শুরমা ফারর খবর ছিলটি জবানে ছিলটর খবর
Related Articles
ꠍꠥꠞꠣ ꠘꠣꠍ ꠇꠥꠞꠀꠘ ꠡꠞꠤꠚꠞ ১১৪ ꠟꠝ꠆ꠛꠞ ꠀꠞ ꠢꠦꠡꠞ ꠍꠥꠞꠣ; ꠁꠇꠐꠣꠞ ꠀꠄꠀꠔ, ꠝꠣꠘꠦ ꠛꠣꠁꠇ꠆ꠇ ৬ꠐꠣ ꠀꠞ ꠞꠥꠇꠥ, ꠛꠣ ꠙꠦꠞꠣ ১ꠐꠣ⁕ ꠍꠥꠞꠣ ꠘꠣꠍ ꠝꠖꠤꠘꠣꠔ ꠘꠣꠎꠤꠟ ꠅꠁꠍꠦ; ꠎꠥꠖꠤꠘꠅ ꠇꠥꠘꠥ ꠇꠥꠘꠥ ꠡꠝꠄ ꠈꠃꠀ ꠅꠁꠍꠦ ꠅꠈꠐꠣ ꠝꠇ꠆ꠇꠣꠔ ꠘꠣꠎꠤꠟ ꠅꠁꠍꠦ⁕ ꠁꠇꠐꠣꠞ ৬ ꠀꠄꠀꠔ ꠖꠤ ꠡꠄꠔꠣꠘꠞ ꠈꠦꠔꠤ ꠔꠘꠦ ꠀꠟ꠆ꠟꠣꠞ ꠉꠦꠍꠦ ꠚꠣꠘꠣ ꠍꠣꠃꠀ ꠅꠁꠍꠦ⁕ ꠅꠃ ꠍꠥꠞꠣ ꠀꠞ ꠁꠇꠐꠣꠞ ꠀꠉꠞ ꠍꠥꠞꠣ-ꠚꠣꠟꠣꠇꠞꠦ ꠄꠈꠟꠉꠦ ꠝꠥꠀꠃꠛꠤꠎꠣꠔꠣꠁꠘ (ꠀꠟꠟꠣꠞ ꠉꠦꠍꠦ ꠐꠣꠁ ꠟꠃꠀꠞ ꠖꠥꠁꠐꠣ ꠍꠥꠞꠣ) ꠈꠃꠀ ꠅꠄ⁕ ꠛꠦꠝꠣꠞꠞ ꠡꠝꠄ ꠘꠣꠁꠟꠦ ꠊꠥꠝꠞ ꠀꠉꠦ ꠁ ꠍꠥꠞꠣ ꠚꠠꠣ ꠄꠈꠐꠣ ꠞꠤꠔꠤꠉꠔ ꠍꠥꠘꠘꠔ⁕
ꠔꠞꠎꠝꠣ
ꠈꠃꠇꠣ, ꠀꠝꠤ ꠑꠣꠁ ꠟꠁꠞꠣꠝ ꠝꠣꠘꠥꠞ ꠙꠣꠟꠘꠇꠞꠔꠣꠞ⁕
ꠝꠣꠘꠥꠞ ꠝꠣꠟꠤꠇꠞ,
ꠝꠣꠘꠥꠞ ꠝꠣꠛꠥꠖꠞ ꠃꠚꠞꠦ,
ꠎꠦꠔꠣꠄ ꠈꠦꠔꠤ ꠈꠞꠦ ꠀꠞ ꠟꠥꠇꠣꠁꠀ ꠈꠣꠘꠚꠠꠣ ꠖꠦꠄ, ꠅꠔꠣꠞ ꠔꠘꠦ,
ꠎꠦꠔꠣꠄ ꠈꠣꠘꠚꠠꠣ ꠖꠦꠄ ꠝꠣꠘꠥꠞ ꠖꠤꠟ,
ꠎꠤꠘ꠆ꠘꠣꠔꠞ ꠘꠣꠁꠟꠦ ꠝꠣꠘꠥꠞ ꠝꠣꠏ ꠔꠘꠦ⁕
