠁꠘ꠆ꠐꠣꠞꠘꠦꠡꠘꠣꠟ ꠁ ꠀꠄꠎꠘ ꠁꠇꠣꠘ ꠍꠟꠦ ⁕
ꠈꠃꠀ ꠟꠣꠉꠦ, ꠄꠞ ꠀꠉꠦ 9 ꠚꠦꠛꠥꠀꠞꠤ ꠀꠟꠎꠦꠞꠤꠀꠔ ꠅꠃꠀ ꠁꠘ꠆ꠐꠣꠞꠘꠦꠡꠘꠣꠟ ꠇꠥꠞꠀꠘ ꠇꠘ꠆ꠐꠦꠍ꠆ꠐꠅ ꠔꠤꠍꠞꠣ ꠉꠥꠐ꠆ꠐꠣ ꠝꠣꠞꠍꠤꠟꠣ ꠢꠣꠚꠤꠎ ꠛꠡꠤꠞꠦ ⁕ ꠄꠛꠣꠞꠇꠥ ꠁꠞꠣꠘ ꠔꠘꠦ ꠌꠦꠝ꠆ꠙꠤꠀꠘꠞ ꠉꠥꠐ꠆ꠐꠣ ꠝꠣꠞꠤꠌ꠆ꠌꠁꠘ ⁕ ꠄꠞꠣꠉꠦ ꠉꠦꠍꠦ ꠚꠤꠞꠣ ꠒꠥꠛꠣꠁꠔ ꠅꠃꠀ ꠁꠘ꠆ꠐꠣꠞꠘꠦꠡꠘꠣꠟ ꠇꠥꠞꠀꠘ ꠔꠦꠟꠣꠅꠀꠔ ꠇꠘ꠆ꠐꠦꠍ꠆ꠐꠅ ꠌꠦꠝ꠆ꠙꠤꠀꠘ ꠅꠁꠍ꠆ꠟꠣ ꠐꠣꠋꠉꠣꠁꠟꠞ ꠚꠥꠀ ꠢꠣꠚꠤꠎ ꠍꠣꠟꠦꠢ ꠀꠢꠝꠣꠖ ꠔꠣꠇꠞꠤꠝ ⁕ Γ01Γ ꠡꠣꠟ ꠄꠘ꠆ꠒꠤꠀꠔ ꠅꠃꠀ ꠇꠥꠞꠀꠘ ꠇꠘ꠆ꠐꠦꠍ꠆ꠐꠅ ꠚꠄꠟꠣ ꠉꠥꠐ꠆ꠐꠣ ꠝꠣꠞꠍꠤꠟꠣ ꠢꠣꠚꠤꠎ ꠘꠣꠎꠝꠥꠍ ꠍꠣꠇꠤꠛꠦ ⁕ ꠄꠍꠣꠞꠣ ꠛꠤꠜꠤꠘ꠆ꠘ ꠡꠝꠄ ꠀꠞꠅ ꠈꠈꠎꠘ ꠢꠣꠚꠤꠎꠦ ꠛꠤꠡ꠆ꠡꠞ ꠘꠣꠘꠣꠘ ꠖꠦꠡꠞ ꠇꠥꠞꠀꠘ ꠇꠘ꠆ꠐꠦꠍ꠆ꠐꠅ ꠡꠣꠝꠤꠟ ꠅꠁꠀ ꠚꠄꠟꠣ, ꠖꠥꠍꠞꠣ ꠇꠤ ꠔꠤꠍꠞꠣ ꠅꠁꠀ ꠖꠦꠡꠞ ꠁꠎ꠆ꠎꠔ ꠛꠟꠣꠁꠍꠂꠘ ⁕ ꠖꠦꠡ ꠔꠘꠦꠅ ꠉꠥꠐ꠆ꠐꠣ ꠝꠣꠞꠍꠂꠘ ꠀꠞ ꠁꠎ꠆ꠎꠔ ꠚꠣꠁꠍꠂꠘ ⁕
