শুরমা ফারর খবর ছিলটি জবানে ছিলটর খবর
Related Articles
ꠞꠣꠁꠔ ꠚꠥꠀꠁꠔꠦ ꠈꠔ ꠎꠣꠔꠞ ꠔꠤꠟꠤꠍꠝꠣꠔꠤ ꠈꠣꠘ꠆ꠒꠣꠁꠘ ꠊꠐ꠆ꠔ ꠕꠣꠈꠦ ꠀꠝꠞꠣꠞ ꠍꠣꠁꠞꠛꠣꠄ ⁕ ꠅꠟꠣꠘ ꠃ ꠄꠈ ꠀꠍꠝ꠆ꠛꠤꠔ ꠊꠐꠘꠣ ꠊꠐꠦ ꠟꠦꠐꠤꠘ ꠀꠝꠞꠤꠇꠣꠞ ꠖꠦꠡ ꠛ꠆ꠞꠣꠎꠤꠟꠞ ꠍꠣꠘ ꠎꠥꠍꠦ ꠘꠉꠞꠤꠕ ⁕ ꠀꠈꠔꠣ ꠄꠈ ꠛꠦꠐꠤꠞ ꠝꠞꠣ ꠟꠣꠡ ꠎꠤꠘ꠆ꠖꠣ ꠅꠁꠉꠦꠍ ꠈꠛꠞꠦ ꠘꠦꠐ ꠎꠥꠞꠤ ꠢꠣꠞꠣ ꠖꠥꠘꠤꠀꠔ ꠜꠣꠁꠞꠣꠟ ꠅꠁꠎꠣꠄ ⁕ ꠛ꠆ꠞꠣꠎꠤꠟꠞ ꠄꠈ ꠝꠞꠣ ꠛꠦꠐꠤꠞꠦ ꠖꠣꠚꠘ ꠖꠤꠛꠣꠞ ꠟꠣꠉꠤ ꠟꠣꠡꠞꠇꠥꠐꠣ ꠔꠘꠦ ꠀꠘꠣꠔ ꠉꠦꠍꠟꠣ ꠅꠃ ꠈꠣꠝ ꠈꠞꠞꠣ ꠅꠈꠟꠦ ⁕ ꠛꠣꠖꠦ ꠢꠘ ꠉꠤꠀ ꠘꠥ ꠔꠣꠞꠣ ꠔ ꠛꠘꠤ ꠎꠣꠄ ⁕ ꠀꠈꠔꠣ ꠖꠦꠈꠣ ꠎꠣꠄ ꠛꠦꠐꠤꠄ ꠖꠝ ꠘꠤꠞꠣ ⁕ ꠅꠈꠣꠘ ꠖꠦꠇꠤꠀ ꠟꠣꠡꠞꠇꠥꠐꠣ ꠔꠘꠦ ꠔꠣꠘꠞꠦ ꠍꠙ꠆ꠙꠣꠞꠤ ꠚꠣꠐꠣꠘꠤ ꠅꠄ ꠢꠍꠙꠤꠐꠣꠟ ⁕ ꠝꠞꠣ ꠉꠔ꠆ꠞ ꠚꠤꠞꠤꠀ ꠀꠁꠌ꠆ꠌꠦ ꠞꠥꠢ! ꠢꠥꠘꠔꠦꠅ ꠉꠣ ꠎꠣꠈꠞꠣꠝꠣꠞꠤ ꠃꠐꠦ ⁕ ꠁꠇꠣꠘ ꠢꠥꠘꠔꠦ ꠚꠁꠟ ꠀꠎꠉꠛꠤ ꠟꠣꠁꠉꠟꠦꠅ ꠊꠐꠘꠣ ꠁꠇꠣꠘ ꠢꠣꠍꠣꠞꠇꠥꠞ ꠊꠐꠍꠦ ꠛ꠆ꠞꠣꠎꠤꠟꠅ! ꠢꠍꠙꠤꠐꠣꠟꠞ ꠒꠣꠈꠔꠞ ꠅꠈꠟꠦ ꠉꠦꠍꠦ ꠝꠣꠡꠞ Γ☽ ꠘꠜꠦꠝ꠆ꠛꠞ ꠝꠞꠣ ꠈꠁꠀ ꠊꠥꠡꠘꠣ ꠖꠤꠍꠟꠣ 90 ꠛꠍꠞꠤ ꠛꠦꠐꠤ ꠘꠞꠝꠣ ꠍꠤꠟꠜꠦꠁꠞꠣ ꠖꠣ ꠍꠤꠟꠜꠣꠞꠦ (Norma Silveira da Silva) ⁕ ꠄꠞ ꠄꠈꠖꠤꠘ ꠀꠉꠦ ꠅꠞ꠆ꠔꠣꠔ Γb ꠘꠜꠦꠝ꠆ꠛꠞ ꠍꠤꠟꠜꠣꠞꠦ ꠜꠞꠔꠤ ꠈꠞꠣ ꠅꠁꠍꠤꠟ ꠒꠣꠈ꠆ꠔꠞ ⁕ ꠎꠣꠁꠅꠇ, ꠛꠣꠖꠦ ꠢꠡꠙꠤꠐꠣꠟꠞ ꠟꠣꠡꠞꠇꠥꠐꠣ ꠀꠞꠘꠣꠄ ꠝꠞ꠆ꠉ ꠞꠣꠈꠣ ꠅꠁꠍꠤꠟ ꠍꠤꠟꠜꠣꠞ ꠟꠣꠡ, ꠎꠦꠈꠣꠘꠅ ꠟꠣꠡ ꠈꠣꠐꠣ-ꠚꠣꠞꠣ ꠅꠄ ⁕ ꠄꠞ ꠛꠣꠖꠦ ꠟꠣꠡ ꠘꠦꠃꠞꠣ ꠅꠈꠟ ꠟꠣꠡ ꠖꠣꠚꠘꠞ ꠟꠣꠉꠤ ꠀꠁꠘ ꠅꠈꠣꠘ ⁕
ꠝꠞ꠆ꠉ ꠢꠣꠝꠣꠁꠀ ꠛꠥꠍꠇꠣ ꠇꠥꠟꠔꠦꠃ ꠚꠣꠟꠝꠣꠞꠤ ꠃꠐꠂꠘ ꠈꠞꠝꠤ ꠅꠈꠟꠦ! ꠔꠣꠞꠣ ꠖꠦꠈꠁꠘ ꠝꠞꠣ ꠛꠦꠐꠤꠞ ꠟꠣꠡꠦ ꠖꠝ ꠘꠦꠞ! ꠁꠇꠣꠘ ꠖꠦꠇꠤꠀ ꠚꠄꠟꠣ ꠔꠣꠞꠣ ꠒꠞꠣꠁꠟꠦꠅ ꠛꠣꠖꠦ ꠛꠥꠎꠤꠟꠔꠣ ꠚꠣꠞꠍꠂꠘ ꠛꠦꠐꠤ ꠀꠡꠟꠦ ꠝꠞꠣ ꠘꠣꠄ ⁕ ꠟꠉꠟꠉ ꠔꠣꠞꠣ ꠢꠤꠞꠛꠣꠞ ꠍꠤꠟꠜꠣꠞꠦ ꠢꠍꠙꠤꠐꠣꠟ ꠜꠞꠔꠤ ꠈꠞꠣꠘꠤꠔ ꠟꠁꠀ ꠎꠣꠁꠘꠘ ⁕ ꠡꠘꠤꠛꠣꠞꠇꠥ ꠞꠣꠁꠔ ꠔꠣꠘꠞꠦ ꠢꠍꠙꠤꠐꠣꠟ ꠜꠞ꠆ꠔꠤ ꠈꠞꠣ ꠅꠄ ⁕ ꠔꠄ ꠡꠝꠛꠣꠞꠇꠥ ꠒꠣꠈꠔꠞ ꠅꠈꠟꠦ ꠈꠁꠘ, ꠁ ꠛꠣꠞꠇꠥ ꠢꠣꠍꠣꠃ ꠝꠃꠔ ꠅꠁꠍꠦ ꠍꠤꠟꠜꠣꠞ ⁕
ꠍꠤꠟꠜꠣꠞ ꠡꠁ ꠎꠦꠍꠤꠇꠣ ꠝꠣꠞꠐꠤꠘ꠆ꠍ ꠍꠤꠟꠜꠤ ꠙꠦꠞꠦꠁꠞꠣꠄ ꠈꠁꠘ, Γ☽ ꠘꠜꠦꠝ꠆ꠛꠞ ꠝꠞꠣꠞ ꠚꠄꠟꠣ ꠍꠣꠞ꠆ꠐꠤꠚꠤꠇꠦꠐ ꠝꠥꠔꠣꠛꠦꠇ ꠡꠘꠤꠛꠣꠞ ꠞꠣꠁꠔ 11ꠐꠣ b0 ꠝꠤꠘꠤꠐꠅ ꠝꠃꠔ ꠅꠁꠍꠦ ꠍꠤꠟꠜꠣꠞ ⁕ ꠝꠥꠔꠘꠣꠟꠤꠞ ꠁꠘꠚꠦꠇꠡꠘ ꠔꠘꠦ ꠛꠥꠟꠦ ꠔꠣꠘ ꠝꠃꠔ ꠅꠁꠍꠦ ⁕
ꠔꠣꠁꠘ ꠢꠤꠞꠛꠣꠞ ꠈꠁꠘ, ꠞꠣꠁꠔ ꠖꠦꠠ ꠐꠣ ꠛꠣꠄ ꠈꠞꠝꠤ ꠅꠈꠟ ꠍꠤꠟꠜꠣꠞ ꠟꠣꠡ ꠘꠤꠛꠣꠞ ꠟꠣꠉꠤ ꠝꠞ꠆ꠉ ꠎꠣꠁꠘ⁕ ꠢꠤꠘ ꠉꠤꠀ ꠔꠣꠞꠣ ꠖꠦꠈꠁꠘ ꠍꠤꠟꠜꠣꠞ ꠉꠔ꠆ꠔꠞ ꠢꠦꠔꠥꠅ ꠉꠞꠝ ꠀꠞ ꠝꠥꠀ ꠅ ꠚꠣꠟꠣꠁꠞꠣ ⁕ ꠛꠣꠖꠦ ꠔꠣꠞꠣ ꠍꠤꠟꠜꠣꠞꠦ ꠒꠣꠈ꠆ꠔꠞꠅ ꠘꠤꠟꠦꠅ ꠀꠞ ꠡꠦꠡ ꠞꠇ꠆ꠇꠣ ꠅꠄ ꠘꠣ ⁕ ꠢꠦꠡꠝꠦꠡ ꠢꠣꠍꠣ ꠅ ꠖꠥꠁꠖꠤꠘ ꠛꠣꠖꠦ ꠡꠝꠛꠣꠞ ꠝꠃꠔ ꠅꠁꠍꠦ ꠔꠣꠘ ⁕
