ꠉꠂꠖ꠆ꠖ: ꠜꠣꠁꠀꠚꠤ-1 (ꠢꠣꠍꠣꠞꠇꠥꠞ ꠊꠐꠘꠣꠔꠘꠦ)
ꠟꠦꠈꠞꠣ: ꠄ ꠄꠍ ꠌꠃꠗꠥꠞꠤ
ꠢꠥꠞꠥ ꠕꠣꠈꠔꠦ ꠘꠣꠘꠣꠞ ꠛꠣꠠꠤ ꠉꠦꠍꠟꠣꠝ ⁕ ꠘꠣꠘꠣꠞ ꠊꠞꠞ ꠟꠣꠉꠣ ꠖꠇꠘꠞ ꠊꠞ ꠎꠦ ꠔꠣꠈꠁꠘ, ꠔꠣꠘꠞꠦ ꠅ ꠘꠣꠘꠣ ꠈꠁꠀ ꠒꠣꠈꠔꠣꠝ ⁕
ꠔꠣꠁꠘ ꠈꠣꠘꠦ ꠈꠝ ꠢꠥꠘꠔꠣ — ꠀꠝꠣꠞꠦ ꠖꠦꠈꠟꠦꠃ ꠈꠁꠔꠣ, ꠅꠛꠣꠄ ꠀꠄꠞꠦ ꠜꠣꠁ, ꠔꠞ ꠟꠉꠦ ꠔꠥꠠꠣ ꠉꠚ ꠈꠞꠤ ⁕
ꠀꠝꠤꠅ ꠝꠎꠣꠞ ꠝꠎꠣꠞ ꠉꠚ ꠢꠥꠘꠛꠣꠞ ꠟꠣꠉꠤ ꠘꠣꠘꠣꠞ ꠈꠣꠘ꠆ꠖꠣꠔ ꠎꠣꠁꠔꠣꠝ ⁕
ꠝꠣꠔ ꠈꠔꠣ ꠀꠞꠣꠝ꠆ꠜ ꠈꠞꠔꠦꠃ ꠈꠁꠔꠣ– ꠔꠞ ꠝꠣ ꠜꠣꠟꠣ ꠘꠤ ?
ꠀꠝꠤ ꠈꠁꠔꠣꠝ– ꠅꠄ ⁕
ꠔꠦ ꠔꠞ ꠛꠣꠚ ꠖꠦꠡ ꠀꠁꠛꠣ ꠇꠥꠘꠖꠤꠘ ?
ꠀꠝꠤ ꠈꠁꠔꠣꠝ, ꠎꠣꠘꠤ ꠘꠣ ⁕
ꠟꠉꠦ ꠟꠉꠦ ꠝꠥꠍꠇꠣꠁ ꠝꠥꠍꠇꠣꠁ ꠀꠡꠔꠣ ⁕
ꠔꠦ ꠔꠥꠁ ꠜꠣꠟꠣ ꠀꠍꠔꠘꠤ ꠛꠣ ꠢꠣꠟꠣ ⁕
ꠀꠝꠤꠅ ꠝꠥꠍꠇꠣꠁ ꠝꠥꠍꠇꠣꠁ ꠀꠡꠤ ꠀꠡꠤ ꠈꠁꠔꠣꠝ, ꠛꠣꠟꠣ ꠘꠣ ꠅꠁꠟꠦ ꠀꠁꠟꠣꠝ ꠇꠤꠟꠣ ⁕
ꠀꠞꠛꠣꠞ ꠈꠁꠔꠣ, “ꠢꠦ, ꠈꠣꠁꠟꠣꠝ ꠇꠤꠟꠣ ꠘꠣꠄ ꠛꠦ ꠢꠣꠟꠣ” ⁕
ꠀꠝꠤ ꠈꠁ, ꠘꠣ ꠘꠣꠘꠣ— ꠈꠁꠞꠣꠝ ꠜꠣꠟꠣ ꠘꠣ ꠅꠁꠟꠦ ꠀꠁꠟꠣꠝ ꠇꠤꠟꠣ ⁕
ꠔꠥꠠꠣ ꠎꠥꠞꠦ ꠈꠁ, “ꠜꠣꠟꠣ ꠀꠍꠤ, ꠜꠣꠟꠣ” ⁕
ꠈꠃ ꠇꠤꠔꠣꠞ ꠟꠣꠉꠤ ꠒꠣꠈꠍ ?
ꠘꠣꠘꠣꠄ ꠈꠁꠔꠣ, “ꠅ, ꠀꠌ꠆ꠌꠣ, ꠜꠣꠟꠣ ꠔꠣꠈꠟꠦꠃ ꠅꠁꠍꠦ ꠀꠌ꠆ꠌꠣ ꠞꠦ ꠜꠣꠁ” ⁕
ꠘꠣꠘꠤꠞꠦ ꠒꠣꠇꠤꠀ ꠈꠁꠔꠣ- “ꠢꠦ-ꠞꠦ ꠉ, ꠢꠥꠘꠍ ꠘꠤ—
ꠝꠗꠥꠞꠣꠁꠞ ꠘꠣꠔꠤ ꠀꠁꠍꠦ, ꠄꠈ-ꠎꠞꠣ ꠝꠗꠥꠞ ꠖꠦꠃ” ⁕ ꠘꠣꠘꠤꠄ ꠀꠞꠛꠣꠞ ꠈꠣꠘꠦ ꠢꠥꠘꠔꠣ, ꠔꠛꠦ ꠍꠃꠇꠦ ꠖꠦꠈꠔꠣ ꠈꠝ ⁕
ꠎꠣꠞꠝꠘꠤꠞ ꠈꠐ꠆ꠐꠣꠞ ꠝꠣꠏꠦ ꠝꠗꠥꠞ ꠟꠁꠀ ꠀꠔ ꠛꠣꠠꠣꠁꠀ ꠛꠣꠠꠣꠁꠀ ꠀꠐꠔꠣ ⁕ ꠇꠥꠘꠥꠝꠔꠦ ꠀꠝꠣꠞ ꠈꠣꠘ꠆ꠖꠣꠔ ꠀꠁꠀ ꠝꠣꠕꠣ ꠍꠁꠀ ꠖꠤꠀ ꠈꠁꠔꠣ, “ꠈꠣꠞꠦ ꠜꠣꠁ ꠈꠣ— ꠀꠟ꠆ꠟꠣꠄ ꠢꠣꠄꠀꠔ ꠖꠦꠃꠇꠣ, ꠔꠞ ꠝꠣ-ꠛꠣꠚ ꠜꠣꠟꠣ ꠘꠤ” ?
ꠈꠁꠔꠣꠝ- “ꠅꠄ ꠉ ꠘꠣꠘꠤ, ꠅꠄ ꠜꠣꠟꠣ ꠀꠍꠁꠘ” ⁕
ꠟꠉꠦ ꠟꠉꠦ ꠘꠣꠘꠣꠄ ꠈꠁꠔꠣ, “ꠖꠦꠃ, ꠀꠝꠣꠞ ꠃꠇ꠆ꠇꠣꠐꠣ ꠀꠘꠤ ꠖꠦꠃ” ⁕
ꠃꠇ꠆ꠇꠣ ꠚꠣꠁꠀꠃ ꠘꠣꠘꠣꠄ ꠢꠃ ꠍꠄꠔꠤꠡ ꠛꠣꠋꠟꠣꠞ ꠚꠣꠘꠤ ꠔꠣꠇꠤ ꠟꠁꠀ ꠉꠚ ꠡꠥꠞꠥ ꠈꠞꠔꠣ ⁕
ꠢꠃ ꠀꠝꠟ ꠛꠥꠟꠦ ꠔꠣꠁꠘ ꠎꠥꠀꠘ ꠀꠍꠟꠣ, ꠖꠡ ꠉꠦꠞꠣꠝ ꠔꠣꠘ ꠟꠉꠦ ꠇꠥꠍꠔꠤꠔ ꠈꠦꠃ ꠚꠣꠞꠔꠣ ꠘꠣ ⁕ ꠀꠞ ꠢꠃ ꠀꠝꠟ ꠘꠣꠘꠤꠞꠦ ꠛꠤꠀ ꠈꠞꠍꠁꠘ ⁕
ꠟꠉꠦ ꠟꠉꠦ ꠘꠣꠘꠤꠄ ꠘꠣꠘꠣꠞꠦ ꠈꠁꠘ, “ꠇꠤꠔꠣ ꠔꠣꠇꠤ ꠇꠤꠔꠣ ꠈꠃ, ꠢꠣꠚꠦꠠꠔꠣꠘꠢꠥꠞꠥꠔꠣꠞ ꠡꠣꠝꠘꠦ – ꠅꠔꠣ ꠝꠣꠔꠞꠣꠄ ꠈꠦꠘꠦ ⁕ ꠡꠞꠝ ꠈꠞꠅ – ꠡꠞꠝ” ⁕
ꠘꠣꠘꠣ ꠅ ꠈꠝ ꠘꠣ, ꠢꠦꠁꠄ ꠢꠦꠁꠄ ꠔꠥꠝꠤ ꠖꠦꠇꠤ ꠉ ꠉꠞꠝ ꠅꠁꠎꠣꠃ – ꠎꠣ ꠈꠁꠞꠣꠝ ꠔꠣ ꠇꠤ ꠔꠣ ꠝꠤꠍꠣ ꠘꠤ” ?
ꠘꠣꠘꠣꠄ ꠀꠞꠅ ꠈꠁꠘ, “ꠘꠣꠔꠤ ꠚꠥꠔꠤꠞꠦ ꠁꠔꠣ ꠘꠣ ꠢꠤꠇꠣꠁꠟꠦ ꠀꠝꠞꠣ ꠝꠞꠟꠦ ꠝꠘ ꠞꠣꠈꠛ ꠇꠤꠟꠣ” ⁕
– “ꠅꠁꠍꠦ ꠅꠁꠍꠦ ꠛꠤꠎꠣꠟꠣ ꠍꠣꠠꠅ ⁕ ꠘꠣ ꠞꠦ ꠘꠣꠔꠤ, ꠔꠞ ꠘꠣꠘꠣꠞ ꠡꠞꠝ ꠢꠣꠄꠀ ꠘꠣꠁ, ꠁꠔꠣ ꠢꠥꠘꠤꠍ ꠘꠣ’ꠞꠦ ꠜꠣꠁ” ⁕
ꠔꠈꠘ ꠀꠝꠣꠞ ꠛꠄꠡ ꠅꠘꠥꠝꠣꠘꠤꠇ V/8 ꠅꠁꠛ ⁕ ꠘꠣꠘꠣ ꠘꠣꠘꠤꠞ ꠝꠤꠑꠣ ꠝꠤꠑꠣ ꠈꠔꠣ ꠈꠣꠐꠣꠈꠣꠐꠤ ꠇꠥꠛ ꠝꠎꠣ ꠚꠣꠁꠔꠣꠝ ⁕ ꠔꠣꠁ, ꠚꠥꠞꠣꠘ ꠈꠔꠣ ꠢꠥꠝꠔꠣꠝ ꠈꠞꠤ ꠘꠣꠘꠣꠞ ꠈꠣꠘ꠆ꠖꠣꠔ ꠛꠁ ꠞꠁꠔꠣꠝ ⁕
ꠅꠔꠣ ꠝꠣꠔ ꠢꠥꠘꠔꠦ ꠢꠥꠘꠔꠦ ꠚꠁꠝꠞ ꠛꠣꠠꠤꠞ ꠞꠥꠡꠘꠣꠞ ꠛꠣꠚ ꠀꠁꠀ ꠘꠣꠘꠣꠞ ꠊꠞ ꠃꠑꠍꠁꠘ ⁕ ꠀꠁꠔꠦꠃ ꠈꠁꠞꠣ, “ꠅ ꠍꠝꠤꠞꠞ ꠛꠣꠚ, ꠇꠤꠔꠣ ꠛꠣ – ꠇꠤꠔꠣ ꠅꠁꠟ”ꠅ ? ꠀꠎꠣꠘ ꠅꠁꠎꠣꠞ, ꠀꠁꠎ ꠝꠍꠤꠖ’ꠅ ꠎꠣꠁꠔꠣꠄ ꠘꠣꠄꠘꠤ” ?
-“ꠅꠄ ꠅꠄ ꠞꠥꠡꠘꠣꠞ ꠛꠣꠚ, ꠅꠄ ꠀꠁꠍꠤ” ⁕ ꠅꠃ ꠈꠔꠣ ꠈꠁꠀꠃ ꠈꠣꠘ꠆ꠖ ꠚꠣꠁꠘꠎꠣꠛꠤ ꠟꠁꠀ ꠝꠍꠤꠖꠞ ꠚꠕꠦ ꠞꠅꠀꠘꠣ ꠅꠁꠟꠣ ⁕
ꠝꠘ ꠈꠞꠤ ꠖꠦꠁ ꠅꠃ ꠞꠥꠡꠘꠣꠞ ꠛꠣꠚꠞ ꠟꠉꠦ ꠍꠝꠤꠞꠞ ꠛꠣꠚꠞ ꠇꠥꠛ ꠜꠣꠁꠅꠣꠚ – ꠝꠣꠘꠦ ꠁꠞꠣꠘꠣ, ꠢꠞꠥꠔꠣꠈꠔꠞ ꠜꠣꠁꠅꠣꠚ ⁕
——– ꠛꠣꠖꠞ ꠈꠔꠣ ꠟꠁꠀ ꠀꠁꠞꠣꠝ