Breaking News
Home / ꠖꠦꠡꠞ ꠈꠛꠞ / ꠞꠎꠣꠞ ꠉꠥꠄꠘ • ꠈꠣꠍ ꠄꠈ ꠍꠤꠟꠐꠤꠚꠣꠘꠣ

ꠞꠎꠣꠞ ꠉꠥꠄꠘ • ꠈꠣꠍ ꠄꠈ ꠍꠤꠟꠐꠤꠚꠣꠘꠣ

ꠞꠎꠣꠞ ꠉꠥꠄꠘ ©ꠘꠤꠏ ꠚꠦꠍꠛꠥꠇ ꠙꠦꠁꠎ ꠔꠘꠦ

ꠘꠣꠝꠤꠀꠟꠣ ꠛꠤꠐꠤꠡ ꠚꠐꠥꠡꠣꠋꠛꠣꠖꠤꠇ • ꠈꠣꠍꠖꠤꠟꠦ ꠄꠈ ꠛꠣꠋꠟꠣꠖꠦꠡꠤ ꠚꠦꠝꠤ ꠀꠞ ꠍꠤꠟꠐꠤꠚꠣꠘꠣ • ꠞꠎꠣꠞ ꠉꠥꠄꠘ [Roger Gwynn] ꠎꠦꠘꠞ ꠔꠥꠟꠣ ꠍꠛꠤꠘꠔꠦꠖꠤ ꠡꠣꠝꠣꠎꠤꠇ ꠝꠣꠁꠖ꠆ꠖꠝꠅ ꠛꠣꠋꠟꠣꠖꠦꠡꠞ ꠡꠋꠉ꠆ꠞꠣꠝꠞ ꠀꠉꠞ ꠀꠞ ꠛꠣꠖꠞ ꠁꠔꠤꠀꠡ ꠚꠥꠐꠤꠀ ꠞꠂꠍꠦ ⁕ ꠔꠣꠘꠞ ꠔꠥꠟꠣ ꠍꠛꠤꠘꠔꠅ ꠡꠣꠝꠣꠎꠤꠇ ꠝꠣꠁꠖ꠆ꠖꠝꠞ ꠍꠣꠁꠞꠛꠣꠄ ꠍꠞꠣꠁꠟ ꠍꠤꠔꠞꠣꠁꠟ ⁕ ꠔꠣꠘ ꠚꠥꠞꠣ ꠘꠣꠝ ꠄꠒꠥꠀꠞ꠆ꠒ ꠞꠎꠣꠞ ꠉꠥꠄꠘ ⁕ ꠛꠤꠟꠣꠔꠅ ꠛꠣꠋꠟꠣꠖꠦꠡꠞ ꠝꠥꠇꠔꠤ ꠡꠋꠉ꠆ꠞꠣꠝꠅ ꠃꠚꠞꠤꠀ ꠚꠞꠣ ꠄꠈ ꠜꠤꠘꠖꠦꠡꠤ ꠝꠥꠇꠔꠤꠎꠥꠖꠖꠣ ⁕ ꠔꠣꠁꠘ ꠛꠣꠋꠟꠣꠖꠦꠡꠤꠘ꠆ꠔꠞ ꠐꠣꠁꠘ ꠞꠎꠣꠞ ꠝꠣꠡꠐꠞ ꠘꠣꠝꠦ ꠛꠦꠡꠤ ꠚꠞꠤꠍꠤꠔ ⁕ ꠛꠤꠟꠔꠞ ꠛꠣꠞꠝꠤꠋꠢꠣꠝꠞ ꠄꠟꠣꠇꠣꠔ ꠔꠣꠘꠞ ꠛꠣꠠꠤ ⁕ ꠎꠣꠘꠦ ꠚꠞꠣꠘꠦ ꠛꠣꠋꠟꠣꠖꠦꠡꠤ ꠀꠡꠤꠇ ꠞꠎꠣꠞ ꠉꠥꠄꠘ ꠅꠁꠟꠣ ꠄꠈꠎꠘ ꠛꠤꠐꠤꠡ ꠝꠣꠘꠛꠔꠣꠛꠣꠖꠤ ꠀꠞ ꠡꠝꠣꠎꠈꠞꠝꠤ ⁕

ꠞꠏꠣꠞ ꠉꠥꠄꠘ ©ꠃꠁꠇꠤꠝꠤꠒꠤꠀ ꠇꠝꠘ꠆ꠍ ꠔꠘꠦ

19db ꠚꠤꠞꠣꠔ ꠄꠉꠥ ꠖꠣꠘꠡꠤꠟ ꠚꠔꠤꠡꠐꠣꠘꠞ ꠈꠞꠝꠤ ꠅꠁꠀ ꠔꠣꠁꠘ ꠡꠛꠚꠄꠟꠣ ꠛꠣꠋꠟꠣꠖꠦꠡ ꠀꠁꠍꠟꠣ ⁕ ꠢꠃ ꠔꠘꠦ ꠘꠥ ꠛꠣꠋꠟꠣꠖꠦꠡꠞ ꠃꠚꠞꠦ ꠔꠣꠘ ꠝꠢꠛꠛꠔ ꠡꠥꠞꠥ ⁕ ꠘꠤꠎꠦ ꠔ ꠈꠣꠟꠤ ꠛꠣꠋꠟꠣ ꠢꠤꠇꠍꠂꠘ ꠁꠟꠣꠘ ꠘꠣꠄ ⁕ ꠛꠤꠟꠣꠔ ꠉꠤꠀ ꠛꠣꠋꠟꠣ ꠢꠤꠇꠣꠘꠤꠞ ꠈꠣꠝꠅ ꠡꠥꠞꠥ ꠈꠞꠤ ꠖꠦꠁꠘ ⁕ ꠛꠤꠟꠣꠔ ꠛꠣꠋꠟꠣꠖꠦꠡꠞ ꠀꠎꠣꠖꠤꠞ ꠟꠣꠉꠤ ꠝꠥꠇꠔꠤ ꠝꠣꠋꠉꠣ ꠛꠣꠋꠟꠣꠖꠦꠡꠤꠘ꠆ꠔꠞ ꠟꠉꠦ ꠈꠣꠘ꠆ꠖꠅ ꠈꠣꠘ꠆ꠖ ꠝꠤꠟꠣꠁꠀ ꠔꠣꠁꠘ ꠅ ꠝꠣꠐ ꠟꠣꠝꠍꠤꠟꠣ ⁕
19V1 ꠚꠤꠞꠣꠔ ꠛꠤꠟꠣꠔꠞ ꠛꠣꠞꠝꠤꠋꠢꠣꠝ ꠄꠇꠡꠘ ꠇꠝꠤꠐꠤꠞ ꠖꠚꠔꠞ ꠡꠝ꠆ꠙꠣꠖꠇ ꠀꠍꠟꠣ ꠞꠎꠣꠞ ꠉꠥꠄꠘ ⁕

ꠔꠣꠘ ꠇꠦꠝꠦꠞꠣꠔ ꠛꠘꠖꠤ ꠅꠁꠍꠦ ꠛꠤꠟꠣꠔꠞ ꠞꠣꠎꠚꠕ ꠛꠦꠔꠣꠟꠣ ꠀꠘꠖꠥꠟꠘꠞ ꠎꠦꠎꠣꠔ ꠍꠛꠤꠘ ⁕ ꠝꠤꠍꠤꠟꠞ ꠚꠦꠍꠐꠥꠘ, ꠡꠋꠉꠐꠘꠞ ꠟꠉꠅ, ꠙ꠆ꠞꠦꠍ ꠞꠤꠟꠤꠎ ꠔꠣꠁꠀꠞꠤ, ꠔꠢꠛꠤꠟ ꠉꠠꠣ; ꠇꠥꠘ ꠎꠤꠘꠤꠡꠐꠣ ꠘꠣ ꠈꠞꠍꠂꠘ ꠈꠃꠇꠣ ꠍꠣꠁꠘ ⁕

ꠞꠎꠣꠞ 19V1 ꠚꠤꠞꠣꠞ ꠅꠇꠐꠥꠛꠞꠅ ꠟꠘꠒꠘꠞ ꠉ꠆ꠞꠣꠘꠣꠒꠣ ꠐꠦꠟꠤꠜꠤꠡꠘꠞ ꠟꠉꠉꠤ ꠅꠁꠀ ꠡꠔꠔꠂꠞꠞ ꠚꠣꠘꠤꠞ ꠛꠣꠖꠦ ꠈꠣꠘꠤꠛꠘꠤꠞ ꠘꠤꠖꠣꠘꠞ ꠟꠁꠀ ꠔꠁꠔꠂꠔꠍꠛꠤ ꠛꠣꠘꠣꠘꠤꠞ ꠖꠣꠄ ꠎꠥꠖ꠆ꠖꠍꠟꠔꠤ ꠛꠣꠋꠟꠣꠖꠦꠡ ꠢꠣꠝꠣꠁꠍꠟꠣ ⁕ ꠢꠤ ꠡꠝꠄ ꠔꠣꠘ ꠈꠣꠝ ꠀꠍ꠆ꠟ ꠔꠞꠎꠝꠣꠖꠣꠞ ꠢꠤꠡꠣꠛꠦ ⁕ ꠛꠂꠘꠘꠣꠞ ꠚꠞꠞ ꠈꠄꠈꠔꠤꠞ ꠍꠛꠤꠍꠣꠛꠤ ꠔꠁꠀ ꠞꠎꠣꠞ ꠔꠣꠘꠞ ꠚꠥꠞꠣ ꠉꠥꠞ’ꠞꠦ ꠛꠥꠎꠣꠁꠀ ꠛꠣꠎꠣꠁꠀ ꠔꠥꠟꠤꠀ ꠀꠘ꠆ꠌꠤꠟꠣ ꠈꠣꠔꠟꠞ ꠒꠞꠣꠟꠥꠇꠤ ꠍꠛꠤꠘ ⁕ ꠖꠤ ꠁꠀꠞ ꠅꠛ ꠇꠤꠟꠤꠋ [The Year of Killing] ꠘꠣꠝꠖꠤ ꠔꠁꠔꠂꠔꠍꠛꠤꠉꠥ ꠢꠃ ꠚꠤꠞꠣꠃ ꠖꠦꠈꠣꠘꠤ ꠅꠄ ꠉ꠆ꠞꠣꠘꠣꠒꠣ ꠐꠦꠟꠤꠜꠤꠡꠘꠅ ⁕

ꠞꠎꠣꠞ ꠝꠣꠡ꠆ꠐꠞꠦ ꠍꠤꠟꠐꠤ ꠝꠣꠔ ꠢꠤꠇꠣꠔ ꠉꠤꠀ ꠘꠤꠎꠦꠃ ꠍꠤꠟꠐꠤ ꠝꠣꠔꠞ ꠄꠈꠣꠘ ꠡꠛ꠆ꠖꠞꠥꠉꠣꠞ ꠟꠦꠇꠤꠟꠣꠁꠘ ⁕ ꠀꠝꠣꠎꠘꠞ ꠅꠄꠛꠍꠣꠁꠐꠅ ꠎꠦꠈꠐꠣ ꠇꠤꠘꠔꠦ ꠝꠤꠟꠦ ⁕ ꠛꠃꠔꠦ ꠎꠣꠘꠂꠘ ꠎꠦ ꠍꠤꠟꠐ ꠀꠞ ꠛꠤꠟꠣꠔ ꠚꠛꠣꠡꠤ ꠍꠤꠟꠐꠤꠘ꠆ꠔꠞ ꠟꠉꠦ ꠔꠣꠘ ꠄꠈ ꠀꠍꠣꠘꠈ ꠝꠣꠄꠀꠞ ꠡꠝ꠆ꠙꠞ꠆ꠇ ꠞꠂꠍꠦ ⁕ ꠞꠎꠣꠞ ꠡꠣꠛꠞ ꠝꠥꠇ ꠔꠘꠦꠅ ꠢꠥꠘꠣ ꠉꠦꠟ ꠡꠔꠔꠂꠞ ꠖꠡꠇꠞ ꠢꠃ ꠡꠝꠄꠇꠥꠞ ꠍꠤꠟꠐꠞ ꠉꠚ ⁕ ꠔꠣꠁꠘ ꠈꠁꠘ, ”ꠍꠤꠟꠐ ꠟꠁꠀ ꠝꠣꠔꠔꠦ ꠉꠦꠟꠦ ꠔ ꠎꠣꠃꠀ ꠟꠣꠉꠛ ꠛꠃꠔ ꠈꠞꠦꠖꠤ ꠛꠣ ⁕ ꠝꠥꠁ ꠘꠣ ꠘꠤ 19d9 ꠚꠤꠞꠣꠔ ꠛꠣꠞꠝꠤꠋꠢꠣꠝꠞ ꠄꠈꠣꠘ ꠛꠣꠠꠤꠔ ꠟꠎꠤꠋ ꠢꠤꠡꠣꠛꠦ ꠞꠁꠔꠣꠝ ⁕ ꠅꠃ ꠛꠣꠠꠤꠞ ꠝꠣꠟꠤꠇ ꠀꠍꠟꠣ ꠍꠤꠟꠐꠞ ꠛꠤꠀꠘꠤꠛꠣꠎꠣꠞ ꠃꠚꠎꠤꠟꠣꠞ ꠀꠞꠡꠣꠖ ꠀꠟꠤ ꠍꠣꠛ ⁕ ꠘꠤꠎꠔꠘꠦ ꠄꠈ ꠀꠗꠎꠞꠣ ꠛꠣꠋꠟꠣ ꠈꠁꠔꠣꠝ ꠚꠣꠞꠔꠣꠝ ꠉꠔꠤꠇꠦ ꠝꠞ ꠛꠃꠔꠞ ꠟꠉꠦ ꠛꠣꠁꠀꠚꠤ ꠛꠘꠤꠎꠣꠄ ⁕ 19V1 ꠚꠤꠞꠣꠔ ꠛꠣꠞꠝꠤꠋꠢꠣꠝ ꠄꠇꠡꠘ ꠇꠝꠤꠐꠤꠞ ꠘꠣꠘꠣꠘ ꠇꠤꠍꠤꠝꠞ ꠈꠣꠝꠅ ꠘꠤꠎꠞꠦ ꠟꠣꠉꠣꠁꠀ ꠞꠣꠈꠣꠞ ꠎꠠꠤꠀꠄ ꠚꠣꠄꠚꠞꠤꠍꠤꠔꠤ ꠎꠦꠟꠣꠘ ꠀꠞꠅ ꠛꠟꠤ ꠎꠣꠄ, ꠅꠟꠣꠘ ꠖꠥꠍꠔꠤꠅ ꠛꠘꠤ ꠎꠣꠄ ⁕ ꠔꠣꠘꠔꠣꠘꠞ ꠙ꠆ꠞꠣꠄ ꠢꠇ꠆ꠇꠟꠥ ꠀꠍꠟꠣ ꠍꠤꠟꠐ ꠔꠘꠦ ꠀꠃꠀ ꠛꠤꠟꠣꠔꠅ ꠚꠛꠣꠡꠤ ꠛꠣꠋꠉꠣꠟꠤ ⁕”

19V1-ꠅ ꠖꠦꠡ ꠡꠣꠗꠤꠘ ꠅꠁꠟ ⁕ ꠛꠣꠖꠞ ꠚꠤꠞꠣ 19VΓ ꠅꠞ ꠢꠦꠡꠝꠥꠇꠣꠄ ꠄꠉꠥ ꠛꠃꠔꠞꠣꠡꠐꠤꠅ ꠖꠣꠘꠈꠞꠞꠣ ꠚꠔꠤꠡꠐꠣꠘꠞ ꠟꠉꠦ ꠛꠤꠔꠥꠛꠤꠔꠥꠞ ꠝꠔꠟꠛꠦ ꠚꠁꠟ ꠔꠣꠁꠘ ꠍꠤꠟꠐ ꠀꠁꠘ ⁕ ꠞꠎꠣꠞꠦ ꠎꠣꠘꠣꠁꠘ, ‘ꠝꠣꠍꠥꠀ ꠉꠥꠞꠞ ꠊꠞꠛꠣꠠꠤꠘ, ꠎꠤꠛꠘꠝꠣꠘ ꠀꠉꠥꠀꠘꠤꠞ ꠈꠣꠝꠦ ꠉꠦꠍꠟꠣꠝ ꠘꠛꠤꠉꠂꠘ꠆ꠎ। ꠍꠤꠟꠐ ꠡꠖꠞ, ꠘꠛꠤꠉꠂꠘ꠆ꠎ, ꠛꠤꠡꠘꠣꠕ, ꠏꠉꠘꠘꠣꠕꠚꠥꠞ, ꠉꠥꠟꠣꠚꠉꠂꠘ꠆ꠎ ꠡꠁꠔꠦ ꠞꠣꠏꠏꠤꠞ ꠎꠣꠉꠣꠁꠘ꠆ꠔ ꠉꠦꠍꠟꠣꠝ ⁕ ꠛꠤꠟꠣꠔ ꠚꠛꠣꠡꠤ ꠍꠤꠟꠐꠤ ꠖꠥꠍ꠆ꠔ ꠅꠈꠟꠞ ꠛꠣꠠꠤꠘ꠆ꠔ ꠞꠁꠍꠤ ⁕ ꠈꠔ ꠎꠣꠉꠣꠁꠘꠔꠞ ꠍꠛꠤꠘ ꠔꠥꠟ꠆ꠌꠤ ⁕ ꠖꠥꠁꠟꠝ꠆ꠛꠞ ꠛꠣꠞꠇꠥ ꠍꠤꠟꠐ ꠎꠣꠃꠀ ꠅꠄ 19V8 ꠚꠤꠞꠣꠔ ⁕ ꠢꠤ ꠚꠤꠞꠔꠤ ꠎꠦꠎꠣꠔ ꠍꠛꠤꠘ ꠔꠥꠟꠣ ꠅꠁꠍꠦ, ꠇꠥꠐꠥꠝꠤꠔꠔꠣꠅ ꠅꠁꠍꠦ ꠀꠝꠖꠣ ⁕ ꠙꠦꠞꠣꠄ ꠚꠂꠘ꠆ꠌꠣꠡ ꠛꠞꠍꠞ ꠈꠣꠘꠖꠣꠞ ꠍꠤꠔꠤ ⁕ ꠁꠔꠣ ꠍꠛꠤꠘ ꠖꠦꠈꠟꠦ ꠘꠥ ꠄꠛꠔꠞꠤ ꠖꠥꠘ ꠗꠞꠤ ⁕ ꠢꠃ ꠇꠤꠘ ꠛ꠆ꠞꠤꠏ, ꠀꠟꠤ ꠀꠝꠏꠣꠖꠞ ꠊꠠꠤ ⁕ ꠢꠤ ꠍꠤꠟꠐ ꠔ ꠀꠞ ꠔꠥꠇꠣꠁꠀꠅ ꠝꠤꠟꠔ ꠘꠣꠄ ⁕ ꠍꠤꠟꠐꠞ ꠛꠣꠄ ꠝꠞ ꠝꠢꠛ꠆ꠛꠔ, ꠐꠣꠘ ꠅꠈꠘꠤꠝꠣ ꠅꠐꠥꠐ ⁕’
ꠡꠔ꠆ꠔꠂꠞꠞ ꠖꠡꠇꠅ ꠞꠎꠣꠞꠞ ꠇꠦꠝꠦꠞꠣꠔ ꠔꠥꠟꠣ ꠍꠤꠟꠐꠞ ꠢꠃ ꠍꠛꠤ ꠉꠦꠍꠣꠁꠘ ꠁꠔꠤꠀꠡꠞ ꠖꠟꠤꠟ ꠅꠁꠀ ꠞꠁꠛ ⁕ ꠀꠞ ꠔꠣꠘꠞ ꠟꠦꠈꠣ ” ꠚꠠꠤꠀ ꠡꠣꠝꠘꠞ ꠍꠣꠃꠍꠤꠠꠤꠄ ꠔꠣꠘꠞꠦ ꠛꠣꠞꠦꠛꠣꠞ ꠁꠏꠏꠔ ꠖꠤꠀ ꠁꠀꠖ ꠈꠞꠛ ⁕

 

5/5 - (4 votes)

About Abu Sayeed

ꠝꠥꠁ ꠀꠛꠥ ꠍꠣꠁꠖ, ꠡꠥꠞꠝꠣ ꠚꠣꠞꠞ ꠈꠛꠞ ꠅꠄꠛꠍꠣꠁꠐꠞ ꠍꠣꠚꠣꠃꠞꠣ⁕ ꠛꠣꠋꠟꠣ ꠀꠞ ꠁꠋꠟꠤꠡ ꠚꠔꠞꠤꠇꠣꠁꠘ꠆ꠔ ꠟꠦꠈꠣꠟꠦꠇꠤꠞ ꠅꠜꠤꠉ꠆ꠉꠔꠣ ꠔꠘꠦ ꠝꠞ ꠝꠣꠁꠅꠞꠝꠣꠔ ꠍꠤꠟꠐꠤꠔꠦꠅ ꠟꠦꠈꠣꠞ ꠔꠣꠉꠤꠖ ꠛꠥꠗ ꠈꠞꠤ⁕ ꠅꠘꠟꠣꠁꠘꠅ ꠍꠤꠟꠐꠤ ꠅꠈꠟꠞ ꠟꠣꠉꠤ ꠝꠣꠉꠘꠣ ꠢꠤꠇꠣꠞ ꠟꠣꠈ ꠏꠤꠘꠤꠡ ꠛꠤꠡꠦꠡ ꠈꠞꠤ ꠍꠤꠟꠐꠤꠘ꠆ꠔꠞ ꠁꠔꠤꠀꠡ, ꠞꠍꠝ, ꠈꠣꠘꠤꠛꠘꠤ, ꠡꠣꠁꠔ꠆ꠔ ꠡꠛꠞ ꠀꠔ ꠀꠔ ꠚꠃꠍꠣꠘꠤꠞ ꠈꠣꠝ ꠈꠞꠞꠣꠝ, ꠏꠣꠔꠦ ꠁꠔꠣ ꠈꠣꠟꠤ ꠉꠛꠦꠡꠇ ꠅꠈꠟꠞ ꠐꠣꠁꠘ ꠘꠣ ꠕꠣꠇꠤꠀ ꠢꠈꠟꠞ ꠀꠔꠅ ꠉꠤꠀ ꠔꠣꠘ ꠚꠣꠄ⁕ ꠁꠔꠣ ꠖꠦꠇꠤꠀ ꠀꠞꠅ ꠝꠣꠘꠥꠡꠣꠁꠘ ꠀꠉꠥꠀꠁꠀ ꠀꠁꠘ⁕ ꠟꠉꠦ ꠕꠣꠈꠣꠞ ꠀꠞ ꠚꠣꠄꠚꠞꠣꠝꠤꠡ ꠖꠤꠀ ꠡꠣꠖ ꠖꠤꠛꠣꠞ ꠟꠣꠉꠤ ꠡꠛꠞꠦ ꠡꠥꠇꠥꠞ⁕

Check Also

ꠄꠈꠖꠤꠘꠞ ꠝꠦꠊꠦ ꠢꠛꠤꠉꠂꠘ꠆ꠎ ꠚꠣꠘꠤ ꠟꠣꠉꠤꠉꠦꠍ

ꠢꠛꠤꠉꠂꠘ꠆ꠎ ꠡꠁꠔꠦ ꠁ ꠈꠈꠖꠤꠘ ꠔꠘꠦ ꠍꠤꠟꠐꠞ ꠘꠣꠘꠣꠘ ꠄꠟꠣꠇꠣꠔ ꠈꠦꠍꠣ ꠝꠦꠊ ꠀꠞ ꠏꠞꠤ ꠖꠤꠞ ⁕ ꠔꠄ …