শুরমা ফারর খবর ছিলটি জবানে ছিলটর খবর
Related Articles
ꠘꠦꠙꠣꠟꠞ ꠖꠡꠞꠕ ꠞꠋꠉꠡꠣꠟꠣ ꠁꠡ꠆ꠐꠦꠒꠤꠀꠝꠧ ꠛꠣꠋꠟꠣꠖꠦꠡꠞ ꠟꠉꠦ ꠘꠦꠙꠣꠟꠞ ꠈꠦꠁꠠ ꠅꠄ ꠁ ꠚꠤꠞꠔꠤꠞ ꠢꠦꠡꠤꠝꠦꠡꠤ (ꠚꠣꠁꠘꠣꠟ) ꠟꠠꠣꠁ ⁕ ꠢꠇ꠆ꠇꠟꠞꠦ ꠔꠣꠈ ꠟꠣꠉꠣꠁꠀ ꠖꠇꠘꠞ ꠄꠡꠤꠀꠞ ꠚꠥꠐꠛꠟ ꠌꠦꠝ꠆ꠙꠤꠅꠘ ꠅꠄ ꠛꠣꠋꠟꠣꠖꠦꠡ ꠖꠟ ⁕ 3-1 ꠉꠃꠟꠦ ꠘꠦꠙꠣꠟꠞꠦ ꠃꠠꠣꠁꠀ ꠏꠤꠔ ꠚꠣꠄ ꠛꠣꠋꠟꠣꠖꠦꠡꠞ ꠚꠥꠞꠤꠘ꠆ꠔꠦ ⁕
ꠁ ꠑꠥꠞꠘꠣꠝꠦꠘ꠆ꠐꠧ ꠄꠞꠣꠉꠦ ꠄꠘ꠆ꠒꠤꠀ ꠨ ꠝꠣꠟꠖꠤꠚ ꠨ ꠚꠣꠇꠤꠍ꠆ꠔꠣꠘꠞꠦ ꠀꠞꠣꠁꠀ ꠍꠣꠋꠉꠧ ꠃꠑꠤꠀ ꠢꠦꠡꠝꠦꠡ ꠈꠦꠁꠠ ꠅꠄ ꠘꠦꠙꠣꠟꠞ ꠟꠉꠦ ⁕ ꠇꠣꠑꠝꠣꠘ꠆ꠒꠥꠞ ꠖꠡꠞꠕ ꠞꠋꠉꠡꠣꠟꠣ ꠁꠡ꠆ꠐꠦꠒꠤꠀꠝꠧ ꠁ ꠈꠦꠟꠣꠔ ꠚꠄꠟꠣꠇꠥ ꠘꠦꠙꠣꠟꠦ 36 ꠝꠤꠘꠤꠐꠧ ꠀꠇ꠆ꠞꠝꠘ ꠈꠞꠟꠦꠅ ꠛꠣꠋꠟꠣꠖꠦꠡꠞ ꠉꠃꠟꠤꠞ ꠟꠉꠦ ꠛꠞꠦ ꠚꠣꠁꠍꠂꠘ꠆ꠘꠣ ⁕ ꠛꠣꠋꠟꠣꠖꠦꠡꠞ ꠉꠃꠟꠇꠤ ꠞꠥꠙꠘꠣ ꠌꠣꠇꠝꠣ ꠍꠣꠚ ꠑꠥꠞꠘꠣꠝꠦꠘ꠆ꠐꠞ ꠡꠦꠞꠣ ꠉꠃꠟꠇꠤ ꠛꠣꠍꠣ ꠅꠁꠍꠂꠘ ꠨ 2019 ꠡꠣꠟꠧ ꠅ ꠔꠣꠁꠘ 16ꠞ-ꠈꠝꠛꠄꠡꠤ ꠐꠤꠝꠧ ꠈꠦꠟꠍꠤꠟꠣ ⁕
ꠁ ꠑꠥꠞꠘꠣꠝꠦꠘ꠆ꠐꠞ ꠡꠦꠞꠣ ꠈꠦꠟꠣꠃꠞꠤ ꠅꠁꠍꠂꠘ ꠍꠣꠛꠤꠘꠣ ꠈꠣꠔꠥꠘ ꠨ ꠛꠦꠐꠤꠘ꠆ꠔꠞ ꠁ ꠈꠦꠟꠣꠔ ꠢꠈꠟꠔꠘꠦ ꠛꠦꠡꠤ ꠉꠃꠟ ꠖꠤꠍꠂꠘ ꠔꠣꠁꠘ ꠨ ꠔꠣꠁꠘ ꠝꠣꠟꠖꠤꠚꠞ ꠘꠣꠝꠤꠖꠣꠝꠤ ꠀꠞ꠆ꠝꠤ ꠚꠥꠐꠛꠟ ꠇꠦꠟꠣꠛꠧ ꠅ ꠈꠦꠟꠂꠘ ⁕ ꠙꠦꠞꠣꠄ 15,730 ꠈꠦꠟꠣꠖꠦꠈ꠆ꠞꠣꠁꠘ ꠚꠣꠁꠘꠣꠟ ꠈꠦꠟꠣ ꠁꠇꠣꠘ ꠖꠦꠈꠣꠔ ꠝꠣꠐꠧ ꠉꠦꠍ꠆ꠟꠣ ꠈꠞꠤꠀ ꠅꠚꠤꠡꠤꠀꠟ ꠔꠁꠔ꠆ꠔꠝꠔꠦ ꠏꠣꠘꠣ ꠏꠣꠄ ⁕ ꠞꠦꠚꠣꠞꠤ ꠀꠍ꠆ꠟꠣ ꠄꠘ꠆ꠒꠤꠀꠞ ꠐꠦꠇꠣꠝ ꠞꠣꠘ꠆ꠎꠤꠔ ꠖꠦꠛꠤ ⁕ ꠁ ꠚꠤꠞꠣ ꠀꠍꠤꠟ ꠍꠣꠚ ꠛꠦꠐꠤꠘ꠆ꠔꠞ ꠌꠦꠝ꠆ꠙꠤꠅꠘꠉꠤꠞꠤꠞ 6 ꠘꠝ꠆ꠛꠞ ꠚꠤꠞꠔꠤ ꠨ ꠀꠞ ꠛꠣꠋꠟꠣꠖꠦꠡꠞ ꠟꠣꠉꠤ ꠡꠛꠚꠄꠟꠣ ꠏꠤꠔ ⁕
