শুরমা ফারর খবর ছিলটি জবানে ছিলটর খবর
Related Articles
ꠍꠤꠟꠐꠤ ꠘꠣꠉꠞꠤ ꠛꠣ ꠘꠣꠉꠞꠤ ꠟꠤꠚꠤ ꠛꠣꠋꠟꠣꠖꠦꠡꠞ ꠍꠤꠟꠐ ꠅꠘ꠆ꠌꠟ ꠀꠞ ꠜꠣꠞꠔꠞ ꠀꠡꠣꠝ ꠞꠣꠁꠎ꠆ꠎꠞ ꠛꠞꠣꠇ ꠚꠣꠠꠅ ꠛꠦꠛꠀꠞ ꠅꠃꠀ ꠄꠉꠥ ꠟꠤꠙꠤ⁕ ꠍꠤꠟꠐꠞ ꠛꠣꠞꠦ ꠛꠣꠋꠟꠣꠖꠦꠡꠞ ꠝꠂꠝꠘꠡꠤꠋ, ꠘꠦꠔ꠆ꠞꠇꠧꠘꠣ, ꠇꠤꠡꠧꠞꠉꠘ꠆ꠎ ꠎꠦꠟꠣꠔ ꠁ ꠟꠤꠚꠤꠞ ꠍꠟꠘ ꠀꠍꠤꠟ ꠈꠞꠤ ꠎꠣꠘꠣ ꠎꠣꠄ⁕ ꠍꠤꠟꠐꠤ ꠘꠣꠉꠞꠤ ꠟꠤꠚꠤ ꠄꠈꠦꠞꠦ ꠡꠥꠎꠣ ꠄꠉꠥ ꠟꠤꠚꠤ⁕ ꠁꠇꠐꠣꠞ ꠅꠇ꠆ꠇꠞ ꠛꠣꠋꠟꠣ ꠔꠘꠦ ꠈꠝ⁕ ꠢꠈꠟꠐꠤꠞ ꠃꠌ꠆ꠌꠣꠞꠘ ꠅ ꠀꠟꠣꠖꠣ ꠀꠟꠣꠖꠣ; ꠁ ꠟꠤꠚꠤꠔ ꠇꠥꠘꠥ ꠎꠥꠇ꠆ꠔꠣꠇ꠆ꠇꠞ ꠅ ꠀꠍꠤꠟ ꠘꠣ⁕ ꠘꠣꠉꠞꠤ ꠟꠤꠚꠤꠔ ꠛꠞ꠆ꠘꠝꠣꠟꠣꠞ ꠡꠁꠋꠇꠣ ꠡꠣꠗꠣꠞꠘꠜꠣꠛꠦ ৩২ꠐꠣ, ” ꠋ ” (ꠅꠘꠥꠡ꠆ꠡꠣꠞ)-ꠞꠦ “০” ꠢꠤꠡꠣꠛꠦ ꠗꠞꠤꠀ ꠄꠞ ꠡꠁꠋꠇꠣ ৩৩ꠐꠣ⁕ ꠁꠔꠣꠞ ꠝꠣꠏꠦ ꠝꠥꠀꠔꠤꠢꠞꠚ ৫ꠐꠣ, ꠀꠝꠥꠀꠔꠤꠢꠞꠚ ২৭ꠐꠣ⁕
ꠝꠥꠀꠔꠤꠢꠞꠚ (ꠁꠋꠟꠤꠡ: Vowel) ꠅꠁꠟ ꠅꠎꠣꠔꠤ ꠢꠞꠚ ꠎꠦꠔꠣ ꠅꠁꠘ꠆ꠘ ꠢꠞꠚ ꠍꠣꠠꠣ ꠘꠤꠎ ꠔꠘꠦ ꠃꠌ꠆ꠌꠣꠞꠘ ꠈꠞꠣ ꠎꠣꠄ⁕ ꠍꠤꠟꠐꠤ ꠝꠣꠔꠅ ꠝꠥꠀꠔꠤꠢꠞꠚ ৫ꠉꠥ⁕ ꠎꠦꠟꠣꠘ- ꠀ, ꠁ, ꠃ, ꠄ, ꠅ⁕
ꠎꠦꠔꠣ ꠡꠛ꠆ꠖ ꠈꠁꠔꠦ ꠝꠥꠀ ꠚꠣꠟꠣꠘꠤꠔ ꠇꠥꠘꠥ ꠀꠐꠈꠣ ꠚꠠꠦꠘꠣ, ꠁꠔꠣꠞꠦ ꠝꠥꠀꠔꠤꠢꠞꠚ ꠈꠄ⁕ ꠝꠥꠀꠔꠤꠢꠞꠚ ꠃꠌ꠆ꠌꠣꠞꠘꠅ ꠅꠁꠘ꠆ꠘ ꠢꠞꠚꠞ ꠡꠣꠁꠎ꠆ꠎ ꠟꠣꠉꠦ ꠘꠣ, ꠃꠟꠐꠣ ꠁꠔꠣꠄ ꠅꠁꠘ꠆ꠘ ꠢꠞꠚꠞꠦ ꠡꠣꠁꠎ꠆ꠎ ꠈꠞꠦ⁕
ꠢꠞꠚ
| ꠢꠞꠚ | ꠇꠣꠞ | ꠛꠣꠋꠟꠣ ꠟꠤꠚꠤꠖꠤ | ꠞꠥꠝꠣꠘ ꠟꠤꠚꠤꠖꠤ | ꠀꠁꠙꠤꠄ |
|---|---|---|---|---|
| ꠀ | ꠣ | আ | a | /a/ |
| ꠁ | ꠤ | ই | i | /i/ |
| ꠃ | ꠥ | উ | u | /u/ |
| ꠄ | ꠦ | এ | e | /e/ |
| ꠅ | ꠧ | ও | o | /o/ |
| N/A | ꠂ | ঐ | ôi | /ɔi/ |
ꠀꠝꠥꠀꠔꠤꠢꠞꠚ (ꠁꠋꠟꠤꠡ: Consonant) ꠅꠁꠟ ꠅꠎꠣꠔꠤ ꠢꠞꠚ ꠎꠦꠔꠣ ꠅꠁꠘ꠆ꠘ ꠢꠞꠚꠞ ꠡꠣꠁꠎ꠆ꠎ ꠍꠣꠠꠣ ꠘꠤꠎ ꠔꠘꠦ ꠃꠌ꠆ꠌꠣꠞꠘ ꠈꠞꠣ ꠎꠣꠄ ꠘꠣ⁕ ꠍꠤꠟꠐꠤ ꠝꠣꠔꠅ ꠀꠝꠥꠀꠔꠤ ꠢꠞꠚ ২৭ꠉꠥ⁕
ꠎꠦꠔꠣ ꠡꠛ꠆ꠖ ꠈꠁꠔꠦ ꠝꠥꠀ ꠚꠣꠟꠣꠘꠤꠔ ꠀꠐꠈꠣ ꠚꠠꠦ, ꠁꠔꠣꠞꠦ ꠀꠝꠥꠀꠔꠤꠢꠞꠚ ꠈꠄ⁕ ꠀꠝꠥꠀꠔꠤ ꠢꠞꠚ ꠃꠌ꠆ꠌꠣꠞꠘꠅ ꠡꠞꠣꠡꠞꠤ ꠝꠥꠀꠔꠤꠢꠞꠚꠞ ꠡꠣꠁꠎ꠆ꠎ ꠟꠣꠉꠦ⁕ ꠝꠣꠘꠦ ꠝꠥꠀꠔꠤꠢꠞꠚꠞ ꠡꠣꠁꠎ꠆ꠎ ꠍꠣꠠꠣ ꠁꠔꠣ ꠃꠌ꠆ꠌꠣꠞꠘ ꠈꠞꠣ ꠎꠣꠄ ꠘꠣ⁕
| ꠢꠞꠚ | ꠛꠣꠋꠟꠣ ꠟꠤꠙꠤꠖꠤ | ꠞꠧꠝꠣꠘ ꠟꠤꠙꠤꠖꠤ | ꠀꠁꠙꠤꠄ |
|---|---|---|---|
| ꠇ | ক | kô | /xɔ/ |
| ꠈ | খ | khô | /xɔ/ |
| ꠉ | গ | gô | /gɔ/ |
| ꠊ | ঘ | ghô | /gɔ/ |
| ꠌ | চ | cô | /sɔ/ |
| ꠍ | স | chô | /sɔ/ |
| ꠎ | জ | jô | /zɔ/ |
| ꠏ | ঝ | jhô | /zɔ/ |
| ꠐ | ট | ṭô | /ʈɔ/ |
| ꠑ | ঠ | ṭhô | /ʈɔ/ |
| ꠒ | ড | ḍô | /ɖɔ/ |
| ꠓ | ঢ | ḍhô | /ɖɔ/ |
| ꠔ | ত | tô | /t̪ɔ/ |
| ꠕ | থ | thô | /t̪ɔ/ |
| ꠖ | দ | dô | /d̪ɔ/ |
| ꠗ | ধ | dhô | /d̪ɔ/ |
| ꠘ | ন | nô | /nɔ/ |
| ꠙ | প | pô | /ɸɔ/ |
| ꠚ | ফ | phô | /fɔ/ |
| ꠛ | ব | bô | /bɔ/ |
| ꠜ | ভ | bhô | /bɔ/ |
| ꠝ | ম | mô | /mɔ/ |
| ꠞ | র | rô | /ɾɔ/ |
| ꠟ | ল | lô | /lɔ/ |
| ꠠ | ড় | ṛô | /ɽɔ/ |
| ꠡ | শ | shô | /ʃɔ/ |
| ꠢ | হ | hô | /ɦɔ/ |
ꠗꠘꠤꠘꠤꠞ꠆ꠖꠦꠡꠇ ꠌꠤꠘ꠆ꠘ
| ꠌꠤꠘ꠆ꠘ | ꠞꠧꠝꠣꠘ ꠟꠤꠙꠤꠖꠤ | ꠀꠁꠙꠤꠄ |
|---|---|---|
| ꠆ | – | – |
| ꠋ | ngô | /ŋɔ/ |
| ꠨ | – | – |
| ꠩ | – | – |
| ꠪ | – | – |
| ꠫ | – | – |
ꠍꠤꠟꠐꠤ ꠘꠣꠉꠞꠤꠞ ꠞꠥꠝꠣꠘ ꠟꠤꠚꠤꠔ ꠃꠌ꠆ꠌꠣꠞꠘ-
ꠝꠥꠀꠔꠤꠢꠞꠚ: Aa, Ee, Uu, a/e, O
ꠀꠝꠥꠀꠔꠤꠢꠞꠚ:
ko, xo, go, dusra go,
Cho, so, jo/zo, dusra jo
To, dusra to, Do, dusra Do
tho, dusra tho, dho, dusra dho, no
Po, fo, bo, dusra bo, mo
Ro, lo, sho, ho, Ruh, (sandu bindu)
