Home / ꠖꠦꠡꠞ ꠈꠛꠞ / ꠒꠣ. ꠞꠣꠄꠢꠣꠘ ꠡꠞꠤꠚꠞꠦ ꠄꠈꠔꠤꠛꠂꠟꠤ ꠛꠞꠈꠣꠍ꠆ꠔ

ꠒꠣ. ꠞꠣꠄꠢꠣꠘ ꠡꠞꠤꠚꠞꠦ ꠄꠈꠔꠤꠛꠂꠟꠤ ꠛꠞꠈꠣꠍ꠆ꠔ

ꠒꠣ. ꠞꠣꠄꠢꠣꠘ ꠡꠞꠤꠚꠞ ©ꠔꠥꠛꠣꠁꠟ

ꠡꠤꠞꠣꠎꠉꠂꠘ꠆ꠎ ꠡꠢꠤꠖ ꠄꠝ ꠝꠘꠍꠥꠞ ꠀꠟꠤ ꠝꠦꠒꠤꠇꠦꠟ ꠇꠟꠦꠎꠞ ꠇꠦꠟꠣꠍꠅ ꠚꠞꠥꠀꠞꠦ ꠉꠥꠟ꠆ꠟꠤ ꠈꠞꠣꠞ ꠊꠐꠘꠣꠄ ꠖꠥꠡꠚꠞ꠆ꠞꠣ ꠇꠝꠤꠃꠘꠤꠐꠤ ꠝꠦꠒꠤꠍꠤꠘ ꠒꠤꠙꠣꠞ꠆ꠐꠝꠦꠘ꠆ꠐꠞ ꠝꠣꠡ꠆ꠐꠞ ꠒꠣ. ꠞꠣꠄꠢꠣꠘ ꠡꠞꠤꠚꠞꠦ ꠄꠈꠔꠤꠛꠂꠟꠤ ꠛꠞꠈꠣꠍ꠆ꠔ ꠈꠞꠍꠦ ꠡꠣꠁꠡ꠆ꠕ꠆ ꠒꠤꠙꠣꠞ꠆ꠐꠝꠦꠘ꠆ꠐꠦ ⁕

ꠛꠥꠗꠛꠣꠞ (b ꠝꠣꠞ꠆ꠌ) ꠖꠥꠁꠚꠞꠅ ꠙꠦꠍꠤꠒꠦꠘ꠆ꠐꠞ ꠢꠥꠇꠥꠝ ꠝꠣꠞꠚꠔ ꠒꠤꠙꠣꠞ꠆ꠐꠝꠦꠘ꠆ꠐꠦ ꠄꠈ ꠖꠚꠔꠞꠤ ꠢꠥꠇꠥꠝꠎꠣꠞꠤ ꠈꠞꠤꠀ ꠁ ꠈꠛꠞ ꠎꠣꠘꠣꠄ ⁕

ꠎꠣꠘꠣ ꠉꠦꠍꠦ, ꠡꠤꠞꠣꠎꠉꠂꠘ꠆ꠎ ꠡꠢꠤꠖ ꠄꠝ ꠝꠘꠍꠥꠞ ꠀꠟꠤ ꠝꠦꠒꠤꠇꠦꠟ ꠇꠟꠦꠎꠞ ꠉꠥꠟ꠆ꠟꠤꠈꠣꠃꠞꠣ ꠚꠞꠥꠀ ꠀꠞꠣꠚꠣꠔ ꠀꠝꠤꠘ ꠔꠝꠣꠟ ꠛꠉꠥꠠꠣ ꠡꠖꠞ ꠃꠚꠎꠤꠟꠣꠞ ꠘꠣꠐꠣꠁꠚꠣꠠꠣ ꠗꠣꠘꠡꠤꠠꠤ ꠝꠢꠟ꠆ꠟꠣꠞ ꠚꠦꠘꠡꠘꠚꠣꠃꠞꠣ ꠀꠞ꠆ꠝꠤ ꠀꠛ꠆ꠖꠥꠟ꠆ꠟꠣꠢ ꠀꠟ ꠀꠝꠤꠘꠞ ꠚꠥꠀ ⁕ ꠀꠞꠛꠣꠄ, ꠛꠤꠍꠤꠄꠍ ৩9ꠔꠝ ꠛꠦꠌꠞ ꠒꠣꠈ꠆ꠔꠞ, ꠝꠦꠒꠤꠇꠦꠟ ꠇꠟꠦꠎꠞ ꠇꠝꠤꠃꠘꠤꠐꠤ ꠝꠦꠒꠤꠍꠤꠘ ꠛꠤꠜꠣꠉꠞ ꠒꠣꠈ꠆ꠔꠞ ꠞꠣꠄꠢꠣꠘ ꠡꠞꠤꠚ ꠡꠤꠞꠣꠎꠉꠂꠘ꠆ꠎ ꠡꠞꠈꠣꠞꠤ ꠇꠟꠦꠎꠞ ꠀꠉꠞ ꠙ꠆ꠞꠚꠦꠍꠣꠞ ꠀꠛ꠆ꠖꠥꠞ ꠞꠣꠎ꠆ꠎꠣꠇꠞ ꠚꠥꠀ ⁕

ꠚꠤꠍ꠆ꠔꠟ ꠀꠔꠅ ꠒꠣ. ꠞꠣꠄꠢꠣꠘ ꠡꠞꠤꠚ। ©ꠔꠥꠛꠣꠁꠟ

ꠈꠛꠞ ꠁꠇꠣꠘ ꠞꠣꠔꠣꠞꠣꠔꠤ ꠢꠣꠞꠣꠖꠦꠡ ꠎꠥꠞꠤ ꠜꠣꠁꠞꠣꠟ ꠅꠁꠎꠣꠄ ⁕ ꠛꠣꠖꠦ ꠎꠣꠘꠣ ꠎꠣꠄ ꠄꠁꠘ ꠞꠣꠎꠡꠣꠢꠤ ꠝꠦꠒꠤꠇꠦꠟ ꠇꠟꠦꠎ ꠍꠣꠔ꠆ꠞꠟꠤꠉꠞ ꠀꠉꠞ ꠡꠢ-ꠡꠜꠣꠚꠔꠤ ⁕ ꠍꠣꠔ꠆ꠞꠎꠛꠣꠘꠣ ꠔꠘꠦ ꠛꠥꠟꠦ ꠔꠣꠁꠘ ꠚꠤꠍ꠆ꠔꠟ ꠟꠁꠀ ꠍꠇ꠆ꠇꠞ ꠍꠣꠇ꠆ꠇꠞ ꠖꠤꠔꠣ ⁕ ꠅꠖ꠆ꠖꠤꠘ ꠒꠞꠣꠁꠀ ꠛꠥꠇ ꠛꠘ꠆ꠗ ꠞꠣꠈꠣ ꠡꠢꠤꠖ ꠄꠝ ꠝꠘꠍꠥꠞ ꠀꠟꠤ ꠝꠦꠒꠤꠇꠦꠟ ꠇꠟꠦꠎꠞ ꠚꠞꠥꠀꠁꠘ꠆ꠔꠦ ꠟꠤꠝ ꠖꠦꠁꠘ ꠔꠣꠁꠘ ꠛꠥꠟꠦ ꠇꠦꠟꠣꠍꠅ ꠛꠘ꠆ꠖꠥꠇ ꠟꠁꠀ ꠀꠁꠔꠣ, ꠀꠞ ꠅꠟꠣꠘ ꠛꠘ꠆ꠖꠥꠇ ꠖꠤꠀ ꠢꠥꠝꠇꠤ ꠗꠣꠝꠇꠤ ꠖꠤꠔꠣ ⁕ ꠄꠞꠟꠉꠦ ꠄꠝꠘꠦ ꠝꠣꠘꠡꠦꠅ ꠔꠣꠘ ꠞꠣꠍ꠆ꠔꠣꠊꠣꠐꠅ ꠝꠍ꠆ꠔꠣꠘꠤ ꠈꠞꠣ ꠀꠞꠅ ꠍꠛꠤꠘ ꠍꠣꠞꠔꠣ ꠕꠣꠈꠘ ⁕ ꠎꠦꠘꠅ ꠢꠣꠍꠣꠞ ꠛꠥꠟ ꠢꠣꠍꠣ ꠖꠦꠈꠣ ꠎꠣꠄ ꠄꠁꠘ ꠛꠣꠍꠞ ꠜꠤꠔꠞꠦ ꠛꠘ꠆ꠖꠥꠇ ꠗꠞꠤꠀ ꠀꠍꠂꠘ ⁕

ꠞꠣꠄꠢꠣꠘ ꠡꠞꠤꠚꠞ ꠉꠦꠍꠔꠘꠦ ꠃꠖ꠆ꠖꠣꠞ ꠈꠞꠣ ꠅꠍ꠆ꠞ। ©ꠔꠥꠛꠣꠁꠟ

ꠊꠐꠘꠣꠞ ꠛꠣꠖꠦ ꠞꠣꠄꠢꠣꠘ ꠡꠞꠤꠚꠞ ꠛꠤꠞꠥꠖ꠆ꠖꠦ ꠀꠟꠉꠣ ꠖꠥꠉꠥ ꠝꠣꠝꠟꠣꠔ ꠄꠁꠘꠞꠦ ꠉ꠆ꠞꠦꠚꠔꠣꠞ ꠖꠦꠈꠣꠁꠀ ꠝꠋꠉꠟꠛꠣꠞꠇꠥ ꠛꠤꠀꠟꠦ ꠡꠤꠞꠣꠎꠉꠂꠘ꠆ꠎ ꠖꠦꠞꠤ ꠌꠤꠚ ꠎꠥꠒꠤꠡꠤꠀꠟ ꠝꠣꠎꠤꠡ꠆ꠐ꠆ꠞꠦꠁꠐ ꠀꠖꠣꠟꠔ ꠚꠣꠐꠣꠘꠤ ꠅꠄ ⁕ ꠢꠣꠇꠤꠝ ꠛꠤꠟ꠆ꠟꠣꠟ ꠢꠥꠡꠦꠘꠦ ꠡꠣꠄꠖꠦꠃꠀ ꠎꠛꠣꠘꠛꠘ꠆ꠖꠤ ꠞꠦꠇꠞ꠆ꠒ ꠈꠞꠤꠀ ꠄꠘꠞꠦ ꠎꠦꠟꠅ ꠚꠣꠐꠣꠁꠘ ⁕ ꠉ꠆ꠞꠦꠚꠔꠣꠞꠞ ꠛꠣꠖꠦ ꠄꠘ ꠉꠦꠍ ꠔꠘꠦ ꠍꠦꠜꠦꠘ ꠙꠄꠘ꠆ꠐ ꠚꠣꠁꠜ ꠍꠤꠇ꠆ꠍ ꠛꠞꠞ ꠖꠥꠁꠐꠣ ꠛꠤꠖꠦꠡꠤ ꠚꠤꠍ꠆ꠔꠟ, 81 ꠐꠥꠝꠣ ꠉꠥꠟ꠆ꠟꠤ, ꠍꠣꠁꠞꠉꠥ ꠝꠦꠉꠣꠎꠤꠘ ꠀꠞ 1Γ ꠈꠣꠘ ꠛꠤꠖꠦꠡꠤ ꠍꠣꠇ꠆ꠇꠥ ꠎꠛ꠆ꠖ ꠈꠞꠣ ꠅꠄ ⁕ ꠔꠄ ꠞꠣꠄꠢꠣꠘ ꠡꠞꠤꠚꠦ ꠡꠣꠄꠖꠦꠃꠀ ꠎꠛꠣꠘꠛꠘ꠆ꠖꠤ ꠖꠦꠃꠀꠄ ꠀꠞ ꠞꠤꠝꠣꠘ꠆ꠒ ꠝꠘ꠆ꠎꠥꠞ ꠈꠞꠣ ꠅꠁꠍꠦ ꠘꠣ ⁕

Rate this post

About Abu Sayeed

ꠝꠥꠁ ꠀꠛꠥ ꠍꠣꠁꠖ, ꠡꠥꠞꠝꠣ ꠚꠣꠞꠞ ꠈꠛꠞ ꠅꠄꠛꠍꠣꠁꠐꠞ ꠍꠣꠚꠣꠃꠞꠣ⁕ ꠛꠣꠋꠟꠣ ꠀꠞ ꠁꠋꠟꠤꠡ ꠚꠔꠞꠤꠇꠣꠁꠘ꠆ꠔ ꠟꠦꠈꠣꠟꠦꠇꠤꠞ ꠅꠜꠤꠉ꠆ꠉꠔꠣ ꠔꠘꠦ ꠝꠞ ꠝꠣꠁꠅꠞꠝꠣꠔ ꠍꠤꠟꠐꠤꠔꠦꠅ ꠟꠦꠈꠣꠞ ꠔꠣꠉꠤꠖ ꠛꠥꠗ ꠈꠞꠤ⁕ ꠅꠘꠟꠣꠁꠘꠅ ꠍꠤꠟꠐꠤ ꠅꠈꠟꠞ ꠟꠣꠉꠤ ꠝꠣꠉꠘꠣ ꠢꠤꠇꠣꠞ ꠟꠣꠈ ꠏꠤꠘꠤꠡ ꠛꠤꠡꠦꠡ ꠈꠞꠤ ꠍꠤꠟꠐꠤꠘ꠆ꠔꠞ ꠁꠔꠤꠀꠡ, ꠞꠍꠝ, ꠈꠣꠘꠤꠛꠘꠤ, ꠡꠣꠁꠔ꠆ꠔ ꠡꠛꠞ ꠀꠔ ꠀꠔ ꠚꠃꠍꠣꠘꠤꠞ ꠈꠣꠝ ꠈꠞꠞꠣꠝ, ꠏꠣꠔꠦ ꠁꠔꠣ ꠈꠣꠟꠤ ꠉꠛꠦꠡꠇ ꠅꠈꠟꠞ ꠐꠣꠁꠘ ꠘꠣ ꠕꠣꠇꠤꠀ ꠢꠈꠟꠞ ꠀꠔꠅ ꠉꠤꠀ ꠔꠣꠘ ꠚꠣꠄ⁕ ꠁꠔꠣ ꠖꠦꠇꠤꠀ ꠀꠞꠅ ꠝꠣꠘꠥꠡꠣꠁꠘ ꠀꠉꠥꠀꠁꠀ ꠀꠁꠘ⁕ ꠟꠉꠦ ꠕꠣꠈꠣꠞ ꠀꠞ ꠚꠣꠄꠚꠞꠣꠝꠤꠡ ꠖꠤꠀ ꠡꠣꠖ ꠖꠤꠛꠣꠞ ꠟꠣꠉꠤ ꠡꠛꠞꠦ ꠡꠥꠇꠥꠞ⁕

Check Also

ꠡꠛꠞ ꠐꠣꠁꠘ ꠀꠝꠒꠣꠞ ꠁꠖꠞ ꠍꠣꠟꠣꠝ, ꠁꠖ ꠝꠥꠛꠣꠞꠇ

ꠍꠃꠖꠤ, ꠝꠤꠒꠤꠟꠤꠡ꠆ꠐ ꠡꠢ ꠚꠍ꠆ꠝꠞ ꠖꠦꠡꠣꠁꠘ꠆ꠔ ꠀꠁꠎ ꠁꠖ-ꠃꠟ-ꠚꠤꠔꠤꠞ ꠚꠣꠟꠘ ꠈꠞꠣ ꠅꠁꠞ ⁕ ꠡꠛꠞ ꠐꠣꠁꠘ ꠀꠝꠒꠣꠞ ꠁꠖꠞ …