Breaking News
Home / ꠍꠤꠟꠐꠞ ꠡꠣꠁꠔ꠆ꠔ / ꠔꠥꠝꠞꠣꠞ ꠛꠣꠚꠞ ꠈꠥꠘꠤ ꠄꠞꠣ

ꠔꠥꠝꠞꠣꠞ ꠛꠣꠚꠞ ꠈꠥꠘꠤ ꠄꠞꠣ

ꠟꠦꠈꠞꠣ: Syloti Nation Worldwide


ꠘꠛꠤꠞ ꠀꠝꠟꠅ ꠀꠞꠛ ꠖꠦꠡꠞ ꠘꠣꠝꠈꠞꠣ ꠀꠞꠛꠤ ꠇꠛꠤ ꠀꠍꠟꠣ ꠁꠝꠞꠥꠟ ꠇꠣꠄꠍ ⁕ ꠔꠣꠘꠞꠦ ꠇꠥꠘꠥ ꠈꠣꠞꠘꠦ ꠝꠣꠞꠤ ꠟꠅꠀ ꠅꠁꠍꠤꠟ ⁕ ꠔꠣꠘꠞꠦ ꠝꠣꠞꠣꠞ ꠀꠉꠦ ꠖꠥꠁ ꠈꠥꠘꠤꠞꠦ ꠅꠘꠥꠞꠥꠖ ꠈꠞꠍꠤꠟꠣ ‘ ꠀꠝꠣꠞꠦ ꠝꠣꠞꠣꠞ ꠛꠣꠖꠦ ꠀꠝꠣꠞ ꠛꠣꠠꠤꠔ ꠉꠤꠀ ꠀꠝꠣꠞ ꠖꠥꠅ ꠚꠥꠠꠤꠞꠦ ꠈꠣꠟꠤ ꠅꠃ ꠈꠔꠣ ꠈꠁꠅ — ‘ ꠁꠀ ꠛꠤꠘꠔꠣ-ꠁ ꠁꠝꠞꠥꠟ ꠇꠣꠄꠍꠣ ꠁꠘ꠆ꠘꠣꠝꠣ ꠀꠛꠣꠇꠥꠝꠣ’ ꠝꠣꠘꠦ ꠅꠁꠟ ‘ ꠅ ꠁꠝꠞꠥꠟ ꠇꠣꠄꠍꠞ ꠚꠥꠠꠤꠘ ꠎꠣꠘꠤ ꠞꠣꠈꠅ ꠔꠥꠝꠞꠣꠞ ꠛꠣꠚ’ ⁕
ꠇꠥꠘꠤ ꠅꠈꠟꠦ ꠔꠣꠘ ꠈꠔꠣ ꠞꠣꠈꠔꠦ ꠔꠣꠘ ꠛꠣꠠꠤꠔ ꠉꠤꠀ ꠅꠃ ꠈꠔꠣ ꠈꠁꠔꠦꠃ ꠁꠝꠞꠥꠟ ꠇꠣꠄꠍꠞ ꠚꠥꠠꠤꠘꠔꠦ ꠇꠥꠘꠤ ꠖꠥꠘꠅ ꠎꠘꠞꠦ ꠛꠘ꠆ꠖꠤ ꠈꠞꠤ ꠟꠣꠁꠟ ! ꠈꠁꠟ ꠔꠥꠝꠞꠣꠃ ꠀꠝꠞꠣꠞ ꠛꠣꠚꠞꠦ ꠇꠥꠘ ꠈꠞꠍ ! ꠝꠣꠘꠡꠦ ꠎꠤꠇꠣꠁꠟꠣ ꠇꠤꠟꠣ ?
ꠔꠣꠞꠣ ꠈꠁꠟꠣ, ꠀꠞꠛ ꠔꠣꠘ ꠔꠣꠇꠤ ꠛꠠ ꠇꠛꠤ ꠀꠞ ꠈꠦꠃ ꠘꠣꠁ ⁕ ꠔꠣꠘ ꠅꠃ ꠈꠔꠣꠞ ꠚꠞꠞ ꠟꠣꠁꠘ ꠅꠃ ꠈꠔꠣ ꠍꠣꠠꠣ ꠍꠘ꠆ꠖ ꠝꠤꠟꠔꠘꠣ:
‘ꠇꠣꠖ ꠇꠥꠔꠤꠟꠣ ꠅꠀ ꠇꠣꠔꠤꠟꠥꠢꠥ ꠟꠣꠖꠣꠁꠇꠥꠝꠣ’ ꠝꠣꠘꠦ ꠔꠥꠝꠞꠣꠞ ꠛꠣꠚꠞ ꠈꠥꠘꠤ ꠄꠞꠣ!
ꠇꠥꠞꠀꠘ ꠝꠎꠤꠖꠞ ꠀꠄꠀꠔ ꠢꠈꠟꠐꠤ ꠅꠟꠣꠃ ⁕ ꠀꠁꠎ ꠚꠞꠎꠘ꠆ꠔꠅ ꠈꠦꠃ ꠄꠈꠐꠣ ꠀꠄꠀꠔꠞ ꠟꠣꠈꠣꠘ ꠟꠦꠇꠤꠔꠅ ꠚꠣꠞꠍꠦꠘꠣ ⁕ ꠡꠝꠛꠛ ꠘꠣꠄ ! ꠁꠘ꠆ꠘꠣ ꠀ’ꠔꠣꠁꠘꠣ ꠇꠣꠟ ꠇꠣꠃꠍꠣꠞ ꠈꠅꠀꠞ ꠛꠣꠖꠦ ꠚꠣꠡꠣꠟꠟꠤ ꠟꠤ ꠞꠣꠛꠛꠤꠇꠣ ꠅꠀꠘꠢꠣꠞ ꠘꠣ ꠈꠁꠅꠣ ꠅꠘꠘꠔꠣ ꠈꠁꠟꠦ ꠍꠘ꠆ꠖ ꠝꠤꠟꠔꠘꠣ!
ꠍꠤꠟꠐꠤ ꠜꠣꠡꠣꠞ ꠇꠛꠤ ꠖꠁꠉꠥꠞꠣ ꠉꠣꠃꠄ ꠉꠣꠃꠄ ꠍꠤꠟꠐꠤ ꠘꠣꠉꠞꠤ ꠢꠞꠚꠞ ꠍꠛꠈ ꠖꠤꠀ ꠛꠦꠠꠣꠁꠔꠣ ꠀꠞ ꠍꠤꠟꠐꠤ ꠜꠣꠡꠣꠞ ꠃꠘ꠆ꠘꠔꠤꠞ ꠟꠣꠉꠤ ꠌꠦꠡꠐꠣ ꠈꠞꠔꠣ ⁕ ꠄꠈꠛꠣꠞ ꠇꠤꠍꠥ ꠒꠣꠈꠣꠁꠔꠦ ꠔꠣꠘꠞꠦ ꠛꠘꠖꠤ ꠈꠞꠍꠤꠟ ⁕ ꠖꠁꠉꠥꠞꠣꠄ ꠈꠁꠍꠟꠣ ꠔꠣꠘ ꠉꠣꠃꠔ ꠉꠤꠀ ꠅꠃ ꠈꠔꠣ ꠉꠥꠘ ꠈꠁꠅ ꠎꠦꠍꠣꠄ ꠈꠁꠔꠣ : ‘ ꠝꠥꠔꠟꠤꠛꠅꠞꠦ ꠈꠁꠅ ꠖꠤꠔꠅ ꠉꠤꠔꠞ ꠄꠇꠣꠝꠔ’
ꠈꠦꠃ ꠅꠃ ꠈꠔꠣꠉꠥꠘ ꠖꠁꠉꠥꠞꠣꠞ ꠉꠣꠃꠔ ꠈꠁꠔꠦꠃ ꠉꠣꠃꠞ ꠝꠣꠘꠡꠦ ꠢꠃ ꠛꠦꠐꠣꠞꠦ ꠛꠘꠖꠤ ꠈꠞꠤꠀ ꠖꠁꠉꠥꠞꠣꠞ ꠈꠛꠞ ꠚꠣꠁꠀ ꠔꠣꠘꠞꠦ ꠉꠤꠀ ꠍꠣꠠꠣꠁꠀ ꠀꠘꠟꠅ!
ꠖꠁꠉꠥꠞꠣꠞ ꠢꠃ ꠈꠔꠣꠞ ꠚꠞꠞ ꠟꠣꠁꠘ ꠉꠣꠃꠞ ꠝꠣꠘꠡꠦ ꠎꠣꠘꠔꠣ : ‘ ꠄꠞ ꠉꠦꠍꠦ ꠚꠣꠁꠛꠣꠄ ꠀꠝꠣꠞꠦ ꠛꠣꠘꠖꠣꠞ ꠢꠣꠟꠔ’
ꠀꠞꠛꠤ ꠡꠣꠢꠤꠔꠔꠞ tragedy ꠀꠞ ꠍꠤꠟꠐꠤ ꠡꠣꠢꠤꠔꠔꠞ comedy ꠇꠤ ꠝꠤꠟ!
Rate this post

About Abu Sayeed

ꠝꠥꠁ ꠀꠛꠥ ꠍꠣꠁꠖ, ꠡꠥꠞꠝꠣ ꠚꠣꠞꠞ ꠈꠛꠞ ꠅꠄꠛꠍꠣꠁꠐꠞ ꠍꠣꠚꠣꠃꠞꠣ⁕ ꠛꠣꠋꠟꠣ ꠀꠞ ꠁꠋꠟꠤꠡ ꠚꠔꠞꠤꠇꠣꠁꠘ꠆ꠔ ꠟꠦꠈꠣꠟꠦꠇꠤꠞ ꠅꠜꠤꠉ꠆ꠉꠔꠣ ꠔꠘꠦ ꠝꠞ ꠝꠣꠁꠅꠞꠝꠣꠔ ꠍꠤꠟꠐꠤꠔꠦꠅ ꠟꠦꠈꠣꠞ ꠔꠣꠉꠤꠖ ꠛꠥꠗ ꠈꠞꠤ⁕ ꠅꠘꠟꠣꠁꠘꠅ ꠍꠤꠟꠐꠤ ꠅꠈꠟꠞ ꠟꠣꠉꠤ ꠝꠣꠉꠘꠣ ꠢꠤꠇꠣꠞ ꠟꠣꠈ ꠏꠤꠘꠤꠡ ꠛꠤꠡꠦꠡ ꠈꠞꠤ ꠍꠤꠟꠐꠤꠘ꠆ꠔꠞ ꠁꠔꠤꠀꠡ, ꠞꠍꠝ, ꠈꠣꠘꠤꠛꠘꠤ, ꠡꠣꠁꠔ꠆ꠔ ꠡꠛꠞ ꠀꠔ ꠀꠔ ꠚꠃꠍꠣꠘꠤꠞ ꠈꠣꠝ ꠈꠞꠞꠣꠝ, ꠏꠣꠔꠦ ꠁꠔꠣ ꠈꠣꠟꠤ ꠉꠛꠦꠡꠇ ꠅꠈꠟꠞ ꠐꠣꠁꠘ ꠘꠣ ꠕꠣꠇꠤꠀ ꠢꠈꠟꠞ ꠀꠔꠅ ꠉꠤꠀ ꠔꠣꠘ ꠚꠣꠄ⁕ ꠁꠔꠣ ꠖꠦꠇꠤꠀ ꠀꠞꠅ ꠝꠣꠘꠥꠡꠣꠁꠘ ꠀꠉꠥꠀꠁꠀ ꠀꠁꠘ⁕ ꠟꠉꠦ ꠕꠣꠈꠣꠞ ꠀꠞ ꠚꠣꠄꠚꠞꠣꠝꠤꠡ ꠖꠤꠀ ꠡꠣꠖ ꠖꠤꠛꠣꠞ ꠟꠣꠉꠤ ꠡꠛꠞꠦ ꠡꠥꠇꠥꠞ⁕

Check Also

ꠄꠘ꠆ꠒꠤꠀꠘ ꠡꠞꠈꠣꠞꠤ ꠄꠈ ꠉꠥꠁꠐꠞ ꠛꠣꠗꠣꠞ ꠈꠣꠞꠘꠦ ꠛꠣꠋꠟꠣꠖꠦꠡꠦ ꠄꠉꠥ ꠞꠤꠚꠣꠁꠘꠣꠞꠤ ꠍꠦꠐꠀꠙ ꠈꠞ꠆ꠔ ꠚꠣꠞꠦꠞ ꠘꠣ

ꠝꠣꠟꠖꠤꠚꠞ ꠛꠣꠖꠦ ꠛꠣꠋꠟꠣꠖꠦꠡꠅ ꠄꠘ꠆ꠒꠤꠀ ꠀꠃꠐ ꠙ꠆ꠞꠉ꠆ꠞꠣꠝ ꠡꠥꠞꠥ ꠅꠁꠟꠦ ꠖꠦꠡꠅ ꠄꠘ꠆ꠒꠤꠀꠞ ꠘꠣꠘꠣꠘ ꠎꠥꠟꠥꠝ, ꠎꠛꠞꠖꠍ꠆ꠔꠤꠝꠥꠟꠇ ꠈꠣꠝꠞ ꠈꠕꠣ …