Breaking News
Home / ꠍꠤꠟꠐꠞ ꠡꠣꠁꠔ꠆ꠔ / ꠊꠣꠐꠞ ꠛꠤꠟꠣꠁ-১ (ꠔꠞꠎꠝꠣ ꠚꠁꠖ꠆ꠖ) : ꠀꠛꠥ ꠍꠣꠁꠖ

ꠊꠣꠐꠞ ꠛꠤꠟꠣꠁ-১ (ꠔꠞꠎꠝꠣ ꠚꠁꠖ꠆ꠖ) : ꠀꠛꠥ ꠍꠣꠁꠖ

ꠊꠣꠐꠞ ꠛꠤꠟꠣꠁ

ꠔꠞꠎꠝꠣ: ꠀꠛꠥ ꠍꠣꠁꠖ

 

ꠉꠚꠈꠣꠘ ꠀꠋꠇꠦꠟ ꠍꠦꠘꠒꠤꠞꠦ ꠟꠁꠀ

ꠜꠣꠟꠣ ꠚꠣꠁꠘ ꠚꠐꠥ ꠔꠥꠟꠣ ꠇꠦꠝꠦꠞꠣ ꠖꠤꠀ

ꠀꠞ ꠈꠣꠘ꠆ꠖꠣꠔ ꠞꠣꠈꠣ ꠅꠁꠛ꠆ꠛꠣꠡ ꠀꠇꠤ!

 

ꠀꠅ ꠖꠦꠇꠤꠀ ꠀꠁ ꠚꠥꠞꠥꠈꠣꠟ ꠔꠣꠘ

ꠍꠦꠘꠒꠤ ꠍꠣꠍꠣ ꠅꠁꠛꠣꠞ ꠀꠉꠦ ꠎꠥꠀꠘ

ꠅꠁꠘ꠆ꠘꠞ ꠟꠣꠈꠣꠘ ꠇꠤꠌ꠆ꠌꠥ ꠀꠍ꠆ꠟ ꠘꠣ ꠎꠣꠞ

ꠘꠣ ꠀꠍ꠆ꠟ ꠖꠣꠝꠤ ꠈꠦꠟꠘꠣꠞ ꠡꠈ ꠔꠣꠞ⁕

 

ꠜꠣꠟꠣ ꠟꠣꠉꠦ ꠞꠥꠚꠈꠕꠣꠞ ꠎꠣꠖꠥꠞ ꠛꠄꠀꠘ

ꠝꠣꠡꠐꠞ ꠈꠕꠣꠄ ꠔꠣꠁꠘ ꠖꠦꠁꠘ ꠘꠣ ꠈꠣꠘ⁕

 

ꠡꠝꠄꠞ ꠟꠉꠦꠟꠉꠦ ꠚꠣꠄ ꠔꠣꠘ ꠘꠤꠡꠣ

ꠍꠦꠘꠒꠤ ꠅꠀꠁꠟ꠆ꠒꠟꠣꠁꠚ ꠚꠐꠥꠉ꠆ꠞꠣꠚꠣꠞꠞ ꠀꠡꠣ

ꠛꠘꠗꠥꠁꠘ ꠅꠁꠔ ꠈꠦꠃ ꠒꠣꠈꠔꠞ, ꠁꠘꠎꠤꠘꠤꠀꠞ

ꠈꠦꠃꠛꠣ ꠀꠞꠛꠣꠞ ꠇꠞꠤꠅꠉ꠆ꠞꠣꠚꠣꠞ⁕

 

ꠍꠦꠘꠒꠤꠞ ꠈꠣꠝ ꠘꠣꠄ ꠅꠚꠤꠡꠅ ꠛꠀ

ꠖꠦꠈꠛꠣ ꠛꠥꠟꠦ ꠈꠣꠐꠥꠀ, ꠇꠥꠝꠂꠞꠞ ꠖꠡꠣ

ꠔꠥꠟꠛꠣ ꠢꠣꠚꠞ ꠚꠐꠥ, ꠎꠣꠁꠛꠣ ꠎꠦꠝꠘꠦ ꠔꠦꠝꠘꠦ

ꠖꠤꠘ ꠎꠣꠁꠛ ꠄꠈꠟꠣ ꠍꠇ꠆ꠇꠞꠦ ꠄꠝꠘꠦ

ꠚꠁꠟ ꠍꠚꠞ ꠉꠦꠟꠣ ꠙꠌ꠆ꠌꠤꠝ ꠊꠣꠐꠅ

ꠀꠎꠉꠛꠤ ꠛꠤꠟꠣꠁ ꠛꠥꠟꠦ ꠀꠐꠦ ꠟꠣꠄꠟꠣꠄ

ꠀꠋꠇꠦꠟ ꠢꠥꠡꠦ ꠚꠕꠛꠣꠄ ꠎꠣꠁꠘ

ꠚꠐꠥ ꠔꠥꠟꠤ ꠢꠁꠍꠁ ꠛꠥꠟꠦ ꠚꠣꠟꠣꠁꠛꠣ ꠔꠣꠁꠘ⁕

 

ꠀꠠꠣ ꠏꠋꠟꠣꠔ ꠊꠥꠞꠤꠀ ꠛꠣꠞꠝꠣꠡ

ꠘꠣ ꠚꠣꠁꠀ ꠛꠤꠟꠣꠁꠞꠦ ꠍꠦꠘꠒꠤ ꠛꠤꠔꠣꠚ

ꠢꠤꠞꠛꠣꠞ ꠔꠣꠁꠘ ꠉꠦꠟꠣ ꠚꠌ꠆ꠌꠤꠝ ꠊꠣꠐ

ꠔꠦꠠꠣꠛꠦꠠꠣ ꠎꠝꠤꠘ ꠎꠦꠘꠅ ꠀꠞ ꠇꠥꠟꠣ ꠝꠣꠑ⁕

 

ꠊꠣꠐꠞ ꠛꠤꠟꠣꠁ
ꠎꠣꠁꠛꠣꠞ ꠚꠕ ꠎꠥꠖꠤ ꠚꠡꠥꠚꠣꠇꠤ ꠖꠦꠈꠦ

ꠎꠤꠇꠣꠁꠛ ꠛꠥꠟꠦ ꠖꠦꠈꠍꠦ ꠈꠦ ꠈꠦ

ꠈꠁ ꠞꠂꠔ ꠚꠣꠞꠦ ꠢꠤ ꠘꠣꠝꠒꠣꠈꠣꠟꠣ

ꠃꠋꠉꠣ ꠛꠤꠟꠣꠁ, ꠎꠣꠞ ꠉꠔꠞ ꠝꠣꠈꠞꠣ⁕

 

ꠊꠣꠐꠞ ꠘꠤꠍ ꠛꠣꠄ ꠏꠥꠚꠏꠣꠠ ꠔꠘꠦ

ꠡꠥꠞꠥ ꠈꠞꠦ ꠔꠥꠇꠣꠘꠤ ꠀꠋꠇꠦꠟ ꠝꠘꠦꠝꠘꠦ

ꠐꠣꠐꠣ ꠞꠂꠖ ꠃꠑꠍꠦ ꠃꠚꠞꠦ ꠈꠟ꠆ꠟꠣꠞ

ꠍꠦꠘꠒꠤ ꠍꠣꠍꠣꠞ ꠔꠇꠤ ꠖꠞꠈꠣꠞ⁕

 

“ꠚꠣꠘꠤꠞ ꠉꠣꠔ ꠔꠥꠇꠣꠁ,” ꠈꠄ ꠝꠦꠘ ꠝꠦꠘꠣꠁꠀ

ꠅꠔꠣꠔ ꠅꠔ꠆ꠔ ꠚꠡꠥꠚꠇ꠆ꠇꠤ ꠎꠣꠄ ꠢꠣꠝꠣꠁꠀ⁕

 

ꠜꠣꠛꠍꠣꠁ ꠢꠤꠇꠣꠘ ꠈꠣꠞ ꠟꠣꠉꠣꠟ ꠚꠣꠄ

ꠝꠤꠡꠐꠣꠞ ꠐꠣꠁꠉꠣꠞ ꠔꠣꠘꠞꠦ ꠀꠅꠇꠣ ꠎꠣꠘꠣꠄ

ꠍꠣꠍꠣꠄ ꠈꠁꠘ, “ꠖꠦꠈꠍ ꠘꠤ ꠛꠣ ꠛꠣꠊꠝꠣꠝꠣ, ꠄꠉꠥ ꠛꠤꠟꠣꠁ?

ꠔꠇꠤ-ꠞꠋꠉꠣ, ꠟꠣꠝ꠆ꠛꠣ ꠒꠣꠝ꠆ꠛꠣ, ꠀꠐꠦ ꠐꠚꠇꠣꠁ ꠐꠚꠇꠣꠁ⁕”

 

ꠛꠣꠊꠦ ꠖꠤꠛ ꠎꠥꠀꠚ, ꠀꠍꠦ ꠘꠤ ꠔꠣꠞ ꠝꠘ

ꠢꠣꠟꠥꠝ ꠢꠣꠟꠥꠝ ꠈꠞꠤ ꠃꠚꠔꠣ- ꠖꠦꠄ ꠉꠞ꠆ꠎꠘ⁕

 

“ꠜꠣꠟꠣ ꠅ ꠅꠁꠍꠦ,” ꠈꠁꠟꠣ ꠔꠣꠁꠘ

ꠔꠥꠇꠣꠘꠤꠞ ꠟꠣꠉꠤ ꠀꠛꠣꠞ ꠅꠛꠣꠄ ꠢꠛꠣꠄ ꠍꠣꠁꠘ

ꠢꠤꠞꠦ ꠔꠣꠁꠘ ꠖꠤꠟꠣ ꠞꠥꠀꠘꠣ

ꠝꠦꠊꠦ ꠔꠣꠘꠞꠦ ꠈꠞꠟ ꠛꠦꠚꠣꠘꠣ⁕

 

ꠃꠟꠥꠁꠘ ꠀꠈꠔꠣ ꠀꠁꠟ ꠛꠣꠞꠁꠀ

ꠚꠤꠚꠠꠣꠁꠘ꠆ꠔꠦ ꠔꠣꠞꠣꠞꠦ ꠖꠦꠈꠟ ꠍꠣꠁꠀ ꠍꠣꠁꠀ

ꠄꠞ ꠄꠈꠐꠥꠇ ꠛꠣꠖ ꠔꠘꠦ ꠃꠟꠥꠁꠘ ꠛꠘꠟ

ꠚꠤꠚꠠꠣꠁꠘ꠆ꠔꠦ ꠔꠣꠞꠣꠞꠦ ꠉꠤꠟꠤꠀ ꠈꠣꠁꠟ!

 

ꠔꠇꠤꠔ ꠀꠁꠀ ꠚꠠꠟ ꠔꠣꠘ ꠝꠦꠊ ꠚꠥꠐꠚꠥꠐ

ꠃꠞꠥꠝꠗꠥꠞꠥꠝ ꠝꠦꠊꠦ ꠜꠞꠤ ꠉꠦꠟ ꠊꠣꠐ

ꠍꠣꠁꠞꠛꠣꠄ ꠈꠣꠟꠤ ꠚꠣꠘꠤ ꠀꠞ ꠚꠣꠘꠤ

ꠉꠣꠋ-ꠏꠥꠞꠤ ꠢꠈꠟꠔꠣ ꠜꠞꠤ ꠉꠦꠍ ꠘꠣ ꠘꠤ⁕

 

ꠚꠤꠀꠍꠞ ꠟꠣꠉꠤ ꠡꠛꠦ ꠚꠣꠘꠤ ꠚꠣꠁꠛꠣꠄ

ꠚꠤꠚꠠꠣ, ꠝꠣꠘꠥ ꠘꠣꠄ ꠛꠤꠟꠣꠁ

ꠛꠣꠍꠣꠅ, ꠛꠣꠍꠣꠅ, ꠔꠦ ꠀꠉꠦ

ꠅꠃ ꠊꠣꠐꠈꠣꠘ ꠝꠤꠟꠤꠀ ꠡꠛꠦ⁕

 

ꠄꠞꠛꠣꠖꠦ ꠚꠠꠟ ꠍꠇꠥꠔ ꠄꠈꠚꠣꠟ ꠀꠔ꠆ꠔꠤ

ꠚꠣꠘꠤꠔ ꠔꠣꠞꠣ ꠈꠞꠍꠤꠟ ꠝꠣꠔꠣꠝꠣꠔꠤ

ꠝꠦꠊ ꠀꠁꠛꠣꠞ ꠀꠉꠦ ꠈꠦꠃ ꠗꠂꠟ ꠉꠔꠞ

ꠡꠇꠔꠤ ꠖꠦꠈꠣꠘꠤꠔ ꠈꠦꠃ ꠍꠤꠞꠤꠟꠤꠟ ꠉꠣꠍꠞ ꠎꠠ⁕

 

ꠀꠋꠇꠦꠟꠦ ꠈꠁꠟꠣ, “ꠄ ꠛꠦꠐꠣ ꠀꠔ꠆ꠔꠤꠘ

ꠁꠎꠣꠔ ꠛꠤꠟꠣꠁ ꠍꠤꠘꠘꠤ ꠈꠦꠃ, ꠈꠃꠍꠣꠁꠘ?”

“ꠘꠣ, ꠘꠣ, ꠘꠣ,” ꠢꠈꠟꠦ ꠈꠁꠟ,

“ꠁꠎꠣꠔꠤ ꠛꠤꠟꠣꠁ ꠕꠣꠈꠦꠘꠣ ꠁ ꠅꠘ꠆ꠌꠟꠅ⁕”

 

ꠀꠋꠇꠦꠟꠦ ꠢꠤꠞꠛꠣꠞ ꠀꠐꠂꠘ ꠝꠘꠝꠘ

ꠔꠥꠇꠣꠁꠛꠣ ꠔꠛꠥ ꠔꠣꠁꠘ ꠁ ꠢꠣꠞꠣ ꠛꠘ⁕

 

ꠉꠣꠍꠞ ꠃꠚꠞꠦ ꠔꠣꠁꠘ ꠀꠈꠔꠣ ꠖꠦꠈꠂꠘ

ꠝꠦꠇꠣꠇ ꠄꠉꠥ ꠡꠤꠋꠢꠞ-ꠒꠃꠟꠞ ꠟꠣꠈꠣꠘ!

ꠎꠤꠈꠣꠁꠟꠣ ꠔꠣꠁꠘ ꠖꠤꠀ ꠡꠥꠘ꠆ꠖꠞ ꠈꠞꠤ ꠛꠥꠏ

“ꠝꠞꠦ ꠔꠥꠝꠤ ꠖꠤꠛꠣꠄ ꠘꠤ ꠛꠣ ꠛꠤꠟꠣꠁꠞ ꠇꠥꠎ?”

 

ꠝꠥꠟ ꠟꠦꠈꠣ:  ꠊꠣꠐꠞ ꠛꠤꠟꠣꠁ – StoryWeaver

ꠍꠤꠟꠐꠤꠔꠦ ꠄꠈꠐꠣ ꠔꠞꠎꠝꠣ ꠚꠁꠖ꠆ꠖꠞ ꠚꠂꠟꠉꠣꠟꠣ⁕ ꠛꠣꠇꠤꠉꠣꠟꠣ ꠡꠣꠝꠘꠦꠖꠤ ꠀꠞ⁕ ꠚꠠꠔꠦ ꠅꠁꠟꠦ ꠀꠝꠞꠣꠞ ꠟꠉꠦ ꠕꠣꠈꠛꠣ…

Rate this post

About Abu Sayeed

ꠝꠥꠁ ꠀꠛꠥ ꠍꠣꠁꠖ, ꠡꠥꠞꠝꠣ ꠚꠣꠞꠞ ꠈꠛꠞ ꠅꠄꠛꠍꠣꠁꠐꠞ ꠍꠣꠚꠣꠃꠞꠣ⁕ ꠛꠣꠋꠟꠣ ꠀꠞ ꠁꠋꠟꠤꠡ ꠚꠔꠞꠤꠇꠣꠁꠘ꠆ꠔ ꠟꠦꠈꠣꠟꠦꠇꠤꠞ ꠅꠜꠤꠉ꠆ꠉꠔꠣ ꠔꠘꠦ ꠝꠞ ꠝꠣꠁꠅꠞꠝꠣꠔ ꠍꠤꠟꠐꠤꠔꠦꠅ ꠟꠦꠈꠣꠞ ꠔꠣꠉꠤꠖ ꠛꠥꠗ ꠈꠞꠤ⁕ ꠅꠘꠟꠣꠁꠘꠅ ꠍꠤꠟꠐꠤ ꠅꠈꠟꠞ ꠟꠣꠉꠤ ꠝꠣꠉꠘꠣ ꠢꠤꠇꠣꠞ ꠟꠣꠈ ꠏꠤꠘꠤꠡ ꠛꠤꠡꠦꠡ ꠈꠞꠤ ꠍꠤꠟꠐꠤꠘ꠆ꠔꠞ ꠁꠔꠤꠀꠡ, ꠞꠍꠝ, ꠈꠣꠘꠤꠛꠘꠤ, ꠡꠣꠁꠔ꠆ꠔ ꠡꠛꠞ ꠀꠔ ꠀꠔ ꠚꠃꠍꠣꠘꠤꠞ ꠈꠣꠝ ꠈꠞꠞꠣꠝ, ꠏꠣꠔꠦ ꠁꠔꠣ ꠈꠣꠟꠤ ꠉꠛꠦꠡꠇ ꠅꠈꠟꠞ ꠐꠣꠁꠘ ꠘꠣ ꠕꠣꠇꠤꠀ ꠢꠈꠟꠞ ꠀꠔꠅ ꠉꠤꠀ ꠔꠣꠘ ꠚꠣꠄ⁕ ꠁꠔꠣ ꠖꠦꠇꠤꠀ ꠀꠞꠅ ꠝꠣꠘꠥꠡꠣꠁꠘ ꠀꠉꠥꠀꠁꠀ ꠀꠁꠘ⁕ ꠟꠉꠦ ꠕꠣꠈꠣꠞ ꠀꠞ ꠚꠣꠄꠚꠞꠣꠝꠤꠡ ꠖꠤꠀ ꠡꠣꠖ ꠖꠤꠛꠣꠞ ꠟꠣꠉꠤ ꠡꠛꠞꠦ ꠡꠥꠇꠥꠞ⁕

Check Also

cc: Wikimedia Commons

ꠗꠣꠝꠣꠁꠟ: ꠄꠈꠛꠣꠞ ꠖꠣꠠꠣꠃ ꠛꠘ꠆ꠗꠥ

ꠉꠤꠔ: ꠄꠈꠛꠣꠞ ꠖꠣꠠꠣꠃ ꠛꠘ꠆ꠗꠥ [Ekbar Darao Bondhu | একবার দাঁড়াও বন্ধু] ꠉꠤꠔꠤꠈꠣꠞ: ꠞꠝꠤꠎ ꠚꠣꠉꠟꠣ ꠅꠞꠚꠦ …