Breaking News
Home / ꠖꠦꠡꠞ ꠈꠛꠞ / ꠍꠣꠟꠥ ꠅꠁꠟ ꠟꠣꠖꠣꠛꠤ ꠍꠤꠟꠐ-ꠎꠦꠖ꠆ꠖꠣ ꠡꠞꠣꠡꠞꠤ ꠚ꠆ꠟꠣꠁꠐ

ꠍꠣꠟꠥ ꠅꠁꠟ ꠟꠣꠖꠣꠛꠤ ꠍꠤꠟꠐ-ꠎꠦꠖ꠆ꠖꠣ ꠡꠞꠣꠡꠞꠤ ꠚ꠆ꠟꠣꠁꠐ

ꠍꠤꠟꠦꠐ ꠃꠍꠝꠣꠘꠤ ꠁꠘꠐꠣꠞꠘꠦꠡꠘꠣꠟ ꠁꠀꠞꠙꠥꠐ ꠔꠘꠦ ꠅꠃ ꠚꠄꠟꠣ ꠛꠣꠞꠇꠥꠞ ꠝꠔꠘ ꠍꠃꠖꠤ ꠀꠞꠛꠞ ꠎꠦꠖ꠆ꠖꠣꠔ ꠈꠣꠘ꠆ꠖꠣꠁꠝꠣ ꠡꠞꠣꠡꠞꠤ ꠚ꠆ꠟꠣꠁꠐ ꠡꠥꠞꠥ ꠅꠁꠍꠦ ⁕ ꠁ ꠚꠤꠞꠣꠞ Γb ꠅꠇ꠆ꠐꠥꠛꠞ ꠔꠘꠦ ꠟꠣꠖꠣꠛꠤ ꠍꠤꠟꠐ-ꠎꠦꠖ꠆ꠖꠣ ꠞꠥꠐꠅ (ZYL – JED) ꠡꠞꠣꠡꠞꠤ ꠚ꠆ꠟꠣꠁꠐ ꠁꠇꠐꠣ ꠍꠟꠛ ꠈꠞꠤ ꠎꠣꠘꠣꠁꠍꠦ ꠛꠤꠝꠣꠘ ꠛꠣꠋꠟꠣꠖꠦꠡ ꠁꠀꠞꠟꠣꠁꠘ꠆ꠍꠦ ⁕ ꠉꠦꠍꠦ ꠡꠝꠛꠣꠞ ꠢꠣꠁꠘꠏꠣꠛꠣꠟꠣ dꠐꠣ b☽ ꠝꠤꠘꠤꠐ ꠛꠤꠝꠣꠘ ꠛꠣꠋꠟꠣꠖꠦꠡ ꠄꠀꠞ ꠟꠣꠁꠘ꠆ꠍꠞ ꠛꠤꠎꠤ-Γ৩☽ ꠚ꠆ꠟꠣꠁꠐ ꠅꠈꠐꠣ ꠍꠤꠟꠐ ꠔꠘꠦ Γb1 ꠎꠘ ꠡꠢ b1☽ ꠎꠘ ꠎꠣꠔ꠆ꠞꠤ ꠟꠁꠀ ꠡꠞꠣꠡꠞꠤ ꠎꠦꠖ꠆ꠖꠣꠞ ꠃꠖ꠆ꠖꠦꠡ꠆ꠡꠦ ꠎꠣꠔ꠆ꠞꠣ ꠈꠞꠦ ⁕ ꠄꠞ ꠀꠉꠦ ꠖꠥꠀ ꠝꠣꠢꠚꠤꠟꠞ ꠁꠘꠔꠦꠎꠣꠝ ꠈꠞꠍꠤꠟ ꠛꠤꠝꠣꠘꠞ ꠎꠤꠝ꠆ꠝꠣꠖꠣꠞ ꠅꠈꠟꠦ ⁕

ꠅꠍꠝꠣꠘꠤ ꠁꠀꠞꠙꠥꠐꠞ ꠔꠖꠣꠞꠈꠖꠣꠞ ꠢꠣꠚꠤꠎ ꠀꠢꠝꠖꠦ ꠡꠝꠇꠣꠟꠞꠦ ꠎꠣꠘꠣꠁꠘ, ꠅꠈꠘ ꠔꠘꠦ ꠚꠞꠔꠦꠈ ꠢꠣꠚꠔꠣꠞ ꠡꠝꠛꠣꠞꠇꠥ ꠍꠤꠟꠐ ꠅꠍꠝꠣꠘꠤ ꠁꠘꠐꠣꠞꠘꠦꠡꠘꠣꠟ ꠁꠀꠞꠙꠥꠐ ꠔꠘꠦ ꠍꠃꠖꠤ ꠀꠞꠛꠞ ꠎꠦꠖ꠆ꠖꠣꠞ ꠃꠖ꠆ꠖꠂꠡ꠆ꠡꠦ ꠛꠣꠋꠟꠣꠖꠦꠡ ꠛꠤꠝꠣꠘꠞ ꠡꠞꠣꠡꠞꠤ ꠚ꠆ꠟꠣꠁꠐ ꠎꠣꠁꠛ ⁕ ꠎꠥꠖꠤꠘꠅ ꠚꠞꠔꠦꠈ ꠚꠤꠞꠣ ꠢꠎ ꠃꠚꠟꠇ꠆ꠇꠦ ꠍꠤꠟꠐ ꠔꠣꠇꠤ ꠈꠏꠣꠛꠤꠟꠟꠣ ꠚ꠆ꠟꠣꠁꠐ ꠍꠣꠟꠥ ꠀꠍꠤꠟ ⁕ ꠄꠈꠘ ꠕꠦꠇꠦ ꠘꠤꠅꠝꠤꠔ ꠎꠦꠖ꠆ꠖꠣꠅ ꠡꠞꠣꠡꠞꠤ ꠚ꠆ꠟꠣꠁꠐ ꠙꠞꠤꠌꠣꠟꠘꠣ ꠇꠞꠣ ꠢꠛꠦ⁕

ꠁꠀꠞꠙꠥꠐꠞ ꠟꠉꠞ-ꠁꠡ꠆ꠐꠦꠡꠘ ꠝꠦꠘꠦꠎꠣꠞ ꠡꠣꠇꠤꠟ ꠀꠢꠝꠦꠖ ꠡꠝꠇꠣꠟꠞꠦ ꠎꠣꠘꠣꠁꠘ, ꠛꠣꠋꠟꠣꠖꠦꠡ ꠛꠤꠝꠣꠘꠞ ꠄꠉꠥ (ꠛꠤꠎꠤ-Γ৩☽) ꠚ꠆ꠟꠣꠁꠐ ꠞꠁꠛꠣꠞ ꠛꠤꠀꠟꠦ ꠡꠣꠢꠎꠣꠟꠣꠟ ꠁꠘꠐꠣꠞꠘꠦꠡꠘꠣꠟ ꠁꠀꠞꠙꠥꠐ ꠔꠘꠦ ꠅꠍꠝꠣꠘꠤ ꠁꠘꠐꠣꠞꠘꠦꠡꠘꠣꠟ ꠁꠀꠞꠙꠥꠐ ꠀꠁꠀ ꠟꠣꠝꠦ ⁕ ꠛꠣꠖꠦ ꠀꠘꠥꠡ꠆ꠑꠣꠘꠤꠇꠔꠣ ꠡꠦꠡꠈꠞꠤꠀ ꠡꠝꠛꠣꠞ ꠢꠣꠁꠘꠏꠣꠛꠣꠟꠣ dꠐꠣ b☽ ꠝꠤꠘꠤꠐ ꠎꠦꠖ꠆ꠖꠣꠞ ꠃꠖ꠆ꠖꠦꠡ꠆ꠡꠦ ꠛꠤꠝꠣꠘ ꠁꠇꠐꠣ ꠍꠣꠠꠦ ⁕ ꠙꠤꠟꠦꠁꠘꠅ ꠎꠦꠖ꠆ꠖꠣꠉꠣꠝꠤ ꠍꠤꠟꠐꠞ Γb1 ꠎꠘ ꠀꠞ ꠓꠣꠈꠣꠞ 1Vb ꠎꠘ ꠎꠣꠔ꠆ꠞꠤ ꠀꠍꠟꠣ ⁕

Rate this post

About Abu Sayeed

ꠝꠥꠁ ꠀꠛꠥ ꠍꠣꠁꠖ, ꠡꠥꠞꠝꠣ ꠚꠣꠞꠞ ꠈꠛꠞ ꠅꠄꠛꠍꠣꠁꠐꠞ ꠍꠣꠚꠣꠃꠞꠣ⁕ ꠛꠣꠋꠟꠣ ꠀꠞ ꠁꠋꠟꠤꠡ ꠚꠔꠞꠤꠇꠣꠁꠘ꠆ꠔ ꠟꠦꠈꠣꠟꠦꠇꠤꠞ ꠅꠜꠤꠉ꠆ꠉꠔꠣ ꠔꠘꠦ ꠝꠞ ꠝꠣꠁꠅꠞꠝꠣꠔ ꠍꠤꠟꠐꠤꠔꠦꠅ ꠟꠦꠈꠣꠞ ꠔꠣꠉꠤꠖ ꠛꠥꠗ ꠈꠞꠤ⁕ ꠅꠘꠟꠣꠁꠘꠅ ꠍꠤꠟꠐꠤ ꠅꠈꠟꠞ ꠟꠣꠉꠤ ꠝꠣꠉꠘꠣ ꠢꠤꠇꠣꠞ ꠟꠣꠈ ꠏꠤꠘꠤꠡ ꠛꠤꠡꠦꠡ ꠈꠞꠤ ꠍꠤꠟꠐꠤꠘ꠆ꠔꠞ ꠁꠔꠤꠀꠡ, ꠞꠍꠝ, ꠈꠣꠘꠤꠛꠘꠤ, ꠡꠣꠁꠔ꠆ꠔ ꠡꠛꠞ ꠀꠔ ꠀꠔ ꠚꠃꠍꠣꠘꠤꠞ ꠈꠣꠝ ꠈꠞꠞꠣꠝ, ꠏꠣꠔꠦ ꠁꠔꠣ ꠈꠣꠟꠤ ꠉꠛꠦꠡꠇ ꠅꠈꠟꠞ ꠐꠣꠁꠘ ꠘꠣ ꠕꠣꠇꠤꠀ ꠢꠈꠟꠞ ꠀꠔꠅ ꠉꠤꠀ ꠔꠣꠘ ꠚꠣꠄ⁕ ꠁꠔꠣ ꠖꠦꠇꠤꠀ ꠀꠞꠅ ꠝꠣꠘꠥꠡꠣꠁꠘ ꠀꠉꠥꠀꠁꠀ ꠀꠁꠘ⁕ ꠟꠉꠦ ꠕꠣꠈꠣꠞ ꠀꠞ ꠚꠣꠄꠚꠞꠣꠝꠤꠡ ꠖꠤꠀ ꠡꠣꠖ ꠖꠤꠛꠣꠞ ꠟꠣꠉꠤ ꠡꠛꠞꠦ ꠡꠥꠇꠥꠞ⁕

Check Also

ꠄꠘ꠆ꠒꠤꠀꠞ ꠛꠒꠣꠞꠞ ꠜꠤꠔꠞꠦ ꠚꠞꠤ ꠕꠣꠈꠣ ꠛꠣꠋꠟꠣꠖꠦꠡꠤ ꠚꠥꠀ ꠝꠣꠍꠥꠝ ꠀꠢꠝꠖꠞ (1☽) ꠟꠣꠡ ꠉꠍꠣꠘꠤ

ꠍꠤꠟꠐꠞ ꠈꠣꠘꠣꠁꠊꠣꠐ ꠃꠚꠎꠤꠟꠣꠞ ꠟꠣꠉꠣ ꠄꠘ꠆ꠒꠤꠀꠞ ꠛꠒꠣꠞꠞ ꠜꠤꠔꠞꠦ ꠚꠞꠤ ꠕꠣꠈꠣ ꠛꠣꠋꠟꠣꠖꠦꠡꠤ ꠡꠤꠀꠘ ꠚꠥꠀ ꠝꠣꠍꠥꠝ ꠀꠢꠝꠖꠞ (1☽) …