শুরমা ফারর খবর ছিলটি জবানে ছিলটর খবর
Related Articles
ꠝꠤꠒꠤꠟꠤꠡꠐꠞ ꠖꠦꠡꠣꠁꠘ ꠛꠣꠋꠟꠣꠖꠦꠡꠞ ꠞꠦꠝꠤꠐꠦꠘ꠆ꠍꠞ ꠟꠣꠉꠤ ꠁꠀ-ꠛꠣꠘꠣ ꠄꠈꠣꠘ ꠊꠣꠐꠤ ⁕ ꠅꠃ ꠝꠤꠒꠤꠡꠐꠞ ꠖꠦꠡ ꠍꠃꠖꠤꠞ ꠘꠣꠘꠣꠘ ꠎꠦꠉꠣꠔ ꠀꠝꠖꠣ ꠍꠤꠟꠐꠤꠘ꠆ꠔꠦ ꠚꠄꠡꠣꠈꠠꠤ ꠈꠣꠝꠣꠁꠀ ꠖꠦꠡꠞꠦ ꠀꠉꠥꠀꠁꠀ ꠘꠤꠞꠣ ⁕ ꠇꠤꠘ꠆ꠔꠥꠇ ꠢꠃ ꠍꠃꠖꠤꠔ ꠎꠣꠁꠔꠦ ꠃ ꠍꠤꠟꠐꠤꠘ꠆ꠔꠞꠦ ꠎꠦꠎꠣꠔ ꠎꠥꠞ ꠎꠣꠝꠦꠟꠣꠔ ꠚꠞꠣ ꠟꠣꠉꠦ ⁕ ꠛꠣꠋꠟꠣꠖꠦꠡ ꠔꠘꠦ ꠍꠃꠖꠤꠞ ꠘꠣꠘꠣꠘ ꠡꠢꠞꠅ ꠎꠣꠁꠔꠦ ꠅꠁꠟꠦ ꠉꠣꠠꠤꠉꠥꠞꠣ, ꠐꠦꠁꠘ, ꠙꠤꠟꠦꠁꠘꠦ ꠓꠣꠈꠣ ꠇꠤ ꠍꠤꠐꠣꠉꠣꠋ ꠎꠣꠃꠀ ꠟꠣꠉꠦ ⁕ ꠅꠕꠍ ꠀꠝꠒꠣꠞ ꠍꠤꠟꠐ ꠃ ꠞꠁꠍꠦ ꠄꠉꠥ ꠖꠦꠡꠛꠤꠖꠦꠡꠤ ꠁꠀꠞꠙꠥꠐ ⁕ ꠡꠞꠣꠡꠞꠤ ꠚ꠆ꠟꠣꠁꠐ ꠘꠣ ꠕꠣꠈꠣꠄ ꠝꠣꠘꠡꠦ ꠎꠦꠎꠣꠔ ꠢꠦꠞꠣꠘꠤꠞ ꠝꠣꠏꠦ ꠚꠞꠦ ꠎꠦꠔꠣ ꠈꠛꠞ ꠖꠦꠈꠣ ꠎꠣꠄ ⁕ ꠝꠣꠘꠡꠦ ꠈꠄꠖꠤꠘ ꠝꠣꠔꠣꠝꠣꠔꠤ ꠈꠞꠤꠀ ꠛꠣꠖꠦ ꠡꠛꠔꠣ ꠢꠤꠞꠛꠣꠞ ꠘꠤꠞꠣꠁ ꠅꠁꠎꠣꠄ ⁕ ꠍꠃꠖꠤ ꠀꠞꠛꠞ ꠈꠖꠞ ꠎꠦꠝꠟꠣꠘ ꠚꠄꠡꠣꠈꠠꠤꠞ ꠟꠣꠉꠤ ꠞꠁꠍꠦ, ꠅꠝꠟꠣꠘ ꠝꠥꠝꠤꠘ-ꠝꠥꠍꠟꠝꠣꠘ ꠅꠈꠟꠞ ꠐꠣꠁꠘ ꠗꠞꠝꠤꠄ ꠄꠇꠤꠘꠞ ꠈꠣꠞꠘꠦꠅ ꠀꠍꠦ ⁕ ꠄꠞꠖꠣꠄ ꠢꠈꠟꠦꠅ ꠝꠇ꠆ꠇꠣ-ꠝꠖꠤꠘꠣꠔ ꠀꠇꠛꠞꠤ ꠢꠎ (ꠛꠠ ꠢꠎ) ꠅꠃꠇ ꠀꠞ ꠃꠝꠞꠣ ꠢꠎ ꠅꠃꠇ, ꠍꠙꠞꠞ ꠟꠣꠉꠤꠘ ꠡꠥꠎꠣ ꠡꠣꠚꠐꠣ ꠚꠕ ꠔꠥꠇꠣꠁꠘ ⁕
ꠅꠃꠔꠣ ꠈꠕꠣ ꠍꠤꠘ꠆ꠔꠣ ꠈꠞꠤꠀ ꠅꠃ ꠚꠄꠟꠣ ꠛꠣꠞꠇꠥ ꠍꠤꠟꠦꠐ ꠃꠍꠝꠣꠘꠤ ꠁꠘꠐꠣꠞꠘꠦꠡꠘꠣꠟ ꠁꠀꠞꠙꠥꠐ ꠔꠘꠦ ꠍꠃꠖꠤ ꠀꠞꠛꠞ ꠝꠖꠤꠘꠣꠔ ꠅꠈꠘ ꠔꠘꠦ ꠟꠣꠏꠣꠛꠤ ꠡꠞꠣꠡꠞꠤ ꠚ꠆ꠟꠣꠁꠐ ꠡꠥꠞꠥ ꠅꠁꠍꠦ ⁕ ꠉꠦꠍꠦ ꠛꠥꠗꠛꠣꠞ ꠢꠣꠁꠘꠏꠣꠛꠣꠟꠣ ꠡꠣꠠꠦ d ꠐꠣꠔ ꠛꠤꠝꠣꠘ ꠛꠣꠋꠟꠣꠖꠦꠡ ꠄꠀꠞ ꠟꠣꠁꠘ꠆ꠍꠞ ꠛꠤꠎꠤ-Γ৩V ꠚ꠆ꠟꠣꠁꠐ ꠅꠈꠐꠣ Γd☽ ꠎꠘ ꠎꠣꠔ꠆ꠞꠤ ꠟꠁꠀ ꠍꠤꠟꠐ ꠔꠘꠦ ꠎꠣꠄ ⁕
ꠄꠞꠣꠉꠦ Γ0ΓΓ ꠚꠤꠞꠣꠞ Γb ꠅꠇ꠆ꠐꠥꠛꠞ ꠍꠤꠟꠐ-ꠎꠦꠖ꠆ꠖꠣ ꠡꠞꠣꠡꠞꠤ ꠚ꠆ꠟꠣꠁꠐ ꠍꠣꠟꠥ ꠅꠄ ⁕ ꠎꠦꠖ꠆ꠖꠣꠔ ꠡꠞꠣꠡꠞꠤ ꠚ꠆ꠟꠣꠁꠐ ꠍꠣꠟꠥꠞ ꠛꠣꠖꠦ ꠝꠖꠤꠘꠣꠔꠅ ꠅꠟꠣꠘ ꠡꠞꠣꠡꠞꠤ ꠚ꠆ꠟꠣꠁꠐꠞ ꠟꠣꠉꠤ ꠖꠣꠛꠤ ꠎꠣꠘꠣꠁꠘ ꠐ꠆ꠞꠣꠜꠦꠟ꠆ꠍ ꠛꠦꠛꠡꠣꠁ ꠡꠢ ꠍꠃꠖꠤ ꠀꠞꠛ ꠙ꠆ꠞꠛꠣꠡꠤ ꠅꠈꠟꠦ ⁕ ꠅꠃ ꠉꠔꠤꠇꠦ ꠛꠥꠗꠛꠣꠞ ꠔꠘꠦ ꠡꠞꠣꠡꠞꠤ ꠚ꠆ꠟꠣꠁꠐ ꠍꠣꠟꠥ ꠈꠞꠦ ꠛꠣꠋꠟꠣꠖꠦꠡ ꠛꠤꠝꠣꠘꠦ ⁕ ꠅꠈꠘ ꠔꠘꠦ ꠚꠞꠔꠦꠈ ꠢꠣꠚꠔꠣꠞ ꠛꠥꠗꠛꠣꠞ ꠁ ꠚ꠆ꠟꠣꠁꠐ ꠁꠇꠣꠘ ꠅꠙꠣꠞꠦꠐ ꠈꠞꠣ ꠅꠁꠛ ꠈꠞꠤꠀ ꠎꠣꠘꠣꠁꠍꠂꠘ ꠟꠉꠞꠦꠞꠣ ⁕
ꠛꠣꠋꠟꠣꠖꠦꠡ ꠛꠤꠝꠣꠘꠞ ꠍꠤꠟꠐ ꠎꠤꠟꠣꠞ ꠔꠖꠣꠞꠈꠖꠣꠞ ꠛꠣꠖꠡꠣ ꠚꠣꠢꠣꠖꠞ ꠉꠦꠍ ꠔꠘꠦ ꠎꠣꠘꠣ ꠎꠣꠄ, ꠛꠤꠎꠤ-Γ৩V ꠚ꠆ꠟꠣꠁꠐ ꠁꠇꠐꠣ ꠓꠣꠈꠣ ꠔꠘꠦ 9b ꠎꠘ ꠎꠣꠔ꠆ꠞꠤ ꠟꠁꠀ ꠢꠣꠁꠘꠏꠣꠛꠣꠟꠣ d ꠐꠣ ꠛꠣꠄ ꠍꠤꠟꠐ ꠀꠄ ⁕ ꠛꠣꠖꠦ ꠍꠤꠟꠐꠞ ꠀꠞꠅ 1V1 ꠎꠘ ꠎꠣꠔ꠆ꠞꠤ ꠟꠁꠀ ꠡꠣꠠꠦ d ꠐꠣꠔ ꠍꠤꠟꠐ ꠔꠘꠦ ꠝꠖꠤꠘꠣꠞ ꠚꠕꠦ ꠛꠤꠝꠣꠘꠦ ꠞꠥꠀꠘꠣ ꠖꠦꠄ ⁕
ꠚ꠆ꠟꠣꠁꠐꠞ ꠀꠉꠦ ꠛꠤꠀꠟ ꠡꠣꠠꠦ b ꠐꠣꠔ ꠎꠣꠔ꠆ꠞꠤꠘ꠆ꠔꠞꠦ ꠟꠁꠀ ꠖꠥꠀ ꠀꠞ ꠈꠦꠉ ꠈꠣꠐꠤꠀ ꠀꠘꠥꠡ꠆ꠑꠣꠘꠤꠇꠔꠣ ꠡꠦꠡ ꠈꠞꠂꠘ ꠎꠤꠝ꠆ꠝꠣꠖꠣꠞꠤꠘ꠆ꠔꠦ ⁕ ꠁ ꠛꠣꠟꠣ ꠅꠍꠝꠣꠘꠤ ꠁꠀꠞꠙꠥꠐꠞ ꠍꠣꠟꠈꠖꠣꠞ ꠢꠣꠚꠤꠎ ꠀꠢꠝꠖ ꠡꠢ ꠍꠤꠟꠐꠞ ꠐ꠆ꠞꠣꠜꠦꠟ꠆ꠍ ꠛꠦꠛꠡꠣꠁꠘ ꠀꠎꠤꠞ ꠀꠍꠟꠣ ⁕
ꠡꠞꠣꠡꠞꠤ ꠚ꠆ꠟꠣꠁꠐꠞ ꠛꠦꠚꠣꠞ ꠢꠎ ꠄꠎꠦꠘ꠆ꠍꠤ’ꠍ ꠄꠍꠍꠤꠄꠡꠘ ꠅꠛ ꠛꠣꠋꠟꠣꠖꠦꠡ (ꠢꠣꠛ)-ꠅꠞ ꠍꠤꠟꠐ ꠅꠘ꠆ꠌꠟꠞ ꠌꠤꠀꠞꠝꠦꠘ ꠎꠢꠤꠞꠥꠟ ꠇꠛꠤꠞ ꠌꠃꠗꠥꠞꠤ ꠡꠤꠞꠥꠄ ꠈꠁꠘ, ꠀꠝꠒꠣꠞ ꠛꠣꠇ꠆ꠇꠣꠖꠤꠘꠞ ꠖꠣꠛꠤ ꠀꠍꠤꠟ ꠝꠖꠤꠘꠣꠔ ꠚ꠆ꠟꠣꠁꠐ ꠍꠣꠟꠥ ꠈꠞꠣ ⁕ ꠖꠣꠛꠤ ꠚꠥꠞꠘ ꠈꠞꠣꠄ ꠀꠝꠞꠣ ꠛꠤꠝꠣꠘꠞ ꠐꠣꠁꠘ ꠡꠥꠇꠞꠤꠀ ꠎꠣꠘꠣꠁꠞꠣꠝ ⁕
