Breaking News
Home / ꠍꠤꠟꠐ / ꠉꠣꠋꠉꠞ ꠘꠣꠝ ꠍꠦꠋꠉꠞꠈꠣꠟ

ꠉꠣꠋꠉꠞ ꠘꠣꠝ ꠍꠦꠋꠉꠞꠈꠣꠟ

ꠍꠦꠋꠉꠞꠈꠣꠟ ꠉꠣꠋ (ꠍꠛꠤ ©ꠚꠦꠁꠍꠛꠥꠇ ꠔꠘꠦ)

ꠄꠈ ꠀꠝꠟ ꠀꠝꠞꠣ ꠢꠥꠘꠔꠣꠝ ꠁ ꠖꠦꠡ ꠔꠦꠞ ꠡ ꠉꠣꠋꠉꠣꠁꠘ ꠀꠍꠦ ⁕ ꠡꠝꠄꠞ ꠍꠇ꠆ꠇꠞꠦ ꠛꠦꠡꠥꠝꠣꠞ ꠉꠣꠋ ꠅꠈꠟ ꠅꠘꠦ ꠝꠞꠤꠉꠦꠍ ⁕ ꠁꠔꠣꠞ ꠍꠤꠐꠣꠚꠥꠐꠣ ꠃ ꠘꠣꠁ ꠅꠘꠦ ⁕ ꠀꠞ ꠎꠦꠔꠣꠁꠘ ꠐꠤꠇꠤꠀ ꠀꠍꠤꠟ, ꠅꠘꠦ ꠛꠃꠔ ꠉꠣꠋꠉꠣꠁꠘ ꠝꠞꠤ ꠎꠣꠞ ꠝꠣꠘꠡꠞ ꠞꠣꠁꠇ꠆ꠇꠡꠤꠄ ⁕ ꠇꠥꠘꠔꠣꠄ ꠃ ꠎꠦꠘ ꠄꠈꠎꠣꠔꠤ ꠝꠣꠘꠡꠞ ꠚꠦꠐ ꠜꠞꠦꠞ ꠘꠣ ⁕ ꠚꠞꠤꠛꠦꠡꠛꠣꠖꠤ ꠅꠈꠟꠦ ꠝꠣꠘꠡꠞꠦ ꠛꠃꠔ ꠟꠣꠈꠣꠘ ꠢꠥꠡꠤꠀꠞ ꠈꠞꠞꠣ ꠉꠣꠋꠉ, ꠈꠣꠟ, ꠘꠖꠤꠘ ꠐꠤꠇꠣꠁꠀ ꠞꠣꠈꠣꠞ ꠖꠣꠄ ⁕ ꠈꠥꠖ ꠀꠝꠞꠣꠞ ꠍꠤꠟꠐꠞ ꠅ ꠈꠔ ꠘꠖꠤꠘ ꠢꠥꠝꠇꠤꠞ ꠝꠥꠇꠅ ⁕ ꠅꠟꠣꠘ ꠃ ꠄꠈꠣꠘ ꠉꠣꠋꠉꠞ ꠘꠣꠝ ꠅꠁꠟ ꠍꠦꠋꠉꠞꠈꠣꠟ ⁕ ꠈꠣꠟ ꠟꠣꠉꠣꠁꠟ ꠅꠁꠟꠦꠅ ꠍꠤꠟꠐꠞ ꠛꠣꠇ꠆ꠇꠣ ꠈꠄꠈꠣꠘ ꠉꠣꠋꠉꠞ ꠘꠣꠝ ꠅꠟꠣꠘ ⁕ ꠎꠦꠝꠟꠣꠘ- ꠟꠣꠟꠣꠈꠣꠟ ꠅ ꠄꠈꠣꠘ ꠉꠣꠋꠉꠞ ꠘꠣꠝ ⁕ ꠎꠣꠁ ꠅꠇ, ꠍꠦꠋꠉꠞꠈꠣꠟ ꠉꠣꠋꠞꠦ ꠎꠥꠁꠔꠝꠔ ꠐꠤꠇꠣꠁꠀ ꠞꠣꠈꠣꠞ ꠟꠣꠉꠤꠘ ꠛꠃꠔꠦ ꠛꠃꠔ ꠟꠣꠈꠣꠘ ꠈꠣꠝ ꠈꠞꠞꠣ ⁕ ꠡꠞꠤꠚ ꠎꠣꠝꠤꠟ (Sharif Jamil) ꠘꠣꠝꠞ ꠄꠈꠎꠘ ꠝꠣꠘꠛꠣꠗꠤꠇꠣꠞ ꠀꠞ ꠚꠞꠤꠛꠦꠡꠛꠣꠖꠤꠄ ꠍꠦꠋꠉꠞꠈꠣꠟ ꠉꠣꠋꠞꠦ ꠟꠁꠀ 1V ꠝꠣꠞ꠆ꠌ ꠄꠈ ꠙꠥꠡ꠆ꠐ ꠈꠞꠂꠘ ⁕ ꠔꠣꠘ ꠙꠥꠡ꠆ꠐ ꠔꠘꠦ ꠎꠣꠘꠣ ꠎꠣꠄ-

ꠍꠦꠋꠉꠞꠈꠣꠟ ꠉꠣꠋ (ꠍꠛꠤ ©ꠚꠦꠁꠍꠛꠥꠇ ꠔꠘꠦ)

ꠛꠣꠋꠟꠣꠖꠦꠡꠅ ꠞꠣꠎꠎꠤꠞ ꠉꠣꠋꠉꠞ ꠘꠣꠝꠞ ꠈꠞꠦꠖꠤ ꠈꠣꠟ ꠞꠁꠍꠦ ⁕ ꠎꠦꠟꠣꠘ ꠘꠣꠝꠤꠀꠟꠣ ꠘꠖꠤꠘ ꠝꠣꠞꠤ ꠟꠣꠃꠀ ꠅꠞ, ꠁꠎꠦꠉꠣꠔ ꠔ ꠈꠣꠟ ꠘꠣꠝꠗꠣꠞꠤ ꠘꠖꠤꠘ ꠡꠋꠇꠐꠅ ꠚꠞꠛꠃ ⁕

ꠈꠣꠚꠘꠣ ꠘꠖꠤ ꠎꠦꠘꠅ ꠀꠁꠀ ꠍꠦꠋꠉꠞꠈꠣꠟ ꠉꠣꠋꠉꠅ ꠝꠤꠡꠍꠦ, ꠅꠘꠅ ꠃꠛꠣꠁꠀ ꠀꠝꠞꠣ ꠈꠣꠚꠘꠣꠞ ꠈꠣꠘ꠆ꠖꠘ ꠢꠥꠘꠍꠤ ꠅꠃ ꠍꠛꠤꠔ ⁕ ꠍꠦꠉꠞꠈꠣꠟ ꠉꠣꠋ ꠅꠁꠟ ꠡꠣꠞꠤ ꠀꠞ ꠉꠥꠀꠁꠘ, ꠅꠃ ꠖꠥꠁ ꠘꠖꠤꠞ ꠝꠤꠟꠣꠁꠟ ꠉꠠꠣꠘ ⁕

ꠈꠣꠚꠘꠣꠞꠦ ꠝꠣꠞꠣꠞ ꠇꠤꠀꠟ ꠀꠝꠟꠣꠔꠘ꠆ꠔ꠆ꠞꠞ ꠝꠣꠑ ꠚꠞ꠆ꠎꠣꠄꠞ ꠛꠤꠉ꠆ꠉꠣꠘꠤꠘ꠆ꠔꠦ ꠛꠣꠇ꠆ꠇꠣ ꠀꠉꠦ ꠔꠘꠦꠃ ꠈꠞꠍꠂꠘ ⁕ ꠄꠞꠖꠣꠄ ꠈꠣꠚꠘꠣꠞ ꠃꠎꠣꠘꠅ ꠖꠥꠁ ꠄꠈ ꠚꠤꠞꠣ ꠀꠉꠦ ꠛꠣꠘ꠆ꠖ ꠄꠈꠣꠘ ꠖꠤꠀ ꠢꠤꠖꠣꠁꠞꠈꠣꠟ ꠘꠣꠝꠞ ꠉꠣꠋ ꠈꠣꠘꠔꠣꠞꠦ ꠝꠣꠞꠤ ꠟꠣꠃꠀ ꠅꠁꠍꠦ ⁕ ꠢꠤꠖꠣꠁꠞꠈꠣꠟ ꠚꠄꠟꠣꠇꠥ ꠜꠣꠐꠤꠔ ꠛꠦꠇ꠆ꠞꠣ ꠘꠖꠤ ꠀꠞ ꠛꠣꠖꠦ ꠈꠣꠚꠘꠣ ꠅꠁꠀ ꠍꠦꠋꠉꠞꠈꠣꠟꠅ ꠚꠠꠍꠦ ⁕

ꠈꠃꠀ ꠟꠣꠉꠦ:
1. ꠃꠚꠞꠞ ꠎꠦꠍꠣ ꠄꠉꠥ ꠉꠣꠋꠉꠅ ꠎꠥꠖꠤꠘ ꠝꠞꠤ ꠎꠣꠄ, ꠔꠦ ꠞꠣꠔꠣꠞꠉꠥꠟ ꠎꠋꠟꠣ ꠁꠇꠣꠘ ꠐꠤꠇ꠆ꠔ ꠘꠣꠄ ⁕ ꠔꠄ, ꠢꠤꠖꠣꠁꠞꠈꠣꠟ ꠀꠞ ꠈꠣꠚꠘꠣ ꠝꠣꠞꠣꠞ ꠛꠦꠛꠍꠔꠣ ꠄꠞꠝꠣꠏꠦ ꠈꠞꠣ ꠅꠁꠉꠦꠍ ⁕
Γ. ꠞꠣꠔꠣꠞꠉꠥꠟ ꠎꠋꠟꠣꠔ ꠛꠘꠛꠤꠜꠣꠉꠦ ꠁꠀꠖ꠆ꠞꠣ ꠚꠁꠘ꠆ꠌꠣꠡ ꠐꠦꠈꠣꠞ ꠛꠦꠡꠤ ꠢꠣꠝꠣꠘꠤꠞ ꠈꠞꠍ ꠍꠣꠟꠥ ꠈꠞꠍꠦ ⁕
৩. ꠞꠣꠔꠣꠞꠉꠥꠟ d ꠝꠣꠡ ꠢꠥꠇꠘꠣ ꠕꠣꠈꠣꠞ ꠈꠕꠣ ⁕ ꠇꠤꠘ꠆ꠔꠥ ꠛꠣꠘ꠆ꠖ ꠖꠤꠀ ꠚꠣꠘꠤ ꠀꠈꠐꠣꠘꠤ ꠅꠁꠍꠦ ꠎꠣꠔꠦ ꠘꠃꠇꠣꠄ ꠚꠣꠈꠣꠃꠞꠣ ꠅꠈꠟꠦ ꠍꠇ꠆ꠇꠞ ꠍꠣꠇ꠆ꠇꠞ ꠝꠣꠞꠔꠣ ꠚꠣꠞꠂꠘ ꠀꠞ ꠛꠘꠞ ꠉꠣꠍꠣꠁꠘ ꠝꠞꠤꠀ ꠛꠘ ꠁꠇꠐꠣ ꠚꠦꠐ꠆ꠐꠞꠤ ꠇꠥꠟꠣꠞ ꠟꠣꠉꠤ ꠎꠥꠁꠔ ꠅꠁꠔ ꠚꠣꠞꠦ ⁕
ꠢꠈꠟꠞ ꠢꠋꠇꠦ ꠚꠇ꠆ꠞꠤꠔꠤꠞ ꠃꠚꠞꠦ ꠁꠟꠣꠘ ꠎꠥꠟꠥꠝ ꠖꠥꠘꠤꠀꠞ ꠀꠞ ꠇꠥꠘꠥ ꠖꠦꠡꠅ ꠡꠝꠡꠣꠝꠁꠇ ꠡꠝꠄ ꠅ ꠅꠁꠔ ꠚꠣꠞꠦ ꠈꠞꠤ ꠀꠝꠤ ꠜꠣꠛꠔꠣꠝꠃ ꠚꠣꠞꠤꠘꠣ ⁕ ꠉꠣꠋ ꠖꠈꠟꠖꠣꠞ ꠀꠞ ꠇꠤꠃꠞꠣꠈꠞ꠆ꠞꠣꠁꠘ ꠎꠦꠛꠟꠣ ꠘꠖꠤ ꠃꠖ꠆ꠖꠣꠞꠞ ꠖꠣꠁꠔ꠆ꠔꠔ ꠕꠣꠈꠦ, ꠔꠦ ꠘꠖꠤꠘ ꠀꠞ ꠛꠣꠍꠛ ꠇꠤꠟꠣꠘ!

Rate this post

About Abu Sayeed

ꠝꠥꠁ ꠀꠛꠥ ꠍꠣꠁꠖ, ꠡꠥꠞꠝꠣ ꠚꠣꠞꠞ ꠈꠛꠞ ꠅꠄꠛꠍꠣꠁꠐꠞ ꠍꠣꠚꠣꠃꠞꠣ⁕ ꠛꠣꠋꠟꠣ ꠀꠞ ꠁꠋꠟꠤꠡ ꠚꠔꠞꠤꠇꠣꠁꠘ꠆ꠔ ꠟꠦꠈꠣꠟꠦꠇꠤꠞ ꠅꠜꠤꠉ꠆ꠉꠔꠣ ꠔꠘꠦ ꠝꠞ ꠝꠣꠁꠅꠞꠝꠣꠔ ꠍꠤꠟꠐꠤꠔꠦꠅ ꠟꠦꠈꠣꠞ ꠔꠣꠉꠤꠖ ꠛꠥꠗ ꠈꠞꠤ⁕ ꠅꠘꠟꠣꠁꠘꠅ ꠍꠤꠟꠐꠤ ꠅꠈꠟꠞ ꠟꠣꠉꠤ ꠝꠣꠉꠘꠣ ꠢꠤꠇꠣꠞ ꠟꠣꠈ ꠏꠤꠘꠤꠡ ꠛꠤꠡꠦꠡ ꠈꠞꠤ ꠍꠤꠟꠐꠤꠘ꠆ꠔꠞ ꠁꠔꠤꠀꠡ, ꠞꠍꠝ, ꠈꠣꠘꠤꠛꠘꠤ, ꠡꠣꠁꠔ꠆ꠔ ꠡꠛꠞ ꠀꠔ ꠀꠔ ꠚꠃꠍꠣꠘꠤꠞ ꠈꠣꠝ ꠈꠞꠞꠣꠝ, ꠏꠣꠔꠦ ꠁꠔꠣ ꠈꠣꠟꠤ ꠉꠛꠦꠡꠇ ꠅꠈꠟꠞ ꠐꠣꠁꠘ ꠘꠣ ꠕꠣꠇꠤꠀ ꠢꠈꠟꠞ ꠀꠔꠅ ꠉꠤꠀ ꠔꠣꠘ ꠚꠣꠄ⁕ ꠁꠔꠣ ꠖꠦꠇꠤꠀ ꠀꠞꠅ ꠝꠣꠘꠥꠡꠣꠁꠘ ꠀꠉꠥꠀꠁꠀ ꠀꠁꠘ⁕ ꠟꠉꠦ ꠕꠣꠈꠣꠞ ꠀꠞ ꠚꠣꠄꠚꠞꠣꠝꠤꠡ ꠖꠤꠀ ꠡꠣꠖ ꠖꠤꠛꠣꠞ ꠟꠣꠉꠤ ꠡꠛꠞꠦ ꠡꠥꠇꠥꠞ⁕

Check Also

ꠄꠘ꠆ꠒꠤꠀꠞ ꠛꠒꠣꠞꠞ ꠜꠤꠔꠞꠦ ꠚꠞꠤ ꠕꠣꠈꠣ ꠛꠣꠋꠟꠣꠖꠦꠡꠤ ꠚꠥꠀ ꠝꠣꠍꠥꠝ ꠀꠢꠝꠖꠞ (1☽) ꠟꠣꠡ ꠉꠍꠣꠘꠤ

ꠍꠤꠟꠐꠞ ꠈꠣꠘꠣꠁꠊꠣꠐ ꠃꠚꠎꠤꠟꠣꠞ ꠟꠣꠉꠣ ꠄꠘ꠆ꠒꠤꠀꠞ ꠛꠒꠣꠞꠞ ꠜꠤꠔꠞꠦ ꠚꠞꠤ ꠕꠣꠈꠣ ꠛꠣꠋꠟꠣꠖꠦꠡꠤ ꠡꠤꠀꠘ ꠚꠥꠀ ꠝꠣꠍꠥꠝ ꠀꠢꠝꠖꠞ (1☽) …