Home / ꠖꠦꠡꠞ ꠈꠛꠞ / ১০ꠀꠎꠣꠞ ꠇꠥꠐꠤ ꠐꠦꠈꠣ ꠔꠣꠚꠣꠁ ꠈꠞꠟ ꠙꠤꠇꠦ ꠢꠣꠟꠖꠣꠞꠦ

১০ꠀꠎꠣꠞ ꠇꠥꠐꠤ ꠐꠦꠈꠣ ꠔꠣꠚꠣꠁ ꠈꠞꠟ ꠙꠤꠇꠦ ꠢꠣꠟꠖꠣꠞꠦ

ꠍꠣꠁꠞꠐꠣ ꠘꠘ-ꠛꠦꠋꠇꠤꠋ ꠀꠞ꠆ꠕꠤꠇ ꠚꠔꠤꠡ꠆ꠑꠣꠘ (ꠄꠘꠛꠤꠄꠚꠀꠁ) ꠔꠘꠦ ꠙ꠆ꠞꠡꠣꠘ꠆ꠔ ꠇꠥꠝꠣꠞ ꠢꠣꠟꠖꠣꠞ ꠅꠞꠚꠦ ꠙꠤꠇꠦ ꠢꠣꠟꠖꠣꠞ ꠀꠞ ꠔꠣꠘ ꠡꠣꠋꠉ ꠚꠣꠋꠉꠂꠘ꠆ꠔꠞ ꠔꠣꠚꠣꠁ ꠈꠞꠣ ꠐꠦꠈꠣꠞ ꠢꠤꠡꠣꠛ ꠢꠈꠟꠞꠦ ꠔꠣꠎ꠆ꠎꠛ ꠛꠘꠣꠁꠟꠍꠦ⁕

 

ꠁꠖꠣꠘꠤꠋꠇꠥꠞ ꠍꠡꠣꠟ ꠝꠤꠒꠤꠀꠔ ꠛꠣꠞꠘꠤ ꠈꠛꠞ ꠀꠘꠝꠣꠘ ꠔꠣꠘ ꠔꠣꠚꠣꠁ ꠈꠞꠣ ꠐꠦꠈꠣꠞ ꠢꠤꠡꠣꠛ ꠀꠠꠣꠁ ꠀꠎꠣꠞ ꠇꠥꠐꠤ ꠛꠣ ꠡꠣꠠꠦ ꠔꠤꠘ ꠀꠎꠣꠞ ꠇꠥꠐꠤ⁕ ꠇꠤꠘ꠆ꠔꠥꠇ, ꠔꠣꠘ ꠢꠣꠍꠣꠞꠇꠥꠞ ꠔꠣꠚꠣꠁ ꠈꠞꠣ ꠐꠦꠈꠣꠞ ꠢꠤꠡꠣꠛ ꠀꠞꠅ ꠛꠃꠔ ꠛꠦꠡꠤ⁕

 

ꠔꠖꠘ꠆ꠔ ꠇꠞ꠆ꠝꠇꠞ꠆ꠔꠣꠁꠘ꠆ꠔꠦ ꠈꠁꠍꠂꠘ, ꠅꠃ ꠚꠞ꠆ꠎꠘ꠆ꠔ ꠔꠣꠞꠣ ꠎꠣꠘꠔꠣ ꠚꠣꠞꠍꠂꠘ ꠙꠤꠇꠦ ꠢꠣꠟꠖꠣꠞ ꠅꠘ꠆ꠔꠔ ১০ ꠀꠎꠣꠞ ২০০ ꠇꠥꠐꠤ ꠐꠦꠈꠣ ꠔꠣꠚꠣꠁ ꠈꠞꠍꠂꠘ⁕

 

ꠁ ꠐꠦꠈꠣ ꠖꠤ ꠞꠣꠎꠗꠣꠘꠤꠞ ꠝꠃꠍꠣꠈ-ꠝꠉꠛꠣꠎꠣꠞ ꠚ꠆ꠟꠣꠁꠅꠜꠣꠞꠞ ꠟꠣꠈꠣꠘ ꠅꠘ꠆ꠔꠔ ꠡꠣꠔꠐꠣ ꠁꠍ꠆ꠕꠣꠚꠘꠣ ꠔꠂꠀꠞ ꠈꠞꠣ ꠎꠣꠁꠔ⁕

 

ꠔꠖꠘ꠆ꠔ ꠇꠞ꠆ꠝꠇꠞ꠆ꠔꠣ ꠅꠈꠟꠦ ꠈꠁꠘ, ꠙꠤꠇꠦ ꠢꠣꠟꠖꠣꠞ ꠅ ꠔꠣꠘ ꠡꠣꠖ ꠖꠦꠅꠞꠣꠁꠘ꠆ꠔꠞ ꠝꠣꠟꠤꠇꠣꠘꠣꠗꠤꠘ ৩০ꠐꠣ ꠚꠔꠤꠡ꠆ꠑꠣꠘ ꠛꠦꠛꠀꠞ ꠈꠞꠤ ꠄꠘꠛꠤꠄꠚꠀꠁ’ꠞ ꠉꠦꠍ ꠔꠘꠦ ১০ ꠀꠎꠣꠞ ২০০ ꠇꠥꠐꠤ ꠐꠦꠈꠣ ꠈꠞꠎ ꠘꠤꠀ ꠔꠣꠚꠣꠁ ꠈꠞꠤ ꠁ ꠐꠦꠈꠣ ꠇꠣꠘꠣꠒꠣ, ꠡꠤꠋꠉꠣꠚꠥꠞ ꠀꠞ ꠜꠣꠞꠔ ꠚꠣꠍꠣꠞ ꠈꠞꠤꠟꠣꠄ⁕

 

ꠛꠣꠋꠟꠣꠖꠦꠡ ꠛꠦꠋꠇ ꠡꠥꠔ꠆ꠞꠦ ꠖꠣ ꠒꠦꠁꠟꠤ ꠁꠡ꠆ꠐꠣꠞꠞꠦ ꠁ ꠔꠁꠔ꠆ꠔ ꠘꠤꠌ꠆ꠌꠤꠔ ꠈꠞꠍꠦ⁕

 

 

ꠉꠦꠍꠦ ꠛꠌ꠆ꠌꠞ ꠖꠥꠞ꠆ꠘꠤꠔꠤ ꠖꠝꠘ ꠇꠝꠤꠡꠘ (ꠖꠥꠖꠇ) ꠅꠛꠂꠗ ꠇꠦꠍꠤꠘ ꠝꠣꠟꠤꠇ ꠅꠈꠟꠞ ꠡꠝ꠆ꠙꠔ꠆ꠔꠤꠞ ꠔꠖꠘ꠆ꠔ ꠡꠥꠞꠥ ꠈꠞꠟꠦ ꠙꠤꠇꠦ ꠢꠣꠟꠖꠣꠞꠞ ꠛꠤꠞꠥꠖ꠆ꠖꠦ ꠐꠦꠈꠣ ꠔꠣꠚꠣꠁ ꠈꠞꠣꠞ ꠘꠣꠟꠤꠡ ꠛꠣꠞꠄ⁕

 

ꠍꠟꠔꠤ ꠛꠌ꠆ꠌꠞ ৮ ꠎꠣꠘꠥꠀꠞꠤ ꠖꠥꠖꠇ ꠟꠥꠇꠣꠁꠟ ꠡꠥꠔ꠆ꠞ ꠔꠘꠦ ꠙ꠆ꠞꠣꠄ ২৭৪ ꠇꠥꠐꠤ ৯১ ꠟꠣꠈ ꠐꠦꠈꠣꠞ ꠡꠝ꠆ꠙꠔ꠆ꠔꠤ ꠛꠣꠘꠣꠘꠤꠞ ꠘꠣꠟꠤꠡꠦ ꠄꠘ ꠛꠤꠞꠥꠖ꠆ꠖꠦ ꠇꠦꠁꠍ ꠈꠞꠦ⁕

Rate this post

About Abu Sayeed

ꠝꠥꠁ ꠀꠛꠥ ꠍꠣꠁꠖ, ꠡꠥꠞꠝꠣ ꠚꠣꠞꠞ ꠈꠛꠞ ꠅꠄꠛꠍꠣꠁꠐꠞ ꠍꠣꠚꠣꠃꠞꠣ⁕ ꠛꠣꠋꠟꠣ ꠀꠞ ꠁꠋꠟꠤꠡ ꠚꠔꠞꠤꠇꠣꠁꠘ꠆ꠔ ꠟꠦꠈꠣꠟꠦꠇꠤꠞ ꠅꠜꠤꠉ꠆ꠉꠔꠣ ꠔꠘꠦ ꠝꠞ ꠝꠣꠁꠅꠞꠝꠣꠔ ꠍꠤꠟꠐꠤꠔꠦꠅ ꠟꠦꠈꠣꠞ ꠔꠣꠉꠤꠖ ꠛꠥꠗ ꠈꠞꠤ⁕ ꠅꠘꠟꠣꠁꠘꠅ ꠍꠤꠟꠐꠤ ꠅꠈꠟꠞ ꠟꠣꠉꠤ ꠝꠣꠉꠘꠣ ꠢꠤꠇꠣꠞ ꠟꠣꠈ ꠏꠤꠘꠤꠡ ꠛꠤꠡꠦꠡ ꠈꠞꠤ ꠍꠤꠟꠐꠤꠘ꠆ꠔꠞ ꠁꠔꠤꠀꠡ, ꠞꠍꠝ, ꠈꠣꠘꠤꠛꠘꠤ, ꠡꠣꠁꠔ꠆ꠔ ꠡꠛꠞ ꠀꠔ ꠀꠔ ꠚꠃꠍꠣꠘꠤꠞ ꠈꠣꠝ ꠈꠞꠞꠣꠝ, ꠏꠣꠔꠦ ꠁꠔꠣ ꠈꠣꠟꠤ ꠉꠛꠦꠡꠇ ꠅꠈꠟꠞ ꠐꠣꠁꠘ ꠘꠣ ꠕꠣꠇꠤꠀ ꠢꠈꠟꠞ ꠀꠔꠅ ꠉꠤꠀ ꠔꠣꠘ ꠚꠣꠄ⁕ ꠁꠔꠣ ꠖꠦꠇꠤꠀ ꠀꠞꠅ ꠝꠣꠘꠥꠡꠣꠁꠘ ꠀꠉꠥꠀꠁꠀ ꠀꠁꠘ⁕ ꠟꠉꠦ ꠕꠣꠈꠣꠞ ꠀꠞ ꠚꠣꠄꠚꠞꠣꠝꠤꠡ ꠖꠤꠀ ꠡꠣꠖ ꠖꠤꠛꠣꠞ ꠟꠣꠉꠤ ꠡꠛꠞꠦ ꠡꠥꠇꠥꠞ⁕

Check Also

ꠍꠤꠟꠐꠞ ꠞꠍꠝꠣꠟꠣ ꠀꠡꠣꠝ ꠇꠤꠍꠤꠝꠞ ꠛꠣꠠꠤ

ꠒꠦꠠꠤꠝꠣꠞꠣ ꠁꠔꠤꠀꠡ ꠀꠞ ꠞꠍꠝꠦ ꠜꠞꠣ ꠅꠘ꠆ꠌꠟ ꠍꠤꠟꠐꠞ ꠔꠣꠘ ꠚꠠꠍꠦ ꠛꠣꠋꠟꠣꠖꠦꠡꠞ ꠃꠔ꠆ꠞ-ꠚꠥꠛ ꠛꠣꠄ। ꠍꠤꠟꠐꠞ ꠐꠤꠇ ꠚꠥꠛ …