ꠍꠤꠟꠐ ꠘꠉꠞꠤꠞ ꠃꠍꠝꠣꠘꠤ ꠝꠦꠒꠤꠇꠦꠟ ꠇꠟꠦꠎ ꠀꠡꠚꠣꠔꠣꠟꠞ ꠢꠋꠇꠦ ꠞꠦꠡ꠆ꠐꠥꠞꠦꠘ꠆ꠐ ꠄꠉꠥꠔ ꠢꠣꠝꠟꠣ ꠈꠞꠦ ꠈꠈꠉꠥ ꠏꠣꠘ꠆ꠒꠥꠝꠣꠟꠦ ⁕ ꠁ ꠛꠣꠟꠣ ꠈꠣꠟꠤ ꠞꠦꠡ꠆ꠐꠥꠞꠦꠘ꠆ꠐ ꠁꠉꠥ ꠁꠔꠣꠄ ꠜꠣꠋꠉꠤꠀꠞꠤꠋꠉꠤꠀ ꠞꠣꠈꠦ ꠘꠣ, ꠟꠉꠦꠟꠉꠦ ꠞꠦꠡ꠆ꠐꠥꠞꠦꠘ꠆ꠐꠞ ꠝꠣꠟꠤꠇ ꠞꠣꠎꠤꠛ ꠇꠥꠝꠣꠞ ꠖꠦ ꠞꠣꠎꠥꠞꠦꠅ ꠚꠤꠐꠤꠀ ꠎꠈꠝꠤꠀ ꠈꠞꠤꠟꠣꠄ ⁕ ꠉꠦꠍꠦ ꠡꠥꠇ꠆ꠇꠥꠞꠛꠣꠞ (1☽ꠁ ꠝꠣꠞ꠆ꠌ) ꠢꠣꠁꠘ꠆ꠏꠣꠛꠣꠄ ꠁꠍꠔꠣꠞꠞ ꠀꠉ ꠝꠣꠘꠦ ꠃꠍꠝꠣꠘꠤ ꠀꠡꠚꠣꠔꠣꠟꠞ ꠄꠈ ꠟꠝ꠆ꠛꠞ ꠉꠦꠐꠤꠞ ꠍꠣꠝꠘꠦ ‘ꠔꠤꠘꠜꠣꠁ ꠞꠦꠡ꠆ꠐꠥꠞꠦꠘ꠆ꠐ’ ꠁ ꠢꠣꠝꠟꠣꠞ ꠊꠐꠘꠣ ꠊꠐꠦ ⁕ ꠛꠣꠖꠦ ꠛꠦꠡꠦꠛꠣ ꠎꠈꠝ ꠅꠃꠀ ꠞꠣꠎꠥꠞꠦ ꠃꠍꠝꠣꠘꠤ ꠝꠦꠒꠤꠇꠦꠟ ꠇꠟꠦꠎ ꠀꠡꠚꠣꠔꠣꠟ ꠜꠞ꠆ꠔꠤ ꠈꠞꠣ ꠅꠄ ⁕
ꠞꠦꠡ꠆ꠐꠥꠞꠦꠘ꠆ꠐꠞ ꠟꠉ꠆ꠉꠤ ꠅꠈꠟꠦ ꠟꠤꠝ ꠖꠦꠁꠘ, ꠖꠤꠘꠞꠛꠣꠟꠣ ꠇꠥꠀꠁꠀ ꠞꠣꠈꠛꠣꠞ ꠖꠣꠄ ꠖꠥꠁꠖꠤꠘ ꠀꠉꠦ ꠈꠈꠉꠥ ꠍꠣꠔ꠆ꠞꠟꠤꠉꠞ ꠈꠞ꠆ꠝꠤꠘ ꠞꠦꠡ꠆ꠐꠥꠞꠦꠡ꠆ꠐ ꠀꠁꠀ ꠝꠣꠟꠤꠇ ꠞꠣꠎꠥꠞꠦ ꠢꠣꠖꠣꠄ ꠀꠞ ꠍꠣꠘ꠆ꠖꠣ ꠖꠣꠛꠤ ꠈꠞꠦ ⁕ ꠇꠤꠘ꠆ꠔꠥꠇ ꠔꠣꠁꠘ ꠍꠣꠘ꠆ꠖꠣ ꠖꠤꠔꠣ ꠈꠞꠤꠀ ꠞꠣꠎꠤ ꠅꠁꠘ ꠘꠣ ⁕ ꠛꠣꠖꠦ ꠉꠦꠍꠦꠈꠣꠁꠟ ꠢꠣꠁꠘ꠆ꠏꠣꠔ ꠔꠣꠞꠣ ꠢꠤꠞꠛꠣꠞ ꠞꠦꠡ꠆ꠐꠥꠞꠦꠘ꠆ꠐ ꠀꠁꠀ ꠈꠄ ‘ꠁꠘ꠆ꠖꠥ ꠢꠥꠐꠦꠟ ꠁꠍꠔꠣꠞꠤ ꠛꠦꠍꠣ ꠎꠣꠁꠔ ꠘꠣꠄ ⁕’ ꠞꠣꠎꠥꠄ ꠁꠔꠣꠞ ꠚꠔꠤꠛꠣꠖ ꠈꠞꠟꠦ ꠔꠣꠞꠣ ꠖꠦꠡꠤ ꠅꠡ꠆ꠞ ꠟꠁꠀ ꠞꠦꠡ꠆ꠐꠥꠞꠦꠘ꠆ꠐ ꠢꠣꠝꠟꠣ ꠀꠞ ꠜꠣꠋꠉꠤꠀꠞꠤꠋꠉꠤꠀ ꠞꠣꠈꠦ ꠘꠣ ! ꠀꠈꠐꠣꠘꠤꠔ ꠉꠦꠟꠦ ꠞꠦꠡ꠆ꠐꠦꠥꠞꠦꠘ꠆ꠐꠞ ꠈꠣꠝꠈꠞ꠆ꠞꠣꠞꠦ ꠝꠣꠁꠞꠗꠂꠞ ꠈꠞꠦ ꠡꠘ꠆ꠒꠣꠁꠘ꠆ꠔꠦ ⁕
ꠍ꠆ꠞꠤꠎꠘ ꠖꠣꠡ ꠘꠣꠝꠞ ꠄꠈꠎꠘꠦ ꠔꠣꠘ ꠚꠦꠍꠛꠥꠇ ꠀꠁꠒꠤꠔ ꠟꠤꠝ ꠖꠦꠁꠘ, ‘ꠍꠤꠟꠐ ꠝꠢꠣꠘꠉꠞꠤꠞ ꠝꠦꠒꠤꠇꠦꠟ ꠞꠃꠒꠞ ꠔꠤꠘ ꠜꠣꠁ ꠞꠦꠡ꠆ꠐꠥꠞꠦꠘ꠆ꠐ ꠘꠣꠝꠞ ꠄꠉꠥ ꠁꠘ꠆ꠖꠥ ꠝꠣꠟꠤꠇꠣꠘꠣꠞ ꠞꠦꠡ꠆ꠐꠥꠞꠦꠘ꠆ꠐꠅ ꠢꠣꠝꠟꠣ ꠈꠞꠦ ꠕꠣꠘꠤꠅ ꠍꠣꠔ꠆ꠞꠟꠤꠉꠞ ꠈꠞ꠆ꠝꠤꠘ꠆ꠔꠦ ⁕ ꠁ ꠛꠣꠟꠣ ꠢꠥꠐꠦꠟꠞ ꠝꠣꠟꠤꠇ ꠡꠢ ꠈꠝꠍꠦ ꠍꠄ ꠎꠘ ꠎꠈꠝ ꠅꠁꠘ ⁕ ꠡꠥꠇ꠆ꠇꠥꠞꠛꠣꠞ (1☽ꠁ ꠝꠣꠞ꠆ꠌ) ꠁꠍꠔꠣꠞꠞ ꠀꠉ ꠈꠣꠘꠔꠣꠔ ꠁ ꠊꠐꠘꠣꠈꠣꠘ ꠊꠐꠦ ⁕’
ꠔꠣꠁꠘ ꠀꠞꠅ ꠎꠣꠘꠣꠁꠘ, ‘ꠎꠣꠘꠣ ꠉꠦꠍꠦ, ꠞꠝꠏꠣꠘꠅ ꠅꠝꠥꠍꠟꠤꠝꠞ ꠟꠣꠉꠤ ꠖꠤꠘꠞ ꠛꠣꠟꠣ ꠞꠦꠡ꠆ꠐꠥꠞꠦꠘ꠆ꠐ ꠇꠥꠀꠁꠀ ꠞꠣꠈꠔꠣ ꠈꠣꠎꠟꠡꠣꠢ ꠄꠟꠣꠇꠣꠞ ꠔꠤꠘ ꠜꠣꠁ ꠞꠦꠡ꠆ꠐꠥꠞꠦꠘ꠆ꠐ ꠘꠣꠝꠞ ꠄꠉꠥ ꠁꠘ꠆ꠖꠥ ꠝꠣꠟꠤꠇꠣ ꠞꠣꠎꠤꠛ ꠇꠥꠝꠣꠞ ꠖꠦꠛ ⁕ ꠉꠦꠍꠦ ꠛꠥꠗꠛꠣꠞꠇꠥ ꠕꠣꠘꠤꠅ ꠛꠈꠣꠐꠦ ꠍꠥꠢꠦꠟ ꠀꠢꠍꠣꠘ ꠡꠤꠢꠣꠛꠞ ꠢꠥꠇꠥꠝꠦ ꠕꠣꠘꠤꠅ ꠈꠈꠉꠥ ꠍꠣꠔ꠆ꠞꠟꠤꠉꠞ ꠈꠞ꠆ꠝꠤꠘ꠆ꠔꠦ ꠖꠤꠘꠞ ꠛꠣꠟꠣ ꠞꠦꠡ꠆ꠐꠥꠞꠦꠘ꠆ꠐ ꠇꠥꠀꠁꠀ ꠞꠣꠈꠟꠦ ꠔꠣꠞꠣꠞꠦ ꠍꠣꠘ꠆ꠖꠣ ꠖꠦꠃꠀ ꠟꠣꠉꠛ ꠈꠞꠤꠀ ꠉꠥꠘ꠆ꠒꠤꠀ ꠎꠣꠄ ⁕ ꠇꠤꠘ꠆ꠔꠥꠇ ꠛꠃꠔ ꠖꠤꠘ ꠗꠞꠤ ꠁ ꠄꠟꠣꠇꠣꠔ ꠛꠦꠛꠡꠣ ꠍꠣꠟꠣꠁꠀ ꠎꠣꠃꠞꠣ ꠞꠣꠎꠤꠛ ꠇꠥꠝꠣꠞ ꠖꠦꠛꠦ ꠍꠣꠘ꠆ꠖꠣ ꠖꠤꠔꠣ ꠘꠣꠄ ꠈꠁꠀ ꠘꠣꠞꠣꠎꠤ ꠖꠦꠈꠣꠁꠘ ⁕’
ꠁ ꠛꠦꠚꠣꠞꠦ ꠇꠔꠥꠀꠟꠤ ꠝꠒꠦꠟ ꠕꠣꠘꠣꠞ ꠖꠣꠁꠔ꠆ꠔꠞꠔ ꠍꠣꠈꠞꠤꠀꠘ ꠝꠥꠢꠣꠝ꠆ꠝꠖ ꠝꠣꠁꠘꠥꠖ꠆ꠖꠤꠘ ꠡꠤꠙꠘꠦ ꠈꠁꠘ, ꠢꠣꠝꠟꠣ ꠁꠇꠣꠘ ꠇꠤꠅꠞ ꠖꠣꠄ ꠅꠁꠍꠦ ꠎꠣꠘꠣ ꠘꠣꠁ ⁕ ꠔꠄ, ꠢꠣꠝꠟꠣꠞ ꠈꠛꠞ ꠚꠣꠁꠀ ꠚꠥꠟꠤꠡ ꠊꠐꠘꠣꠞꠎꠦꠉꠣ ꠖꠦꠈꠦ ꠉꠤꠀ ⁕ ꠅꠈꠘꠤꠝꠣ ꠁꠔꠣ ꠟꠁꠀ ꠇꠥꠘꠥ ꠘꠣꠟꠤꠡ ꠝꠤꠟ꠆ꠌꠦ ꠘꠣ ⁕ ꠘꠣꠟꠤꠡ ꠚꠣꠁꠟꠦ ꠎꠥꠁꠔꠦꠎꠣꠟꠣꠄ ꠇꠥꠘꠔꠣ ꠈꠞꠛꠣ ꠈꠞꠤꠀꠅ ꠔꠣꠁꠘ ꠎꠣꠘꠣꠁꠘ ⁕