শুরমা ফারর খবর ছিলটি জবানে ছিলটর খবর
Related Articles
ꠁꠀꠖ꠆ꠞꠣ ꠞꠝꠏꠣꠘ ꠝꠣꠁꠀ ꠖꠤꠘꠅ ꠁꠘ꠆ꠖꠥꠘ꠆ꠔꠞ ꠢꠟꠤ ꠃꠔꠡꠛꠅ ꠞꠋ ꠟꠦꠚꠐꠣꠘꠤ ꠟꠁꠀ ꠅꠘꠟꠣꠁꠘꠅ ꠛꠃꠔ ꠝꠣꠔꠣꠝꠣꠔꠤ ꠅꠄ ⁕ ꠅꠃꠉꠔꠤꠇꠦ ꠜꠣꠁꠞꠣꠟ ꠁ ꠈꠛꠞ ꠟꠁꠀ ꠝꠝ ꠡꠣꠢꠣꠄ ꠄꠉꠥ ꠙꠥꠡ꠆ꠐꠣꠁꠘ ⁕ ꠎꠦꠈꠣꠘ ꠅ ꠞꠤꠔꠤꠝꠔ ꠜꠣꠁꠞꠣꠟ ꠅꠄ, ꠎꠦꠘꠅ ꠔꠣꠁꠘ ꠟꠤꠝ ꠖꠦꠁꠘ—
“ꠗꠞ꠆ꠝ ꠎꠣꠞ ꠎꠣꠞ ꠃꠔꠡꠛ ꠔꠣꠞ ꠔꠣꠞ ꠅꠁꠟꠦ ꠛꠦꠚꠣꠞꠐꠣ ꠡꠥꠘ꠆ꠖꠞ ꠀꠍꠤꠟ, ꠅꠟꠣꠘ ꠘꠣꠄ ꠘꠤ?
ꠢꠟꠤ ꠇꠤ ꠖꠥꠟꠚꠥꠞ꠆ꠘꠤꠝꠣ ꠄꠈꠖ ꠎꠣꠔꠤꠅ ꠃꠔꠡꠛ ꠘꠣꠄ ⁕ ꠁꠉꠥ ꠁꠘ꠆ꠖꠥ ꠗꠞ꠆ꠝꠤꠘ꠆ꠔꠞ ꠟꠣꠉꠤꠘ ꠚꠥꠎꠣ ꠄꠈꠣꠘ ⁕ ꠀꠝꠞꠣ ꠡ꠆ꠞꠤꠇ꠆ꠞꠤꠡ꠆ꠘꠞ ꠚꠣꠃ ꠀꠞ ꠅꠁꠘ꠆ꠘ ꠖꠦꠚꠔꠣꠁꠘ꠆ꠔꠞ ꠚꠣꠃꠔ ꠀꠛꠤꠞ/ꠞꠋ ꠟꠦꠚꠐꠣꠁꠀ ꠚꠥꠎꠣꠞ ꠡꠥꠞꠥꠀꠔ ꠈꠞꠤ ⁕ ꠀꠞꠅ ꠛꠃꠔ ꠘꠤꠅꠝ, ꠞꠤꠔꠤꠘꠤꠔꠤ ꠔ ꠞꠁꠍꠦ ꠃ ⁕ ꠇꠤꠘ꠆ꠔꠥꠇ ꠀꠚꠘꠣꠞꠣ ꠄꠈꠎꠣꠞꠣ ꠘꠣꠍ-ꠉꠣꠘꠞ ꠀꠘꠘ꠆ꠖꠞ ꠖꠣꠄ ꠀꠙ ꠞꠋꠛꠦꠞꠋꠉꠞ ꠞꠋ ꠝꠣꠈꠣꠘꠤꠞ ꠟꠣꠉꠤꠘ ꠀꠝꠒꠣꠞ ꠅꠘꠥꠡ꠆ꠑꠣꠘꠅ ꠓꠥꠇꠤ ꠉꠦꠍꠂꠘ ⁕ ꠔꠣꠅ ꠀꠚꠘꠣꠁꠘ꠆ꠔꠞ ꠡꠋꠎꠝꠞ ꠝꠣꠡ ꠍꠟꠔꠤꠔ ꠕꠣꠈꠔꠦ ꠃ ⁕
ꠅꠘꠦ ꠎꠦꠁꠘꠔꠣꠁꠘ ꠀꠝꠒꠣꠞꠦ ꠖꠥꠡꠤꠞꠣ, ꠀꠁ ꠝꠤꠘ ꠁꠘ꠆ꠖꠥ ꠗꠞ꠆ꠝꠤꠘ꠆ꠔꠞꠦ, ꠔꠣꠁꠘꠔꠣꠁꠘ ꠄꠈꠐꠥ ꠈꠁꠛꠣ ꠘꠤ ꠀꠝꠞꠣ ꠑꠤꠇ ꠇꠤꠔꠣ ꠈꠞꠔꠣꠝ ꠚꠣꠞꠔꠣꠝ? ꠎꠥꠖꠤꠘ ꠄꠈꠎꠘ ꠝꠣꠘꠡꠦ ꠘꠤꠎꠞ ꠗꠞ꠆ꠝ ꠟꠁꠀ ꠖꠤꠟꠞ ꠝꠣꠏꠦ ꠈꠖꠞ ꠘꠣ ꠞꠣꠈꠔ ꠚꠣꠞꠦ, ‘Allah will be understand’ ꠈꠁꠀ ꠀꠝꠒꠣꠞ ꠚꠥꠎꠣꠔ ꠀꠁꠀ ꠞꠋ ꠝꠣꠈꠣꠝꠣꠈꠤ ꠈꠞꠦ, ꠔꠦ ꠀꠝꠞꠣ ꠇꠤꠔꠣ ꠈꠞꠔꠣꠝ ꠚꠣꠞꠤ ꠈꠃꠇꠣ ꠍꠣꠁꠘ?
ꠄꠈꠎꠘ ꠝꠣꠘꠥ ꠎꠦꠘ ꠘꠤꠎꠞ ꠗꠞ꠆ꠝ ꠇꠤ ꠁꠛꠣꠖꠔꠞ ꠛꠣꠄ ꠡꠝ꠆ꠝꠣꠘ ꠘꠣꠁꠟꠦ ꠈꠖꠞ ꠘꠣꠁ, ꠄꠘꠞꠦ ꠡꠣꠝꠣꠁꠘ꠆ꠘ ꠝꠣꠘꠡꠦ ꠀꠈꠐꠣꠁꠔ ꠚꠣꠞꠛ ꠘꠤ? ꠎꠦꠎꠣꠉꠣꠔ ꠛꠣꠘꠣꠘꠦꠃꠀꠟꠣꠞꠦ ꠄꠁꠘ ꠄꠈꠦꠞꠦ ꠢꠣꠟꠇꠣ ꠈꠞꠤꠀ ꠟꠁꠟ꠆ꠌꠂꠘ ⁕
ꠝꠥꠁ ꠙꠥꠡ꠆ꠐ ꠁꠈꠣꠘ ꠈꠞꠔꠣꠝ ꠘꠣ ⁕ ꠇꠤꠘ꠆ꠔꠥꠇ ꠎꠦꠁꠘꠔꠣꠁꠘ ꠁꠘ꠆ꠖꠥꠘ꠆ꠔꠞ ꠢꠟꠤ ꠉꠔꠤꠇꠦ ꠍꠥꠇ ꠡꠘꠣꠔꠘꠤꠘ꠆ꠔꠞ ꠃꠚꠞꠦ ꠖꠦꠈꠣꠁꠞꠣ ꠔꠣꠁꠘꠔꠣꠁꠘ ꠄꠈꠐꠥ ꠗꠥꠘ ꠈꠞꠛꠣ, ꠀꠝꠒꠣꠞ ꠖꠥꠡꠈꠣꠘ ꠇꠤꠔꠣ? ꠀꠝꠒꠣ ꠀꠝꠒꠣꠞ ꠗꠞ꠆ꠝꠤꠅ ꠅꠘꠥꠡ꠆ꠑꠣꠘ ꠃ ꠔ ꠈꠞꠍꠤꠟꠣꠝ ꠎꠦꠟꠣꠘ ꠡꠛ ꠗꠞ꠆ꠝꠞ ꠝꠣꠘꠡꠦ ꠈꠞꠂꠘ ⁕ ꠅꠘꠇꠦ ꠈꠦꠃ ꠘꠤꠎꠞ ꠁꠝꠣꠘ ꠗꠞꠤꠀ ꠞꠣꠈꠔ ꠘꠣ ꠚꠣꠞꠟꠦ ꠁꠔꠣꠞ ꠖꠣꠄꠜꠣꠞꠅ ꠇꠤꠔꠣ ꠀꠝꠒꠣꠞ ꠘꠤ?
ꠁꠀꠖ꠆ꠞꠣꠞ ꠜꠣꠁꠞꠣꠟ ꠅꠃꠀ ꠁꠡ꠆ꠡꠥꠐꠣ ꠢꠣꠍꠣꠞꠤꠞ ꠃ ꠛꠦꠎꠣꠞꠀꠟꠣ ⁕ ꠢꠈꠟꠞꠥ ꠘꠤꠎ ꠗꠞ꠆ꠝꠞ ꠛꠣꠄ ꠈꠖꠞ ꠕꠣꠈꠣ ꠎꠞꠥꠞꠤ ⁕”
