Breaking News
Home / ꠍꠤꠟꠐꠞ ꠡꠣꠁꠔ꠆ꠔ / ꠘꠣꠝ ꠔꠥꠇꠣꠁꠀ ꠚꠣꠁꠞꠣꠝ ꠘꠣ, ꠡꠣꠎꠦꠡꠘꠞ ꠟꠣꠉꠤ ꠁ ꠙꠥꠡ꠆ꠐ

ꠘꠣꠝ ꠔꠥꠇꠣꠁꠀ ꠚꠣꠁꠞꠣꠝ ꠘꠣ, ꠡꠣꠎꠦꠡꠘꠞ ꠟꠣꠉꠤ ꠁ ꠙꠥꠡ꠆ꠐ

ꠘꠣꠝ ꠔꠥꠇꠣꠁꠀ ꠚꠣꠁꠞꠣꠝ ꠘꠣ, ꠡꠣꠎꠦꠡꠘꠞ ꠟꠣꠉꠤ ꠁ ꠙꠥꠡ꠆ꠐ

ꠟꠦꠈꠞꠣ: ꠚꠦꠁꠍꠛꠥꠇ ꠉꠥꠁꠐ “United Kingdom of Greater Sylhet” ꠅꠞ ꠏꠞꠤꠀꠄ ꠍꠣꠟꠦꠢ ꠀꠢꠝꠖ [সালেহ আহমদ]


ꠚꠥꠠꠤꠘ꠆ꠔꠦ ꠘꠤꠎꠞ ꠘꠣꠝ ꠌꠦꠁꠘ꠆ꠎ ꠈꠞꠤꠀ ꠅꠝꠥꠇꠞ ꠝꠣ, ꠔꠝꠥꠇꠞ ꠝꠣ ꠞꠣꠈꠦ ⁕ ꠝꠣꠘꠦ ꠚꠦꠁꠍꠛꠥꠇꠅ ꠅꠔꠣ ꠘꠣꠝꠖꠤ ꠀꠁꠒꠤ ꠍꠣꠟꠣꠄ ꠀꠞꠇꠤ ⁕

ꠛꠤꠡꠄꠐꠣ ꠈꠣꠞꠣꠚ ꠇꠤꠌ꠆ꠌꠥ ꠘꠣꠄ ⁕ ꠀꠝꠞꠣ ꠚꠥꠀꠁꠘ ꠛꠦꠡꠤ ꠜꠣꠟꠣ ⁕ ꠄꠞꠟꠣꠉꠤ ꠔꠣꠞꠣ ꠛꠤꠀꠔꠤ ꠛꠥꠏꠣꠁꠔ ꠈꠞꠤ ꠁꠟꠣ ꠘꠣꠝ ꠘꠦꠄ ⁕ ꠎꠖꠤꠅ ꠀꠝꠤ ꠅꠘꠦꠉꠉꠥꠞꠦ ꠎꠣꠘꠤ, ꠎꠦꠉꠥꠟꠣꠞ ꠄꠛ ꠛꠤꠀꠞ ꠛꠄꠡꠃ ꠅꠁꠍꠦ ꠘꠣ ⁕

ꠎꠣꠁ ꠅꠃꠇ, ꠔꠣꠞꠣꠞ ꠁꠔꠣ ꠖꠦꠇꠤꠀ ꠀꠝꠣꠞꠅ ꠈꠣꠁꠡ ꠅꠁꠍꠦ, ꠘꠤꠎꠞ ꠘꠣꠝ ꠌꠦꠁꠘ꠆ꠎ ꠈꠞꠤꠀ ꠅꠝꠥꠇꠞ ꠛꠣꠚ, ꠔꠝꠥꠇꠞ ꠛꠣꠚ ꠇꠤꠌ꠆ꠌꠥ ꠄꠈꠐꠣ ꠞꠣꠈꠔꠣꠝ ⁕ ꠘꠣꠝ ꠔꠥꠇꠣꠁꠀ ꠚꠣꠁꠞꠣꠝ ꠘꠣ, ꠡꠣꠎꠦꠡꠘꠞ ꠟꠣꠉꠤ ꠁ ꠙꠥꠡ꠆ꠐ ⁕

ꠡꠞ꠆ꠔꠣꠛꠟꠤ:

1. ꠘꠣꠝ ꠅꠁꠔ ꠅꠁꠛ ꠀꠝꠣꠞ ꠡꠝ꠆ꠜꠣꠛ꠆ꠛ ꠚꠥꠠꠤꠞ ꠘꠣꠝꠦ ⁕ ꠁꠇꠐꠣ ꠚꠣꠘ ꠘꠣꠄ, ꠀꠝꠤ ꠀꠡꠟꠦꠃ ꠄꠈꠖꠤꠘ ꠚꠥꠞꠤꠞ ꠛꠣꠚ ꠅꠁꠔꠣꠝ ꠀꠡꠣ ꠞꠣꠇꠤ ⁕ ꠈꠣꠞꠘ ꠀꠝꠣꠞ ꠘꠛꠤꠅ (ꠍꠣ.) ꠍꠣꠁꠞ ꠚꠥꠠꠤꠞ ꠛꠣꠚ ꠀꠍꠟꠣ ⁕

Γ. ꠘꠣꠝꠐꠣ ꠜꠖ꠆ꠞ ꠀꠞ ꠡꠥꠘ꠆ꠖꠞ ꠅꠁꠔ ⁕ ꠀꠞꠛꠤ/ꠛꠣꠋꠟꠣ/ꠁꠋꠞꠦꠎꠤ ꠚꠦꠇ꠆ꠐ ꠘꠣꠄ ⁕

৩. ꠈꠣꠟꠤ ꠒꠣꠈꠘꠣꠝ ꠅꠁꠔ ⁕ ꠈꠣꠞꠘ ꠡꠛ ꠘꠣꠝꠞ ꠈꠞꠦꠖꠤ “ꠛꠣꠚ” ꠄꠒ ꠅꠁꠛ (ꠅꠝꠥꠇꠞ ꠛꠣꠚ, ꠔꠝꠥꠇꠞ ꠛꠣꠚ) ⁕

ꠎꠣꠞ ꠖꠦꠃꠀ ꠘꠣꠝ ꠚꠣꠁꠘꠣꠟ ꠈꠞꠝꠥ ꠔꠣꠘꠞꠦ ꠇꠤꠘꠛ꠆ꠞꠤꠎꠅ ꠍꠣ-ꠒ꠆ꠒꠣꠞ ꠖꠣꠅꠔ ⁕

ꠈꠂꠚꠤꠅꠔ:

1. ꠁ ꠘꠣꠝꠐꠣ ꠀꠝꠣꠞ ꠅꠞꠤꠎꠤꠘꠣꠟ ⁕ ꠎꠖꠤꠅ ꠀꠁꠒꠤ ꠅꠞꠤꠎꠤꠘꠣꠟꠐꠣ ꠀꠍꠦ ꠀꠟꠣꠖꠣ ⁕ ꠢꠤꠇꠐꠣꠔ ꠡꠣꠞꠣ ꠖꠦꠡꠞ ꠛꠥꠖ꠆ꠖꠤꠎꠤꠛꠤ ꠅꠈꠟꠦ ꠜꠞꠣ ⁕ ꠄꠞꠟꠣꠉꠤ ꠁꠇꠐꠣ ꠇꠥꠟꠍꠤ, ꠈꠣꠟꠤ ꠍꠤꠟꠐꠤ ꠜꠣꠁꠛ꠆ꠞꠣꠖꠣꠞ ꠅꠈꠟꠞ ꠟꠉꠦ ꠕꠣꠈꠣꠞ ꠟꠣꠉꠤ ⁕ ꠁ ꠘꠣꠝꠞ ꠚꠞꠤꠛꠞ꠆ꠔꠘꠦ ꠀꠝꠤ ꠀꠡꠣ ꠈꠞꠞꠣꠝ ꠇꠥꠘꠥ ꠡꠝꠂꠡ꠆ꠡꠣ ꠀꠝꠣꠞ ꠅꠁꠔ ꠘꠣꠄ ⁕

Γ. ꠀꠝꠣꠞ ꠀꠛ꠆ꠛꠣ ꠎꠤꠛꠤꠔ ꠕꠣꠇꠣ ꠅꠛꠍ꠆ꠕꠣꠄ ꠔꠣꠁꠘ ꠎꠖꠤ ꠘꠣꠔꠤꠘꠡꠣ ꠖꠦꠇꠤꠟꠔꠣ ꠚꠣꠞꠁꠘ, ꠔꠦ ꠘꠣꠝꠐꠣꠅ ꠔꠣꠁꠘ ꠞꠣꠈꠛꠣ ⁕ ꠀꠝꠞꠣ ꠢꠣꠛꠤꠉꠥꠡ꠆ꠑꠤꠞ ꠢꠈꠟꠐꠤꠞ ꠘꠣꠝ ꠔꠣꠁꠘ ꠞꠣꠈꠍꠁꠘ ⁕ ꠍ, ꠀꠝꠣꠞ ꠁ ꠘꠣꠝꠈꠞꠘ ꠀꠡꠟꠦ ꠍꠤꠝ꠆ꠙꠟꠤ ꠘꠤꠎꠞ ꠝꠘꠞ ꠈꠣꠁꠡꠐꠣ ꠚꠥꠞꠣ ꠈꠞꠣꠞ ꠟꠣꠉꠤ, ꠀꠞ ꠇꠤꠌ꠆ꠌꠥ ꠘꠣꠄ (ꠀꠝꠣꠞ ꠄꠛ ꠛꠤꠀꠞ ꠛꠄꠡ ꠅꠁꠍꠦ ꠘꠣ) ⁕

ꠢꠈꠟꠞꠦ ꠕꠦꠋꠇꠤꠃ ⁕

5/5 - (1 vote)

About Abu Sayeed

ꠝꠥꠁ ꠀꠛꠥ ꠍꠣꠁꠖ, ꠡꠥꠞꠝꠣ ꠚꠣꠞꠞ ꠈꠛꠞ ꠅꠄꠛꠍꠣꠁꠐꠞ ꠍꠣꠚꠣꠃꠞꠣ⁕ ꠛꠣꠋꠟꠣ ꠀꠞ ꠁꠋꠟꠤꠡ ꠚꠔꠞꠤꠇꠣꠁꠘ꠆ꠔ ꠟꠦꠈꠣꠟꠦꠇꠤꠞ ꠅꠜꠤꠉ꠆ꠉꠔꠣ ꠔꠘꠦ ꠝꠞ ꠝꠣꠁꠅꠞꠝꠣꠔ ꠍꠤꠟꠐꠤꠔꠦꠅ ꠟꠦꠈꠣꠞ ꠔꠣꠉꠤꠖ ꠛꠥꠗ ꠈꠞꠤ⁕ ꠅꠘꠟꠣꠁꠘꠅ ꠍꠤꠟꠐꠤ ꠅꠈꠟꠞ ꠟꠣꠉꠤ ꠝꠣꠉꠘꠣ ꠢꠤꠇꠣꠞ ꠟꠣꠈ ꠏꠤꠘꠤꠡ ꠛꠤꠡꠦꠡ ꠈꠞꠤ ꠍꠤꠟꠐꠤꠘ꠆ꠔꠞ ꠁꠔꠤꠀꠡ, ꠞꠍꠝ, ꠈꠣꠘꠤꠛꠘꠤ, ꠡꠣꠁꠔ꠆ꠔ ꠡꠛꠞ ꠀꠔ ꠀꠔ ꠚꠃꠍꠣꠘꠤꠞ ꠈꠣꠝ ꠈꠞꠞꠣꠝ, ꠏꠣꠔꠦ ꠁꠔꠣ ꠈꠣꠟꠤ ꠉꠛꠦꠡꠇ ꠅꠈꠟꠞ ꠐꠣꠁꠘ ꠘꠣ ꠕꠣꠇꠤꠀ ꠢꠈꠟꠞ ꠀꠔꠅ ꠉꠤꠀ ꠔꠣꠘ ꠚꠣꠄ⁕ ꠁꠔꠣ ꠖꠦꠇꠤꠀ ꠀꠞꠅ ꠝꠣꠘꠥꠡꠣꠁꠘ ꠀꠉꠥꠀꠁꠀ ꠀꠁꠘ⁕ ꠟꠉꠦ ꠕꠣꠈꠣꠞ ꠀꠞ ꠚꠣꠄꠚꠞꠣꠝꠤꠡ ꠖꠤꠀ ꠡꠣꠖ ꠖꠤꠛꠣꠞ ꠟꠣꠉꠤ ꠡꠛꠞꠦ ꠡꠥꠇꠥꠞ⁕

Check Also

ꠄꠘ꠆ꠒꠤꠀꠘ ꠡꠞꠈꠣꠞꠤ ꠄꠈ ꠉꠥꠁꠐꠞ ꠛꠣꠗꠣꠞ ꠈꠣꠞꠘꠦ ꠛꠣꠋꠟꠣꠖꠦꠡꠦ ꠄꠉꠥ ꠞꠤꠚꠣꠁꠘꠣꠞꠤ ꠍꠦꠐꠀꠙ ꠈꠞ꠆ꠔ ꠚꠣꠞꠦꠞ ꠘꠣ

ꠝꠣꠟꠖꠤꠚꠞ ꠛꠣꠖꠦ ꠛꠣꠋꠟꠣꠖꠦꠡꠅ ꠄꠘ꠆ꠒꠤꠀ ꠀꠃꠐ ꠙ꠆ꠞꠉ꠆ꠞꠣꠝ ꠡꠥꠞꠥ ꠅꠁꠟꠦ ꠖꠦꠡꠅ ꠄꠘ꠆ꠒꠤꠀꠞ ꠘꠣꠘꠣꠘ ꠎꠥꠟꠥꠝ, ꠎꠛꠞꠖꠍ꠆ꠔꠤꠝꠥꠟꠇ ꠈꠣꠝꠞ ꠈꠕꠣ …